Day: September 8, 2025

စက်တင်ဘာ ၈ – ၂၀၂၅ SS (VOM) စစ်ကိုင်းတိုင်း၊ ထီးချိုင့်ဒေသမှာ နလအရဲ့ စစ်သင်္ဘောတွေအတွက် လုံခြုံရေးအဖြစ် လိုက်ပါလာတဲ့ လေယာဉ်က လေကြောင်း တိုက်ခိုက်မှု ပြုလုပ်ခဲ့တာကြောင့် လေးယောက် သေဆုံးပြီး ၁၀ ယောက်ကျော် ဒဏ်ရာ ရရှိခဲ့တယ်လို့ သတင်းရင်းမြစ်တွေက ပြောပါတယ်။ အဆိုပါ စစ်သင်္ဘောတွေဟာ ကချင်ပြည်နယ်၊ ဗန်းမော်မြို့ကနေ ဧရာဝတီ မြစ်ကြောင်းအတိုင်း စုန်ဆင်းလာတာဖြစ်ပြီး မနေ့ စက်တင်ဘာ ၇ ရက်၊ ညနေ ၄ နာရီခွဲ ဝန်းကျင်က ထီးချိုင့်ဒေသ ဖြတ်သန်းချိန် မြစ်ကမ်းနံဘေး ကျေးရွာတွေဖြစ်တဲ့ ကမ်းနီ၊ မောင်းကုန်းနဲ့ ဘိုကုန်းကျေးရွာတွေမှာ လေကြောင်းတိုက်ခိုက်မှု ပြုလုပ်ခဲ့တာ ဖြစ်တယ်လို့ သိရပါတယ်။ “စစ်သင်္ဘောတွေ အပေါ်ကနေ လုံခြုံရေး လိုက်ပါလာတဲ့ Y-12 အမျိုးအစား လေယာဉ်က လေကြောင်း တိုက်ခိုက်မှု ပြုလုပ်ခဲ့တာပါ။…

စက်တင်ဘာ ၈၊၂၀၂၅ GG(VOM) ပဲခူးတိုင်းအနောက်ပိုင်း ၊ မင်းလှမြို့နယ်နဲ့ အုတ်ဖိုမြို့နယ်ထဲက ကျေးရွာအချို့မှာ စက်တင်ဘာ ၇ ရက်နေ့ညနေပိုင်းက စက်တပ်လေထီးနဲ့ဗုံးကြဲတိုက်ခိုက်ခံရပြီး လူသုံးယောက်သေဆုံးကာ လေးယောက်ထိခိုက်ဒဏ်ရာရရှိခဲ့တယ်လို့ဒေသခံတွေဆီက သိရပါတယ်။ အုတ်ဖိုမြို့နယ်ထဲက ကိုင်းကြီးရွာ၊ ချင်းစု၊ ဒေါင်းစပါးကွင်းရွာဘက်မှာ ဗုံးကြဲခံရတာဖြစ်ပြီး အမျိုးသားသုံးယောက်သေဆုံးကာ နှစ်ယောက်ထိခိုက်ဒဏ်ရာရရှိခဲ့ပြီး နေအိမ်နဲ့ဘုန်းကြီးကျောင်းပျက်စီးခဲ့တယ်လို့သိရပါတယ်။ ” မနေ့ကညနေ ၅ ကျော်လောက်မှာဖြစ်တာပါ။သေတဲ့အထဲမှာ ချင်းစုရွာကခုနှစ်တန်းကျောင်းသားလေးနဲ့ အမျိုးသားတယောက်သေတယ်။ကိုင်းကြီးရွာက တယောက်သေတယ်။ ပြေးရင်းလွှားရင်းကို ထိပြီးသေကြတာလို့သိရတယ်။ဒဏ်ရာရတဲ့နှစ်ယောက်က ကျတော့သားအဖတွေ၊ ဒေါင်းစပါးကွင်းရာဘက်ကပါ။ခုဖြစ်တဲ့နေရာတွေက pdf တွေလည်းလှုပ်ရှားတာရှိတယ်။” လို့ အုတ်ဖိုဒေသခံကပြောပါတယ်။ အဆိုပါကျေးရွာတွေဘက်မှာ လတ်တလော ထိတွေ့တိုက်ပွဲဖြစ်ပွားတာမျိုးမရှိကြောင်းနဲ့ ထိခိုက်ဒဏ်ရာရတဲ့သားအဖနှစ်ယောက်မှာ ဆေးဝါးကုသမှုခံယူနေတယ်လို့သိရပါတယ်။ အလားတူ မနေ့ကညနေပိုင်းမှာပဲ မင်းလှမြို့နယ်ထဲက ထောက်ကြန့်‌ကျေးရွာနဲ့ တောင်ပြတ်‌ရွာ‌ဘက်မှာလည်း.စက်တပ်လေထီးနဲ့ဗုံးကြဲခံခဲ့ရပြီး နှစ်ယောက်ထိခိုက်ဒဏ်ရာရရှိခဲ့သလို နေအိမ်အချို့ထိခိုက်ပျက်စီးခဲ့တယ်လို့သိရပါတယ်။ ” အဲဒီရွာတွေက ရိုးမနဲ့နီးတဲ့နေရာတွေပါ။မြို့နဲ့ကျနည်းနည်းလှမ်းတယ်။မနေ့က စက်တပ်လေထီးနဲ့ကြဲတာ နှစ်ယောက်ထိတယ်။သေဆုံးတော့မကြားမိဘူး။ ” လို့ မင်းလှ ဒေသခံကပြောပါတယ်။ ပဲခူးအနောက်ပိုင်းရှိ…

စက်တင်ဘာ ၈၊ ၂၀၂၅။ NN(VOM) ရှမ်းပြည်နယ် မြောက်ပိုင်း၊ လားရှိုးမြို့မှာ ကျောက်မဲနှင့် သီပေါမြို့တွေက ထွက်ပြေးလာ တဲ့ စစ်​ရှောင်တွေ နေ့စဉ် တိုးလာနေတာကြောင့် အကူအညီတွေ လိုအပ်နေတယ်လို့ ဒုက္ခ သည်တွေကို ကူညီပေးနေသူတွေက ပြောပါတယ်။ ကျောက်မဲမြို့နယ်အတွင်း နလအ တပ်နဲ့ TNLA တပ်ဖွဲ့တွေ တိုက်ပွဲကြောင့် လားရှိုးမြို့ ပေါ်ကို ထွက်ပြေးလာတဲ့ စစ်​ရှောင် ၅၀၀ ကျော် ရှိနေပြီး နောက်ထပ် ထွက်ပြေးလာသူတွေလည်း ရှိနေတာကြောင့် နေရာထိုင်ခင်းတွေ အခက်အခဲရှိနေတယ်လို့ ဒုက္ခသည် အရေး ကူညီပေးနေသူ တယောက်က ပြောပါတယ်။ “ရှမ်းယဉ်ကျေးမှုခမ်းမမှာက လူမဆန့်တော့ဘူး။ နောက်ထပ်နေရာတွေတော့ ကျွန်တော်တို့ ထပ်ရှာဖို့ လုပ်နေရတယ်။ အခု လူတွေက ထပ်တိုးနေတော့ စားသောက်ရေးအတွက် လည်း အကူအညီလိုနေပါတယ်” ရှမ်းမြောက်ဒေသ တိုက်ပွဲတွေကြောင့် လားရှိုးကို ထွက်ပြေးလာတဲ့ ဒုက္ခသည်တွေကို…

စက်တင်ဘာ ၈ ၊၂၀၂၅ GG (VOM) ကရင်ပြည်နယ်ထဲက KNU ထိန်းချုပ်နယ်မြေဖြစ်တဲ့ လေးကေ့ကော်ဒေသကို စစ်တပ်မှ လေကြောင်းတိုက်ခိုက်နေသလို DKBA နဲ့ BGF ဘက်ကလည်း အင်အားအများအပြားနဲ့ တပ်စခန်းအထိုင်တွေချထား တယ်လို့ စစ်ရေးသတင်းရင်းမြစ်ဆီကသိရပါတယ်။ လက်ရှိမှာ BGF က မြဝတီမြို့အထွက်မှ ကားလမ်းမတလျှောက် မေတ္တာလင်းမြိုင်၊လေးကေ့ကော်၊မယ်ထော်သလေးအထိကို အင်အားအများအပြားနဲ့ လုံခြုံရေးရယူထားပြီး DKBA က မင်းလက်ပံ၊ဖလူး၊ဖလူးကြီး၊ကျောက်​ခက်နဲ့ သေ့ဘောဘိုးကနေ ဝေါလေ လမ်းတလျှောက်ကို ထိန်ချုပ်ထားပြီး အင်အားအများအပြားနဲ့ အထိုင်တပ်စခန်း တွေချထားတယ်လို့သိရပါတယ်။ ” ဒီနေ့မနက် လေးကေ့ကော်နဲ့ ရသေဂူအကြားကို နှစ်ကြိမ်ကြဲသွားတယ်။လူထိခိုက်ဘာညာတော့မကြားမိဘူး။အခုက DKBA နဲ့ BGF ကလည်း နယ်မြေတွေမှာ အင်အားအများအပြားသုံးပြီး တပ်စခန်းတွေချထားတယ်။အခု BGF နဲ့စစ်တပ်က စစ်ရေးရောလုံခြုံရေးရောပူးပေါင်းလုပ်နေသလို DKBA ဘက်ကလည်း ရွေးကောက်ပွဲလုပ်ရင်ကူညီမယ်တရားဝင်ပြောလာတယ်ဆိုတော့ တိုက်ပွဲဖြစ်မှာကို ဒေသခံတွေစိုးရိမ်ပြီး ရှောင်ကြပြီပေါ့။ စစ်တပ်ကလည်းစစ်ကြောင်းထိုးနေ တယ်။တချို့…