Month: July 2023

ပြုံးယမ်း၊ ဇူလိုင်-၂၁-၂၀၂၃ မျိုးဆက်(VOM) တောင်ကိုရီးယားမှာ အမေရိကန်လေယာဉ်တင်သင်္ဘောတွေ ဗုံးကြဲလေယာဉ်တွေနဲ့ ရေငုပ်သင်္ဘောများ ဖြန့်ကြက်မှုတွေဟာ မြောက်ကိုရီးယားရဲ့ နျူကလီးယားလက်နက်တွေ ထုတ်သုံးလာနိုင်တဲ့ စံနှုန်းတွေနဲ့ ကိုက်ညီကြောင်း မြောက်ကိုရီးယားက ဇူလိုင် ၂၀ ရက်မှာ သတိပေးလိုက်ပါတယ်။ နျူကလီးယားလက်နက်တွေ တပ်ဆင်ထားတဲ့ အမေရိကန်ရေငုပ်သင်္ဘော ယူအက်စ်အက်စ်ကန်တပ်ကီဟာ နှစ်ပေါင်း ၄၀ ကျော်အတွင်း ပထမဆုံးအကြိမ်အဖြစ် ဇူလိုင် ၁၈ ရက်မှာ တောင်ကိုရီးယားကို ရောက်ရှိပြီးနောက် နျူကလီးယားလက်နက်အသုံးပြုနိုင်ခြေနဲ့ ပတ်သက်ပြီး မြောက်ကိုရီးယားက သတိပေးလိုက်တာဖြစ်ပါတယ်။ မြောက်ကိုရီးယားအပေါ် နျူကလီးယားတိုက်ခိုက်မှုအတွက် အမေရိကန်ရဲ့ လုပ်ဆောင်မှုအခြေအနေတွေဟာ အရေးကြီးအဆင့်ကို ရောက်ရှိနေကြောင်း မြောက်ကိုရီးယားကာကွယ်ရေး၀န်ကြီး ကန်ဆန်နမ်ကို ကိုးကားပြီး နိုင်ငံပိုင် ကေစီအင်န်အေသတင်းဌာနက ဖော်ပြထားပါတယ်။ ကိုရီးယားကျွန်းဆွယ်မှာ စစ်ရေးအရ ထိပ်တိုက်တွေ့ဆုံမှုအဆင့်ဟာ အန္တရာယ်ရှိတဲ့ အဆင့်သကို ရောက်ရှိနေကြောင်း မြောက်ကိုရီးယားကာကွယ်ရေး၀န်ကြီးက သတိပေးပြောဆိုပါတယ်။ ဒေသတွင်းမှာ အမေရိကန်ရဲ့ တပ်ဖြန့်မှုနဲ့ မဟာဗျူဟာမြောက်လက်နက်ပိုင်ဆိုင်မှုတွေဟာ မြောက်ကိုရီးယားရဲ့…

ဘန်ကောက်၊ ဇူလိုင်-၂၁-၂၀၂၃ မျိုးဆက်(VOM) ထိုင်းရွေးကောက်ပွဲမှာ အများဆုံးနိုင်ရရှိခဲ့တဲ့ ရှေ့သို့ပါတီဟာ ပါတီခေါင်ဆောင်ပီတာကို ၀န်ကြီးချုပ်တင်မြှောက်နိုင်ရေးအတွက် ပါလီမန်မှာ ထောက်ခံမှု အလုံအလောက်မရရှိခဲ့တာကြောင့် မဟာမိတ် ပွေထိုင်းပါတီကို ၀န်ကြီးချုပ်ခန့်အပ်နိုင်ရေးနဲ့ အစိုးရသစ်အတွက် ဦးဆောင်ခွင့်ပေးမှာဖြစ်ကြောင်း ပါတီထိပ်တန်းတာ၀န်ရှိသူတဦးက ဇူလိုင် ၂၁ ရက်မှာ အတည်ပြုပြောဆိုလိုက်ပါတယ်။ လာမယ့် ၂၇ ရက်မှာ ပြုလုပ်မယ့် ၀န်ကြီးချုပ်သစ်ခန့်အပ်ရေး ပါလီမန်မဲခွဲမှုမှာ ပွေထိုင်းပါတီက တင်သွင်းတဲ့ ဘယ်ကိုယ်စားလှယ်လောင်းကိုမဆို ၀န်ကြီးချုပ်အဖြစ် ထောက်ခံမဲပေးသွားမယ်လို့ ရှေ့သို့ပါတီအတွင်းရေးမှူး ချိုင်သာ၀ပ်တူလာသွန်က ပြောပါတယ်။ ရှစ်ပါတီမဟာမိတ်အဖွဲ့ဟာ ရှေ့သို့ပါတီခေါင်းဆောင် အသက် ၄၂ နှစ်အရွယ် ပီတာကို ၀န်ကြီးချုပ်လောင်းအဖြစ် ထောက်ခံခဲ့ပေမယ့်လည်း ပါလီမန်မဲခွဲဆုံးဖြတ်မှု နှစ်ကြိမ်စလုံး ရှုံးနိမ့်ခဲ့ပါတယ်။ ရှေ့သို့ပါတီနဲ့ ပွေထိုင်းပါတီတို့ဟာ အမတ် ၅၀၀ ရှိတဲ့ အောက်လွှတ်မှာ နေရာအများစုအနိုင်ရရှိထားပေမယ့် ၀န်ကြီးချုပ်သစ်ခန့်အပ်နိုင်ရေးမှာ စစ်တပ်ကျောထောက်နောက်ခံပြုထားတဲ့ အထက်လွှတ်တော်အမတ်တွေရဲ့ ထောက်ခံမှုလိုအပ်နေပါတယ်။ ရှေ့သို့ပါတီဟာ မေလအတွင်းကျင်းပတဲ့ ရွေးကောက်ပွဲမှာ…

ရောမ၊ ဇူလိုင်-၂၀-၂၀၂၃ မျိုးဆက်(VOM) ဥရောပမှာဖြစ်ပွားနေတဲ့ ပြင်းထန်တဲ့ အပူလှိုင်းကြောင့် အီတလီနိုင်ငံရှိ အဓိကမြို့ကြီးအားလုံးမှာ အနီရောင်အဆင့် သတိပေးချက်ထုတ်ပြန်ထားကြောင်း တာ၀န်ရှိသူတွေကပြောပါတယ်။ နိုင်ငံအရှေ့မြောက်ပိုင်း ထရီရက်စ်ကနေ အနောက်တောင်ဘက်ရှိမက်ဆီနာထိ မြို့ပေါင်း ၂၃ မြို့မှာ အပူချိန်သတိပေးချက် ထုတ်ပြန်ထားပြီး အပူဒဏ်ကြောင့် ထိခိုက်လွယ်သူတွေသာမက လူတိုင်းအပေါ် သက်ရောက်နိုင်ကြောင်း တာ၀န်ရှိသူတွေက သတိပေးထားပါတယ်။ အီတလီနိုင်ငံ ဆာဒီနီးယားနဲ့ စစ္စလီကျွန်းစုတွေရဲ့အစိတ်အပိုင်းတွေဟာ အပူချိန် ၄၆ ဒီဂရီစင်တီဂရိတ် သို့မဟုတ် ၄၇ ဒီဂရီစင်တီဂရိတ်ထိ ပူပြင်းနိုင်ကြောင်း မိုးလေ၀သကျွမ်းကျင်သူတွေက ပြောပါတယ်။ အပူကြောင့်ဖြစ်တဲ့ ရောဂါလက္ခဏာခံစားရတဲ့လူနာတွေကို ကုသဖို့ သီးခြားဆေးဘက်ဆိုင်ရာ ၀န်ထမ်းတွေခန့်အပ်ပြီး နိုင်ငံတ၀န်းမှာ အရေးပေါ်ကုသဌာနတွေဖွင့်လှစ်ဖို့ အီတလီအစိုးရကို ကျန်းမာရေး၀န်ကြီးဌာနက တိုက်တွန်းထားပြီး အပူနဲ့ဆက်စပ်တဲ့ လူနာဦးရေ ၂၀ ရာခိုင်နှုန်းတိုးလာကြောင်း ထုတ်ပြန်ထားပါတယ်။ ဂရိနဲ့ ဆွစ်အဲလ်ပ်တောင်တန်းတွေအပါအ၀င် ဥရောပတိုက်ကြီးအနှံ့ တောမီးလောင်ကျွမ်းမှုတွေဖြစ်ပွားနေပြီး ပြင်းထန်တဲ့ အပူချိန်ကို မြောက်ကမ္ဘာခြမ်းရှိ လူသန်းပေါင်းများစွာ…

မင့်စ်၊ ဇူလိုင် -၂၀-၂၀၂၃ မျိုးဆက်(VOM) ယူကရိန်းစစ်ပွဲမှာ ရုရှားဘက်က တိုက်ခိုက်ပေးနေတဲ့ ၀ဂ္ဂနာကြေးစားအဖွဲ့ဟာ ယူကရိန်းစစ်ပွဲမှာ လတ်တလောပါ၀င်တော့မှာမဟုတ်ဘဲ အာဖရိကဒေသက စစ်ဆင်ရေးတွေအတွက် အင်အားစုထားဖို့ အမိန့်ပေးထားကြောင်း အဖွဲ့ခေါင်းဆောင် ပရီဂိုဇင်က ထုတ်ဖော်ပြောဆိုလိုက်ပါတယ်။ ၀ဂ္ဂနာတပ်ဖွဲ့၀င်တွေအနေနဲ့ ဘီလာရုစ်ဒေသခံပြည်သူတွေအပေါ် ကောင်းမွန်စွာ ပြုမူဆက်ဆံဖို့နဲ့ ဘီလာရုစ်စစ်တပ်ကို လေ့ကျင့်ပေးနေကာ အာဖရိကခရီးသစ်အတွက် ပြင်ဆင်ထားဖို့ ညွှန်ကြားထားကာ တချိန်ချိန်တွင် ယူကရိန်းစစ်မြေပြင်သို့ ပြန်သွားမှာဖြစ်ကြောင်း ပရီဂိုဇင်က ၀ဂ္ဂနာတိုက်ခိုက်ရေးသမားတွေကို ဘီလာရုစ်ကနေ ကြိုဆိုတဲ့ ရုပ်သံမှာ ပြောပါတယ်။ ၀ဂ္ဂနာအဖွဲ့ကို ရုရှား၏ ဂျီအာယူစစ်ထောက်လှမ်းရေးဟောင်း ပရီဂိုဇင်နဲ့ ဒီမီထရီအပ်ယူကင်တို့က ရုရှား၊ ဆီးရီးယား၊ လစ်ဗျား၊ မာလီအပါအ၀င် အခြားနိုင်ငံတွေရဲ့ စစ်ပွဲတွေမှာ ပါ၀င်နိုင်ဖို့ တည်ထောင်ခဲ့တာဖြစ်ပါတယ်။ ယူကရိန်းနိုင်ငံ ကရိုင်းမီးယားဒေသကို ရုရှားက ၂၀၁၄ ခုနှစ်မှာ သိမ်းယူခဲ့စဉ်ကလည်း ၀ဂ္ဂနာအဖွဲ့က ကူညီတိုက်ခိုက်ခဲ့ပြီး ဆီးရီးယားနဲ့ မာလီရှိ အိုင်အက်စ်စစ်သွေးကြွများကို တိုက်ခိုက်မှုများ…