Day: March 20, 2024

  ပြုံးယမ်း၊ မတ်-၂၀-၂၀၂၄ မျိုးဆက်(VOM) မြောက်ကိုရီးယားဟာ တာလတ်ပစ် ဟိုက်ပါဆိုးနစ်ဒုံးကျည်အမျိုးအစားသစ်အတွက် ဒုံးကျည်အင်ဂျင်စမ်းသပ်မှုကို အောင်မြင်စွာပြုလုပ်နိုင်ခဲ့ကြောင်း မြောက်ကိုရီးယား တာဝန်ရှိသူတွေက ပြောပါတယ်။ ဒုံးကျည်အင်ဂျင် မြေပြင်စမ်းသပ်မှုကို နိုင်ငံအနောက်မြောက်ပိုင်း ဆိုဟေး လွှတ်တင်ရေးစခန်းမှာ ပြုလုပ်ခဲ့တာဖြစ်ပြီး မြောက်ကိုရီးယားခေါင်းဆောင် ကင်ဂျုံအန် တက်ရောက်ခဲ့တယ်လို့ အာဏာရအလုပ်သမားပါတီရဲ့ ရိုဒေါင်ဆင်မွမ်သတင်းစာက ဆိုပါတယ်။ လောင်စာခဲသုံး ဒုံးကျည်အင်ဂျင်ဟာ လောင်စာရည်သုံး ဒုံးကျည်တွေထက် ပိုမိုလျှင်မြန်စွာ ပစ်ခတ်နိုင်ပါတယ်။ လာလတ်ပစ် ဟိုက်ပါဆိုးးနစ်ဒုံးကျည်အမျိုးအစားသစ်ဟာ တိုက်ချင်းပစ်ဒုံးကျည်တွေလိုပဲ စစ်ရေးဗျူဟာအရ အရေးပါကြောင်း ကင်ဂျုံအန်က ပြောပါတယ်။ မြောက်ကိုရီးယားဟာ ပြီးခဲ့တဲ့နှစ်နိုဝင်ဘာလကတည်း လောင်စာခဲသုံး ဒုံးကျည်အင်ဂျင်စမ်းသပ်မှုကို ပြုလုပ်ခဲ့ပြီး နှစ်လအကြာမှာ တာလတ်ပစ်ဒုံးကျည်ကို စမ်းသပ်ပစ်ခတ်ခဲ့ပါတယ်။ ၂၀၂၅ ခုနှစ်ထိ မြောက်ကိုရီးယားရဲ့ ငါးနှစ်ကြာစစ်ရေးအစီအစဉ်အရ အသံထက် ငါးဆမြန်တဲ့ ဒုံးကျည်အမျိုးအစားသစ်တွေ ထုတ်လုပ်နိုင်ရေး ရည်မှန်းနေပြီး သူ့ရဲ့ လှုပ်ရှားမှုအပေါ် ဒေသတွင်းနဲ့ နိုင်ငံတကာ အသိုင်းအဝိုင်းမှာ စိုးရိမ်ပူပန်မှုတွေ…

  ဝါရှင်တန်၊ မတ်-၂၀-၂၀၂၄ မျိုးဆက်(VOM) နိုဘယ်ဆုရ Crispr gene-editing နည်းပညာကို အသုံးပြုပြီး လူ့ခန္ဓာကိုယ် ဆဲလ်တွေထဲမှာ ကူးစက်နေတဲ့ HIV ဗိုင်းရပ်စ်ကို အောင်မြင်စွာ ဖယ်ရှားနိုင်ပြီလို့ သိပ္ပံပညာရှင်တွေက ပြောပါတယ်။ ဒီနည်းပညာအရ ဗိုင်းရပ်စ်ဆဲတွေကို မော်လီကျူးအဆင့်မှာတင် ဒီအင်န်အေကို ဖြတ်တောက်ပြီး ဖယ်ရှားတာမျိုး သို့မဟုတ် ဆဲလ်တွေ အသက်မဝင်အောင် လုပ်နိုင်တယ်လို့ ပညာရှင်တွေက ပြောပါတယ်။ လက်ရှိစမ်းသပ်ခံတဲ့ စေတနာ့ဝန်ထမ်းသုံးယောက်ဟာ သီတင်းပတ် ၄၈ ပတ်ကြာချိန်ထိ ပြင်းထန်တဲ့ ဘေးထွက်ဆိုးကျိုးမရှိဘူးလို့ သုတေသီတွေက ဆိုပါတယ်။ HIV ဗိုင်းရပ်စ်တွေကို နောက်ဆုံးမှာ ခန္ဓာတခုလုံးကနေ ဖယ်ရှားနိုင်မယ်လို့ သိပ္ပံပညာရှင်တွေက မျှော်လင့်ထားကြပေမယ့် ဘေးကင်းလုံခြုံမှုနဲ့ ထိရောက်မှုတို့အတွက် စမ်းသပ် စစ်ဆေးမှုတွေ များစွာ လုပ်ဆောင်ရဦးမှာဖြစ်ပါတယ်။ လက်ရှိ ဆေးဝါးတွေဟာ ဗိုင်းရပ်စ်တွေကို တားဆီးနိုင်ပေမယ့် ဖယ်ရှားနိုင်ခြင်းတော့မရှိပါဘူး။ အမ်စတာဒမ် တက္ကသိုလ်က သုတေသီတွေဟာ…

  ဂါဇာစီးတီး၊ မတ်-၂၀-၂၀၂၄ မျိုးဆက်(VOM) ဂါဇာကမ်းမြှောင်ဒေသရှိ ဒေသခံအားလုံးနီးပါဖြစ်တဲ့ လူနှစ်သန်းဟာ ဆိုးရွားတဲ့ စာနပ်ရိက္ခာပြတ်လပ်မှုနဲ့ ကြုံတွေ့နေရတယ်လို့ အမေရိကန် နိုင်ငံခြားရေးဝန်ကြီး ဘလင်ကင်က ပြောပါတယ်။ ဒါဟာ လူဦးရေအားလုံးနီးပါ ဒီလိုကြုံတွေ့နေရတာ ပထမဆုံးအကြိမ်ဖြစ်ပြီး အရေးပေါ်လိုအပ်နေသူတွေကို ဦးစားပေးထောက်ပံ့ဖို့ တောင်းဆိုခဲ့ပါတယ်။ ဂါဇာမြောက်ပိုင်းမှာ တိုက်ပွဲတွေ ခေတ္တမရပ်ဘူးဆိုရင် မေလအတွင်းမှာ အငတ်ဘေးဆိုက်နိုင်ကြောင်း ကုလသမဂ္ဂ အကူအညီပေးရေး အေဂျင်စီတွေကလည်း သတိပေးထားပါတယ်။ လက်ရှိမှာတော့ အစ္စရေးနဲ့ ဟာမတ်စ်တို့အကြား အပစ်အခတ်ရပ်စဲရေး ကြိုးပမ်းမှုတွေ ဆက်လက်လုပ်ဆောင်နေပြီး အမေရိကန် နိုင်ငံခြားရေးဝန်ကြီး ဘလင်ကင်ဟာ အောက်တိုဘာနောက်ပိုင်း ခြောက်ကြိမ်မြောက်အဖြစ် အရှေ့အလယ်ပိုင်းကို မကြာမီသွားဖို့ရှိနေပါတယ်။ အစ္စရေးတာဝန်ရှိသူတွေဟာ တိုက်ပွဲတွေရပ်ဖို့၊ လူသားချင်းစာနာမှုဆိုင်ရာ အကူအညီတွေရရှိဖို့ နဲ့ ဓါးစာခံတွေ လွတ်မြောက်ဖို့တွေပါဝင်တဲ့ ဟားမတ်စ်တို့နဲ့ သဘောတူညီချက်သစ်အတွက် လာမယ့် မတ် ၂၆ ရက်မှာ ကာတာမှာ ဆွေးနွေးပွဲတွေ စတင်မှာဖြစ်ပါတယ်။ Ref:…