Month: September 2023

မော်စကို၊ စက်တင်ဘာ-၁၆-၂၀၂၃ မျိုးဆက်(VOM) ရုရှားရေတပ်မှာ ရေငုပ်သင်္ဘော ၁၂ စင်းကို ယခုနှစ်အတွင်းမှာ ထပ်မံအင်အားဖြည့်တင်းမှာဖြစ်ကြောင်း ရုရှားကာကွယ်ရေးဝန်ကြီး ဆာဂေးရှိုဂူက ထုတ်ဖော်ပြောဆိုလိုက်ပါတယ်။ သင်္ဘောသစ်တွေမှာ မဟာဗျူဟာမြောက် နျူကလီးယားလက်နက်တွေကို သယ်ဆောင်ပစ်ခတ်နိုင်တဲ့ နျူကလီးယားစွမ်းအင်သုံး ရေငုပ်သင်္ဘောတွေလည်း ပါဝင်မှာဖြစ်ကြောင်း သူကပြောပါတယ်။ ရုရှား လက်ရှိချိန်ထိ နျူကလီးယားစွမ်းအင်သုံး ရေငုပ်သင်္ဘောတွေအပါအဝင် ရေငုပ်သင်္ဘော ၇၂ စင်းပိုင်ဆိုင်ထားကြောင်း ဇူလိုင်လမှာ ထုတ်ပြန်တဲ့ဂျပန်နိုင်ငံရဲ့ စက္ကဖြူစာတမ်းမှာ ဖော်ပြထားပါတယ်။ ရုရှားကာကွယ်ရေးဝန်ကြီးဟာ နိုင်ငံရှေ့ဖျားပိုင်း ဗလာဒီဗော့စ်တော့ခ်ရှိ ကာကွယ်ရေးပစ္စည်းထုတ်လုပ်ရေး စက်ရုံကို သွားရောက်ခဲ့ပြီး ရုရှားရဲ့ပစိဖိတ်ရေတပ်မှ နျူကလီးယားရေငုပ်သင်္ဘောတွေ ပြုပြင်ထိန်းသိမ်းရေးတွေကို စစ်ဆေးခဲ့ပါတယ်။ ရုရှားအရှေ့ဖျားပိုင်းကို ရောက်ရှိနေတဲ့ မြောက်ကိုရီးယားခေါင်းဆောင် ကင်ဂျုံအန်ဟာလည်း ဒီနေ့အစောပိုင်းမှာ ရုရှားရဲ့ ပစိဖိတ်ရေတပ်ကို သွားရောက်ဖွယ်ရှိနေပါတယ်။ ရုရှားကာကွယ်ရေးဝန်ကြီး ဆာဂေးရှိုဂူဟာ ကင်ဂျုံအန်နဲ့အတူ လိုက်ပါပြီး မြောက်ကိုရီးယားနဲ့ရုရှားနှစ်နိုင်ငံအကြား စစ်ရေးပူးပေါင်းဆောင်ရွက်မှုတွေကို ဆွေးနွေးဖွယ်ရှိနေပါတယ်။ Ref: NHK Photo: The…

ပေကျင်း၊ စက်တင်ဘာ-၁၆-၂၀၂၃ မျိုးဆက်(VOM) ထိုင်ဝမ်ကို လက်နက်တွေရောင်းချခဲ့ အမေရိကန်အခြေစိုက် လော့ခ်ဟိမာတင်ကုမ္ပဏီနဲ့ နာ့သ်ရော့ပ်ဂရူးမင်း ကုမ္ပဏီတို့ကို အရေးယူပိတ်ဆို့သွားမှာဖြစ်ကြောင်း တရုတ်နိုင်ငံခြားရေးဝန်ကြီးဌာနက ထုတ်ပြန်ကြေညာလိုက်ပါတယ်။ သြဂုတ် ၂၄ ရက်က ကြေညာခဲ့တဲ့ ထိုင်ဝမ်ကို အမေရိကန်ရဲ့ လက်နက်ရောင်းချမှုတွေမှာ လော့ဟိမာတင်ကုမ္ပဏီက တိုက်ရိုက်ပါဝင်နေပြီး နော့သ်ရော့ပ်ဂရူးမင်း ကုမ္ပဏီကလည်း လက်နက်ရောင်းချမှုအချို့မှာ ပါဝင်ပတ်သက်နေကြောင်း တရုတ်နိုင်ငံခြားရေးဝန်ကြီးဌာနက ဆိုပါတယ်။ အခုလို အရေးယူပိတ်ဆို့မှုတွေချမှတ်ခြင်းဟာ တရုတ်နိုင်ငံရဲ့ ဥပဒေနဲ့ လည်း ကိုက်ညီမှုရှိကြောင်း ထုတ်ပြန်ထားပြီး အရေးယူပိတ်ဆို့မယ် ပုံစံနဲ့ အချိန်တို့ကို ထုတ်ဖော်ပြောကြားခြင်းမရှိပါဘူး။ အမေရိကန်ဟာ တရုတ်နိုင်ငံရဲ့ တပြည်ထောင်စနစ်ကို ပြင်းပြင်းထန်ထန်ချိုးဖောက်ပြီး တရုတ်နိုင်ငံရဲ့ အချုပ်အခြာအာဏာနဲ့ လုံခြုံရေးအကျိုးစီးပွားကို ထိခိုက်စေကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက သတင်းစာရှင်းလင်းပွဲမှာ ပြောပါတယ်။ ထိုင်ဝမ်ကို အမေရိကန်ရဲ့ လက်နက်ရောင်းချမှုနဲ့ ထောက်ပံ့မှုတွေကို တုံ့ပြန်တဲ့ အနေနဲ့ တရုတ်နိုင်ငဟာ အမေရိကန်လက်နက်ကုမ္ပဏီတွေအပေါ် အရေးယူပိတ်ဆို့မှုတွေ အကြိမ်ကြိမ်ချမှတ်ခဲ့ပါတယ်။…

ဝါရှင်တန်၊ စက်တင်ဘာ-၁၆-၂၀၂၃ မျိုးဆက်(VOM) အမေရိကန်သမ္မတဂျိုးဘိုင်ဒင်ဟာ ယူကရိန်းသမ္မတဇီလန်စကီးနဲ့ လာမယ့်သီတင်းပတ်အတွင်း ဝါရှင်တန်မှာ တွေ့ဆုံဆွေးနွေးမှာဖြစ်ကြောင်း အိမ်ဖြူတော်က အတည်ပြုထုတ်ပြန်ပါတယ်။ ဘိုင်ဒင်ဟာ လာမယ့် ကြာသပတေးနေ့မှာ ယူကရိန်းသမ္မတဇီလန်စကီးကို အိမ်ဖြူတော်မှာမှာ လက်ခံတွေ့ဆုံမှာဖြစ်ကြောင်း အိမ်ဖြူတော်အမျိုးသားလုံခြုံရေးအကြံပေး ဂျိတ်ဆူလီဗန်က သတင်းစာရှင်းလင်းပွဲမှာ ပြောပါတယ်။ ယူကရိန်းသမ္မတဇီလန်စကီးဟာ ယခုလအတွင်းကျင်းပမယ့် ကုလသမဂ္ဂအထွေထွေညီလာခံကိုလည်း လူကိုယ်တိုင် တက်ရောက်ဖွယ်ရှိနေကြောင်း သံတမန်သတင်းရင်းမြစ်တွေက ပြောပါတယ်။ ယူကရိန်းကို ထောက်ပံ့ကူညီမှုတွေပြုရာမှာ နိုင်ငံတကာကိုဆက်လက်ဦးဆောင်ဖို့ သမ္မတဘိုင်ဒင်ရဲ့ ကတိကဝတ်တွေကို ထပ်မံအတည်ပြုဖို့ စီစဉ်ထားကြောင်း ဂျိတ်ဆူလီဗန်က ပြောပါတယ်။ ယူကရိန်းအတွက် နောက်ထပ်စစ်ဘက်ဆိုင်ရာ အကူအညီတွေပေးဖို့ကိုလည်း လာမယ့် သီတင်းပတ်မှာ ကြေညာသွားမယ်လို့ အမေရိကန် အမျိုးသားလုံခြုံရေးအကြံပေး ဂျိတ်ဆူလီဗန်က ပြောပါတယ်။ ဒီအတောအတွင်း မြောက်ကိုရီးယားခေါင်းဆောင်ကင်ဂျုံအန်နဲ့ ရုရှားသမ္မတပူတင်တို့ ရုရှားမှာတွေ့ဆုံနေပြီး ယူကရိန်းစစ်ပွဲအတွက် ရုရုားကိုလက်နက်တွေထောက်ပံ့မယ်ဆိုရင် မြောက်ကိုရီးယားကို အရေးယူပိတ်ဆို့မှုတွေ ထပ်မံချမှတ်မှာဖြစ်ကြောင်း ဂျိတ်ဆူလီဗန်က ထုတ်ဖော်ပြောဆိုပါတယ်။ Ref:NHK #voiceofmyanmar #VOM…

This Day in History Voice of Myanmar အိန္ဒိယအမျိုးသားခေါင်းဆောာင် မဟတ္တမဂန္ဒီသည် ဗြိတိန်အစိုးရကပြဌာန်းလိုက်သည့် ဇာတ်အနိမ့်အမြင့်ခွဲခြားခြင်းဥပဒေသစ်များကိုဆန့်ကျင်မှုအဖြစ် ၎င်း၏အစာငတ်ခံဆန္ဒပြမှုကို၁၉၃၂ ခုနှစ် စက်တင်ဘာ ၁၆ ရက် စတင်ခဲ့သည်။ #voiceofmyanmar #VOM #ThisDayInHistory #september16th