ဇွဲကပင်တောင်ပေါ်ကို တစ်ဦးတည်းအတက်မခံဖို့ လုပ်ဆောင်မယ် နေပြည်တော်၊ဇူလိုင် ၁၂-၂၀၂၀ ကောင်းလက်ျာ(VOM) ကရင်ပြည်နယ်၊ ဘားအံမြို့နယ်၊ အနီးဒေသခံသာမက ခရီးသွားဧည့်သည်တွေပါ အဝင်အထွက် များလာတဲ့အပြင် ဇွဲကပင်တောင်ပေါ်ကနေ ခုန်ချသတ်သေမှုအချို့ ဖြစ်ပေါ်လာခဲ့ပြီးနောက်ပိုင်း တောင်ပေါ်ကို အချိန်အခါမဟုတ်ပဲ တစ်ဦးတည်းတက်ခွင့်ကို ပိတ်ပင်တားမြစ်သွားမယ်လို့ ကရင်ပြည်နယ် လူမှုရေးဝန်ကြီး စောဘိုဘိုဝေမောင်ကပြောပါတယ်။ “တက္ကသိုလ်ကောလိပ်တွေမှာ အသိပညာပေးတာမျိုးလုပ်သွားဖို့ရှိနေပြီး တောင်ပေါ်ကို တစ်ဦးတည်းအတက်မခံတာမျိုးလုပ်ဖို့ ပြင်ထားပါတယ်”လို့ ကရင်ပြည်နယ် လူမှုရေးဝန်ကြီး စောဘိုဘိုဝေမောင်ကပြောပါတယ်။ ဇွဲကပင်တောင်ပေါ်ကနေ ဘားအံတက္ကသိုလ်ကျောင်းသူတစ်ဦးနဲ့ ကျောင်းသားတစ်ဦး နှစ်ပတ်ခန့်အတွင်း ခုန်ချသတ်သေသွားခဲ့ပြီးနောက် အခုလို တောင်ပေါ်တက်ရောက်တဲ့ အခြေအနေကို ထိန်းချုပ်ဖို့ပြင်ဆင်နေတာဖြစ်ပြီး တစ်ဦးတည်းတက်ရောက်ခွင့်၊ နံနက်အစောပိုင်းနဲ့ ညနေပိုင်းမှောင်ရီစပြိုးချိန်တွေကို တက်ရောက်ခွင့်မပြုဖို့ ပြင်ဆင်နေတယ်လို့ ကရင်ပြည်နယ် အစိုးရအဖွဲ့ကနေ သိရပါတယ်။ ဘားအံမြို့အနီး ဇွဲကပင်တောင်၊ ကြာအင်းတောင်နဲ့ တောင်ဝိုင်းတောင်များရှိနေပြီး လက်တစ်လောမှာ ကန့်သတ်ထိန်းချုပ်ဖို့ ဇွဲကပင်တောင်ကိုသာ ပြင်ဆင်နေတာဖြစ်ပြီး တောင်ပေါ်တောင်အောက်မှာ လုံခြုံရေးချထားမှသာ အဆင်ပြေဖွယ်ရှိတယ်လို့ ဒေသခံတွေရဲ့ပြောပြချက်အရ သိရပါတယ်။…
Read Moreဇွဲကပင်တောင်ပေါ်ကို တစ်ဦးတည်းအတက်မခံဖို့ လုပ်ဆောင်မယ်
