မတ် ၁ – ၂၀၂၃
GG(VOM)
ရန်ကုန်မြို့၊ တောင်ဥက္ကလာမြို့နယ် ၊သစ္စာလမ်း၊စာတိုက်မှတ်တိုင် မီးပွိုင့်အနီးမှာ အငှားယာဉ်တစီး မီးလောင်မှုဖြစ်ပြီး ယာဥ်မောင်းသေဆုံးခဲ့သလို ယာဥ်ပေါ်ပါသူ နောက်တဦးလည်း ထိခိုက်ဒဏ်ရာ ရရှိခဲ့တဲ့ဖြစ်စဥ် မနေ့ ဖေဖော်ဝါရီ ၂၈ရက် ညပိုင်းကဖြစ်ပွါးခဲ့တယ်လို့ သိရပါတယ်။
မနေ့ ည ၈ နာရီခွဲဝန်းကျင်လောက်မှာ ကားကမောင်းလာရင်း အရှိန်လွန်ပြီး ခြံစည်းရိုးဝင်တိုက်မိရာကနေ ဂက်စ်အိုးပေါက်ကွဲကာ မီးလောင်ခဲ့တာဖြစ်ကြောင်း ဒဏ်ရာရသူကလည်း စိုးရိမ်ရတယ်လို့ သိရပါတယ်။
” ကျနော်တို့ရောက်တော့ ယာဥ်မောင်းက အခင်းနေရာမှာ သေဆုံးနေပြီ၊နောက်တယောက်ကလည်း အနီရောင်အဆင့်ပါ။ မီးလောင်တဲ့အချိန်ခဏလေးကို ဖြစ်သွားတာ၊ကားကအရှိန်မထိန်းနိုင်ဘဲ ခြံစည်းရိုးဝင်တိုက်မိပြီးCNGအိုးမီးလောင်ပေါက်ကွဲတာ “လို့ ကူညီမှုပေးခဲ့တဲ့ ရွှေရောင်တွဲလက်ပရဟိတအသင်း အဖွဲ့ဝင်တဦးပြောပြပါတယ်။
အငှားယာဥ်ဟာ ပေါက်ကွဲမှုဖြစ်ပြီး မီးလောင်ချိန် ၁၀ မိနစ်ခန့်အတွင်း လူသေဆုံးတဲ့အထိ ဖြစ်ပွားခဲ့တာဖြစ်ပြီး ကားနောက်ပိုင်းလည်း ပျက်စီးမှုရှိခဲ့တယ်လို့သိရပါတယ်။
ပေါက်ကွဲမှုကြောင့် ဒဏ်ရာရအမျိုးသားဟာ ခြေထောက်၊လက်တွေ ပြတ်ထွက်နေပြီး စိုးရိမ်ရပြီး လက်ရှိမှာ စံပြဆေးရုံ ပို့ဆောင်ထားတယ်လို့ သိရပါတယ်။
အဲ့ဒီဖြစ်စဥ်ကို သက်ဆိုင်ရာမီးသတ်တပ်ဖွဲ့နဲ့ ရွှေရောင်တွဲလက်ပရဟိတအသင်း အပါအဝင် လူမှုကူညီရေးအသင်းတွေက သွားရောက်မီးငြှိမ်းသတ်ခဲ့ကြတာဖြစ်တယ်လို့ သိရပါတယ်။
ပြီးခဲ့တဲ့ရက်ပိုင်းကလည်း ရန်ကုန်မှာ ကားတစီးမီးလောင်မှုရှိခဲ့ပေမယ့် လူထိခိုက်မှုမရှိခဲ့ဘူးလို့ သိရပါတယ်။
#voiceofmyanmar #VOM #ရန်ကုန် #ကားမီးလောင်ပေါက်ကွဲ #လူတဦးသေဆုံး
