Day: September 24, 2024

မန္တလေး၊ စက်တင်ဘာ ၂၄-၂၀၂၄ Voice Of Myanmar(VOM) မန္တလေးမြို့၊ အောင်မြေသာစံမြို့နယ်၊ အောင်မြေသာစံရပ်ကွက်၊ ၁၉လမ်းနှင့် ၂၀လမ်းကြား၊ ၈၆လမ်းနှင့် ၈၇လမ်းကြားရှိ ဟိန္ဒူဘုရားကျောင်းအဟောင်းအဆောက်အဦတလုံးပြိုကျမှု ဒီကနေ့မနက် ၂နာရီခန့်က ဖြစ်ပွားခဲ့တယ်လို့ မန္တလေးတိုင်းမီးသတ်ဦးစီးဌာနကနေ သိရပါတယ်။ မီးသတ်ဦးစီးဌာနနဲ့နီးစပ်သူတဦးက ” မနက်အစော ၂နာရီခန့်က အဆောက်အဦပြိုတဲ့သတင်းရတယ်၊ မီးသတ်က ကယ်‌ဆယ်ရေးအဖွဲ့တွေနဲ့ ကယ်ဆယ်ရေးဆောင်ရွက်ကြတယ်၊ ကနဦးအရတော့ အမျိုးသမီး(၃)ဦးနဲ့ အမျိုးသား(၂)ဦး ဒဏ်ရာရတယ်၊ အဲ့ဒီအထဲက အမျိုးသမီးတဦး သေဆုံးပါတယ်”လို့ ပြောပါတယ်။ ပေ ၅၀ ပတ်လည် တထပ်တိုက် ဟိန္ဒူဘုရားကျောင်းအဟောင်း ညာဘက်ရှိ အဖီဆွဲထားသော သွပ်မိုးအုတ်ကာ အခန်း(၃)ခန်း ပြိုကျမှုဖြစ်ပွားပြီး အသက်(၅၀)နဲ့ အသက် (၃၀)အမျိုးသမီး (၂)ဦး၊ အသက်(၁၁)နှစ်အရွယ် မိန်းကလေး(၁)ဦး၊ အသက်(၂၂)နှစ်အရွယ်အမျိုးသား(၁)ဦး ၊ အသက်(၁၁)နှစ်အရွယ် ယောကျာ်းလေး(၁)ဦး ထိခိုက်ဒဏ်ရာရခဲ့ပြီး အသက်(၅၀)အရွယ်အမျိုးသမီး သေဆုံးခဲ့တယ်လို့ သိရပါတယ်။ အဲ့ဒီအဆောက်အဦမှာ…

စက်တင်ဘာ ၂၄၊ ၂၀၂၄ Shy V (VOM) ရှမ်းပြည်နယ် တောင်ပိုင်း၊ အာရှ လမ်းမရဲ့ လမ်းပိုင်း ဖြစ်တဲ့ လွိုင်လင် – မိုင်းပွန်ကြား ကုန်သွယ်ရာ လမ်းမဟာ ရေကြီး မြေပြိုမှုကြောင့် အခြေအနေ မကောင်းသေးကြောင်း ‌ဒေသခံတွေနဲ့ ကုန်တင် ယာဉ်မောင်းတွေဆီက သိရပါတယ်။ “အခုက လမ်း မြေပြိုထားတဲ့ နေရာတွေကို ပရဟိတ နဲ့ မီးသတ်တပ်ဖွဲ့ ရှင်းလင်း ဖယ်ထုတ်ထားတယ်။ ဒါပေမယ့် စိတ်မချရဘူး။ တောင် အပေါ်ဘက်က မြေတွေ ထပ်ပြိုလာနိုင်တယ်” လို့ ဒေသခံ အမျိုးသား တယောက်က ပြောပါတယ်။ မိုးမရွာရင်တောင် တောင်ရဲ့ ဘေးတွေမှာ မြေသားတွေက ပွ နေပြီး မြေတွေ ထပ်ပြိုကျနိုင်သလို မိုးရွာရင် မြေ ထပ်ပြိုလာမယ့် အခြေအနေလဲရှိနေတာကြောင့် ပို စိုးရိမ်နေရတယ်လို့ ဆိုပါတယ်။…

စက်တင်ဘာ ၂၄၊ ၂၀၂၄Shy V (VOM)ရှမ်းပြည်နယ်မြောက်ပိုင်း၊ ကျောက်မဲခရိုင်၊ နောင်ချိုမြို့နယ်၊ တောင်ရှည်ကျေးရွာအုပ်စု၊ တောင်ခမ်းရွာဘက်မှာ ဒီနေ့ စက်တင်ဘာလ ၂၃ ရက်နေ့အထိ တိုက်ပွဲ ဆက်လက် ပြင်းထန်နေဆဲ ဖြစ်ကြောင်း ဒေသခံတွေ ဆီက သိရပါတယ်။“ဒီနေ့ တောင်ခမ်းဘက် နောက်ဆုံးအခြေအနေ တော်တော်လေး ပြင်းထန်တယ်” လို့ ဒေသခံ အမျိုးသမီး တယောက်က ပြောပါတယ်။လက်နက်ကြီး ပစ်ခတ်သံတွေလည်း ကြား နေရပြီး မနေ့ကတော့ နစက ဘက်က လူနဲ့ ရိက္ခာ ထပ်ချ ပေး တယ်လို့ သိရကာ တိုက်ပွဲက ပြင်းထန်နေဆဲဖြစ်တယ်လို့ သူက ပြောပါတယ်။“တောင်ခမ်းဘက်က တိုက်ပွဲဖြစ်နေဆဲပဲ။ နစက ဘက်က အခု နောက်ပိုင်း ဆက်တိုက် ဆိုသလို ထိုးစစ်ဆင် နေတာ” လို့ ဒေသခံ အမျိုးသား တယောက်က ပြောပါတယ်။စက်တင်ဘာ ၂၃…

စက်တင်ဘာ ၂၄၊ ၂၀၂၄ Shy V (VOM) ကိုးကန့် MNDAA ထိန်းချုပ်ထားတဲ့ လားရှိုးမြို့ကို စက်တင်ဘာ ၂၄ ရက်‌ မနက်ပိုင်းမှာ နစက တပ်က ေန လေကြောင်းနဲ့ ထပ်မံ တိုက်ခိုက်တာမှာ တယောက်သေဆုံးပြီး ၉ ဦး ထက်မနည်း ထိခိုက်ဒဏ်ရာရရှိကြောင်း ဒေသခံတွေဆီက သိရပါတယ်။ “၄ လုံး လာကြဲသွားတယ်။ ပထမ ၂ လုံးက ရပ်ကွက် ၂ ထဲက ရထိုက် ဟိုတယ် နဲ့ ဖူလီလိုက် ဟိုတယ်မှာ ကျတယ်။ ၉ ယောက် ထိခိုက် ဒဏ်ရာရတယ်။ အဆောက်အဦးတွေ ပျက်ကုန်တယ်” လို့ ဒေသခံ အမျိုးသား တယောက်က ပြောပါတယ်။ မနက် ၁ နာရီ ၃၀ မိနစ်မှာ တလုံး၊ ၁…

စက်တင်ဘာ ၂၄ – ၂၀၂၄KG(VOM)ပဲခူးတိုင်းဒေသကြီး၊တောင်ငူခရိုင်အတွင်းမှာ ရေဘေးကူညီကယ်ဆယ်ရေးလုပ်ငန်းတွေကို ဆောင်ရွက်ရာမှာလုံခြုံရေးအခြေအနေတွေအရ ကန့်သတ်ချက်အချို့ရှိနေတယ်လို့ ဒေသခံတွေနဲ့ရေဘေးသွားရောက်ကူညီလှူဒါန်းကြသူတွေက ပြောပါတယ်။နောက်ဆုံးသတင်းအချက်အလက်တွေအရ တောင်ငူမြို့ပေါ်ရပ်ကွက်အချို့မှာရေပြန်ကျနေပေမယ့် အချို့သောကျေးရွာတွေနဲ့ စစ်တောင်မြစ်ဝှမ်းတလျှောက်ကကျေးရွာတွေမှာတော့ ရေလွှမ်းနေဆဲဖြစ်တယ်လို့ ဆိုပါတယ်။အဲဒီကျေးရွာတွေကိုသွားရောက်ကူညီဖို့အခက်အခဲအချို့ရှိနေသလို ကန့်သတ်မှုအချို့လည်းရှိနေတာဖြစ်တယ်လို့ ဒေသခံတွေနဲ့ကူညီရေးသမားတွေကပြောပါတယ်။“အခုအချိန်ထိတော့မြို့ပေါ်မှာရေဘေး ကယ်ဆယ်ရေးစခန်းတွေဖွင့်ထားတယ်။ ကေတုမတီမြို့ဘက်ကတော့ ရေကျပြီ၊စစ်တောင်းမြစ်အရှေ့ဘက်ကမ်းက လယ်ကွင်းပြင်တွေမှာတော့ရေတွေလွှမ်းနေတယ်ပြောပါတယ်။ အဲဒီဘက်ကတချို့ရွာတွေ ရေမြုပ်နေဆဲလို့ ပြောတယ်။ တချို့ရွာတွေကိုသွားလှူမယ်ဆိုရင်တော့ သက်ဆိုင်ရာအုပ်ချုပ်ရေးအဖွဲ့တွေကို ချိတ်ဆက်ပြီးသွားလို့ရတယ်။အခုအဲဒီလိုလေးတော့ ထုတ်ပြန်ထား တယ်ကြားတယ်။ တချို့အလှူရှင်တွေလည်းရွာဘက်တွေကိုမသွားတော့ဘဲ အုပ်ချုပ်ရေးအဖွဲ့တွေကိုပဲ လှူခဲ့တာရှိတယ်။ ကြားရတာက တချို့ဘက်တွေက လက်နက်ကိုင် နယ်မြေတွေဖြစ်တော့ အဲဒီဘက်တွေကို အလှူရှင်တွေချည်းပဲ သွားလာဖို့ ကန့်သတ်လိုက်တယ်လို့ကြားရတယ်။ အုပ် ချုပ်ရေးအဖွဲ့တွေကတဆင့် လှူရင်တော့ရတယ်။သူတို့နဲ့ချိတ်ဆက်ပြီးဆောင်ရွက်ရမယ်ပေါ့။အလှမ်းဝေးတဲ့ရွာတွေဆိုအလှူရှင် တွေအနေနဲ့ကိုယ်တိုင်ကိုယ်ကျသွားလှူဖို့ကတော့ခက်ပါတယ်။ မြို့ပေါ်မှာတော့လှူလို့ရတယ်။ အလှူရှင်တွေလည်းတော်တော်များများလာကြတယ်။ ရေဘေးကယ်ဆယ်ရေးစခန်းတွေလည်းအများကြီးရှိပါတယ်။တချို့လည်းဘုရားကျောင်းတွေ ဘုန်းကြီးကျောင်းတွေမှာရေဘေးကယ်ဆယ်ရေးစခန်းတွေဖွင့်ပြီးတော့ ရေဘေးရှောင်ပြည်သူတွေကိုဒီနေ့အထိကူညီစောင့်ရှောက်ပေးနေတာတွေရှိပါတယ်”လို့ တောင်ငူမြို့ဒေသခံတယောက်က VOM ကို ပြောပါတယ်။ဒါအပြင် စစ်တောင်းမြစ်အရှေ့ဘက်ကမ်းမှာအိမ်တိုင်းလိုလိုရေနစ်မြုပ်ခဲ့တာဖြစ်တယ်လို့ ဒေသခံတွေက ပြောပါတယ်။ လက်ရှိအချိန်အထိတောင်ငူမြို့နယ်မှာရေဘေးကယ်ဆယ်ရေးစခန်းပေါင်း ၄၀ ကျော်ဖွင့်လှစ်ထားပြီးလူဦးရေ ၅ သောင်းခန့်ရေဘေးခိုလှုံနေရတယ်လို့လည်း…