Month: September 2023

စက်တင်ဘာ ၉ – ၂၀၂၃ SN (VOM) ပြီးခဲ့တဲ့ ဩဂုတ်လအတွင်းက တောက်လျှောက် မြင့်တက်ခဲ့တဲ့ ပြည်တွင်း ရွှေဈေးနဲ့ ငွေလဲဈေးနှုန်းတွေဟာ အခု စက်တင်ဘာလ ပထမပတ်ကစပြီး ပြန်လည် ကျဆင်းလာနေတယ်လို့ ဈေးကွက်အတွင်းက သိရပါတယ်။ ဩဂုတ်လအတွင်းက ကျပ် သိန်း ၄၀ နားအထိ ရောက်ခဲ့တဲ့ ပြည်တွင်းရွှေဈေးဟာ လက်ရှိမှာ ၁ ကျပ်သား ၃၄၆၀၀၀၀ ဝန်းကျင်ကို ရောက်ရှိနေတာဖြစ်ပြီး ကျပ် ၅ သိန်းကျော်ဝန်းကျင် ပြန်လည် ပြုတ်ကျလာတာ ဖြစ်ပါတယ်။ အဲ့ဒီ့လိုပဲ ပြီးခဲ့တဲ့ ဩဂုတ်လအတွင်းက ကျပ် ၄၀၀၀ နီးပါး ရောက်ခဲ့တဲ့ အမေရိကန်ဒေါ်လာဈေးဟာလည်း တဖြည်းဖြည်း ပြန်လည်ကျဆင်းလာရာ အခု စက်တင်ဘာ ၉ ရက်နေ့မှာတော့ ကျပ် ၃၄၀၀ ကျော်ဝန်းကျင်ကို ရောက်ရှိနေတာ ဖြစ်ပါတယ်။ “ဒေါ်လာဈေးကျလို့ ရွှေဈေးတွေ…

စက်တင်ဘာ ၊၉ ၂၀၂၃ SP (VOM) စစ်ကိုင်းတိုင်းရဲ့အနောက်မြောက်နယ်စပ်ကုန်သွယ်ရေးလမ်း တခုဖြစ်တဲ့ ကလေး – တမူးကားလမ်းမှာ ထိတွေ့တိုက်ပွဲတွေဖြစ်ပွားပြီးနောက်ပိုင်း လမ်းပိတ်ထားတယ်လို့ နယ်စပ်ကုန်သွယ်ရေးလုပ်ငန်းရှင်တွေဆီက သိရပါတယ်။ “ကလေးမြို့နဲ့ တမူးမြို့က မိုင် တစ်ရာကျော်ပဲရှိတယ် ၊ ကလေးနဲ့ တမူးကြားကားလမ်းက လမ်းတဝက်ထိပဲ ကားသွားလို့ရတယ် ၊ ကလေးကနေ ခမ်းပတ်မြို့နယ်ခွဲအထိပဲ သွားရတယ် ၊ ခမ်းပတ်ကနေ တမူးအထိက ခရီးတဝက် ကားသွားလို့ မရဘူး ၊ အဲ့ဒါကြောင့် မဖြစ်မနေ သွားလာရမယ့်သူတွေက အိန္ဒိယနိုင်ငံဘက်ကနေ ဆိုင်ကယ် ကွင်းလမ်းကနေ သွားကြတယ် ၊ ခရီးစရိတ်က လူတယောက်ကို သုံးသိန်းကျော်ကုန်တယ်”လို့ တမူးမြို့ခံတယောက်က ပြောပါတယ်။ တမူးဒေသခံ ကုန်သည်တယောက်က” ကလေး – တမူး နယ်စပ်ကုန်သွယ်ရေးလမ်းက တဝက်ပဲသွားလို့ရတယ် ၊ ကလေးမြို့ကနေ ခမ်းပတ်မြို့နယ်ခွဲအထိပဲ ၊ ခမ်းပတ်ကနေ တမူးအထိ…

စက်တင်ဘာ ၉ – ၂၀၂၃ GG (VOM) ခေတ်အဆက်ဆက် စျေးမတက်ခဲ့တဲ့ ၅၀ ကျပ်တန် ရှူးရှဲလက်ဖက်ကို ဒီနေ့ စက်တင်ဘာလ ၉ ရက်နေ့ကစပြီး ၁၀၀ ကျပ်အဖြစ် စျေးတက်ရောင်းချသွားမယ့်အကြောင်း ရှမ်းရွှေတောင် လက်ဖက်နှင့်ပဲကြော်စုံ လုပ်ငန်းကနေ အသိပေးလာပါတယ်။ ” ရှူးရှဲလက်ဖက်က ၁၀၀ ကျပ်ဖြစ်သွားပါပြီ၊အရင်ထက်လည်းပိုပြီးတော့ ထည့်ထားပါတယ်၊ ဆိုင်တွေကိုပေးစျေးကတော့ ၇၀၀ ကျော်နဲ့ပါ။ တခြား လက်ဖက်တို့ အကြော်စုံတို့လည်း နည်းနည်းစီစျေး တက်ပါတယ်။ ” ရှမ်းရွှေတောင် တာဝန်ရှိသူတယောက်က ပြောပါတယ် ။ နှစ်ပေါင်း ၂၀ ကျော်အထိတိုင်အောင် မပြောင်းလဲတဲ့ ဈေးနှုန်းနဲ့ ရောင်းချခဲ့ပေမယ့် ရေရှည်အတွက်အခက်အခဲတွေ ကြုံရတာကြောင့် ရှူးရှဲအပါ ရွှေတောင်ရဲ့ထုတ်ကုန်ပစ္စည်း ဈေးနှုန်းတွေကို ပြောင်းလဲသွားမှာဖြစ်တယ်လို့လည်း ရှမ်းရွှေတောင်က သူတို့ရဲ့ လူမှုကွန်ယက်ကနေလည်း ပြော ဆိုထားပါ တယ်။ ရှူးရှဲ လက်ဖက်စျေးတက်တဲ့အပေါ်…

စက်တင်ဘာ ၈ -၂၀၂၃ MM [VOM] နိုင်ငံတဝှမ်းမှာ ပြီးခဲ့တဲ့ တလအတွင်း နိုင်ငံသားအထောက်အထားမဲ့သူ အယောက် ၂၀၀ ကျော်ထိ ဖမ်းမိခဲ့တယ်လို့ သက်ဆိုင်ရာ တိုင်းဒေသကြီးနဲ့ ပြည်နယ်တွေကထုတ်ပြန်တဲ့ သတင်းမှတ်တမ်းတွေအရ သိရပါတယ်။ ပြီးခဲ့တဲ့သြဂုတ် ၁ ရက်ကနေ ၃၁ရက်အထိ တစ်လအတွင်း နိုင်ငံသား အထောက်အထားမဲ့သူ အယောက် ၂၀၀ကျော် ကို ဧရာဝတီတိုင်း ၊ ရန်ကုန်တိုင်း ၊မွန်ပြည်နယ်နဲ့ရခိုင်ပြည်နယ်တွေမှာ အများဆုံးဖမ်းဆီးရမိခဲ့တာဖြစ်တယ်လို့ အထောက်အထားမဲ့သူတွေကိုကူညီပေးနေတဲ့သူတွေဆီကနေ သိရပါတယ်။ “အဖမ်းခံရသူတွေက ရခိုင်ပြည်နယ်ကနေ ထွက်လာတဲ့ သူတွေပါ၊ ပွဲစားတွေနဲ့ ချိတ်ဆက်ပြီးလာကြတာလို့ သိရတယ် ၊ ရခိုင်မှာက အလုပ် အကိုင်ရှားပါးတယ်လေ ဘဝရပ်တည်ရေးအတွက် ရုန်းကန်နေကြရတာဆိုတော့ အလုပ်အကိုင်‌ ပေါများမယ့်နေရာသစ်ကို ရှာဖွေကြတဲ့ အခြေအနေပေါ့၊ သူတို့အနေနဲ့ လိုရာခရီးမရောက်ပဲ အဖမ်းခံရ၊ ထောင်ချခံရတာတွေဖြစ်နေတာ။”လို့ နိုင်ငံသား အထောက်အထားမဲ့သူတွေကို ကူညီပေးသူ(၁)ဦးကပြောပါတယ်။ ဖမ်းဆီးရမိထားတဲ့…

စက်တင်ဘာ ၉ – ၂၀၂၃ GG (VOM) အိမ်သုံးမီတာ အသုံးပြုပြီး စီးပွားရေးလုပ်ငန်းလုပ်ကိုင်နေသူတွေကို စီးပွားရေးနူန်းထားနဲ့ မီတာခ ကောက်ခံဖို့အတွက် လျှပ်စစ်စွမ်းအားဝန်ကြီးဌာနက စုံစမ်းစစ်ဆေးရေးအဖွဲ့ဖွဲ့ပြီး စစ်ဆေးမှုတွေ လုပ်နေတယ်လို့ သိရပါတယ် ။ အိမ်သုံးမီတာသုံးပြီး စီးပွားရေးလုပ်ကိုင်နေလို့ စီးပွားရေးသုံးနူန်းနဲ့ကောက်ခံမယ့်အထဲမှာ ရေခဲ သေတ္တာ နဲ့ Deep Freezer အသုံးပြုနေတဲ့ ကုန်စုံဆိုင်တွေ၊ ဆံပင်ညှပ်ဆိုင်​တွေ ၊ စက်ချုပ်ဆိုင်နဲ့ စတဲ့လျှပ်စစ်ဓာတ်အားအသုံးပြုတဲ့ ဆိုင်တွေကို စီးပွားရေးသုံးနူန်းထားနဲ့ မီတာခ ကောက်ခံမှာဖြစ်တယ်လို့သိရပါတယ်။ ” မြို့ပေါ် ဆိုင်ကြီးတွေ ကောက်တာ ကိစ္စမရှိဘူး ၊ ရွာဘက်က ဆိုင်တွေကတော့ အဆင်မပြေဘူး။ ရေခဲသေတ္တာ ၂ လုံးရှိတာနဲ့ စီးပွားရေးသုံးမီတာခကောက်မယ်ဆိုတာ မဖြစ်သင့်ပါဘူး။ ရွာဆိုင်က ဒီရွာထဲပဲရောင်းရတာ၊မြို့က တမြို့လုံးအပြင် ရွာကလာသူပါရောင်းရတယ် “လို့ ကျေးရွာဘက်မှာ ကုန်စုံဆိုင်ဖွင့်ထားသူ(၁)ဦးကမှတ်ချက်ပြုပါတယ်။ အိမ်သုံးမီတာနဲ့ စီးပွားရေးလုပ်ငန်းလုပ်ကိုင်နေတဲ့ ကုန်စုံဆိုင်၊…