Month: January 2026

ဇန်နဝါရီ ၂၀ – ၂၀၂၆ SN (VOM) ဒေသတွင်း လက်နက်ကိုင်တပ်တွေ ထိန်းချုပ်ထားတဲ့ စစ်ကိုင်းတိုင်း (အထက်ပိုင်း) က ဗန်းမောက်မြို့ တဝက်ခန့်ကို အစိုးရတပ်နဲ့ ရှမ်းနီ အမျိုးသားများတပ်မတော် (SNA) ပူးပေါင်းတပ်တွေက ပြန်လည် သိမ်းပိုက်လိုက်ပြီး တိုက်ပွဲ ဆက်လက် ဖြစ်ပွားနေတယ်လို့ စစ်ရေး သတင်းရင်းမြစ်တွေဆီက သိရပါတယ်။ ဗန်းမောက်မြို့ကို ပြီးခဲ့တဲ့ ၂၀၂၅ ခုနှစ်၊ စက်တင်ဘာ ၂၀ ရက်နေ့က ဒေသတွင်း လက်နက်ကိုင်တပ်ဖွဲ့တွေက ထိန်းချုပ်ထားတာဖြစ်ပြီးမြို့ကို ပေးလိုက်ရပြီးနောက် တပတ်အကြာမှာ ရှမ်းနီ အမျိုးသားများတပ်မတော် (SNA) အဖွဲ့က အစိုးရတပ်ရဲ့ အကူအညီနဲ့ မြို့အနောက်ခြမ်းကနေ ပြန်လည် ထိုးစစ်ဆင်လာတာ ဖြစ်တယ်လို့ သိရပါတယ်။ လက်ရှိမှာတော့ အစိုးရတပ်နဲ့ SNA တပ်တွေက မြို့တဝက်ခန့်ကို ထိန်းချုပ်ထားနိုင်ပြီဖြစ်ပြီး အလုံးစုံ ပြန်လည် ရယူနိုင်ဖို့အတွက် အင်အား…

ဝါရှင်တန်၊ ဇန်နဝါရီ-၂၀-၂၀၂၆ ရတီ(VOM) အမေရိကန်ပြည်ထောင်စု မစ်ရှီဂန်ပြည်နယ်မြောက်ပိုင်းရှိ ဆီးနှင်းဖုံးလွှမ်းနေတဲ့ လမ်းပေါ်မှာ ယာဉ်အစီးရေ ၁၀၀ ကျော် ဆင့်တိုက်မှုဖြစ်ပွားခဲ့ပြီး လမ်းရှင်းလင်းရေး လုပ်ဆောင်နေကြောင်း တာဝန်ရှိသူတွေက ပြောပါတယ်။ I-196 လမ်းပေါ်မှာ ထရပ်ကားကြီးတွေနဲ့ ယာဉ်တွေဆင့်တိုက်မိပြီး ယာဉ်များစွာ လမ်းပေါ်ကနေ လမ်းကြောင်းလွဲ လျှောကျမှုတွေ ဖြစ်ပွားခဲ့တယ်ဆိုပါတယ်။ ယာဉ်တိုက်မှုကြောင့် ဒဏ်ရာရခဲ့သူတွေရှိပေမယ့် သေဆုံးသူမရှိဘူးလို့ ရဲတပ်ဖွဲ့က ပြောပါတယ်။ ယာဉ်တိုက်မှုမဖြစ်ပွားမီ တနာရီလျှင် ၃၂ မှ ၄၀ ကီလိုမီတာနှုန်းနဲ့ မောင်းနှင်နေချိန် ဆီးနှင်းတွေ ကျဆင်းမှုကြောင့် ရှေ့ရှိကားတွေကို မမြင်ရတော့ဘူးလို့ ပက်ဒရိုမက်တာဂျူနီယာ ဆိုသူက ပြောပါတယ်။ သူရဲ့ ပစ်ကပ်ကားကို ဘေးကင်းစွာရပ်တန့်နိုင်ခဲ့ပေမယ့် နောက်မှတိုက်မိတာတွေကို ရှောင်ရှားဖို့ လမ်းဘေးကို ထိုးချခဲ့ရတယ်လို့ ပြောပါတယ်. တနင်္လာနေ့မနက်ပိုင်း ဒီဖြစ်ရပ်မှာ ကုန်တင်ကား ၃၀ မှ ၄၀ အထိ စုပုံပြီး ပုံမှန်အားဖြင့်…

ဇန်နဝါရီ ၁၉ ၊ ၂၀၂၆ GG (VOM ) ရန်ကုန် ၊ မင်္ဂလာတောင်ညွှန့်မြို့နယ်၊ ယုဇနပလာဇာ စျေးကြီးအနီးရှိ သာယာကုန်းရပ်ကွက်၊ နှင်းဆီလမ်းထဲက တိုက်ခန်းတခုမှာ မီးလောင်မှု ဖြစ်ပွားနေပြီး Level 2 အဆင့်နဲ့ ငြှိမ်းသတ်ခဲ့ရတယ်လို့ သိရပါတယ်။ မနက် ၁၀ နာရီ ၃၀ မိနစ်လောက်ကတည်းက မီးစတင်လောင်ကျွမ်းခဲ့တာ ဖြစ်ပြီး မီးလောင်မှုက ၁ နာရီကျော်လောက်ကြာမြင့်ခဲ့ပါတယ်။ လက်ရှိမှာ မီးငြိမ်းသွားပေမယ့် မီးကြွင်းမီးကျန်တွေ ကျန်ရှိနေတဲ့အတွက် ဆက်လက် ငြှိမ်းသတ်နေရဆဲ ဖြစ် တယ်လို့ သိရပါတယ်။ ” မီးကအထဲမှာ လှိိုက်လောင်တော့ ငြိမ်းသတ်နေရဆဲပါ။ မီးသတ်ကားတွေလည်း များပါတယ်။ယုဇနပလာဇာဘေး နှင်းဆီလမ်းထဲက တိုက်ခန်းမှာ လောင်တာပါ ။ ” လို့ မီးလောင်ပြင်မှာ ကူညီရေးလုပ်နေတဲ့ လူမှုကူညီရေး အဖွဲ့ဝင်တယောက်က ပြောပါတယ်။ အဆိုပါ မီးလောင်မှုကို…

ဇန်နဝါရီ ၁၉ – ၂၀၂၆ SN (VOM) မြန်မာ – ထိုင်းနယ်စပ်၊ တာ့ခ်ခရိုင်အတွင်းရှိ မဲဆောက်မြို့မှာ တရားမဝင် လာရောက်နေထိုင်တဲ့ မြန်မာနိုင်ငံသားတွေကို ထိုင်းအာဏာပိုင်တွေက စစ်ဆေး ဖမ်းဆီးမှုတွေ လုပ်ဆောင်နေတယ်လို့ အဲဒီမြို့မှာ ရောက်ရှိနေတဲ့ မြန်မာနိုင်ငံသားတွေက ပြောပါတယ်။ ထိုင်းအလုပ်အကိုင် ဦးစီးဌာနကလည်း ထိုင်းနိုင်ငံအတွင်း တရားမဝင် အလုပ်လုပ်ကိုင်နေတဲ့ နိုင်ငံခြားသား အလုပ်သမားတွေကို တနိုင်ငံလုံး အတိုင်းအတာနဲ့ စစ်ဆေးသွားမယ်လို့ ပြီးခဲ့တဲ့ ဇန်နဝါရီ ၁၅ ရက်နေ့က ကြေညာထားတယ်လို့ သိရပါတယ်။ အဲဒီ ကြေညာချက် ထွက်ပေါ်လာပြီးနောက် ထိုင်း – မြန်မာနယ်စပ် မဲဆောက်မြို့မှာ တရားမဝင် ဝင်ရောက်နေထိုင်မှု၊ ခွင့်ပြုချက်မရှိဘဲ အလုပ် လုပ်ကိုင်မှုတွေကြောင့် မြန်မာနိုင်ငံသား အလုပ်သမားတချို့ ဖမ်းဆီး စစ်ဆေးခံခဲ့ရတယ်လို့ သိရပါတယ်။ “ရက်ပိုင်းထဲမှာပဲ အဖမ်းအဆီးတွေ ကြမ်းလာတာ။ ဇန်နဝါရီ ၁၅…