ဒီဇင်ဘာ ၃ – ၂၀၂၄ GG (VOM) နေပြည်တော်၊ ဒက္ခိဏသီရိမြို့နယ်၊ သံတမန်ဇုံ၊ ရွှေ ပြည်တော်ဝင်လမ်းနှင့် သဇင်လမ်းလမ်းဆုံမှာ ဒီဇင်ဘာလ ၂ ရက်နေ့ညပိုင်းက လုံခြုံ ရဲတပ်ဖွဲ့ဝင်တွေလိုက်ပါလာတဲ့ကားနဲ့အိမ်စီးကားတို့တိုက်မိပြီး ရဲတပ်ဖွဲ့ဝင်နှစ်ယောက်သေဆုံးကာ ဆယ်ယောက်ကျော်ထိခိုက်ဒဏ်ရာရရှိခဲ့တယ်လို့သိရပါတယ်။ ယာဥ်တိုက်မှုမှာသေဆုံးသူနှစ်ယောက်မှာ ဒုရဲအုပ်တယောက်နဲ့ အခြားရဲတပ်ဖွဲ့ဝင် တယောက်တို့ဖြစ်တယ်လို့သိရပါတယ်။ ” ဖြစ်တာက ရဲလုံခြုံရေးသွားတဲ့ကားနဲ့အိမ်စီးကားတိုက်တာပါ။နှစ်ယောက်သေ ဆုံးတယ်။ ၁၂ယောက်ဒဏ်ရာရတယ်။ လမ်းဆုံဆိုတော့တိုက်မိတာ။ဖြစ်စဥ်မှာအကြမ်းဖျင်းသိရတာတော့ ကားပေါ်မှာကတပွင့်၊နှစ်ပွင့်၊ ဒုရဲအုပ်၊ရဲအုပ်တွေချည်းပဲ။ကျန်တဲ့ဒဏ်ရာရသူတွေထဲမှာတော့ အသက်စိုးရိမ်ရတာမျိုးမရှိပါဘူး။ကျိုးတာပဲ့တာတွေရှိပါတယ်။ ” လို့ နေပြည်တော်က လူမှုကူညီရေးအသင်းအဖွဲ့ဝင်ကပြောပြပါတယ်။ ယာဥ်တိုက်မှုဖြစ်ပွားခဲ့တဲ့ကားက ဒက္ခိဏသီဏိမြို့နယ်အတွင်း ညဘက်လုံခြုံရေး ကင်းလှည့်တဲ့ကားဖြစ်ပြီး ကားပေါ်မှာရဲတပ်ဖွဲ့ဝင် ၁၇ ယောက်လောက်လိုက်ပါလာတဲ့အထဲကမှ နှစ်ယောက်သေဆုံးကာ ၁၂ ယောက်ထိခိုက်ဒဏ်ရာရရှိခဲ့တာဖြစ်တယ်လို့သိရပါတယ်။ လက်ရှိမှာတော့ ထိခိုက်ဒဏ်ရာ ရရှိခဲ့တဲ့ရဲတပ်ဖွဲ့ဝင်တွေအားလုံး နေပြည်တော်ကုတင် ၁၀၀၀ မှာဆေးကုသမှုခံယူနေတယ်လို့သိရပါတယ်။ ၂၀၂၂ ခုနှစ် ဩဂုတ်လတုန်းကလည်း ဇမ္ဗူသီရိမြို့နယ် စည်ပင်ဧည့်ရိပ်သာအနီး လမ်းဆုံမီးပွိုင့်မှာ အိမ်စီးကားနဲ့ ရဲကားတိုက်မိလို့…
Read Moreနေပြည်တော်မှာ ရဲကားနဲ့အိမ်စီးကားတိုက်မိလို့ ဒုရဲအုပ်အပါအဝင်နှစ်ယောက်သေပြီး ၁၂ယောက် ဒဏ်ရာရ
