ဇန်နဝါရီ ၂၂ – ၂ဝ၂၄ KKO(VOM) စစ်ကိုင်းတိုင်း ကန့်ဘလူဒေသတွင်းတိုက်ပွဲတခုမှာ ဒရုန်းဗုံးထိမှန်လို့ ဒေသတွင်းလက်နက်ကိုင်တွေ အကျအဆုံးအထိအခိုက်များပြားခဲ့တယ်လို့ တိုက်ပွဲဖြစ်တဲ့အရပ်တွေရဲ့ သတင်းတွေအရ သိရပါတယ်။ နစက တပ်ပိုင်းဆိုင်ရာနဲ့ နီးစပ်သူတွေရဲ့တယ်လီဂရမ်ချန်နယ်တွေမှာ ရေးသားဖော်ပြမှုတွေအရ နမခနယ်မြေ ကျွန်းလှမြောက်ခြမ်းဒေသကို နစက တပ်ဘက်က နယ်မြေရှင်းလင်းတဲ့ စစ်ဆင်ရေးတခုကိုလုပ်ဆောင်ခဲ့ရာမှ ဒေသခံကာကွယ် ရေး လက်နက်ကိုင်တပ်တွေဖြစ်တဲ့ နယ်ခံ PDF တပ်ဖွဲ့ဝင်တွေ အများအပြားထိခိုက်ဒဏ်ရာရခဲ့သလို အကျအဆုံးတွေလည်းအများအပြားရှိခဲ့တာဖြစ်တယ်လို့ ဆိုပါတယ်။ ကန့်ဘလူဒေသအခြေပြု သတင်းမီဒီယာဌာနတခုကတော့ ကန့်ဘလူမြို့နယ်အတွင်းမှာ နစက တပ်ဘက်က တိုက်ခိုက်လာတဲ့ ဒရုန်းဗုံးထိမှန်လို့ ဒေသခံကာကွယ်ရေးတပ်ဖွဲ့ဝင် ၆ ဦးကျဆုံးပြီး ၁၄ ဦးဒဏ်ရာရခဲ့တယ်လို့ ရေးသားဖော်ပြထားတာကိုတွေ့ရပါတယ်။ “ကန့်ဘလူတို့ ကျွန်းလှတို့ဆိုတာက စစ်ကိုင်းတိုင်းအလယ်ပိုင်းမှာရှိတာပေါ့။ မုံရွာဟိုဘက်ခြမ်းပေါ့။အခုကြားနေရတဲ့ သတင်းတွေအရ တပ်ကစစ်ကိုင်းတိုင်းဘက်ကိုလေကြောင်းကနေ တိုက်ခိုက်မှုတွေကို တော်တော်လေးလုပ်နေတယ်ကြားတယ်။ စစ်ကိုင်းကိုပြန်ဖိနေတဲ့သဘောလားတော့မသိဘူးပေါ့။ နောက်တခုကြားနေရတာက PDF တပ်တွေက စစ်ကိုင်းတိုင်းထဲက ကလေးနဲ့ တမူးဘက်တွေကိုဝင်တိုက်မယ်လို့လည်းကြားနေရတယ်။…
Read Moreကန့်ဘလူမှာ ဒရုန်းဗုံးကြောင့် ဒေသတွင်းလက်နက်ကိုင်တွေ ထိခိုက် ကျဆုံးများခဲ့
