မော်စကို၊ စက်တင်ဘာ-၁၄-၂၀၂၄
မျိုးဆက်(VOM)
ရုရှားဟာ ယူကရိန်းစစ်ပွဲမှာ ပြီးခဲ့တဲ့နှစ်ကအသုံးပြုခဲ့တဲ့ Garpiya-A1 တာဝေးတိုက်ခိုက်ရေး ဒရုန်းတွေကို တရုတ်အင်ဂျင်တွေနဲ့ ထုတ်လုပ်နေတာဖြစ်ကြောင်း ဥရောပထောက်လှမ်းရေး သတင်းရင်းမြစ်နှစ်ယောက်နဲ့ ရိုက်တာသတင်းဌာနက ရရှိထားတဲ့ စာရွက်စာတမ်းတွေအရ သိရပါတယ်။
ဒရုန်းအသစ်တွေ ထုတ်လုပ်မှုစာချုပ် ၊ လုပ်ငန်းစဉ်၊ ကုမ္ပဏီရဲ့စာရွက်စာတမ်းတွေအရ တရုတ်အင်ဂျင်တပ် Garpiya-A1 ဒရုန်းအစင်းပေါင်း ၂၅၀၀ ကျော်ကို ရုရှားနိုင်ငံပိုင် လက်နက်ကုမ္ပဏီ Almaz-Antey လက်အောက်ခံ IEMZ Kupol ကနေ ၂၀၂၃ ခုနှစ် ဇူလိုင်လကနေ ၂၀၂၄ ခုနှစ် ဇူလိုင်လထိ ထုတ်လုပ်ခဲ့ကြောင်း ထောက်လှမ်းရေးက ရရှိထားတဲ့ အချက်အလက်တွေမှာ ဖော်ပြထားပါတယ်။
တရုတ်နည်းပညာနဲ့ ပေါင်းစပ်ထားတဲ့ တာဝေးတို်ကခိုက်မှု ဒရုန်းတွေ ထုတ်လုပ်နေတာနဲ့ပတ်သက်ပြီး သတင်းထွက်ပေါ်လာတာမျိုးမရှိခဲ့ပါဘူး။ IEMZ Kupol နဲ့ Almaz-Antey ကုမ္ပဏီတို့ကတော့ ရိုက်တာသတင်းဌာနရဲ့ မေးမြန်းမှုကို တုံ့ပြန်ဖြေကြားမရှိသေးပါဘူး။
ဒါဟာ ရုရှားအနေနဲ့ တိုက်ခိုက်ရေးဒရုန်းတွေနဲ့ပတ်သက်ပြီး အီရန်ရဲ့ဒီဇိုင်းတွေကို မှီခိုနေရတာ နည်းပါးသွားတာဖြစ်ပြီး ဒရုန်းထု်တလုပ်ရေးနဲ့ ပြည်တွင်းမှာ လက်နက်ထုတ်လုပ်မှုကို တရုတ်အပေါ် မှီခိုနေရတာကို ပြသခြင်းလို့ အကဲခတ်တွေက သုံးသပ်ပါတယ်။
ဒီတိုက်ခိုက်ရေး ဒရုန်းတွေကို ယူကရိန်းရှိ စစ်ဘက်နဲ့ အရပ်ဘက်ပစ်မှတ်တွေကို တိုက်ခိုက်ရာမှာ ရုရှားက အသုံးပြုခဲ့ပြီး အရေးကြီး အဆောက်အအုံတွေ ကျယ်ကျယ်ပြန့်ပြန့် ထိခိုက်ပျက်စီးခဲ့ပြီး ယူကရိန်းစစ်သားနဲ့ အရပ်သားတွေ သေဆုံးမှု ဖြစ်ပေါ်ခဲ့ပါတယ်။
Ref:Reuters
Photo:Reuters
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...