Day: May 20, 2024

မေ ၊ ၂၁ ၊ ၂၀၂၄SP (VOM)မြင်းခြံနယ်မှာ ဒီရက်ပိုင်းအတွင်း ယာယီတိုက်ပွဲရှောင်နေရသူ ခုနှစ်ထောင်ဝန်းကျင်ရှိနေပြီး ၊ တချို့ဟာ စားဝတ်နေရေး ခက်ခဲလာတာကြောင့် စစ်ကိုင်းနဲ့ မန္တလေးမြို့ပေါ်တွေမှာ လှည့်လည် အလှူခံစားနေရတယ်လို့ မြို့ခံတွေဆီက သိရပါတယ်။စစ်ကိုင်းမြို့ခံတယောက်က ” မြင်းခြံနယ် ၊ ဧရာဝတီမြစ်ဘေးမှာရှိတဲ့ ရွာစဥ်တွေက ယာယီတိုက်ပွဲရှောင်နေရသူတွေဆိုပြီး မိန်းကလေးတွေ လေးငါးယောက် တဖွဲ့ ပုဆိုးခြုံတွေနဲ့ မြို့ပေါ်မှာ အလှူလာခံကြတယ် ၊ အဲ့ဒီလို အလှူလာခံတာ ဆယ်လေးငါးဖွဲ့လောက်ရှိတယ် ၊ သူတို့ကိုမေးကြည့်တော့ ပြီးခဲ့တဲ့ မေ ၁၀ ရက်နောက်ပိုင်းမှာ ၊ ကိုင်း၊ ဂင့်ဂဲ၊ ဥဒယ၊ ကန်တော်၊ ရန္တပို၊ တောပု၊ ညောင်တို၊ သိမ်တိုင်၊ မရိုးကုန်း စတဲ့ကျေးရွာတွေဘက်မှာ နစကတပ်ဖွဲ့တွေ နယ်မြေရှင်းလင်းရေး လာလုပ်တယ် ၊ အဲ့ဒီ အချိန် ဒေသတွင်း လက်နက်ကိုင်…

မေ ၂၀- ၂၀၂၄GG (VOM)ရခိုင်ပြည်နယ် ၊ သံတွဲမြို့နယ်ထဲက ကျေးရွာအချို့မှာတိုက်ပွဲတွေဆက်လက်ပြင်းထန်လာနေပြီး လက်နက်ကြီးကျရောက်မှုကြောင့် အရပ်သား ကိုးယောက်ထပ်မံသေဆုံးခဲ့ရတယ်လို့ ဒေသခံတွေဆီကသိရပါတယ်။AA နဲ့ နစကတပ်တွေအကြားတိုက်ပွဲက ရွှေလှေ၊ လင်းသီ၊ နတ်တောင်မော် ရွာတွေဘက်မှာ ဖြစ်ပွားနေတာဖြစ်ပြီး မေလ ၁၈ ရက်နေ့ညနေပိုင်းမှာ နတ်တောင်မော် ရွာထဲကိုလက်နက်ကြီးကျရောက်ပေါက်ကွဲကာ ရွာသားကိုးယောက်သေဆုံးခဲ့ရတာဖြစ်တယ်လို့သိရပါတယ်။” ပွဲချင်းပြီး ခြောက်ယောက်သေတယ်၊သုံးယောက်ဒဏ်ရာရတယ်၊ဒဏ်ရာရသူတွေကလည်းဆေးရုံပို့ဖို့ခေါ်လာပေမယ့် ထပ်ဆုံးသွားတယ်။အားလုံးပေါင်း ကိုးယောက်ပေါ့၊လင်းသီကမြို့နဲ့၁၈ မိုင်လောက်ဝေးမယ်၊နတ်တောင်မော်ကတော့၉ မိုင်လောက်ပဲဝေးတယ်။တိုက်ပွဲဖြစ်ရင်မြို့ပေါ်က ကိုနေ့တိုင်းကြားရတယ်။ဒီနေ့မကြားရဘူး ” လို့ သံတွဲဒေသခံကပြောပြပါတယ်။လက်ရှိဒီနေ့မနက်ပိုင်းမှာတော့ သံတွဲကရွာတွေဘက်မှာ လက်နက်ကြီးပစ်ခတ်ခြင်းမရှိဘဲ တိုက်ပွဲငြိမ်နေတယ်လို့သိရပါတယ်။ပြီးခဲ့တဲ့ရက်ကလည်း လင်းသီးရွာ၊ရွှေလှေရွာ၊ အောက်နတ်မှော်ရွာထဲမှာ လက်နက်ကြီးကျည်ကျရောက်လို့ ဒေသခံအရပ်သား ၁၁ ယောက်လက်နက်ကြီးထိမှန်သေဆုံးခဲ့ရပြီး ထိခိုက်ဒဏ်ရာရသူတွေရှိခဲ့သလို နေအိမ်တွေလည်းပျက်စီးမှုရှိကာ ရွာလုံးကျွတ်နီးပါး လည်းအရေးပေါ်စစ်ရှောင်နေရတယ်လို့ ဒေသခံကပြောပါတယ်။သံတွဲမြို့နယ်အတွင်း တိုက်ပွဲဖြစ်ပွားရာကျေးရွာတွေက ဒေသခံရွာသားတွေအနေနဲ့ မြို့ပေါ်ကိုစစ်ရှောင်ဖို့အတွက် ကားလမ်းကအသုံးပြုလို့မရတာကြောင့် နီးစပ်ရာကျေးရွာတွေမှာအများဆုံးစစ်ရှောင်နေရပြီး မြို့ပေါ်ကိုစစ်ရှောင်သူအနည်းငယ်သာရှိတယ်လို့သိရပါတယ်။သံတွဲအပြင် ဘူးသီးတောင်၊မောင်တောမှာလည်း တိုက်ပွဲတွေဖြစ်ပွားနေပြီး မြေပုံ၊စစ်တွေ၊ရသေ့တောင်မြို့နယ်တွေမှာတော့ မြေမြှုပ်မိုင်းကြောင့်အရပ်သားထိခိုက်သေဆု​ံးမှုတွေရှိနေကြောင်း၊ ကျောက်တော်အပါအဝင်ဒေသအချို့မှာတော့လေကြောင်းပစ်ခတ်မှုကြောင့်ထိခိုက်ပျက်စီး သေဆုံးမှုတွေရှိနေတယ်လို့သိရပါတယ်။ရခိုင်ပြည်နယ်မှာ…

မေ ၊ ၂၀ ၊ ၂၀၂၄SP (VOM)မကွေးတိုင်း ၊ ပခုက္ကူခရိုင် ၊ ရေစကြိုမြို့နယ်မှာ မေ ၁၈ ရက်က နစက လုံခြုံရေးအဖွဲ့တွေနဲ့ ဒေသတွင်း လက်နက်ကိုင် PDF အဖွဲ့တွေကြား ထိတွေ့တိုက်ခိုက်မှုတွေ ဖြစ်ပွားခဲ့ပြီး ၊ ညပိုင်းမှာ ရေစကြိုမြို့ပေါ်က အငြိမ်းစား ကျောင်းအုပ်ဆရာ ၊ ဆရာမ လင်မယားနှစ်ယောက် အသတ်ခံလိုက်ရတယ်လို့ ဒေသခံတွေဆီက သိရပါတယ်။” မနေ့က ညနေပိုင်း ၅ နာရီဝန်းကျင်မှာ ရေစကြိုမြို့နယ် ၊ ကျောက်ထပ်ကျေးရွာနားမှာ တိုက်ပွဲဖြစ်တယ် ၊ PDF စခန်းတခု သိမ်းခံရတယ် ၊ ညပိုင်းကျတော့ ရေစကြိုမြို့ပေါ်မှာ နှစ်လောင်းပြိုင် လူသတ်မှုဖြစ်တယ် ၊ အသတ်ခံရတဲ့သူတွေက စာတိုက်နားမှာ နေတဲ့ ကျောင်းအုပ် ဆရာကြီး ဦးအောင်ခင်နဲ့ သူ့မိန်းမ အငြိမ်းစား ကျောင်းအုပ်ဆရာမကြီး ဒေါ်ကြည်တင့်…

မေ ၊ ၂၀ ၊ ၂၀၂၄SP (VOM)မန္တလေးတိုင်း ၊ သပိတ်ကျင်းခရိုင် ၊ သပိတ်ကျင်းမြို့နယ်မှာ ဒီရက်ပိုင်းအတွင်း လမ်းကြောင်းတွေ ပိတ်ဆို့ခံထားရသလို ၊ လူသတ်မှုတွေလည်း အဖြစ်များလာနေတယ်လို့ ဒေသခံတွေဆီက သိရပါတယ်။” မန္တလေးတိုင်းရဲ့ မြောက်ပိုင်းလမ်းဖြစ်တဲ့ သပိတ်ကျင်းမြို့နယ် ၊ မန္တလေး – ဗန်းမော် ကားလမ်း နဲ့ မန္တလေး – မိုးကုတ် ကားလမ်းပိုင်း နေရာတချို့ ပိတ်ဆို့ခံထားရတယ် ၊ နောက်ပြီး ဒေသတွင်း လက်နက်ကိုင် PDF အဖွဲ့ စစ်ဆေးရေးဂိတ်တွေရှိတယ် ၊ ဒီရက်ပိုင်းမှာ သပိတ်ကျင်းနယ်မှာ လူသတ်မှုတွေအဖြစ်များလာလို့ လူ ခုနှစ်ယောက်ထက်မနည်း သေဆုံးတယ် ၊ မန္တလေး – ဗန်းမော်ကားလမ်း ၊ ကြာညှပ် – တကောင်း – မြတောင်လမ်း အခုထိ သွားလာဖို့ ခက်ခဲနေဆဲဖြစ်တယ်…