Day: November 13, 2026

  နိုဝင်ဘာ ၁၃ ၊ ၂၀၂၆ CC (VOM) မိုးဆက်တိုက်ရွာသွန်းမှုကြောင့် ဆောင်းသီးနှံဖြစ်တဲ့ မတ်ပဲ ၊ ပဲတီစိမ်း စိုက်ပျိုးဖို့ အချိန်နောက်ကျသွားတဲ့အတွက် စိုက်ဧကနဲ့ ပဲအထွက်နူန်းသိသိသာသာလျော့ကျသွားနိုင်တယ်လို့ သိရပါတယ်။ ပုံမှန်ဆိုရင် ပဲတီစိမ်းနဲ့ မတ်ပဲကို အောက်တိုဘာလကုန်လောက်ကတည်းကစပြီး နိုဝင်ဘာ ၁၅ ရက်မကျော်ခင်မှာ တောင်သူ အများစုစိုက်ပျိုးပြီးစီးလေ့ရှိပေမယ့် အခုတော့ မိုးဆက်တိုက်ရွာပြီး ရေဝင်ရောက်မှုကြောင့် နိုဝင်ဘာလကုန်လောက်မှသာ စတင်စိုက်ပျိုးနိုင်မယ့်အခြေအနေ ရှိနေပါတယ်။ ပဲစိုက်ရာသီချိန်ကျော်လွန်ပြီးမှ စိုက်ပျိုးပါက အပင်ပေါက်နူန်းမကောင်းတော့ဘဲ အပင်အားကောင်းမှုလျော့ကျသွားခြင်းကြောင့် အထွက်နူန်း သိသိသာသာလျော့ကျကာ တောင်သူတွေ ဆုံးရှုံးမှုရှိနိုင်တာကြောင့် ပဲစိုက်ဧကတွေ လျှော့ချစိုက်ဖို့ နဲ့ လုံးဝမစိုက်ပျိုးတော့ဘဲထားဖို့ စဥ်းစားနေကြပါတယ်။ ဒီနှစ်က အယ်လ်နီညိုဖြစ်စဥ်သက်ရောက်မှုကြောင့်လည်း ပဲအပါအဝင် စိုက်ခင်းတွေ သီးနှံအထွက်နူန်းလျော့နိုင်တဲ့ အခြေအနေတွေပါရှိနေတော့ တောင်သူတွေမှာ အခက်ကြုံနေကြရတာပါ ။ ” မိုးသာမရွာရင် ပဲတွေကြဲပြီးပြီ။ အခုတော့ ဘာမှလုပ်မရဘူး။ လယ်တွေထဲ…