Month: January 2026

ဘန်ကောက်၊ ဇန်နဝါရီ-၂၁-၂၀၂၆ ရတီ(VOM) မြန်မာနိုင်ငံမှ ထိုင်းနိုင်ငံသို့ ပြောင်းဖူးတင်ပို့မှုကို ဖေဖော်ဝါရီ ၁ ရက်မှာ ပြန်လည်စတင်မှာဖြစ်ပြီး ထိုင်းနိုင်ငံဟာ ဖေဖော်ဝါရီ ၁ ရက်ကနေ သြဂုတ်လ ၃၁ ရက်အထိ ပြောင်းတင်ပို့မှုကို အကောက်ခွန် ကင်းလွတ်ခွင့်ပြုထားပါတယ်။ တင်ပို့မှုတွေကို ရန်ကုန်-ဘန်ကောက်၊ ကော့သောင်း-ရနောင်းနဲ့ တာချီလိတ်-မယ်ဆိုင် ရေကြောင်းတွေကတဆင့် ဆောင်ရွက်မှာဖြစ်ပြီး ယခင်က အသုံးပြုခဲ့တဲ့ မြဝတီကုန်သွယ်ရေးလမ်းကြောင်းကတော့ လက်ရှိမှာ ရပ်ဆိုင်ထားပါတယ်။ ပြောင်းတင်ပို့မှုဟာ မြန်မာနိုင်ငံအတွက် နှစ်စဉ် အမေရိကန်ဒေါ်လာသန်း ၅၀၀ ကျော် ရရှိနေပါတယ်။ နိုင်ငံတွင်းမှာ ပြောင်းဖူးစိုက်ခင်းဧက တသန်းကျော်ရှိပြီး ပြည်တွင်းစားသုံးမှုသည် စုစုပေါင်းထုတ်လုပ်မှု၏ ၃၅% ခန့်ရှိကာ ကျန် ၆၅% ကို ပို့ကုန်အဖြစ် သတ်မှတ်ထားပါတယ်။ ၂၀၂၃/၂၄ ဘဏ္ဍာရေးနှစ်မှာ မြန်မာနိုင်ငံရဲ့ ပြောင်းတင်ပို့မှုကနေ အမေရိကန်ဒေါ်လာ ၅၀၀ သန်းကျော်ရှိပြီး ၂၀၂၄/၂၅ မှာ အမေရိကန်ဒေါ်လာ…

ဇန်နဝါရီ ၂၁ ၊ ၂၀၂၆ Shy V + GG (VOM) မန္တလေး-သပိတ်ကျင်း-မိုးကုတ် လမ်းမကြီးကို အစိုးရက ပြန်လည်ဖွင့်လှစ်ပေးလိုက်တဲ့အတွက် ကားတွေ သွားလာလို့ရပြီ ဖြစ်တယ်လို့ သိရပါတယ် ။ အစိုးရတပ်တွေက မန္တလေး-သပိတ်ကျင်း-မိုးကုတ် လမ်းမကြီးကို အပြည့်အဝ ပြန်လည်ထိန်းချုပ်လိုက်ပြီဖြစ်တာကြောင့် နယ်မြေရှင်းလင်းရေးလုပ်ဆောင်ပြီးနောက် လမ်းပိုင်းကို ပြန်လည်ဖွင့်လှစ်ပေးလိုက်တာ ဖြစ်တယ်လို့ သိရပါတယ် ။ မန္တလေး-သပိတ်ကျင်း-မိုးကုတ် လမ်းမကြီး ပြန်ဖွင့်ပြီ ဖြစ်လို့ ပြင်ဦးလွင် လမ်းပိုင်းကနေ သွားလာခြင်းကို ဒီနေ့ကစပြီး ပိတ်လိုက်ကြောင်း ကားသမားတွေဆီက သိရပါတယ်။ ” ပြင်ဦးလွင် – ဟိုခိုလမ်းက ဒီနေ့စပိတ်တယ်တော့ ပြောနေတယ်။ မနေ့ကတည်းက ဂိတ်တွေက အဲဒီလမ်းက မလာဖို့ မှာလိုက်တယ် ပြောတယ်။ သပိတ်ကျင်းလမ်းပြန်ဖွင့်လို့ အဲဒီလမ်းပိတ်တာလို့ ထင်တယ်။ သပိတ်ကျင်းလမ်းက ဒီနေ့မှ စသွားရမှာ။.အခြေအနေက မသိရသေးဘူး ။…

ဇန်နဝါရီ ၂၀ ၊ ၂၀၂၆ GG (VOM) ဟာသဗီဒီယိုတွေကြောင့် Tiktok ဆယ်လီ ဧရာဝတီမ အဖြစ် လူသိများတဲ့ LGBT အမျိုးသား တယောက်ဟာ ထိုင်းနိုင်ငံ၊ မဲဆောက်မြို့မှာ ပစ္စည်းတွေ လုယက်ခံရပြီး လူပါသတ်ဖြတ် ခံခဲ့ရတယ်လို့ သိရပါတယ်။ ဆယ်လီ ဧရာဝတီမ ဆိုသူ LGBT ကိုတင်ဇော်ထွေးဟာ ဇန်နဝါရီ ၁၉ ရက်နေ့ ၊ ည ၁၁ နာရီ ၃၀ လောက်ကတည်းက နေအိမ်ကနေထွက်သွားပြီးနောက် အဆက်အသွယ်ပြတ်တောက် သွားရာကနေ ဒီကနေ့ ဇန်နဝါရီ ၂၀ ရက် ညနေပိုင်းမှာတော့ အသတ်ခံရကြောင်း အလောင်းကိုတွေ့ရှိခဲ့ရတာ ဖြစ်တယ်လို့သိရပါတယ်။ ” မယ်တောင် ဖာ့ထောင်းထိပ် လူသတ်မှု ဖြစ်တာပါ ။ အလောင်းတွေ့တော့ ဘောင်းဘီလဲ ကျွတ်နေတယ် ။ သူမသေခင်မှာ အဓမ္မကျင့်ခံခဲ့ရတဲ့ ပုံလို့…

ဇန်နဝါရီ ၂၀ – ၂၀၂၆ SN (VOM) အွန်လိုင်းဆယ်လီ စည်သူပလပ်ကျွတ်က ပန်းရောင်ကတ် ပြုလုပ်ပေးမယ်လို့ဆိုကာ ထိုင်းနိုင်ငံရောက် မြန်မာအလုပ်သမားတွေဆီက ဘတ်ငွေ သိန်းနဲ့ချီ လိမ်လည်ခဲ့တယ်လို့ ငွေကြေး လိမ်လည်ခံရသူတွေက ပြောပါတယ်။ ပန်းရောင်ကတ် ပြုလုပ်ပေးဖို့အတွက် စည်သူပလပ်ကျွတ်က ထိုင်းရောက် မြန်မာအလုပ်သမား လူဦးရေ ၁၀၀၀ ကျော်ဆီက အခကြေးငွေတွေ ကြိုတင် ကောက်ခံထားပြီး ရှောင်ပြေးနေခြင်း ဖြစ်တယ်လို့ သိရပါတယ်။ “လူသစ် ဘတ်ရိုက်တဲ့ ကိစ္စအတွက် ကြိုပေးထားရတဲ့ ငွေတွေပါ။ အဲဒီ ပိုက်ဆံတွေက ကျွန်တော်တို့ အလုပ်ကြမ်းလုပ်ပြီး ပင်ပင်ပန်းပန်းနဲ့ ရှာထားတဲ့ ပိုက်ဆံတွေပါ။ အခုထိသူနဲ့ အဆက်အသွယ်လည်း မရသေးဘူး။ သူ့ရဲ့ လူမှုကွန်ရက် အကောင့်ကိုလည်း မတွေ့ရတော့ဘူး” လို့ ငွေကြေး လိမ်လည်ခံရသူ တယောက်က ပြောပါတယ်။ အဲဒီ ငွေကြေးတွေဟာ ထိုင်း‌ရောက် အလုပ်သမားတွေအနေနဲ့…

ဇန်နဝါရီ ၂၀ – ၂၀၂၆ SS (VOM) အသက် ၇ နှစ်အရွယ် အမျိုးသမီးငယ်ကို အဓမ္မပြုကျင့်ခဲ့တဲ့ ဧရာဝတီတိုင်း၊ ဟင်္သာတမြို့၊ ရွှေကူရပ်ကွက်နေ တရားခံ မြသန်းကို ဇန်နဝါရီ ၂၀ ရက်နေ့မှာ သင်္သာတခရိုင် တရားရုံးက ထောင်ဒဏ်တသက် ချမှတ်လိုက်တယ်လို့ တရားရုံးနဲ့ နီးစပ်သူတွေဆီက သိရပါတယ်။ အသက် (၇၃) နှစ်အရွယ် တရားခံ မြသန်းဟာ ရာဇသတ်ကြီး ပုဒ်မ ၃၇၆ (၃) အရ အသက် ၁၂ အောက် အမျိုးသမီးကို မုဒိမ်းမှုကျူးလွန်ကြောင်း ပြစ်မှုထင်ရှားတဲ့အတွက် ထောင်ဒဏ်တသက် ချမှတ်ခံခဲ့ရတာ ဖြစ်တယ်လို့ သိရပါတယ်။ “အမှုဖြစ်တာကတော့ ပြီးခဲ့တဲ့ ၂၀၂၅ ခုနှစ်၊ နိုဝင်ဘာ ၂၀ ရက်နေ့မှာဖြစ်တာ။ တရားခံနဲ့ နစ်နာသူက တအိမ်တည်းအတူ နေကြတဲ့သူတွေ။ ဒီကလေးက တရားခံရဲ့ အမျိုးသမီးဘက်က…

ဇန်နဝါရီ ၂၀ ၊ ၂၀၂၆ GG (VOM) စစ်ကိုင်းတိုင်း ၊ ကသာမြို့မှာ တိုက်ပွဲတွေ ဖြစ်ပွားမှုရှိနေဆဲဖြစ်ပေမယ့်လည်း အခြေခံပညာကျောင်း စာမေးပွဲတွေ နီးကပ်လာတဲ့အတွက် မြို့ပေါ်က အမှတ် ၃ အထက်တန်းကျောင်းကို ဒီနေ့ ဇန်နဝါရီ ၂၀ မှာ တာဝန်ရှိသူတွေက ပြန်လည် ဖွင့်လှစ်လိုက်တယ်လို့ ဒေသခံဆီကသိရပါတယ်။ အဆိုပါ အ.ထ.က ၃ မှာ ကသာမြို့နယ်တခုလုံးရှိ ကျောင်းသားကျောင်းသူ အားလုံးပေါင်းပြီး တက်ရောက် စာသင်ကြားခွင့် ပြုထားတယ်လို့ သိရပါတယ်။ ” ကျောင်းက ဒီနေ့စဖွင့်တယ် ။တမြို့နယ်လုံးက ကျောင်း သားတွေအတွက် ဒီတကျောင်းစဖွင့်တာ ။ အကုန်တက်ခွင့်ပြုတာ ။ကျောင်းက မြို့ထဲက ကျောင်းပါ ။ တနယ်လုံး အကုန်ပေါင်းတက်ရမှာပါ ။ အခုလောလောဆယ်တော့ မြို့ထဲရှိတဲ့ ကျောင်းသူ ကျောင်းသားတွေပဲ တက်နေကြပါတယ် ။ ”…