Day: July 1, 2024

  မော်စကို၊ ဇူလိုင်-၁-၂၀၂၄ မျိုးဆက်(VOM) ရုရှားဟာ ယူကရိန်နိုင်ငံအရှေ့ပိုင်းမှာ သူ့ရဲ့ထိုးစစ်ကို အရှိန်မြှင့်တင်နေပြီး ဒွန်နက်ခ်ဒေသရှိ ရွာနှစ်ရွာနဲ့ နယ်မြေအချို့ကို ပြီးခဲ့တဲ့နေ့က သိမ်းပိုက်နိုင်ခဲ့ကြောင်း ရုရှားစ်တပ်က ထုတ်ပြန်ပါတယ်။ ရုရှားရဲ့ ထိုးစစ်ဆင်တိုက်ခိုက်မှုအတွင်း လူကိုးယောက်သေဆုံးပြီး ၁၆ ယောက်ဒဏ်ရာရရှိခဲ့တယ်လို့ ယူကရိန်း ဒွန်နက်ဒေသအုပ်ချုပ်ရေးမှူးက ဆိုပါတယ်။ ရုရှားကတော့ ယူကရိန်းရဲ့ ဒွန်နက်ခ်ဒေသကို အပြည့်အ၀ ထိန်းချုပ်ဖို့ ကြိုးပမ်းနေပြီး ရုရှားတပ်တွေ ပိုမိုအောင်မြင်မှုရမယ်လို့ မျှော်လင့်ကြောင်း ပြောပါတယ်။ ရုရှားရဲ့ ထိုးစစ်အရှိန်မြှင့်တင်လာတာနဲ့အမျှ ယူကရိန်းမှာလည်း သေဆုံးဒဏ်ရာရသူ အရေအတွက် ဆက်လက်မြင့်တက်လာပါတယ်။ ဒီထဲမှာတော့ သေဆုံးသွားတဲ့ ကလေးငယ် ၅၅၄ ယောက်ရှိပြီး ၁၄၁၉ ယောက် ဒဏ်ရာရရှိခဲ့တယ်လို့ ယူကရိန်းအစိုးရရှေ့နေတွေကပြောပါတယ်။ ထိခိုက်သေဆုံးမှုအများဆုံးကတော့ ဒွန်နက်စ်ဒေသနဲ့ ခါကိဗ်ဒေသတို့မှာဖြစ်ပါတယ်။ ယူကရိန်းတောင်ပိုင်း ဇာပိုရစ်ဇီးယားဒေသမှာလည်း ပြီးခဲ့တဲ့စနေနေ့က ရုရှားရဲ့တိုက်ခိုက်မှုကြောင့် ကလေးငယ်သုံးယောက်သေဆုံးခဲ့တယ်လို့ ဆိုပါတယ်။ မကြာသေးမီကလည်း ရုရှားဟာ ယူကရိန်းစွမ်းအင်အခြေခံအဆောက်အဦတွေကို…

  ဂါဇာစီးတီး၊ ဇူလိုင်-၁-၂၀၂၄ မျိုးဆက်(VOM) အစ္စရေးတပ်တွေဟာ တင့်ကားတွေနဲ့အတူ ဂါဇာမြောက်ပိုင်း ရှီဂျာရီယာအရပ်နဲ့တောင်ပိုင်းရှိ ရာဖာမြို့အလယ်နဲ့ အနောက်ပိုင်းတို့ကို စစ်ဆင်ရေးတွေ ပိုမိုတိုးချဲ့လာပြီး ပါလက်စတိုင်းခြောက်ဦးထက်မနည်း သေဆုံးပြီး နေအိမ်အများအပြား ပျက်စီးခဲ့ကြောင်း ဒေသခံတွေက ပြောပါတယ်။ ပြီးခဲ့တဲ့ လေးရက်ကစပြီး ရှီဂျာရီယာကို ပြန်လည်ဝင်ရောက်လာတဲ့ အစ္စရေးတင့်ကားတွေရဲ့ပစ်ခတ်ခဲ့ကြောင့် နေအိမ်အများအပြား ပျက်စီးခဲ့ပြီး ကျည်တွေကျရောက်မှုကြောင့် ပိတ်မိနေသူလည်းရှိတယ်လို့ ဆိုပါတယ်။ အစ္စလာမ္မစ်စစ်သွေးကြွ ဟားမတ်စ်တို့အပေါ်စစ်ပွဲဟာ အနိုင်ကလွဲပြီး ဘာနဲ့မှ အစားမထိုးဘူးလို့ အစ္စရေးဝန်ကြီးချုပ် နေတန်ယာဟုက မနေ့ကပြုလုပ်တဲ့ အပတ်စဉ် အစိုးရအဖွဲ့အစည်းအဝေးမှာ ပြောပါတယ်။ “ဟားမတ်စ်တွေကို ချေမှုန်းပစ်ဖို့၊ ဓါးစာခံတွေအားလုံး လွတ်မြောက်ဖို့၊ ဂါဇာကမ်းမြှောင်ဒေသကနေ အစ္စရေးကို နောက်တစ်ကြိမ် မခြိမ်းခြောက်နိုင်အောင်နဲ့ ဒေသခံတွေ ဘေးကင်းစွာနဲ့ ပြန်လည်နေထိုင်နိုင်ဖို့ရည်မှန်းချက်တွေ အပြည့်မချင်း တိုက်ပွဲဝင်ဖို့ ကတိပြုတယ်” လို့ အစ္စရေးဝန်ကြီးချုပ်က ပြောပါတယ်။ နေတန်ယာဟုရဲ့ ဒီလိုမှတ်ချက်ပြုပြောဆိုအပြီးမှာတော့ ဟားမတ်စ်တို့ဟာ သူတို့ရဲ့…

  ဆိုးလ်၊ ဇူလိုင်-၁-၂၀၂၄ မျိုးဆက်(VOM) မြောက်ကိုရီးယားဟာ ဇူလိုင် ၁ ရက်နေ့က ပဲ့ထိန်းဒုံးကျည်နှစ်စင်းပစ်ခတ်ခဲ့ပြီး တစင်းဟာ ပျံသန်းနေစဉ် ပေါက်ကွဲမှုခဲ့ပြီး ကုန်းတွင်းပိုင်းကို အပျက်အစီးများ ကျရောက်နိုင်ကြောင်း တောင်ကိုရီးယား စစ်တပ်တာဝန်ရှိသူတွေက ပြောပါတယ်။ ဒုံးကျည်နှစ်စင်းစလုံးကို အရှေ့မြောက်ဘက်သို့ ဦးတည်ပစ်ခတ်ခဲ့ခြင်းဖြစ်ပြီး ဒုတိယမြောက်ဒုံးကျည်ဟာ မြို့တော်ပြုံးယမ်းနဲ့ နီးစပ်တဲ့ဒေသမှာ ပေါက်ကွဲခဲ့တယ်လို့ တောင်ကိုရီးယားစစ်တပ် ပြောရေးဆိုခွင့်ရှိသူ လီဆောင်ဂျွန်းကပြောပါတယ်။ မြောက်ကိုရီးယားဟာ ကီလိုမီလိုမီ ၆၀၀ ခရီးရောက်နိုင်တဲ့ ပဲ့ထိန်းဒုံးကျည်တစင်းနဲ့ ကီလိုမီတာ ၁၂၀ ခရီးရောက်တဲ့ ပဲ့ထိန်းဒုံးကျည်တစင်းတို့ကို ပစ်ခတ်ခဲ့ခြင်းဖြစ်ပြီး ဒုံးကျည်ပစ်လွှတ်မှုအကြိုအဆင့်မစပြီး ပျံသန်းမှုကို ခြေရာခံခဲ့ကြောင်း တောင်ကိုရီးယား ပူးတွဲစစ်ဦးစီးချုပ်များအဖွဲ့က ထုတ်ပြန်ပါတယ်။ မြောက်ကိုရီးယားရဲ့ လုပ်ရပ်တွေဟာ ကိုရီးယားကျွန်းဆွယ် ငြိမ်းချမ်းရေးနဲ့ တည်ငြိမ်ရေးကို ပြင်းထန်စွာခြိမ်းခြောက်တဲ့ ရန်စမှုဖြစ်ကြောင်း ဂျပန်နဲ့ တောင်ကိုရီးယားအစိုးရတို့က ရှုတ်ချထားပါတယ်။ ဂျပန်၊ အမေရိကန်နဲ့ တောင်ကိုရီးယားတို့ လက်ရှိပြုလုပ်နေတဲ့ သုံးနိုင်ငံ ပူးတွဲစစ်ရေးလေ့ကျင့်မှုကို…

  ဝါရှင်တန်၊ ဇူလိုင်-၁-၂၀၂၄ မျိုးဆက်(VOM) လာမယ့်နိုဝင်ဘာလမှကျင်းပမယ့် သမ္မတရွေးကောက်ပွဲမတိုင်ခင် စကားစစ်ထိုးပွဲမှာ ကောင်းမွန်တဲ့စွမ်းဆောင်ရည်မပြနိုင်တဲ့ လက်ရှိသမ္မတ ဂျိုးဘိုင်ဒင်ဟာ သမ္မတအဖြစ် ပြန်လည်ရွေးချယ်ခံဖို့ မသင့်ဘူးလို့ အမေရိကန်မဲဆန္ဒရှင် ၇၀ ရာခိုင်နှုန်းက ပြောပါတယ်။ ဂျိုးဘိုင်ဒင်ဟာ သမ္မတဟောင်း ထရန့်နဲ့ ပြီးခဲ့တဲ့ ကြသပတေးနေ့မှ ပထမဆုံးအကြိမ် စကားစစ်ထိုးရာမှာ ရုန်းကန်ခဲ့ရပြီး သူ့ရဲ့စွမ်းဆောင်ရည်အပေါ် ဝေဖန်မှုတွေ မြင့်တက်ခဲ့ပါတယ်။ စကားစစ်ထိုးပွဲအပြီး စီဘီအက်စ်နဲ့ ယူဂေါ့တို့က ပြုလုပ်တဲ့စစ်တမ်းမှာတော့သမ္မတ ဂျိုးဘိုင်ဒင်ဟာ ပြန်လည်ရွေးချယ်ခံဖို့ မသင့်ဘူးလို့ ဆိုထားပြီး ဒါဟာ ပြီးခဲ့တဲ့ ဖေဖော်ဝါရီလမှာ ပြုလုပ်ခဲ့တဲ့ စစ်တမ်းထက် ၉ ရာခိုင်နှုန်း မြင့်တက်လာပါတယ်။ နောက်ဆုံးစစ်တမ်းအရ ဘိုင်ဒင်ဟာ ပြန်လည်ရွေးချယ်ခံဖို့ မသင့်ကြောင်း ဒီမိုကရက်တစ်မဲဆန္ဒရှင် ၄၆ ရာခိုင်နှုန်းကလည်း တုံ့ပြန်ဖြေဆိုထားပါတယ်။ စကားစစ်ထိုးပွဲပြီးနောက် ဘိုင်ဒင်ဟာ သမ္မတရွေးကောက်ပွဲကနေ နှုတ်ထွက်သင့်တယ်လို့ နယူးယောက်ခ်တိုင်းမ်သတင်းဌာနကလည်း ဖော်ပြထားပါတယ်။ ပြီးခဲ့တဲ့သီတင်းပတ်အတွင်းက စကားစစ်ထိုးပွဲမှာ…

  Voice of Myanmar လူမျိုးတုန်းသတ်ဖြတ်မှု၊ စစ်ရာဇဝတ်မှုများနှင့် လူသားမျိုးနွယ်အပေါ် ကျူးလွန်သည့် ရာဇဝတ်မှုများဖြင့် စွပ်စွဲခံရသူများကို တရားစွဲရန်နှင့် တရားစီရင်မှုပြုရန် ဖွဲ့စည်းထားသော နိုင်ငံတကာရာဇဝတ်တရားရုံး(ICC)ကို ၂၀၀၂ ခုနှစ် ဇူလိုင် ၁ ရက်တွင် စတင်တည်ထောင်ခဲ့သည်။ #Voiceofmyanmar #VOM #ThisDayInHistory