Month: August 2024

  ဩဂုတ် ၁၇ – ၂၀၂၄ SS (VOM) ရခိုင်ပြည်နယ် (တောင်ပိုင်း) အစွန်ဆုံး ဂွမြို့နယ်၊ ကျိန္တလီမြို့နယ်ခွဲအတွင်း မနေ့ ဩဂုတ် ၁၆ ရက်၊ နေ့လယ်ပိုင်းက လက်နက်ကြီးကြောင့် ကလေးငယ်တွေအပါအဝင် လူသေဆုံး ဒဏ်ရာရမှုတွေရှိတယ်လို့ ဒေသခံတွေက ပြောပါတယ်။ မနေ့ နေ့လယ် ၁ နာရီဝန်းကျင်က ကျိန္တလီမြို့၊ အမှတ် (၂) ရပ်ကွက်ရှိ ခရစ်ယာန် ဘာသာရေးကျောင်းပေါ်ကို လက်နက်ကြီး ကျရောက် ပေါက်ကွဲခဲ့တာဖြစ်ပြီး အသက် ၁၂ နှစ်အရွယ် မိန်းကလေး တယောက်၊ ၁၅ နှစ်အရွယ် ယောက်ျားလေး တယောက်၊ အမျိုးသမီး ခြောက်ယောက်နဲ့ အမျိုးသား သုံးယောက်တို့ သေဆုံးခဲ့ကာ ၁၁ ယောက်ဝန်းကျင် ပြင်းထန် ဒဏ်ရာတွေ ရရှိခဲ့ကြတယ်လို့ သိရပါတယ်။ “ထိခိုက် သေဆုံးသူတွေထဲမှာ ဓမ္မဆရာတွေအပြင် ဘုရားကျောင်းမှာ…

  ဩဂုတ် ၁၆၊ ၂၀၂၄ Shy V (VOM) ကချင်ပြည်နယ်၊ ဖားကန့်ဒေသမှာ နစကတပ်တွေနဲ့ KIA နဲ့ ပူးပေါင်းအဖွဲ့တွေအကြား တိုက်ပွဲတွေ ပြင်းထန်နေပြီး စစ်ရေးဆက်လက်တင်းမာနေတယ်လို့ ဒေသခံတွေက ပြောပါတယ်။ လမောင် နစက ကာကင်း တပ်စခန်းနဲ့ တောမှော် နစက ကာကင်း တပ်စခန်း ဩဂုတ် ၁၅ ရက်နေ့ သိမ်းခံရပြီး လိုင်ဇာဘက်လည်း လေကြောင်းဗုံးကြဲခံရ ကြောင်း ဒေသခံတွေဆီက သိရပါတယ်။ “ဖားကန့်ဘက်က ရှေ့တန်း ကာကင်း စခန်းကြီး ဖြစ်တဲ့ လမောင် တပ်စခန်းကို မနေ့က မနက် ၉ နာရီ လောက်က KIA နဲ့ ပူးပေါင်း အဖွဲ့တွေ သိမ်းလိုက်ကြပြီလို့ ကြားတယ်။ တောမှော် စခန်းကိုပါ ညနေ ၄ နာရီ လောက်က သိမ်းလိုက်ကြတယ်။”…

  သြဂုတ် ၁၆ – ၂၀၂၄ KG (VOM) စက်သုံးဆီဝယ်ယူမရလို့ လူမှုကူညီရေးပရဟိတအသင်းများအနေနဲ့ အရေးပေါ်လူနာလမ်းကြောင်းပို့ဆောင်ဖို့ အခက်တွေ့နေရပြီး အချို့သောလူမှုရေးအသင်းတွေအနေနဲ့ ဆီမရှိလို့ ကားတွေကိုရပ်နားထားရတယ်လို့ ရန်ကုန်မြို့ အခြေစိုက်လူမှုကူညီရေးအသင်းများထံကနေ သိရပါတယ်။ ပြီးခဲ့တဲ့လပိုင်းတွေကစလို့ ရန်ကုန်မြို့ အပါအဝင် တိုင်းနဲ့ပြည်နယ်အသီးသီးမှာ စက်သုံးဆီပြတ်လပ်ပြီးဝယ်ယူရခက်ခဲတဲ့ကိစ္စရပ်တွေရှိလာသလို စက်သုံးဆီအခက်အခဲကြောင့်ဆီဆိုင်တွေမှာ ဆီရရှိဖို့အတွက်တန်းစီစောင့်ဆိုင်းနေရတဲ့ကားတန်းရှည်ကြီးတွေကိုလည်းနေ့စဥ်တွေ့ မြင်နေရတယ်လို့ ဆိုပါတယ်။ “စက်သုံးဆီကဝယ်မရဘူးပေါ့။အခုဘယ်လိုလေးအခက်အခဲဖြစ်နေလဲဆိုတော့အားလုံးကတန်းစီစနစ်ပဲ၊ဆီဝယ်မရဘူး။လူနာမပါရင်တန်းစီပဲလေသူတို့ကလူနာပါရင်တော့ရောင်းပေးတယ်။လူနာမပါရင်တော့တန်းစီပေါ့။မီးလောင်ပြင်တို့ အရေးပေါ်လမ်းကြောင်းတွေသွားတဲ့အခါမှာဆီမရှိရင်တော့မထွက်ရဘူးပေါ့နော်၊ဒါပဲပေါ့။အပြင်မှောင်ခိုစျေးကွက်တွေမှာလည်းဆီကဝယ်လို့မရပါဘူး” လို့ လူမှုကူညီရေးသမားတယောက်က ပြောပါတယ်။ နစက သတင်းထုတ်ပြန်ရေးဘက်ကတော့ ပြည်တွင်းစက်သုံးဆီလက်ကျန်အခြေအနေတွေနဲ့ ပြည်ပမှဝင်ရောက်လာမယ့် ဆီတင်သင်္ဘောတွေရဲ့ အခြေအနေများအရ စက်သုံးဆီပြတ်လပ်နိုင်ခြင်းမရှိဘူးလို့ဆိုထားပြီး စုပြုံတန်းစီဝယ်ယူနေကြတဲ့ အရောင်းဆိုင်တွေအပြင် တန်းစီဝယ်ယူမှုနည်းပါးလျက်ရှိတဲ့ အခြားအရောင်းဆိုင်တွေမှာလည်း သွားရောက်ဝယ်ယူပြီး ပြည်သူများအားလုံးက ဝိုင်းဝန်းပူးပေါင်းဆောင်ရွက်ပေးကြဖို့ကိုလည်းအသိပေးနှိုးဆော်ထားပါတယ်။ “တို့အသင်းတွေကဘယ်လိုဖြစ်လဲဆိုတော့ ကားတွေရပ်ထားကြရတာပေါ့။ သက်ဆိုင်ရာကနေလူမှုကူညီရေးပရဟိတအသင်းတွေအတွက်သီးသန့်စက်သုံးဆီစီစဥ်ပေးတာမျိုးတော့မရှိသေးပါဘူး။ ကိုယ့်ဘာသာကိုယ်ပဲ အမြဲတမ်းရုန်းကန်လှုပ်ရှားနေရတာပါ။ဆီမရရင်တော့လမ်းကြောင်းမထွက်ရဘူးပေါ့။ကိုယ့်ဘာသာကိုယ်ပဲအဆင်ပြေသလိုရုန်းကန်ပြီးကူညီရေးလုပ်ငန်းတွေကိုဆောင်ရွက်ပေးနေရပါတယ်”လို့ ရန်ကုန်မြို့ အခြေစိုက်ပရဟိတသမားတဦးက VOM ကို ပြောပါတယ်။ ဒါ့အပြင် ပုံမှန်ကာလများထက်စက်သုံးဆီပိုမိုဝယ်ယူ နေမှုတွေရှိနေတဲ့အတွက် နေပြည်တော် အပါအဝင်…

  ဩဂုတ် ၁၆၊ ၂၀၂၄ Shy V (VOM) ပြင်ဦးလွင် – နောင်ချိုလမ်းပိုင်းက အင်းဝိုင်း သကြားစက် ကွင်းလမ်း ဒီရက်ပိုင်းမှာ မြေတူး ဖြတ်တောက်ဖျက်ဆီးခံထားရကြောင်း ဒေသခံ တွေဆီက သိရပါတယ်။ “သကြားစက် လမ်းထိပ်မှာ မြေတူး လိုက်ပြီး သွားလို့ မရတော့ဘူး။ ဟိုတနေ့က တောဘက်က အဖွဲ့တွေ ဖြတ်လိုက်တယ်။ နစကဘက်ကလည်း ဝင်လာတယ်လေ ဟိုနေ့က လည်း။ TNLA တွေ ရှိတဲ့ ဘက် လက်နက်ကြီး နဲ့ လာထုသွားတယ်။ အဲဒါကြောင့် တောဘက်က အဖွဲ့တွေ လမ်းဖြတ်လိုက်တာ” လို့ ဒေသခံ အမျိုးသမီး တယောက်က ပြောပါတယ်။ လားရှိုးဘက်က နေပြင်ဦးလွင် ဘက် ဆင်းမယ့်ကားတွေ ဖြတ်လို့ မရတော့ဘူးလို့ သူက ပြောပါတယ်။ “လတ်တလော အရေးကြီး ပြင်ဦးလွင်…

  ဩဂုတ် ၁၄ – ၂၀၂၄ SN (VOM) စစ်ကိုင်းတိုင်း၊ ကလေးမြို့ကနေ မြန်မာပြည် အောက်ပိုင်းဘက်ကိုပြေးဆွဲနေတဲ့ လေယာဥ်လက်မှတ်ခ ဈေးနှုန်းတွေဟာ အရင်ကထက် ကျပ် သုံးသောင်းခွဲလောက် ထပ်မံမြင့်တက်လာတယ်လို့ ဒေသခံတွေနဲ့ လက်မှတ် အရောင်းကိုယ်စားလှယ်တွေဆီက သိရပါတယ်။ ဩဂုတ် ၁၃ ရက်က စတင်ကာ ဈေးနှုန်း ပြောင်းလဲသွားတာဖြစ်ပြီး အရင်က ကလေး-ရန်ကုန် လေယာဉ်လက်မှတ်ဈေးဟာ ကျပ် လေးသိန်းလေးသောင်းကနေ လေးသိန်း ခုနစ်သောင်းငါးထောင်ကျပ်၊ ရန်ကုန်-ကလေး လေယာဉ်လက်မှတ်ဟာ ကျပ် သုံးသိန်းရှစ်သောင်း ငါးထောင်ကနေ သုံးသိန်းကိုးသောင်း ငါးထောင်ကျပ်၊ ကလေး-မန္တ‌လေး‌ လေယာဉ်လက်မှတ်ဈေးက အသွားအပြန် တသောင်းဝန်းကျင်နဲ့ က‌လေး-မုံရွာလက်မှတ်ဈေးဟာ အသွားအပြန် ကျပ် နှစ်သောင်းခွဲအထိ မြင့်တက်သွားပါတယ်။ “ကလေးလေယာဉ် လက်မှတ်ဈေးက အခုနောက်ပိုင်း ထပ်တက်သွားတယ်။ တခြားမြို့တွေက လေယာဉ်လက်မှတ် ဈေးတွေကတော့ ခုရက်ပိုင်းထဲ မတက်သေးဘူး။ ကလေးမြို့တခုတည်း…