Day: August 24, 2024

ကိဗ်ယက်၊ ဩဂုတ်-၂၄-၂၀၂၄မျိုးဆက်(VOM)ယူကရိန်းအရေးနဲ့ပတ်သက်ပြီး စစ်မြေပြင်မှာ ဖြေရှင်းလို့မရကြောင်း ရုရှားသမ္မတ ပူတင်ကို ပြောခဲ့တယ်လို့ အိန္ဒိယဝန်ကြီးချုပ် မိုဒီက ထုတ်ဖော်ပြောဆိုပါတယ်။ဝန်ကြီးချုပ်မိုဒီဟာ ပြီးခဲ့တဲ့နေ့က ယူကရိန်းကို ရောက်ရှိနေပြီး ယူကရိန်းငြိမ်းချမ်းရေး ဖော်ဆောင်ရာမှာ ပုဂ္ဂိုဟ်ရေးကဏ္ဍကနေ ပါဝင်ပေးဖို့ အဆင့်သင့်ရှိတယ်လို့ သမ္မတဇီလန်စကီးနဲ့ တွေ့ဆုံရာမှာ မိုဒီက ပြောပါတယ်။“ ပြသနာတွေပြေလည်ဖို့ နှစ်ဘက်စလုံးက တွေ့ဆုံဆွေးနွေးရေး စကားဝိုင်းမှာ အတူထိုင်ပြီး ရုန်းထွက်နိုင်မယ့်နည်းလမ်းတွေကို ရှာဖွေရလိမ့်မယ်လို့ ” အိန္ဒိယဝန်ကြီးချုပ် မိုဒီက ပြောပါတယ်။မကြာသေးမီကာလက ကိဗ်ယက်ရှိ ကလေးဆေးရုံကို ရုရှားက လေကြောင်းတိုက်ခိုက်မှုကြောင့် လူအများအပြား သေဆုံးခဲ့နေမှာပဲ မိုဒီဟာ ရုရှားသမ္မတပူတင်နဲ့ တွေ့ဆုံခဲ့ပြီး ယူကရိန်းသမ္မတကိုလည်း ဝေဖန်မှုတွေ ပြုလုပ်ခဲ့ပါသေးတယ်။သူတို့နှစ်ယောက်ရဲ့ တွေ့ဆုံမှုဟာ အကြီးအကျယ်စိတ်ပျက်ဖွယ်လို့ ယူကရိန်းသမ္မတ ဇီလန်စကီးက အဲဒီအချိန်က ဝေဖန်ပြောဆိုခဲ့ပါတယ်။ လက်ရှိသူတို့နှစ်ယောက်တွေ့ဆုံမှုမှာတော့ ယူကရိန်းသမ္မတဟာ မျက်မှောင်ကြုတ်နေပုံရပြီး အရယ်အပြုံးခပ်နည်းနည်းသာဖြစ်တယ်လို့ သတင်းဌာနတွေဖော်ပြထားပါတယ်။Ref:BBCPhoto:Reuters

ဘန်ကောက်၊ ဩဂုတ်-၂၀၂၄ မျိုးဆက်(VOM) ထိုင်းနိုင်ငံ ဖူးခက်မှာ မိုးသည်းထန်စွာရွာသွန်းပြီး မြေပြိုမှုကြောင့် မြန်မာနိုင်ငံသား ကိုးယောက်အပါအဝင် လူတဒါဇင်ကျော် သေဆုံးခဲ့ပြီး နေအိမ် ၅၀ ကျော် ပျက်ဆီးခဲ့ကြောင်း တာဝန်ရှိသူတွေက ပြောပါတယ်။ မနေ့ကမနက်အစောပိုင်း ၁ နာရီလောက်ကစပြီး ဖူးခက်ကျွန်းနေရာအနှံ့အပြားမှာ မိုးသည်းထန်းစွာရွာသွန်းခဲ့ပြီး ရေကြီးမြေပြိုမှုတွေ ဖြစ်ပေါ်ခဲ့ကာ မြေပြိုမှုကြောင့် သေဆုံးသူတွေထဲမှာတော့ မြန်မာနိုင်ငံသားကိုးယောက် ပါဝင်ပြီး ရုရှားစုံတွဲတတွဲလည်း ပါဝင်တယ်လို့ ဆိုပါတယ်။ ကရွန်ဒေသမှာရှိတဲ့ ဆွိုင်ပါတက်၂ အရပ်ဒေသမှာ ဖြစ်ပွားခဲ့ ကြီးမားတဲ့ မြေပြိုမှုအတွင်း နေအိမ်တလုံးနဲ့ အလုပ်သမားတွေနေထိုင်တဲ့ တန်းလျားတခုနဲ့ ပိုင်ဆိုင်မှုတွေ မြေအောက်နစ်မြုပ်ခဲ့တယ်လို့ တာဝန်ရှိသူတွေက ပြောပါတယ်။ အခင်းဖြစ်ရာနေရာက အိမ်ထောင်စုငါးစု လူ ၂၅ ယောက်ကို ဘေးလွတ်ရာရွှေ့ပြောင်းပေးထားရပြီး ရွှံ့တွေအောက်မှာ လူတွေပိတ်မိနေတယ်လို့ ယူဆရတဲ့နေရာလေးခုမှာ ကယ်ဆယ်ရေးသမားတွေက ရှာဖွေရေးတွေ လုပ်ဆောင်နေပါတယ်။ ရေကြီးရေလျှံနဲ့ မြေပြိုမှုတွေအဆိုးရွားခံခဲ့ရတဲ့ မိုင်းခရိုင်ရှိ ချာလောင်းနဲ့ကရွန်တို့မှာတော့…

ဩဂုတ် ၂၄၊ ၂၀၂၄ Shy V (VOM) သီပေါမှာ ပစ်ခတ်သံတွေ ကြားနေရဆဲဖြစ်ပြီး ဩဂုတ် ၂၄ ရက် ဒီနေ့မနက်ပိုင်းမှာ ဘုရားကြီးကုန်းဘက်က ပစ်ခတ်လိုက်တဲ့ လက်နက်ကြီးကျလို့ တယောက်သေပြီး နှစ်ယောက်ဒဏ်ရာရရှိသွားတယ်လို့ ဒေသခံတွေကပြောပါတယ်။ “သီပေါမှာ ဒီမနက် ၉ နာရီလောက်က ဘုရားကြီးကုန်းဘက်က ပစ်လိုက်တဲ့ လက်နက်ကြီး ရပ်ကွက်ထဲ ကျလာလို့ အရပ်သား တယောက် ခေါင်းပွင့်ပြီး သေသွားတယ်။ နှစ်ယောက် ဒဏ်ရာရတာ ပရဟိတ တွေ ဆေးရုံခေါ်သွားပြီ” လို့ ဒေသခံ တယောက်က ပြောပါတယ်။ အခု သြဂုတ်လ ၉ ရက်နေ့ ကနေ ဒီနေ့ ဩဂုတ်လ ၂၄ ရက်နေ့ အထိ အရပ်သား လက်နက်ကြီးထိပြီး သေဆုံးတာ အယောက် ၂၀ ရှိပြီး ထိခိုက် ဒဏ်ရာရသူ အရပ်သား…

မော်စကို၊ ဩဂုတ်-၂၄-၂၀၂၄ မျိုးဆက်(VOM) ရုရှားရှိ ဝေးလံခေါင်သီတဲ့ ကိုလိုနီအကျဉ်းထောင်တခုမှာ အကျဉ်းသားအများအပြားက ဆူပူပုန်ကန်မှုတွေပြုလုပ်ပြီး ဓါးစာခံတွေကို ဖမ်းဆီးခဲ့ပြီးနောက် ထောင်ဝန်ထမ်း လေးယောက်သေဆုံးသွားတယ်လို့ တာဝန်ရှိသူတွေက ပြောပါတယ်။ အိုင်အက်စ်စစ်သွေးကြွလို့ သတ်မှတ်ခံထားရတဲ့ ဓါးကိုင်အကျဉ်းသားတွေဟာ အနောက်တောင်ပိုင်း ဗိုလ်ဂိုဂါ့ဒ်ဒေသရှိ အိုင်အေ-၁၉ ဆူရိုဗစ်ကီနို အကျဉ်ထောင်အတွင်းမှာ ဆူပူအုံကြွမှုကြောင့် ရုရှားအထူးတပ်ဖွဲ့ဝင်တွေက ဝင်ရောက်စီးနင်းပြီး ထိန်းချုပ်ခဲ့ရပါတယ်။ ဖြစ်စဉ်အတွင်း ဓါးစာခံအချို့ လွတ်မြောက်စေခဲ့ပြီး အကျဉ်းထောင်ဝန်ထမ်းလေးယောက် သေဆုံးခဲ့တယ်လို့ တာဝန်ရှိသူတွေက ပြောပါတယ်။ ကယ်ဆယ်ရေးစစ်ဆင်ရေးအတွင်း တိုက်ခိုက်သူလေးယောက်ကိုလည်း စနိုက်ပါဖြင့် ပစ်ခတ်ခဲ့သုတ်သင်ခဲ့ပါတယ်။ တိုက်ခိုက်သူတွေဟာ အကျဉ်းထောင်ဝန်ထမ်းများကို ဓါးကိုင်တိုက်ခိုက်မှုကြောင့် ဝန်ထမ်းအများအပြား ဒဏ်ရာရရှိသွားကြောင်း ၊ တိုက်ခိုက်သူတွေဟာ ထောင်ဝန်ထမ်းရှစ်ယောက်နဲ့အကျဉ်းသားလေးယောက်ကို ဓါးစာခံအဖြစ် ဖမ်းဆီးခဲ့တယ်လို့ တာဝန်ရှိသူတွေက ပြောပါတယ်။ ဖမ်းဆီးခံရသူတွေထဲမှာ အကျဉ်းထောင် ညွှန်ကြားရေးမှူးနဲ့ လက်ထောက်ညွှန်ကြားရေးမှူးတို့ ပါဝင်တယ်လို့ သတင်းတွေက ဖော်ပြထားပါတယ်။ တိုက်ခိုက်ရေးသမားတွေဟာ အကျဉ်းထောင်တခုလုံးကိုတော့ ထိန်းချုပ်နိုင်ခြင်းမရှိဘူးလို့ ရုရှားတာဝန်ရှိသူတွေက…

Voice of Myanmar ပြင်သစ်နိုင်ငံသည် ၎င်း၏ပထမဆုံးသော ဟိုက်ဒရိုဂျင်ဗုံးကို ပြင်သစ်ပိုလီနီးရှားဒေသ၌ ၁၉၆၈ ခုနှစ် ဩဂုတ် ၂၄ ရက်တွင် ပြုလုပ်ခဲ့ပြီး အမေရိကန်၊ ဆိုဗီယက်ယူနီယံ၊ ဗြိတိန်နှင့် တရုတ်တို့ပြီးလျှင် ကမ္ဘာ့ပဉ္စမမြောက် နျူကလီးယား အင်အားကြီးနိုင်ငံဖြစ်လာခဲ့သည်။

ဝါရှင်တန်၊ ဩဂုတ်-၂၄-၂၀၂၄မျိုးဆက်(VOM)အမေရိကန် အမျိုးသားလုံခြုံရေးအကြံပေး ဂျိတ်ဆူလီဗန်သည် လာမယ့်သီတင်းပတ်မှာ တရုတ်နိုင်ငံကို သွားရောက်ပြီး နိုင်ငံခြားရေးဝန်ကြီး ဝမ်ယီနဲ့ တွေ့ဆုံဆွေးနွေးရာမှာ မြန်မာ့အရေးလည်း ပါဝင်မယ်လို့ အိမ်ဖြူတော်တာဝန်ရှိသူတွေက အတည်ပြုပြောဆိုပါတယ်။အမေရိကန်အမျိုးသားလုံခြုံရေးအကြံပေး ဂျိတ်ဆူလီဗန်ရဲ့ တရုတ်ခရီးစဉ်ဟာ နိုဝင်ဘာ ၅ ရက်မှာကျင်းပမယ့် အမေရိကန်သမ္မတရွေးကောက်ပွဲမတိုင်ခင် ထွက်ပေါ်လာတာဖြစ်ပါတယ်။ဩဂုတ် ၂၇ ရက်ကနေ ၂၉ ရက်ထိ ဒီခရီးစဉ်အတွင်း အမေရိကန်-တရုတ် စစ်ဘက်ဆိုင်ရာ ဆွေးနွေးပွဲတွေ ကျင်းပရေး၊ ထိုင်းဝမ်အရေးနဲ့ မြန်မာ့အရေးတို့ကို ဆွေးနွေးသွားဖို့ရှိတယ်လို့ အမေရိကန်တာဝန်ရှိသူတွေက ဆိုပါတယ်။ပေကျင်းမှာပြုလုပ်မယ့်ဆွေးနွေးပွဲမှာတော့ ရုရှားစစ်တပ်ကို တရုတ်နိုင်ငံက ကူညီထောက်ပံ့နေမှုတွေ၊ တောင်တရုတ်ပင်လယ်အရေး၊ အရှေ့အလယ်ပိုင်းအရေးနဲ့ ဉာဏ်ရည်တုနည်းပညာနဲ့ ပတ်သက်တာတွေလည်း ပါဝင်မယ်လို့ဆိုပါတယ်။ဒီမိုကရက်တစ်သမ္မတလောင်းနဲ့ ဒုတိယသမ္မတဖြစ်သူ ကမလာဟားရစ်နဲ့ ရီပတ်ဘလီကန်သမ္မတလောင်း ဒေါ်နယ်ထရန်တို့ရဲ့ သမ္မတရွေးကောက်ပွဲပြိုင်ဆိုင်မှုဟာလည်း တရုတ်အပေါ်ထားတဲ့ အမေရိကန်ရဲ့ နိုင်ငံခြားရေးမူဝါဒက အဓိကအခန်းကဏ္ဍကပါဝင်နေပါတယ်။အမေရိကန်နဲ့ တရုတ်နိုင်ငံတို့ရဲ့ ဆက်ဆံရေးဟာ အမေရိကန်ပေါ် ဖြတ်ပျံလာတဲ့ တရုတ်သူလျှိုမိုးပျံပူပေါင်းတွေကို အမေရိကန်က ပစ်ချခဲ့တဲ့ ၂၀၂၃…