သထုံ၊ စက်တင်ဘာ ၁၈ – ၂၀၁၉
မင်းရန်နိုင်(VOM)
အမျိုးသမီးလွှတ်တော်ကိုယ်စားလှယ်တချို့ဟာ ဌာနဆိုင်ရာနဲ့ ဆက်ဆံရတဲ့အခါမှာ မလေးမစား ဆက်ဆံခံခဲ့ရတာကြုံနေရတယ်လို့ အမျိုးသမီးလွှတ်တော်ကိုယ်စားလှယ်တချို့ကဆိုကြပါတယ်။
မွန်ပြည်နယ် သထုံမဲဆန္ဒနယ်(၁) မှ ပြည်နယ်လွှတ်တော်ကိုယ်စားလှယ် ဒေါ်ခိုင်ခိုင်လဲ့က
“မြို့နယ်ထွေအုပ်တွေနဲ့ ဆက်ဆံတဲ့နေရာမှာ အမျိုးသမီးလွှတ်တော်ကိုယ်စားလှယ်တွေက တော်တော်လေးကို အခက်အခဲတွေနဲ့ ကြုံရပါတယ်။ အားလုံးကို ခြုံပြီးပြောတာပါ။ ကျွန်မတစ်ယောက်တည်း မဟုတ်ပါဘူး။ ကျန်တဲ့လွှတ်တော်ကိုယ်စားလှယ် အမျိုးသမီးတွေလည်း အများကြီးကြုံရပါတယ်”လို့ ပြောပါတယ်။
လွှတ်တော်ကိုယ်စားလှယ်စတင်တာဝန်ယူခဲ့ချိန်မှာ အမျိုးသားလွှတ်တော်ကိုယ်စားလှယ်နဲ့ အမျိုးသမီးလွှတ်တော်ကိုယ်စားလှယ်တွေကို ခွဲခြား ဆက်ဆံခံခဲ့ရတယ်လို့ ဆိုပါတယ်။
“ကျွန်မ နောက်ထပ်ကြုံတွေ့ရတာကတော့ ရဲတွေဖြစ်ပါတယ်။ အဓိကတော့ နယ်ထိန်းအင်ချပ်တွေ၊ အမှုစစ်တွေ အများကြီးပဲ။ ဘယ်လောက်ပြောပြော၊ ပြောတဲ့သူ အမြုပ်ထွက်ပြီး သေရင်သေသွားမယ်၊ မလုပ်ဘူး လုပ်ချင်မှလုပ်တာ။ ကျွန်မတို့က သူတို့ကို ခိုင်းစေနေတာမဟုတ်ဘူး။ အမိန့်ပေးနေတာ မဟုတ်ဘူး။ ဖြစ်သင့်ဖြစ်ထိုက်တာကို လွှတ်တော်ကိုယ်စားလှယ်တစ်ယောက်ကနေ ပြောနေတာ” လို့ ဒေါ်ခိုင်ခိုင်လဲ့က ပြောပါတယ်။
လွှတ်တော်ကိုယ်စားလှယ်က ရဲတွေကို Without ကားတွေ ဖမ်းပေးပါလို့ ပြောလိုက်ရင် ဟုတ်ကဲ့ဒေါ်ခိုင်ခိုင်လဲ့လို့ ပြောပြီး တစ်ရက်နှစ်ရက်လောက်ပဲအဖမ်းပြတဲ့အတွက် နောက်နေ့တွေကြရင် ဒုံရင်းက ဒုံရင်းပဲလို့ သူက ဆိုပါတယ်။
ဒီကိစ္စရပ်တွေဟာ လွှတ်တော်ကိုယ်စားလှယ်က ပြောမှ လုပ်ရမယ့် အရာတွေ မဟုတ်ဘဲ သူတို့တာဝန်ဖြစ်တယ်။ သူတို့တာဝန်ကို သူတို့ ကျေပွန်အောင် ထမ်းဆောင်ရမယ်လို့ ဒေါ်ခိုင်ခိုင်လဲ့က ပြောပါတယ်။
ဒီဌာနတွေအပြင် စည်ပင်သာယာဌာနနဲ့ တခြားအုပ်ချုပ်ရေးယန္တရားမှာ ပါဝင်နေတဲ့ ဌာနအများစုက အမျိုးသမီးလွှတ်တော်ကိုယ်စားလှယ်တွေနဲ့ ဆက်ဆံရေးအဆင်မပြေတာတွေ ရှိခဲ့တယ်လို့ သိရပါတယ်။
လွှတ်တော်ကိုယ်စားလှယ်တွေဆိုတာ ပြည်သူက ခန့်အပ်လိုက်တဲ့ ပြည်သူ့ကိုယ်စားလှယ်တွေ ဖြစ်တဲ့အတွက် အုပ်ချုပ်ရေးယန္တရားမှ ဌာနဆိုင်ရာတွေနဲ့ ဆက်ဆံရတဲ့အခါမှာ ဌာနဆိုင်ရာဘက်ကလည်း လေးလေးစားစားနဲ့ ဆက်ဆံသင့်တယ်လို့ ရသေ့တောင်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စောဝေက အကြံပြုပါတယ်။
#vocieofmyanmar #အမျိုးသမီးလွှတ်တော်ကိုယ်စားလှယ် #မွန်ပြည်နယ်
