Author: Editor

ဆိုးလ်၊ နိုဝင်ဘာ-၂၈-၂၀၂၄ ရတီ(VOM) တောင်ကိုရီးယားနိုင်ငံမှာ ဒီကနေ့ နိုဝင်ဘာ ၂၈ ရက်မှာ ဒုတိယမြောက်နေ့အဖြစ် ဆီးနှင်းတွေ ထူထပ်စွာကျဆင်းနေပြီး သေဆုံးသူ လေးယောက်ထိ ရှိလာပါတယ်။ ၁၉၀၇ ခုနှစ်မှာ မှတ်တမ်းတွေစတင်ပြီးနောက်ပိုင်း မြို့တော်ဆိုးလ်မှာ ဆောင်းရာသီဆီးနှင်းကျဆင်းမှု တတိယမြောက်အပြင်းထန်ဆုံးဖြစ်ကြောင်း ယွန်ဟတ်သတင်းဌာနက ရေးသားဖော်ပြထားပါတယ်။ ဒီကနေ့မနက် ၁၀ နာရီမှာ မြို့တော်တဝိုက်မှာ ဆီးနှင်းထူထပ်စွာ ကျရောက်မယ်လို့ မိုးလေဝသတာဝန်ရှိသူတွေက သတိပေးချက်ထုတ်ပြန်ခဲ့ပြီး မနက် ၈ နာရီကျော်မှာတော့ ဆီးနှင်းတွေ ၄၀ စင်တီမီတာထိ ကျဆင်းလာတာကြောင့် လေယာဉ်ခရီးစဉ် ၁၄၀ ကျော်ကို ဖျက်သိမ်းခဲ့ရပါတယ်။ မနေ့ကနှောင်းပိုင်းမှာ ဂေါက်ကွင်တခုရှိ နှင်းတွေထဲနေတဲ့ ပိုက်ကွန်တခုပြိုကျမှုကြောင့် လူတယောက်သေဆုံးပြီး နှစ်ယောက်ဒဏ်ရာရရှိခဲ့ကာ ကားပါကင်မှာ အကာအကွယ်တဲပြိုကျမှုကြောင့် နောက်တယောက် သေဆုံးခဲ့ပါတယ်။ မြို့တော်အရှေ့ဘက် အဝေးပြေးလမ်းတွေပေါ်မှာလည်း ယာဉ်မတော်တဆမှုကြောင့် လူနှစ်ဦးသေဆုံးပြီး ဒဏ်ရာရသူ ၁၁ ဦးထိရှိတယ်လို့ တာဝန်ရှိသူတွေက ပြောပါတယ်။…

Voice of Myanmarဒုတိယကမ္ဘာစစ်အတွင်း အမေရိကန်သမ္မတ ဖရန်ကလင်ဒီ ရုစဗဲ့၊ ဗြိတိန်ဝန်ကြီးချုပ် ဝင်စတန်ချာချီနှင့် ဆိုဗီယက်ဝန်ကြီးချုပ် ဂျိုးဇက်စတာလင်တို့၏ တီဟီရန်ဆွေးနွေးပွဲကို ၁၉၄၃ ခုနှစ် နိုဝင်ဘာ ၂၈ ရက်မှ ဒီဇင်ဘာ ၁ ရက်ထိ ပြုလုပ်ခဲ့သည်။

ဘန်ကောက်၊ နိုဝင်ဘာ-၂၅-၂၀၂၄ ရတီ(VOM) ထိုင်းနိုင်ငံရှိ ဗုဒ္ဓဘာသာ ဘုန်းတော်ကြီးကျောင်းတခုမှ တရားအားထုတ်ရာမှာ အသုံးပြုတယ်လို့ယူဆရတဲ့ လူသေအလောင်း ၄၀ ကျော်ကို ရှာဖွေတွေ့ရှိပြီးနောက် အာဏာပိုင်တွေက စုံစမ်းစစ်ဆေးမှုတွေ လုပ်ဆောင်နေကြောင်း ရဲတပ်ဖွဲ့က ပြောပါတယ်။ ထိုင်းနိုင်ငံ ဖီချစ်ပြည်နယ် ပါနက်ခွန်ချိုဗိုဗွန် ဘုန်းတော်ကြီးကျောင်းမှာ ရုပ်အလောင်း ၄၁ လောင်းကို တွေ့ရှိခဲ့တာဖြစ်ပြီး အလောင်းတွေကို လှူထားတယ်ဆိုတဲ့ သက်သေခံလက်မှတ်တွေပါတယ်လို့ ရဲအရာရှိတယောက်က အေအက်ဖ်ပီကို ပြောပါတယ်။ အလောင်းတွေကို ဆန္ဒအလျောက်လှူခဲ့တာ ဟုတ်မဟုတ် သေချာစေဖို့ သေဆုံးသူတွေရဲ့ ဆွေမျိုးတွေကို ဆက်သွယ်ထားပြီး အလောင်းတွေ အခိုးခံရတာမဟုတ်ဘူးဆိုတာ သေချာစေဖို့ လုပ်ဆောင်နေကာ လက်ရှိမှာတော့ စွဲချက်တင်တာမျိုးမရှိသေးဘူးလို့ အမည်မဖော်လိုတဲ့ ရဲအရာရှိက ပြောပါတယ်။ ပြီးခဲ့တဲ့ ဗုဒ္ဓဟူးနေ့က အိမ်နီးချင်း ခမ်ဖောင်ဖက်ခရိုင်ရှိ အခြားဘုန်းတော်ကြီးကျောင်းမှာ အလားတူ ရုပ်အလောင်း ၁၂ လောင်းကို ရှာဖွေတွေ့ရှိပြီးနောက်မှာ အခုလိုထပ်မံတွေ့ခဲ့တာဖြစ်တယ်လို့ ထိုင်းသတင်းဌာနတွေက ဖော်ပြထားပါတယ်။…

တဲလ်အဗစ်၊ နိုဝင်ဘာ-၂၅-၂၀၂၄မျိုးဆက်(VOM)လက်ဘနွန်အခြေစိုက် ဟဇ်ဘိုလာအဖွဲ့ဟာ အစ္စရေးဘက်ကို ဒုံးကျည်အစင်း ၁၆၀ ကျော်နဲ့ ပစ်ခတ်တိုက်ခိုက်ခဲ့ကြောင်း အစ္စရေးစစ်တပ်က ပြောပါတယ်။ဒုံးကျည်တွေနဲ့ ပစ်ခတ်တိုက်ခိုက်မှုကြောင့် နေအိမ်တွေပျက်စီးခဲ့ပြီး လူအများအပြား ထိခိုက်ဒဏ်ရာရခဲ့တယ်လို့ အစ္စရေးအခြေစိုက် သတင်းမီဒီယာတွေကဆိုပါတယ်။ ဒီအတောအတွင်း လက်ဘနွန်နိုင်ငံ မြို့တော်ဘေရွတ်ကို အစ္စရေးက လေကြောင်းကနေ ဆက်လက်တိုက်ခိုက်နေပါတယ်။ပြီးခဲ့တဲ့နေ့က တိုက်ခိုက်မှုအတွင်း လူ ၂၉ ယောက်သေဆုံးပြီး ၆၇ ယောက်ဒဏ်ရာခဲ့တယ်လို့ လက်ဘနွန်ကျန်းမာရေး အာဏာပိုင်တွေက ပြောပါတယ်။ လက်ရှိမှာတော့ နှစ်ဖက်အပစ်အခတ်ရပ်စဲရေးအတွက် သံတမန်ရေးရာ ကြိုးပမ်းအားထုတ်မှုတွေကို နိုင်ငံတကာက လုပ်ဆောင်နေပါတယ်။မနေ့ကတော့ အီးယူ နိုင်ငံခြားရေးမူဝါဒအကြီးအကဲ ဂျိုးဇက်ဘော်ရဲလ်ဟာ လက်ဘနွန်ကိုသွားရောက်ခဲ့ပြီး လွှတ်တော်ဥက္ကဌ နာဘင့်ဘာရီနဲ့ တွေ့ဆုံဆွေးနွေးခဲ့ပြီး အမေရိကန်အဆိုပြုထားတဲ့ အပစ်အခတ်ရပ်စဲရေးကို သဘောတူဖို့ အစ္စရေးအစိုးရနဲ့ ဟဇ်ဘိုလာတို့ကို ဆက်လက်ဖိအားပေးရမယ်လို့ အစည်းအဝေးအပြီးမှာ သူက ပြောပါတယ်။ပြီးခဲ့တဲ့နှစ် အောက်တိုဘာလမှ ဂါဇာစစ်ပွဲစတင်ပြီးနောက် လက်ဘနွန်အခြေစိုက် ဟဇ်ဘိုလာအဖွဲ့ဟာ အစ္စရေးမြောက်ပိုင်းကို ဒုံးကျည်တွေနဲ့ နယ်စပ်ဖြတ်ကျော်တိုက်ခိုက်မှုတွေပြုလုပ်ပြီးနောက်…

Voice of Myanmarကျူးဘားကို အနောက်ကမ္ဘာခြမ်း၏ ပထမဆုံး ကွန်မြူနစ်နိုင်ငံအဖြစ် သွတ်သွင်းခဲ့သော ကျူးဘားခေါင်းဆောင် ဖီဒယ်ကက်စထရိုသည် ၂၀၁၆ ခုနှစ် နိုဝင်ဘာ ၂၅ ရက်တွင် ကွယ်လွန်ခဲ့သည်။

မော်စကို၊ နိုဝင်ဘာ-၂၅-၂၀၂၄မျိုးဆက်(VOM)ရုရှားသမ္မတပူတင်ဟာ စစ်မှုထမ်းသူတွေကို အကြွေးသက်သာခွင့်ပေးမယ့် ဥပဒေတရပ်ကို လက်မှတ်ရေးထိုးလိုက်ပြီး ဒါဟာ ယူကရိန်းစစ်ပွဲအတွက် စစ်သားသစ်စုဆောင်းဖို့ အားထုတ်မှုအဖြစ် ရှုမြင်နေကြပါတယ်။စစ်မှုထမ်းဖို့အတွက် တနှစ်စာချုပ်ချုပ်သူတွေအနေနဲ့ အကြွေး ရူဘယ် ၁၀ သန်း သို့မဟုတ် ဒေါ်လာ ၉၆၀၀၀ ထိ ဥပဒေအရ သက်သာခွင့်ရရှိမှာဖြစ်ပါတယ်။ စစ်သားသစ် စုဆောင်းရေးမှာ လုပ်ခလစာများများပေးမယ်လို့ ကမ်းလှမ်းခဲ့သလို ပြစ်ဒဏ်ကျ အကျဉ်းသားဆိုရင်လည်း လွတ်ငြိမ်းချမ်းသာခွင့်ပြုမှာဖြစ်ပါတယ်။ရုရှားဟာ ယူကရိန်းမှာတိုက်ဖို့အတွက်ပြည်ပနိုင်ငံသားတွေကိုလည်း စုဆောင်းနေဖွယ်ရှိတယ်လို့ အကဲခတ်တွေက သုံးသပ်ထားပါတယ်။ ရာနဲ့ချီတဲ့ ယီမင်ကြေးစားစစ်သားတွေကို ယူကရိန်းစစ်မြေပြင်ပို့ခဲ့တယ်လို့ ဖိုင်နယ်ရှယ်တိုင်းမ် သတင်းဌာနက ဖော်ပြထားပါတယ်။သူ့တို့ကို အလုပ်အကိုင်တွေ၊ မြင့်မားတဲ့ လုပ်ခလစာတွေနဲ့ ရုရှားနိုင်ငံသားပေးဖို့ထိပါ ကမ်းလှမ်းခဲ့ပြီး အိန္ဒိယနဲ့ နီပေါနိုင်ငံသားအချို့လည်း ရုရှားစစ်တပ်မှာ ရောက်ရှိ အမှုထမ်းနေကြတယ်လို့ အတည်ပြုပြောဆိုမှုတွေလည်းရှိနေပါတယ်။လက်ရှိမှာတော့ ရုရှားဟာ မြောက်ကိုရီးယားစစ်သား ထောင်ပေါင်းများစွာကို နိုင်ငံအနောက်ပိုင်းမှာ ဖြန့်ကြက်ထားပြီး ယူကရိန်းစစ်ပွဲမှာ အသုံးပြုနေပါတယ်။ ယူကရိန်းဟာ ရုရှားပိုင်နက်ထဲကို အမေရိကန်နဲ့…