Day: December 19, 2019

ရန်ကုန် ဒီဇင်ဘာ ၁၉-၂၀၁၉ သိဂီ ၤ(VOM) မန္တလေးမြို့ ကလေးဆေးရုံကြီးမှာ အသည်းအစားထိုး ခွဲစိတ်ကုသမှုတွေ လုပ်ဆောင်နိုင်ဖို့ ကျန်းမာရေးနှင့်အားကစားဝန်ကြီးဌာနက စီစဉ်ဆောင်ရွက်သွားမယ်လို့ သိရပါတယ်။ မြန်မာနိုင်ငံမှာ အသည်းအစားထိုး ခွဲစိတ်ကုသမှုကို ဂျပန်နိုင်ငံနဲ့ပူးပေါင်းပြီး ယခုနှစ်၂၀၁၉ ခုနှစ်အတွင်းက ရန်ကုန်ကလေးဆေးရုံကြီးမှာ အသည်းအစားထိုးခွဲစိတ်မှု (၃) ကြိမ် လုပ်ဆောင်နိုင်ခဲ့ပါတယ်။ ဒါကြောင့် ရန်ကုန်နည်းတူ မြန်မာနိုင်ငံရဲ့ ဒုတိယမြို့တော်ဖြစ်တဲ့ မန္တလေးရဲ့ ကလေးဆေးရုံကြီးမှာလည်း အသည်းအစားထိုးခွဲစိတ်ကုသမှုတွေ ဆောင်ရွက်နိုင်ဖို့တွက် ဆေးနှင့် ဆေးနှီးနွှယ် ဘာသာရပ်စုံပါဝင်သော အဖွဲ့ကို ဖွဲ့စည်းထားရှိပြီးဖြစ်တယ်လို့သိရပါတယ်။ “ဒီလို ခက်ခဲရှုပ်ထွေးတဲ့ အသည်းအစားထိုး ခွဲစိတ်ကုသမှုတွေကို မြန်မာနိုင်ငံမှာ ဆာင်ရွက်နိုင်လာတာဟာ ဂုဏ်ယူစရာတစ်ခုပါ။လာမယ့် ဘဏ္ဍာနှစ်မှာ ဝန်ကြီးဌာနအနေနဲ့ ဖွဲ့စည်းထားရှိတဲ့ ဆေးပညာဘာသာရပ်အသီးသီးက ဘာသာရပ်ဆိုင်ရာ ဆေးပညာရှင်အဖွဲ့တွေရဲ့ အကြံပြုချက်တွေကိုရယူပြီး ဆေးဝါး၊ ဆေးပစ္စည်းနှင့် စက်ကိရိယာတွေကို ဝယ်ယူသွားမှာဖြစ်တယ်” လို့ ဒီဇင်ဘာလ ၁၈ ရက်တွေ့ဆုံဆွေးနွေးပွဲမှာ ပြည်ထောင်စုဝန်ကြီး…

Read More

ချင်းမိုင်၊ ဒီဇင်ဘာ ၁၉ ၊ ၂၀၁၉ အောင်ထူးနိုင်(VOM) တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA) အကောင်အထည်ဖော်မှုဆိုင်ရာ ညှိနှိုင်းအစည်းအဝေး(JICM) ကျင်းပနိုင်ရေးအတွက် ကောင်းမွန်တဲ့ပြင်ဆင်မှုကို ပြုလုပ်နိုင်ခဲ့ပြီလို့ မူဘောင်ညှိနှိုင်းရေးအဖွဲ့ခေါင်းဆောင် ဗိုလ်မှူးကြီးစိုင်းငင်းက ပြောဆိုလိုက်ပါတယ်။ NCA သဘောတူစာချုပ် လက်မှတ်ရေးထိုးထားတဲ့ တိုင်းရင်းသားလက်နက်ကိုင် အဖွဲ့အစည်းများ (NCA-S EAO) ရဲ့ NCA အကောင်အထည်ဖော်မှုဆိုင်ရာ မူဘောင်ညှိနှိုင်းရေးအဖွဲ့ အစည်းအဝေး (တတိယအကြိမ်)ကို ဒီဇင်ဘာလ ၁၅ ရက်နေ့ကနေ ဒီဇင်ဘာ ၁၉ ရက်နေ့အထိ ထိုင်းနိုင်ငံ၊ ချင်းမိုင်မြို့မှာ ကျင်းပခဲ့ပါတယ်။ အဲဒီအစည်းအဝေး နိဂုံးချုပ်အမှာစကားကို အဖွဲ့ခေါင်းဆောင် ဗိုလ်မှူးကြီး စိုင်းငင်းမှ ပြောကြားရာမှာ ပြောဆိုခဲ့တာဖြစ်ပါတယ်။ “ဒီအစည်းအဝေးမှာ လက်ရှိနိုင်ငံရေး၊ ငြိမ်းချမ်းရေး၊ စစ်ရေးအခြေအနေများကို လက်တွေ့ကျကျ ဆန်းစစ် သုံးသပ်နိုင်ခဲ့လို့ ရှေ့လုပ်ငန်းစဉ်တွေ ချမှတ်ရာမှာ များစွာ အထောက်အပံ့ဖြစ်စေခဲ့ပါတယ်” လို့ ဗိုလ်မှူးကြီးစိုင်းငင်းက ပြောပါတယ်။…

Read More

မာန်အောင်၊ ဒီဇင်ဘာ ၁၉- ၂၀၁၉ ခိုင်လင်းစံ (VOM) ရခိုင်ပြည်နယ်တောင်ပိုင်းဒေသက မာန်အောင်မြို့မှာ လျှပ်စစ်မီးဖြန့်ဖြူးနိုင်ရေးအတွက် ဆိုလာစနစ်သုံး လျှပ်စစ်ဓါတ်အားပေးစက်ရုံကို ဖွင့်လှစ်ပေးဖို့အတွက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ဒီကနေမနက်ပိုင်းက တက်ရောက်ဖွင့်လှစ်ခဲ့တာဖြစ်ပါတယ်။ အဲ့ဒီခရီးစဉ်မတိုင်မီ နာရီပိုင်းအလို မနက် ၆ နာရီခွဲခန့်က မာန်အောင်မြို့ပေါ်တစ်နေရာမှာ မိုင်းသုံးလုံးပေါက်ကွဲမှုဖြစ်ပွားခဲ့ပြီး လုံခြုံရေးတွေကို တင်းကျပ်ထားခဲ့ရတယ်လို့ သိရပါတယ်။ “မနက် ၆ နာရီကျော်လောက်မှာ ပေါက်ကွဲသံ သံုံးချက်ဆက်တိုင်းကြားလိုက်ရတယ်။ မိုင်းပေါက်တယ်လို့တော့ သတင်းရပါတယ်။ ကျွန်တော်တို့လည်း သွားမကြည့်ရဲဘူး။ လူထိခိုက်မှုတွေတော့မရှိဘူး”လို့ မာန်အောင်ဒေသခံတစ်ဦးက ပြောပါတယ်။ မိုင်းပေါက်ကွဲတဲ့နေရာဟာ ဆိုလာလျှပ်စစ်မီးစက်ရုံဖွင့်ပွဲသို့ သွားရာလမ်းမှာရှိတဲ့ မာန်အောင်ဟိုတယ်အနီးက သင်္ချိုင်းနေရာ လမ်းဘေးမှာ ပေါက်ကွဲခဲ့တာဖြစ်တယ်လို့ ရခိုင်ပြည်နယ် အစိုးရအဖွဲ့က အတည်ပြုပြောဆိုပါတယ်။ “မိုင်းကွဲတာဟုတ်ပါတယ်။ ဘယ်အဖွဲ့အစည်းကလုပ်တာလဲ။ ဘယ်သူတွေလဲဆိုတာတော့ အတည်ပြုပြေားဖို့ခက်ပါတယ်။ မိုင်းက သုံးလုံးကွဲတာပါ။ ဟိုတယ်နဲ့ လေယာဉ်ကွင်းအစပ်မှာကွဲတာပါ။”လို့ ဝန်ကြီး ဦးဝင်းမြင့်က ပြောပါတယ်။ မာန်အောင်မြို့ဟာ…

Read More

ရန်ကုန်၊ ဒီဇင်ဘာ ၁၉ -၂၀၁၉ အောင်ထူးနိုင်(VOM) ရှမ်းပြည်နယ်ထဲက မြို့နယ်တချို့မှာ ဒီဇင်ဘာလ ၁ ရက်နေ့ကနေ ဒီဇင်ဘာလ ၁၈ ရက်နေ့အထိ ဘိန်းစိုက်ခင်းဖျက်ဆီးမှု ဧကပေါင်း ၉၀၀ ခန့် ရှိတယ်လို့ ပြည်ထဲရေးဝန်ကြီးဌာနကနေ သိရပါတယ်။ ဘိန်းစိုက်ခင်းတွေရှိတဲ့ ဟိုပုန်း၊ ပင်လောင်း၊ ဆီဆိုင်၊ မိုင်းခတ်၊ မိုင်းဆတ်၊ မိုင်းဖြတ်၊ ကျိုင်းတုံ၊ ညောင်ရွှေ၊ ဖယ်ခုံ၊ လဲချား၊ နမ့်စန်၊ ငဖဲ၊ လွိုင်လင်၊ မိုင်းကိုင်၊ တောင်ကြီး၊ ကျေးသီးနဲ့ မိုင်းပျဉ်းမြို့နယ်တွေမှာ ဖျက်ဆီးခဲ့တယ်လို့ သိရပါတယ်။ ဘိန်းစိုက်ခင်းတွေကို သက်ဆိုင်ရာမြို့နယ်ရဲတပ်ဖွဲ့မှူးရုံးက ရဲတပ်ဖွဲ့ဝင်တွေနဲ့ ပူးပေါင်းအဖွဲ့က ဖျက်ဆီးရှင်းလင်းခဲ့တာဖြစ်တယ်လို့ သိရပါတယ်။ ဘိန်းခင်းတွေနဲ့ပတ်သက်လို့ အပင် ၆ လက်မခန့်ရှိ ဖွံ့ဖြိုးဆဲအနေအထားတွေနဲ့ သီးပွင့်အနေအထားတွေ ရောက်ရှိနေပြီလို့ ပြည်ထဲရေးဝန်ကြီးဌာနက သိရပါတယ်။ ပြည်ထဲရေးဝန်ကြီးဌာနက ဘိန်းခင်းဖျက်ဆီးမှုတွေနဲ့ပတ်သက်လို့ ပုံမှန်သတင်းထုတ်ပြန်မှုတွေ လုပ်နေသလို မူးယစ်ဆေးဝါးဖမ်းဆီးမှုတွေပတ်သက်လို့လည်း…

Read More

ရန်ကုန် ဒီဇင်ဘာ ၁၉ -၂၀၁၉ သိဂီ ၤ(VOM) ဂြိုလ်တုဆက်သွယ်ရေး ရေယာဉ်စောင့်ကြည့်ထိန်းချုပ်ရေးစနစ် (VMS)မတပ်ဆင်တဲ့ ကမ်းဝေးငါးဖမ်းလှေတွေကို ပင်လယ်ပြင် ငါးဖမ်းထွက်ခွာခွင့် ပိတ်သိမ်းတော့မှာဖြစ်တယ်လို့ ရန်ကုန် တိုင်းဒေသကြီး ငါးလုပ်ငန်းဦးစီးဌာနကနေသိရပါတယ်။ “ ဒီလို ပင်လယ်ပြင် ငါးဖမ်းထွက်ခွာခွင့် ပိတ်သိမ်းမှုကို လာမယ့် ၂၀၂၀ ခုနှစ် ဇန်နဝါရီ လကုန်ကစပြီး လုပ်ဆောင်မှာ ဖြစ်ပါတယ်။ လက်တလောမှာတော့ ရေယာဉ်တွေကို စက်(Vessel Monitoring System – VMS) တွေတပ်ဆင်ဖို့ နောက်ဆုံးသတ်မှတ်ရက်အဖြစ် ဇန်နဝါရီလကုန်ထိ လုပ်ခွင့်ပေးထားပါတယ်။ ဒီနှစ် ဒီဇင်ဘာမှာ အပြီးတပ်ခိုင်းထားတယ်။ နောက်ဆုံးကတော့ တစ်လပိုင်း၃၁ရက်နေ့ထိ အပြီးမတပ်ဆင်ဘူးဆိုရင်တော့ ရေယာဉ် တွေကို ပင်လယ်ပြင်ထွက်ခွာခွင့် လုံးဝပိတ်လိုက်မှာပါ။ ရန်ကုန်မှာတော့ ရေယာဉ် တော်တော်များများက တပ်ဆင်ပြီးသွားပြီ။ တချို့ကလည်း တပ်ဆင်ဆဲပေါ့။ VMS တပ်ဆင်ဖို့ စာချုပ်ချုပ်ဆိုထားတဲ့ ကုမ္ပဏီတွေကိုတော့ လောလောဆယ်မှာ…

Read More

နေပြည်တော်၊ ဒီဇင်ဘာ ၁၉-၂၀၁၉ ကိုထွန်း(VOM) နေပြည်တော်ရှိ မြန်မာနိုင်ငံရဲတပ်ဖွဲ့ဌာနချူပ်ရုံးအမှတ်(၈)တွင် ဒီကနေ့နေ့လည်ပိုင်းက ဗစ်တိုးရီးယားကလေးငယ်ဖြစ်စဥ်နဲ့ပတ်သက်ပြီး CID.တပ်ဖွဲ့မှူး ရဲမှူးချူပ်စိုးနိုင်ဦး၊ မှုခင်းဌာနညွှန်ကြားရေးမှူး ရဲမှူးကြီးမင်းဟန်၊ CID.ဌာနမှူးရဲမှူးကြီးသာထွန်းအောင်၊ DNA.ဌာနမှ ဒေါက်တာချစ်ပန်တို့က သတင်းစာရှင်းလင်းပွဲ ပြုလုပ်ခဲ့ပါတယ်။ #VOM ##voiceofmyanmar #နေပြည်တော် #ရဲတပ်ဖွဲ့ #သတင်းစာရှင်းလင်းပွဲ Zawgyi ျမန္မာႏိုင္ငံရဲတပ္ဖြဲ႕ မွ ဗစ္တိုးရီးယားကေလးငယ္ျဖစ္စဥ္နဲ႔ပတ္သက္ၿပီး သတင္းစာရွင္းလင္းပြဲျပဳလုပ္ ေနျပည္ေတာ္၊ ဒီဇင္ဘာ ၁၉-၂၀၁၉ ကိုထြန္း(VOM) ေနျပည္ေတာ္ရွိ ျမန္မာႏိုင္ငံရဲတပ္ဖြဲ႕ဌာနခ်ဴပ္႐ုံးအမွတ္(၈)တြင္ ဒီကေန႔ေန႔လည္ပိုင္းက ဗစ္တိုးရီးယားကေလးငယ္ျဖစ္စဥ္နဲ႔ပတ္သက္ၿပီး CID.တပ္ဖြဲ႕မႉး ရဲမႉးခ်ဴပ္စိုးႏိုင္ဦး၊ မႈခင္းဌာနၫႊန္ၾကားေရးမႉး ရဲမႉးႀကီးမင္းဟန္၊ CID.ဌာနမႉးရဲမႉးႀကီးသာထြန္းေအာင္၊ DNA.ဌာနမွ ေဒါက္တာခ်စ္ပန္တို႔က သတင္းစာရွင္းလင္းပြဲ ျပဳလုပ္ခဲ့ပါတယ္။ #VOM ##voiceofmyanmar #ေနျပည္ေတာ္ #ရဲတပ္ဖြဲ႕ #သတင္းစာရွင္းလင္းပြဲ

Read More

ရန်ကုန်၊ ဒီဇင်ဘာ – ၁၉၊ ၂၀၁၉ အောင်ထူးနိုင်(VOM) ၂၀၁၉ ခုနှစ် ဒီဇင်ဘာ ၁၁ ရက်နေ့မှ ၁၇ ရက်နေ့အထိ (ဒီဇင်ဘာ ဒုတိယပတ်)ကာလအတွင်း ရခိုင်ပြည်နယ်၊ ချင်းပြည်နယ်နဲ့ ရှမ်းပြည်နယ်(မြောက်ပိုင်း)မှာ တိုက်ပွဲဖြစ်ပွားမှု ၁၃ ကြိမ်ထက် မနည်းရှိခဲ့ပြီး အရပ်သားသေဆုံးမှု နှစ်ဦး ရှိခဲ့တယ်လို့ မြန်မာ့မဟာဗျူဟာနဲ့ မူဝါဒလေ့လာရေးအင်စတီကျူ(ISP Myanmar) က သိရပါတယ်။ “ဒါဟာ တိုက်ပွဲဖြစ်တယ်၊ မဖြစ်ဘူးဆိုတာကတော့ ယူဆရခက်ပါတယ်။ လက်နက်ကိုင်ဘက်ကလည်း တစ်မျိုးပြောမယ်၊ အစိုးရဘက်ကလည်း တစ်မျိုးပြောမယ်၊ ဒီလိုအခြေအနေဆိုတော့ ကျွန်တော်တို့က သတင်းစာတို့၊ ဂျာနယ်တို့မှာ ပါပြီးသား သတင်းတွေကိုပဲ အတည်ပြုယူပြီး ပြန်လည်ဖော်ပြတာဖြစ်တယ်” လို့ ISP Myanmar ရဲ့ ပြင်ပဆက်ဆံဆက်သွယ်ရေးဒါရိုက်တာ ဦးအောင်သူငြိမ်းက VOM ကို ပြောပါတယ်။ ISP Myanmar က ဖော်ပြတဲ့စာရင်းအရ ဒီဇင်ဘာ…

Read More

ကချင်၊ ဒီဇင်ဘာ ၁၉-၂၀၁၉ ရန်အောင်ထွန်း(VOM) ကချင်ပြည်နယ်လွှတ်တော် စီးပွားရေးနှုင့် လူမှုရေးကဏ္ဍတွေ ဖွံ့ဖြိုးတိုးတက်ရေးဆိုင်ရာကော်မတီက တင်သွင်းတဲ့ ကချင်ပြည်နယ် သတ္တုအသေးစားနှင့် လက်လုပ်လက်စားလုပ်ငန်း ဥပဒေကြမ်းကို ဒီဇင်ဘာ ၁၈ ရက်နေ့က ကျင်းပတဲ့ ကချင်ပြည်နယ်လွှတ်တော်မှာ ကန့်ကွက်သူမရှိ အတည်ပြုခဲ့ပါတယ်။ ကချင်ပြည်နယ်မှာခေတ်ကာလအခြေအနေ၊ လုံခြုံရေးအခြေအနေ၊ နယ်မြေမငြိမ်းချမ်းမှုတွေကြောင့် စည်းမဲ့ကမ်းမဲ့ တရားမဝင်သတ္တုတူးဖော်နေတာတွေကို ကန့်သတ်နိုင်ဖို့နဲ့ ကချင်ပြည်နယ်လွှတ်တော်ကနေ အစိုးရရဲ့ သတ္တုရေးရာလုပ်ငန်းတွေ အကောင်အထည်ဖော်ဆောင်ရွက်မှုအတွက် အတည်ပြုပေးဖို့ မိုးမောက်မဲဆန္ဒနယ်အမှတ် ၁ ပြည်နယ်လွှတ်တော်ကိုယ်စားလှယ် ဦးနေဝင်းက ကချင်ပြည်နယ် သတ္တုအသေးစားနှင့် လက်လုပ်လက်စားလုပ်ငန်း ဥပဒေကြမ်းကို အတည်ပြုပေးရေး အဆိုပြု ဆွေးနွေးခဲ့တာဖြစ်ပါတယ်။။ အဲ့ဒီအဆိုကို မံစီမြို့နယ် မဲဆန္ဒနယ်အမှတ် ၁ ပြည်နယ်လွှတ်တော်ကိုယ်စားလှယ် ဦးမင်းမင်းက ထောက်ခံခဲ့ပြီး ကချင်ပြည်နယ်လွှတ်တော်က ကန့်ကွက်မယ့်သူမရှိ အတည်ပြုခဲ့တာဖြစ်ပါတယ်။ #VOM #voiceofmaynmar #ကချင် #လက်လုပ်လက်စားလုပ်ငန်း #လွှတ်တော် Zawgyi ကခ်င္ျပည္နယ္လႊတ္ေတာ္မွာ သတၱဳအေသးစားနဲ႔…

Read More