Day: June 14, 2024

  Voice of Myanmar ပြောက်ကျားစစ် သီအိုရီနှင့် နည်းဗျူဟာရှင်၊ ၁၉၅၆-၅၉ ခုနှစ် ကျူးဘားတော်လှန်ရေးတွင် ထင်ရှားသော ကွန်မြူနစ်ခေါင်းဆောင်ဖြစ်သူ ချေဂွေဗားရားကို ၁၉၂၈ ခုနှစ် ဇွန် ၁၄ ရက်တွင် မွေးဖွားခဲ့သည်။ #Voceofmyanmar #VOM #ThisDayInHistory #June14

  ရောမ၊ ဇွန်-၁၄-၂၀၂၄ မျိုးဆက်(VOM) ယူကရိန်းကို ကျူးကျော်နေသော ရုရှားတပ်တွေကို တိုက်ထုတ်ရာမှာ အသုံးပြုဖို့ ပိတ်ဆို့ခံထားရတဲ့ ရုရှားရဲ့ ပိုင်ဆိုင်မှု ဒေါ်လာဘီလီယံ ၅၀ ကို ယူကရိန်းကိုပေးဖို့ ဂျီ-၇ အဖွဲ့ခေါင်းဆောင်တွေက သဘောတူလိုက်ပါတယ်။ ဒီကိစ္စနဲ့ ပတ်သက်ပြီး ရုရှားဘက်က ပြင်းပြင်းထန်ထန်လက်တုံ့ပြန်မယ်လို့ ခြိမ်းခြောက်ထားပေမယ့် ယူကရိန်းကို ကျောခိုင်းခြင်းမပြုဘူးဆိုတာ နောက်ထပ်သတိပေးချက်ဖြစ်တယ်လို့ အမေရိကန်သမ္မတ ဂျိုးဘိုင်ဒင်က ပြောပါတယ်။ ထိန်းချုပ်ခံထားရတဲ့ ရုရှားရဲ့ ငွေတွေဟာ ယူကရိန်းအတွက် ယခုနှစ်ကုန်မှာ ရောက်လာဖွယ်မရှိသေးပေမယ့် ယူကရိန်းစစ်ပွဲနဲ့ စီးပွားရေးကို ပံ့ပိုးရန် ရေရှည်ဖြေရှင်းချက်တခုအဖြစ် ရှုမြင်ရပါတယ်။ အီတလီမှာ ကျင်းပတဲ့ ဂျီ-၇ ထိပ်သီးဆွေးနွေးပွဲမှာတော့ အမေရိကန်သမ္မတဂျိုးဘိုင်ဒင်နဲ့ ယူကရိန်သမ္မတ ဇီလန်စကီးတို့ဟာ ၁၀ နှစ်သက်တမ်းရှိ နှစ်နိုင်ငံလုံခြုံရေးသဘောတူညီချက်ကို လက်မှတ်ရေးထိုးခဲ့ကြပါတယ်။ ဒီသဘောတူညီချက်မှာတော့ ယူကရိန်းကို အမေရိကန်က စစ်ရေးနဲ့ လေ့ကျင့်ရေးတွေပေးသွားမှာဖြစ်ပေမယ့် ယူကရိန်းအတွက် တိုက်ပွဲဝင်ဖို့ အမေရိကန်တပ်တွေ…

  နိုင်ရိုဘီ၊ ဇွန်-၁၄-၂၀၂၄ မျိူးဆက်(VOM) ကင်ညာနိုင်ငံ မြို့တော်နိုင်ရိုဘီရှိ တရားရုံးမှာ တရားသူကြီးကို သေနတ်နဲ့ ပစ်ခတ်ခဲ့တဲ့ ရဲအရာရှိတယောက် ပစ်သတ်ခံခဲ့ရကြောင်း တာဝန်ရှိသူတွေက ပြောပါတယ်။ ဇနီးဖြစ်သူနဲ့ပတ်သက်တဲ့ အမှုတခုကို တရားရုံးက စီရင်ချက်ချပြီးနောက် များမကြာမီမှာ အဲဒီရဲအရာရှိက တရားသူကြီးကို မကျေနပ်တာကြောင့် သေနတ်နဲ့ ပစ်ခတ်ခဲ့တာဖြစ်တယ်လို့ တာဝန်ရှိသူတွေက ပြောပါတယ်။ ဇနီးဖြစ်သူဟာ အမှုကနေ ရင်မဆိုင်ဘဲထွက်ပြေးပြီးနောက် သူ့ရဲ့အာမခံကို ပယ်ဖျက်ဖို့ တရားရုံးက ဆုံးဖြတ်တာကို မကျေနပ်ဖြစ်ပြီး ပစ်ခတ်ခဲ့တဲ့ ကစ်ရူတိုဟုအမည်ရ ရဲအရာရှိဟာ တခြားရဲတပ်ဖွဲ့ဝင်တွေရဲ့ တုံ့ပြန်ပစ်ခတ်မှုကြောင့် သေဆုံးသွားပါတယ်။ ပစ်ခတ်မှုအတွင်း အခြားရဲတပ်ဖွဲ့ဝင်သုံးယောက်လည်း ဒဏ်ရာရရှိခဲ့ပြီး တင်ပါးမှာ ဒဏ်ရာရရှိသွားတဲ့ တရားသူကြီးနဲ့ အခြားဒဏ်ရာရရှိသူတွေကို ဆေးရုံမှာ ကုသမှုနေကြောင်း ပေးနေကြောင်း တာဝန်ရှိသူတွေက ပြောပါတယ်။ တရားခွင်အတွင်းဖြစ်ပွားခဲ့တဲ့ အဆိုပါပစ်ခတ်မှုကြောင့် ကင်ညာနိုင်ငံသားတွေတုန်လှုပ်ခဲ့ပြီး ရဲတပ်ဖွဲ့ဟာ တရားစီရင်ရေးဘောင်ကိုကျော်လွန်ပြီး သတ်ဖြတ်မှုတွေမှာ ပါဝင်မှု မကြာခဏဖြစ်ပွားလေ့ရှိသော်လည်း…

  ဘန်ကောက်၊ ဇွန်-၁၄-၂၀၂၄ မျိုးဆက်(VOM) ထိုင်းနိုင်ငံ အလယ်ပိုင်းမှာ အာရှဆင်တကောင်ကနေ ရှားပါးတဲ့ ဆင်အမွှာကို ချန်ချူရီလို့ အမည်ရတဲ့ ဆင်မတကောင်ကနေ မွေးဖွားခဲ့တယ်လို့ သိရပါတယ်။ အသက် ၃၆ နှစ်အရွယ် ချန်ချူရီဟာ ပြီးခဲ့တဲ့ သောကြာနေ့က ဆင်လေးတကောင် မွေးဖွားခဲ့ပြီး အယုဒ္ဓယဆင်နန်းတော်နဲ့ ရိုင်ရယ်ကာရယ်က ဝန်ထမ်းတွေကတော့ သူမရဲ့မွေးဖွားမှု ပြီးဆုံးပြီလို့ မှတ်ယူခဲ့တာဖြစ်ပါတယ်။ ဒါပေမယ့် ပထမဆင်လေးကို သန့်ရှင်းရေးလုပ်ပြီး သူမရဲ့ခြေထောက်ပေါ်တင်ပေးနေရင်း အော်သံကျယ်ကြားလိုက်ရပြီးနောက်မှာ ဒုတိယမြောက်ဆင်လေးကို မွေးဖွားခဲ့တာလို့ ဝန်ထမ်းတွေက ပြောပါတယ်။ ဒီလိုမွေးဖွားမှုကြောင့် မိခင်ဆင်မ ထိန့်လန့်သွားခဲ့ပြီး ဆင်လေးကို အန္တရာယ်မဖြစ်စေဖို့ ထိန်းကျောင်းပေးခဲ့ရပြီး ဝန်ထမ်းတယောက်ပါ ဒဏ်ရာရရှိသွားပါတယ်။ ဆင်အမွှာမွေးဖွားမှုဟာ ဆင်တွေရဲ့ ၁ ရာခိုင်နှုန်းမှာသာ မွေးဖွားလေ့ရှိပြီး အခုလို အထီးနဲ့အမ အမွှာမွေးဖွားမှုကလည်း ရှားရှားပါးပါးဖြစ်ပါတယ်။ လက်ရှိဆင်အမွှာလေးတွေဟာ အထီးက ၆၀ ကီလိုဂရမ်နဲ့ အမက ၅၅…

  တိုကျို၊ ဇွန်-၁၄-၂၀၂၄ မျိုးဆက်(VOM) ဂျပန်နိုင်ငံကို လာရောက်မယ့် ပြည်ပအလုပ်သမားတွေအတွက် နည်းပညာဆိုင်ရာ အလုပ်သင်စနစ်ကနေ လေ့ကျင့်ရေးအစီအစဉ်သစ်နဲ့ အစားထိုးမယ့် ဥပဒေကြမ်းတရပ်ကို ဂျပန်လွှတ်တော်က ဒီနေ့ ဇွန် ၁၄ ရက်မှာ အတည်ပြုလိုက်ပါတယ်။ လူဝင်မှုကြီးကြပ်ရေးနဲ့ဒုက္ခသည် အသိအမှတ်ပြုရေး အက်ဥပဒေကို ပြင်ဆင်တဲ့ အဲဒီဥပဒေကြမ်းကို အထက်လွှတ်တော်မှာ ထောက်ခံမဲအများစုနဲ့ အတည်ပြုခဲ့တာဖြစ်ပြီး ဒီဥပဒေဟာ ၂၀၂၇ ခုနှစ်မှာ စတင်သက်ဝင်မှာဖြစ်ပါတယ်။ ပြောင်းလဲလိုက်တဲ့ ဥပဒေထဲမှာတော့ ပြည်ပအလုပ်သမားတွေကို သုံးနှစ်အတွင်း ကျွမ်းကျင်လုပ်သားအဆင့်ကို ရောက်ရှိသွားအောင် ကူညီရေး ဂျပန်အစိုးရက ရည်ရွယ်ထားသည်။ သူနာပြု၊ ဆောက်လုပ်ရေး၊ စိုက်ပျိုးရေးစသည့် လုပ်သားရှားပါးမှုကြုံတွေ့နေရသည့် နယ်ပယ်တွေမှာ ပြည်ပအလုပ်သမားတွေကို လက်ခံမှာဖြစ်ပါတယ်။ အလုပ်သမားတွေဟော ယခင်ကထက် ဂျပန်မှာကာလရှည်ကြာ နေထိုင်ခွင့် ပိုမိုရရှိမှာဖြစ်ပြီး အလုပ်သင်တွေဟာ အချို့သောအခြေအနေတွေအောက်မှာ တူညီတဲ့ကဏ္ဍမှာလုပ်နေရင်း အခြားလုပ်ငန်းတူ တခုကို ကူးပြောင်းခွင့်ပြုထားပြီး လက်ရှိမှာတော့ အလုပ်ရှင်ပြောင်းခွင့်မရှိသေးပါဘူး။ အခွန်အခတွေကို…