Day: December 18, 2019

မြောက်ဦး၊ ဒီဇင်ဘာ ၁၈၊ ၂၀၁၉ ခိုင်လင်းစံ (VOM) ရခိုင်ပြည်နယ်၊ မြောက်ဦးမြို့နယ် ကျောင်းတောင်ကျေးရွာသားတစ်ဦးဟာ မနေ့က ညနေပိုင်းမှာ ကျေးရွာအနီး ထင်းခုတ်သွားချိန် မြေမြှုပ်မိုင်းနင်းမိပြီး သေဆုံးသွားခဲ့တယ်လို့ သိရပါတယ်။ မြေမြှုပ်မိုင်းပေါက်ကွဲပြီး သေဆုံးသွားသူမှာ အသက် ၄၃ နှစ်အရွယ် ဦးမောင်မြင့်ဦးဖြစ်ပြီး အဲ့ဒီတောတောင်တွေမှာ လုပ်ကိုင်စားသောက်နေသူတစ်ဦးဖြစ်ကာ စိုက်ပျိုးရေးလုပ်ငန်းတွေကို လုပ်ကိုင်နေသူလည်းဖြစ်တယ်လို့ ကျေးရွာသားတွေက ပြောပါတယ်။ “သူက အဲ့ဒီအနီးဝန်းကျင်မှာ လယ်တွေလည်းရှိတယ်။ ပန်းခင်းတွေစိုက်တယ်။ မနေ့က သူအမြဲတမ်းသွားနေတဲ့တောင်ဆိုပြီး ထင်းသွားခုတ်တာ။ အဲ့ဒီမှာ မိုင်းပေါက်ကွဲပြီး သေဆုံးသွားပါတယ်။”လို့ ကျောင်းတောင် ကျေးရွာသားတစ်ဦးက ပြောပါတယ်။ ပြီးခဲ့တဲ့ နှစ်ပတ်လောက်က ကျောင်းတောင်ကျေးရွာ အရှေ့ဘက်တောင်တန်းတွေမှာ တပ်မတော်နဲ့ အေအေတို့အကြား တိုက်ပွဲတွေ အပြင်းအထန်ဖြစ်ပွားခဲ့ပြီး လေယာဉ်တွေ၊ ရဟတ်ယာဉ်တွေနဲ့ ပစ်ခတ်မှုတွေလည်းရှိခဲ့ပြီးတော့ အခုမိုင်းပေါက်ကွဲတဲ့နေရာတွေမှာ တပ်မတော်စစ်ကြောင်းတွေ သွားလာလှုပ်ရှားခဲ့တယ်လို့ သိရပါတယ်။ “မိုင်းပေါက်ကွဲတဲ့နေရာက တိုက်ပွဲဖြစ်ခဲ့တဲ့နေရာနဲ့ ဝေးပါတယ်။ ရွာနဲ့သိပ်မဝေးတဲ့နေရာပါ။…

မန်စီ၊ ဒီဇင်ဘာ ၁၈-၂၀၁၉ ရန်အောင်ထွန်း(VOM) ကချင်ပြည်နယ်၊ မန်စီမြို့နယ်၊ မုန်းတိန်းပါကျေးရွာက ပြန်လည်အခြေချနေထိုင်နေတဲ့ စစ်ဘေးရှောင်တွေရဲ့ လယ်ယာမြေ ၃၆၃ ဧကကျော်ကို နိုင်ငံတော်အစိုးရအကူအညီနဲ့ ပြန်လည်ဖော်ထုတ်ပေးဖို့ ဒီဇင်ဘာ ၁၇ ရက်ကကျင်းပတဲ့ ဒုတိယအကြိမ် ကချင်ပြည်နယ်လွှတ်တော် (၁၇)ကြိမ်မြောက် ပုံမှန်အစည်းအဝေး ဒုတိယနေ့မှာ ပြည်နယ်လွှတ်တော်ကိုယ်စားလှယ် ဦးမင်းမင်းကတောင်းဆိုခဲ့တာ ဖြစ်ပါတယ်။ “ပြန်နေတာ ၂ လလောက်ပဲ ရှိသေးလို့ အခက်အခဲများစွာရှိတဲ့အထဲက အရေးအကြီးဆုံး ဖြစ်တဲ့ လုပ်ကိုင်စားစရာမြေအတွက်တောင်းဆိုပေးတာဖြစ်တယ်”လို့ မံစီမြို့နယ် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဦးမင်းမင်းက ပြောပါတယ်။ အဲ့ဒီ မုန်းတိန်းပါကျေးရွာမှာ အရင်က အိမ်ခြေ တစ်ရာကျော်ရှိခဲ့ပြီး တစ်ကျော့ပြန်စစ်ပွဲကြောင့် ရှစ်နှစ်လောက် စစ်ရှောင်စခန်းတွေမှာ နေခဲ့ပြီးမှ မြို့နယ်ထွေအုပ် ၊ လွှတ်တော်ကိုယ်စားလှယ်၊ တာဝန်ရှိသူတွေရဲ့ ကူညီမှုနဲ့ အိမ်ထောင်စု ၆၀ လောက် ပြန်လည်အခြေချနေထိုင်နေထိုင်တယ်လို့ သိရပါတယ်။ #VOM #voiceofmyanmar…

ရန်ကုန်၊ ဒီဇင်ဘာ ၁၈-၂၀၁၉ စွဲ့ဝတီ(VOM) ကျားဖောင်လုပ်ငန်းပေါ်မှာ ကျန်းမာရေးချို့တဲ့လို့ အလုပ်လုပ်ကိုင်နိုင်စွမ်းမရှိတဲ့ အလုပ်သမားတွေကို ဆဲဆိုကြိမ်းမောင်းတာတွေ ရိုက်နှက်ညှဉ်းပန်းပြီး ခိုင်းစေတာတွေ စတဲ့ လူ့အခွင့်အရေး ချိုးဖောက်မှုတွေအပြင် ရေလုပ်သား အချို့ ပျောက်ဆုံး၊ သေဆုံးသွားကြတဲ့ လူ့အခွင့်အရေး ထိခိုက်နစ်နာမှုတွေ ရှိနေတယ်လို့ မြန်မာနိုင်ငံအမျိုးသားလူ့အခွင့်အရေးကော်မရှင်ကနေ သိရပါတယ်။ ကျားဖောင်လုပ်ငန်းဟာ ကမ်းခြေကနေ ရေမိုင် ၃၀ ကျော်မှာ လုပ်ကိုင်ရတဲ့ လုပ်ငန်းတစ်ခုဖြစ်ပြီး ပိုက်ထောင်ပိုက်ဆွဲ အလုပ်ကို နေ့စဉ်ပင်ပန်းကြီးစွာ လုပ်ကိုင်ရတဲ့ အလုပ်တစ်ခုဖြစ်ပါတယ်။ ပုဇွန်ပြုတ်၊ ငါးခြောက်လှန်း စတဲ့လုပ်ငန်းတွေကိုလည်း အချိန်လုပြီး လုပ်ကိုင်ရတဲ့ လုပ်ငန်းဖြစ်တဲ့အတွက် ပင်ပန်းနွမ်းနယ်မှုဒဏ်ကို ရေလုပ်သားတွေက ခံနိုင်ရည်မရှိတော့ဘဲ ကျန်းမာရေးချို့တဲ့လာကြတယ်လို့ သိရပါတယ်။ ကျားဖောင်လုပ်ငန်းမှာ တရားဝင်လုပ်ကိုင်တဲ့ လုပ်ငန်းရှင်ဦးရေထက် လက်တွေ့မှာ တရားမဝင်လုပ်ငန်းရှင် ဦးရေ ၆ ဆခန့် ပိုမိုများပြားနေပြီး တရားဝင်မှတ်ပုံတင် ရေလုပ်သားမှာလည်း ၄၀၀ ကျော်သာ ရှိနေကာ…