မေ ၊ ၁၀ ၊ ၂၀၂၄
SP (VOM)
မကွေးတိုင်း ၊ ဂန့်ဂေါခရိုင် ၊ ဆောမြို့နယ် ၊ ကျောက်ထုမြို့နယ်ခွဲ ၊ အကြည်ပန်းပလွန်ရွာနားမှာ မနေ့ မေ ၉ ရက် မနက်ပိုင်းက လေကြောင်းက တိုက်ခိုက်ရလို့ထိခိုက်ပျက်စီးမှုတွေများပြီး သေဆုံး ၊ ဒဏ်ရာရသူတွေရှိတယ်လို့ ကျောက်ထုဒေသခံတွေဆီက သိရပါတယ်။
” မနေ့က မနက်ပိုင်း ၁၁ နာရီဝန်းကျင်ကဖြစ်တာပါ ၊ အပစ်ခံရတဲ့နေရာက အကြည်ပန်းပလွန် ဘုန်းကြီးကျောင်းဖြစ်တယ် ၊ ထမင်းစားနေတုန်းပစ်ခံရလို့ ထိခိုက်သေဆုံးသူ လူ ၂၀ ကျော်ရှိပြီး လူ ၃ ဝ ထက်မနည်းဒဏ်ရာရတယ် ၊ ပစ်ခံရတဲ့ ဘုန်းကြီးကျောင်းကတော့ မီးလောင်ပျက်စီးသွားတယ် ၊ သေဆုံးသူတွေဟာ PDF တွေလား ၊ ရွာခံလူတွေလားဆိုတာ မသိရသေးဘူး ၊ ဒီညနေပိုင်းအထိ အဲ့ဒီ အကြည်ပန်းပလွန်ဘက်ကို ဖုန်းခေါ်ဆိုလို့ မရဘူး ” လို့ ကျောက်ထုဒေသခံတယောက်က ပြောပါတယ်။
အဲ့ဒီ ဖြစ်စဥ်နဲ့ ပတ်သက်ပြီး တယ်လီဂရမ် လူမှုကွန်ရက်မှာ ဖော်ပြထားတာက ကျောက်ထုမြို့နယ်ခွဲ၊အကြည်ပန်းပလွန်ရွာ ဘုန်းကြီး ကျောင်းမှာ တိုက်နယ် ပအဖ ၊ ပကဖ ၊ ကားသမားတွေနဲ့ ဒေသခံ PDF တွေစုဖွဲ့ပြီး အစည်းဝေးပြုလုပ်နေချိန် လေကြောင်းတိုက်ခိုက်ခဲ့တယ်လို့ ဖော်ပြထားပါတယ်။
ဒါ့အပြင် ယောဒေသမှာ အားထားရတဲ့ လူမှုကွန်ရက်တွေမှာ အကြည်ပန်းပလွန် ဘုန်းကြီးကျောင်း လေကြောင်းတိုက်ခံရလို့ ဘုန်းကြီးဆောင် မီးလောင်ပျက်စီးပြီး ဘုန်းကြီးတပါး အပါအဝင် လူနှစ်ဆယ်ကျော် သေဆုံးတယ်လို့ ဖော်ပြထားပါတယ်။
အဲ့ဒီ ဖြစ်စဥ်နဲ့ ပတ်သက်ပြီး ဂန့်ဂေါခရိုင် လုံခြုံရေး အဖွဲ့ဆီ VOM က ဆက်သွယ်ခဲ့ပေမယ့် အခုထိတော့ ဆက်သွယ်မရသေးပါဘူး။
အဲ့ဒီအပြင် မနေ့ မနက်ပိုင်းက မန္တလေးတိုင်း ၊ မြင်းခြံခရိုင် ၊ မြင်းခြံမြို့နယ် ၊ ဆုံကျေးရွာမှာ ပြည်သူ့စစ်အဖွဲ့နဲ့ ဒေသတွင်းလက်နက်ကိုင် PDF တွေ ထိတွေ့တိုက်ပွဲဖြစ်ပြီး ဆုံရွာခံ ကလေး / လူကြီး ၃၀ ကျော်သေဆုံးကာ လူနေအိမ် ၇၀ နီးပါး မီးလောင်ပျက်စီးခဲ့ပါတယ်။
မနေ့က နေ့ခင်းပိုင်းမှာ စစ်ကိုင်းတိုင်း ၊ မော်လိုက်ခရိုင် ၊ ဖောင်းပြင်မြို့နယ်မှာ နယ်မြေရှင်းလင်းရေး လှုပ်ရှားထွက်လာတဲ့ စစ်ကြောင်းနဲ့ PDF အဖွဲ့တွေ ထိတွေ့မှုဖြစ်ပွားပြီး နစက လုံခြုံရေးတပ်ဖွဲ့ဝင် ခုနှစ်ယောက် သေဆုံးခဲ့တယ်လို့ သတင်းမှတ်တမ်းတွေအရ သိရပါတယ်။
ဓာတ်ပုံ ၊ အကြည်ပလွန်ဘုန်းကြီးကျောင်း တိုက်ခိုက်ခံရပြီးနောက်မြင်ကွင်း (ဒေသခံတဦး)
Related posts
-
အီရန်သမ္မတနဲ့ နိုင်ငံခြားရေးဝန်ကြီး ရဟတ်ယာဉ်ပျက်ကျမှုမှာ သေဆုံးသွားကြောင်း အတည်ပြု
တီဟီရန်၊ မေ-၂၀-၂၀၂၄မျိုးဆက်(VOM)အီရန်သမ္မတ အီဘရာဟင်ရိုင်ဆီနဲ့ နိုင်ငံခြားရေးဝန်ကြီၤးတို့ဟာ သူတို့စီးနင်းလာတဲ့ ရဟတ်ယာဉ်ပျက်ကျမှုအတွင်း သေဆုံးသွားကြောင်း အီရန်တာဝန်ရှိသူတွေက ဒီနေ့... -
ယနေ့ နိုင်ငံခြားငွေလဲလှယ်နှုန်း (မေ – ၂၀ ရက်)
Voice of Myanmar-အမေရိကန်ဒေါ်လာရောင်းဈေး – ၄၀၅၅ ကျပ်ဝယ်ဈေး – ၄၀၁၅ ကျပ်-စင်္ကာပူဒေါ်လာရောင်းဈေး... -
မြင်းခြံနယ်က ယာယီတိုက်ပွဲရှောင်တွေ နီးစပ်ရာမြို့တွေပေါ်တက်ပြီး အလှူခံစားသောက်နေရ
မေ ၊ ၂၁ ၊ ၂၀၂၄SP (VOM)မြင်းခြံနယ်မှာ ဒီရက်ပိုင်းအတွင်း ယာယီတိုက်ပွဲရှောင်နေရသူ ခုနှစ်ထောင်ဝန်းကျင်ရှိနေပြီး...