Month: November 2025

နိုဝင်ဘာ ၇ – ၂၀၂၅ SN (VOM) ဗိုလ်ချုပ်မှူးကြီး သန်းရွှေရဲ့ သားမက်ဖြစ်သူ ဒေါက်တာနေစိုးမောင်ကို မန္တလေးတိုင်း၊ ပြည်ကြီးတံခွန်မြို့နယ် ရဲစခန်းက ဆက်သွယ်ရေး ဥပဒေပုဒ်မ ၆၆ (ဃ) နဲ့ မနေ့ နိုဝင်ဘာ ၆ ရက်မှာ ထပ်မံ အမှုဖွင့်လိုက်တယ်လို့ တရားရုံးနဲ့ နီးစပ်တဲ့ အသိုင်းအဝိုင်းက သိရပါတယ်။ ဒေါက်တာနေစိုးမောင်ကို အခု ၂၀၂၅ ခုနှစ်၊ ဇန်နဝါရီလ ၉ ရက်နေ့က ပုဒ်မ ၅၀၅ (က) နဲ့ ထောင်ဒဏ် သုံးနှစ် ချမှတ်ထားတာဖြစ်ပြီး ပြီးခဲ့တဲ့ ဧပြီလအတွင်းက လက်ကျန်အမှုတွေ စစ်ဆေးမယ်ဆိုတဲ့ အကြောင်းပြချက်နဲ့ ရန်ကုန်မြို့က အင်းစိန် အကျဉ်းထောင်ကို ပြောင်းရွှေ့ခဲ့တာလို့ သိရပါတယ်။ လက်ရှိမှာ ပြည်ကြီးတံခွန်မြို့နယ် ရဲစခန်းက ထပ်တိုး အမှုဖွင့်တာကြောင့် အမှုရင်ဆိုင်ဖို့ အိုးဘိုထောင်ကို ပြီးခဲ့တဲ့…

နိုဝင်ဘာ ၇ – ၂၀၂၅ SS (VOM) ရခိုင်ပြည်နယ်၊ ပုဏ္ဏားကျွန်း မြို့နယ်မှာ ဒီကနေ့ နိုဝင်ဘာ ၇ ရက်၊ မနက်ပိုင်းက လေကြောင်း တိုက်ခိုက်မှု ဖြစ်ပွားခဲ့ပြီး ငါးယောက် သေဆုံးခဲ့တယ်လို့ မြေပြင်ကယ်ဆယ်ရေး လုပ်ဆောင်နေသူတွေဆီက သိရပါတယ်။ အဲဒီ ဖြစ်စဉ်ဟာ ပုဏ္ဏားကျွန်းမြို့နယ်ရှိ ယိုးတရုပ်ကျေးရွာမှာ ဒီကနေ့ မနက် ၁၁ နာရီဝန်းကျင်မှ စတင်ကာ ဖြစ်ပွားခဲ့တာလို့ သိရပြီး လူသေဆုံးမှုအပြင် ဒဏ်ရာရရှိသူ ခုနစ်ယောက်ထက်မနည်း ရှိခဲ့တယ်လို့ သိရပါတယ်။ “လေယာဉ်သံ ကြားတာနဲ့ တိုက်ခိုက်မှုဖြစ်တာက တဆက်တည်းလို ဖြစ်သွားတာ။ ရှောင်ချိန် မရလိုက်ကြဘူး။ မနက် ၁၁ နာရီကနေစပြီး နာရီဝက်အတွင်း ဆက်တိုက် ဖြစ်သွားတာ။ လူသေဆုံးက ကျွန်တော်‌တို့ သိထားသလောက်က ငါးယောက်၊ မသိသေးတာတွေလည်း ရှိနိုင်တယ်။ အရေးပေါ် ဆေးကုနေရတဲ့ သူတွေလည်းရှိတယ်”…

နိုဝင်ဘာ ၈ – ၂၀၂၅ SS (VOM) ရထားလမ်းပိုင်း မိုင်းထောင် ဖျက်ဆီးခံရမှုကြောင့် ယာယီရပ်နားရတဲ့ ရန်ကုန် – မော်လမြိုင် ခရီးစဥ်တွေကို လာမယ့် နိုဝင်ဘာ ၉ ရက်နေ့မှာ ပုံမှန်အတိုင်း ပြန်လည် ပြေးဆွဲသွားမှာ ဖြစ်တယ်လို့ မော်လမြိုင်ဘူတာကြီးမှ တာဝန်ရှိသူ တယောက်က ပြောပါတယ်။ ရန်ကုန် – မော်လမြိုင်လမ်းပိုင်း၊ သိမ်ဆိပ်ဘူတာနဲ့ ဒုံဝန်းဘူတာကြား၊ မိုင်တိုင် ၁၂၅/၁၈- ၁၉ ကြားမှာ မနေ့ နိုဝင်ဘာ ၇ ရက်၊ မနက် ၈ နာရီခွဲဝန်းကျင်က အမှတ် (၆၈၆) အစုန်ကျောက်ရထား ဖြတ်သန်းစဥ် မိုင်းပေါက်ကွဲမှု ဖြစ်ပွားခဲ့တာကြောင့် ရထားခရီးစဉ်တွေ နှစ်ရက်ကြာ ယာယီ ရပ်နားထားမှာ ဖြစ်တယ်လို့ သူက‌ ပြောပါတယ်။ ပေါက်ကွဲမှုကြောင့် ရထားသံလမ်း နှစ်ဆက်လောက် ပျက်စီးသွားပြီး အမှတ်…

နိုဝင်ဘာ ၈ – ၂၀၂၅ SN (VOM) ရခိုင်ပြည်နယ်အတွင်းက မြို့နယ်တွေမှာ လေကြောင်း၊ လက်နက်ကြီးနဲ့ ဒရုန်း တိုက်ခိုက်မှုတွေကြောင့် ၁၀ ရက်ကျော်အတွင်း လူ အယောက် ၂၀ ကျော် သေဆုံးခဲ့တယ်လို့ ကူညီပေးနေသူတွေဆီက သိရပါတယ်။ ပြီးခဲ့တဲ့ အောက်တိုဘာလ ၂၆ ရက်နေ့ကနေ အခု နိုဝင်ဘာ ၇ ရက်အထိ ၁၃ ရက်အတွင်း ရခိုင်ပြည်နယ်မှာ လေကြောင်းတိုက်ခိုက်မှု လေးကြိမ်၊ လက်နက်ကြီးပစ်ခတ်မှု နှစ်ကြိမ်၊ ဒရုန်းကျရောက်မှု နှစ်ကြိမ် ဖြစ်ပွားခဲ့ပြီး VOM က ရရှိထားတဲ့ အချက်အလက်တွေအရ လူသေဆုံးမှုတွေအပြင် ထိခိုက်ဒဏ်ရာ ရရှိသူ အယောက် ၅၀ နီးပါး ရှိခဲ့ပါတယ်။ “ဒီရက်ပိုင်းမှာ တိုက်ခိုက်မှုတွေ ပိုပြီး စိပ်လာတယ်ပြောရမယ်။ သတိထားမိသလောက် ဒီနောက်ပိုင်း မြေပြင်ကရော၊ ဝေဟင်ကပါ တိုက်ခိုက်မှုတွေက နေ့စဉ်ရက်ဆက်…

နိုဝင်ဘာ ၈ – ၂၀၂၅ SS (VOM) စတိတ်စင်ပေါ်မှာ ညစ်ညမ်း စကားတွေ ပြောဆိုခဲ့တဲ့ ရက်ပ်အဆိုတော် Wink Owens ကို သက်ဆိုင်ရာ တာဝန်ရှိသူတွေက ပြီးခဲ့တဲ့ နိုဝင်ဘာ ၆ ရက်နေ့က ဖမ်းဆီးလိုက်ပြီဖြစ်ပြီး လက်ရှိ အချိန်အထိ အဆက်အသွယ် ပြတ်တောက်နေဆဲ ဖြစ်တယ်လို့ အဲဒီ အဆိုတော်နဲ့ နီးစပ်သူတွေက ပြောပါတယ်။ ပြီးခဲ့တဲ့ နိုဝင်ဘာ ၁ ရက်နဲ့ ၂ ရက်နေ့က ရန်ကုန်မြို့၊ သုဝဏ္ဏမှာ ကျင်းပခဲ့တဲ့ Overflow Festival ဖျော်ဖြေပွဲမှာ စတိတ်စင်ပေါ်ကနေ ကွန်ဒုံးဝေရင်း ညစ်ညမ်း စကားတွေ ပြောဆိုခဲ့တဲ့ ၎င်းရဲ့ ရုပ်သံဖိုင်တခု လူမှုကွန်ရက်မှာ ပျံ့နှံ့ခဲ့ပြီးတဲ့နောက် လူထုကြား ဝေဖန်မှုတွေ မြင့်တက်ခဲ့တာဖြစ်ပြီး ဖမ်းဆီး အရေးယူပေးဖို့ ပြောဆိုမှုတွေ ရှိခဲ့တာဖြစ်ပါတယ်။ အဲဒီဖြစ်စဉ်ပြီးတဲ့နောက် သူဟာ…