Month: July 2020

တရုတ်ကပြန်လာသူတစ်ဦး Q မဝင်ဘဲ ထွက်ပြေးနေ ပြည်၊ ဇူလိုင် ၁၁-၂၀၂၀ သိင်္ဂီ (VOM) ပြည်မြို့မှာ တရုတ်ပြည်ကနေပြန်လာတဲ့ အမျိုးသားတစ်ဦး ကွာရန်တင်းမဝင်ဘဲ ထွက်ပြေးနေတဲ့အတွက် မြို့နယ်ထွေအုပ်အပါအဝင် တာဝန်ရှိသူတွေက လိုက်လံရှာဖွေနေကြပါတယ်။ တကယ်လို့ နောက်ဆုံးမှာ ရှာဖွေမတွေ့ခဲ့ပါက ဥပဒေအတိုင်း အရေးယူဆောင်ရွက်သွားမှာဖြစ်တယ်လို့ ပြည်မြို့နယ်အထွေထွေအုပ်ချုပ်ရေးက ဒုတိယဦးစီးမှူးထက်အောင်လွင်ကပြောပါတယ်။ ” သူပြန်ရောက်တာက ၃ ရက်ရှိပြီ၊ သတင်းရတာကတော့ မနေ့ကမှရတယ်။ သတင်းရတော့ မနေ့က သူ့အိမ်ကိုသွားပြီး Q ဝင်ဖို့ခေါ်တော့ ထွက်ပြေးသွားတယ်။ ကာယကံရှင်နဲ့တော့ ခုထိမတွေ့မရသေးဘူး။ ဆက်လက်ပြီးလည်း ဆောင်ရွက်ဆဲဖြစ်ပါတယ်။ သူက ပြည်ပပြန်ဆိုတာကိုတော့ တထစ်ချပြောလို့မရသေးဘူး။ ဒါပေမယ့် သတင်းက တရုတ်ပြန်လို့ရထားတယ်။ သူ့မိသားစုကတော့ မူဆယ်ပြန်လို့ပြောတယ်။ သတင်းက ဘယ်ဟာအမှန်မှန်းတော့ လက်ရှိအချိန်အထိ အတိအကျမသိသေးဘူး။” လို့ ဒုတိယဦးစီးမှူးထက်အောင်လွင်ကပြောပါတယ်။ ကွာရန်တင်းမဝင်ထွက်ပြေးတိမ်းရှောင်နေသူဟာ ပြည်မြို့နယ်၊ ပေါင်းတလည်မြို့၊ ငါးခူအိုင် ကျေးရွာက အသက်…

တညင်းကုန်းဈေးက ဈေးဆိုင်ခန်းတွေကို အခွန်တိုးမြှင့်ကောက်ခံမှု နိုင်ငံတော်အဆင့် ဖြေရှင်းပေးဖို့တောင်းဆို ရန်ကုန် ၊ ဇူလိုင် ၁၁-၂၀၂၀ သူရိန်(VOM) ရန်ကုန်တိုင်း၊ အင်းစိန်မြို့နယ်၊ တညင်းကုန်းဈေးသစ်ကြီးက ဈေးဆိုင်ခန်းတွေကို အခုလ ၁ ရက်နေ့မှစတင်ပြီး အခွန်တိုးမြင့်ကောက်ခံတဲ့ ကိစ္စနဲ့ပတ်သတ်လို့ နိုင်ငံတော်အဆင့်ဖြင့် တာဝန်ယူဖြေရှင်းပေးစေချင်တယ်လို့ ဈေးသူဈေးသားများကိုယ်စား ဈေးရုံအမှတ်( ၃ )အတွင်း ဈေးရောင်းချနေသူ ဦးစိုးကျော်ကပြောပါတယ်။ “တညင်းကုန်း မူလဈေးကြီးကို စည်ပင်သာယာရဲ့ အုပ်ချုပ်မှုလက်အောက်မှာပဲ ထားသင့်ပါတယ်။ ကျွန်တော်တို့ မပြောင်းလိုပါဘူးလို့ ပြီးခဲ့တဲ့နှစ်က ဆန္ဒဖော်ထုတ်ခဲ့ကြပေမယ့် ကျွန်တော်တို့ဈေးသည်တွေမသိဘဲ မျက်ကွယ်မှာ ဈေးများဌာနမှူးနဲ့ MAEX( Myanmar Agro Exchange Public L,td)ကုမ္ပဏီတို့ အကျိုးတူစာချုပ် ချုပ်ဆိုထားပါတယ်ဆိုပြီး ပြောင်းခိုင်းခဲ့တယ်။ ဒီကိစ္စနဲ့ပတ်သက်ပြီး၂၀၁၉ခုနှစ် ဇွန်လနှစ်ဆယ်ရက်နေ့ မနက်ပိုင်းမှာ ဆန္ဒဖော်ထုတ်ခဲ့ကြတယ် ။ အဲ့ဒီနေ့ညပိုင်းမှာပဲ ဝင်ပေါက်တံခါး လေးပေါက်လုံးကို အတင်းပိတ်ပြီး ဈေးသစ်ကိုရွှေ့ခိုင်းခဲ့တယ်။ ဈေးပြောင်းတယ်ဆိုတာ နိုင်ငံတော်အမိန့်နဲ့ဆိုရင်…

ကိုဗစ်ပေးတဲ့ ဒဏ်ရာ စစ်ကိုင်း၊ ဇူလိုင် ၁၁-၂၀၂၀ ရှိုင်းအောင်(VOM) မြန်မာနိုင်ငံမှာ မတ်လကုန်ပိုင်းကစပြီး ပြန့်ပွားခဲ့တဲ့ ကူးစက်မြန်ရောဂါ Covid-19 ကြောင့် ဘက်ပေါင်းစုံက စီးပွားရေးလုပ်ငန်းတွေ အဆင်မပြေမှုတွေနဲ့ ကြုံတွေ့နေရပါတယ်။ ဒီအခြေအနေတွေကြောင့် အသေးစားချေးငွေလုပ်ငန်း လုပ်ကိုင်သူတွေ၊ ငွေချေးယူသူတွေဟာ အခက်အခဲမျိုးစုံ ရင်ဆိုင်နေရတဲ့အချိန်ဖြစ်ပါတယ်။ ဒီအခြေအနေတွေကို ဘယ်လိုရင်ဆိုင်ဖြေရှင်းနေကြလဲဆိုတာကို VOM သတင်းထောက် ကိုရှိုင်းအောင်က တွေဆုံမေးမြန်း တင်ဆက်ထားတာဖြစ်ပါတယ်။ #VoiceofMyanmar #VOM #အသေးစားချေးငွေလုပ်ငန်း #ကိုဗစ်နဲ့စီးပွားရေး Zawgyi ကိုဗစ္ေပးတဲ့ ဒဏ္ရာ စစ္ကိုင္း၊ ဇူလိုင္ ၁၁-၂၀၂၀ ရႈိင္းေအာင္(VOM) ျမန္မာႏိုင္ငံမွာ မတ္လကုန္ပိုင္းကစၿပီး ျပန္႔ပြားခဲ့တဲ့ ကူးစက္ျမန္ေရာဂါ Covid-19 ေၾကာင့္ ဘက္ေပါင္းစုံက စီးပြားေရးလုပ္ငန္းေတြ အဆင္မေျပမႈေတြနဲ႔ ႀကဳံေတြ႕ေနရပါတယ္။ ဒီအေျခအေနေတြေၾကာင့္ အေသးစားေခ်းေငြလုပ္ငန္း လုပ္ကိုင္သူေတြ၊ ေငြေခ်းယူသူေတြဟာ အခက္အခဲမ်ိဳးစုံ ရင္ဆိုင္ေနရတဲ့အခ်ိန္ျဖစ္ပါတယ္။ ဒီအေျခအေနေတြကို ဘယ္လိုရင္ဆိုင္ေျဖရွင္းေနၾကလဲဆိုတာကို VOM သတင္းေထာက္…

ဇွဲကပင်တောင်ပေါ်က ခုန်ချသွားတဲ့ တက္ကသိုလ်ကျောင်းသားကို ပြန်တွေ့ပေမယ့် အသက်ရှင်ဖွယ်မရှိ နေပြည်တော်၊ ဇူလိုင် ၁၀-၂၀၂၀ ကောင်းလက်ျာ(VOM) ကရင်ပြည်နယ်၊ ဘားအံမြို့နယ်၊ ဇွဲကပင်တောင်‌ပေါ်မှာ ဒီကနေ့မနက်က တောင်ပေါ်တက်ပြီး ခုန်ချသတ်သေတယ်လို့ယူဆရတဲ့ ဘားအံတက္ကသိုလ်ကျောင်းသားကို ဒီကနေ့ညနေ ၄ နာရီ ၁၅ မိနစ်က ‌တွေ့ရှိခဲ့ရပြီး အသက်ရှင်ဖွယ်မရှိဘူးလို့ ဘားအံမြို့နယ် မီးသတ်ဦးစီးမှုး ဦးသန့်ဇင်ဝင်းကပြောပါတယ်။ “လက်တစ်လောမှာ အလောင်တွေ့ခဲ့တဲ့အဖွဲ့က ဆက်သွယ်ချက်အရ အသက်မရှိတော့ဘူးလို့ ယူဆတယ်။ လက်တလောအနေနဲ့တော့ ပြန်တင်ပြီးမှသာ အတည်ပြုမယ်”လို့ ဘားအံမြို့နယ် မီးသတ်ဦးစီးမှုး ဦးသန့်ဇင်ဝင်းကပြောပါတယ်။ ဒီကနေ့ ဇွဲကပင်တောင်ပေါ်တက်ပြီး ခုန်ချတယ်လို့ယူဆရသူ ဘားအံမြို့နယ်၊ ကျားကလေးရွာနေ အသက် ၂၁ နှစ်အရွယ် မောင်စွန်ရဲမော်ကွန်းဖြစ်ပြီး တောင်ပေါ်တက်သွားတဲ့ ဆယ်နာရီခန့်အကြာ တောင်ပေါ်ဥယျာဉ်ရဲ့ အောက်ဒုတိယကျောက်ကလပ်မှာ ပြန်လည်တွေ့ရှိခဲ့ခြင်း ဖြစ်တယ်လို့ သိရပါတယ်။ အဲ့ဒီ ဘူမိဗေဒ ပထမနှစ်ကျောင်းသားဟာ ဇွဲကပင်တောင်ပေါ်ကိုတက်ရောက်ချိန် တောင်ခြေမှာ ဆိုင်ကယ်ကိုထားခဲ့ပြီး စာတစ်ဆောင်ထားခဲ့ရာ…

စစ်ပွဲတွေရပ်တန့်ဖို့တောင်းဆိုဆန္ဒပြသူ(၁၇)ဦးကို ငွေဒဏ် ၅၀၀၀ ဒါမှမဟုတ် ထောင်ဒဏ် ၇ရက်ကျခံဖို့ အမိန့်ချ ရန်ကုန်၊ ဇူလိုင် ၁၀-၂၀၂၀ စွဲ့ဝတီ(VOM) ပြီးခဲ့တဲ့ ၂၀၁၈ခုနှစ်က စစ်ဖြစ်ပွားနေတာကိုရပ်တန့်ပေးဖို့ တောင်းဆိုဆန္ဒပြခဲ့တဲ့ ဦးဆောင်သူ(၁၇)ဦးကို ငွေဒဏ် ၅၀၀၀ ဒါမှမဟုတ် ထောင်ဒဏ် ၇ရက်ကျခံဖို့ ဒီကနေ့မနက်ပိုင်းက ဗဟန်းတရားရုံးကနေ အမိန့်ချမှတ်ခဲ့ပါတယ်။ “ဒီနေ့ကတော့ ကျွန်တော်တို့တွေ၊ ငြိမ်းချမ်းရေးနဲ့ စစ်ပွဲတွေရပ်ဖို့တောင်းဆိုတဲ့ ကိစ္စနဲ့ ပတ်သက်ပြီးတော့ နှစ်နှစ်ကျော် တရားရင်ဆိုင်ခဲ့တယ်။ ဒီနေ့ အမိန့်ချတယ်။ ဒီနေ့အထိကတော့ စစ်ပွဲတွေဖြစ်နေတုန်းပဲ။ ငြိမ်းချမ်းရေးကို ကျွန်တော်တို့ယူဆချက်အရ ငြိမ်းချမ်းရေးဆိုတော့ ရုပ်ရဲ့ လုံခြုံမှု၊ စိတ်ရဲ့လုံခြုံမှုရှိတာလို့ သတ်မှတ်တယ်။ ဒီနေ့အထိ ကျွန်တော်တို့နိုင်ငံသားတွေအားလုံး ရုပ်လည်း မလုံခြုံဘူး။ စိတ်လည်း မလုံခြုံဘူး။ ဒီလိုအခြေအနေကို ရင်ဆိုင်နေရတဲ့အတွက် ကျွန်တော်တို့အားလုံး သဘောတူညီဆုံးဖြတ်ချက်နဲ့ ကျွန်တော်တို့တိုင်းပြည်မှာ ငြိမ်းချမ်းရေးသေဆုံးသွားပြီလားလို့ ကျွန်တော်တို့လူငယ်တွေက မေးခွန်းထုတ်လိုက်ပါတယ်”လို့ ရုံးချိန်းအပြီးမှာ အဓမ္မဝါဒဆန့်ကျင်ရေးကော်မတီက ကိုမြတ်ကျော်ကပြောပါတယ်။…

အငြိမ်းစား ရဲတပ်ကြပ်ကြီးနေအိမ်မှ ကျပ်သိန်း ၄၀၀ ကျော်တန်ဖိုးရှိတဲ့ ရွှေငွေလက်ဝတ်ရတနာများ အခိုးခံရ နေပြည်တော်၊ ဇူလိုင် ၉-၂၀၂၀ ကောင်းလက်ျာ(VOM) ကရင်ပြည်နယ်၊ မြဝတီမြို့နယ်၊ အမှတ် ၃ရပ်ကွက်၊ ဆရာစံလမ်းမှာနေထိုင်တဲ့ အငြိမ်းစား ရဲတပ်ကြပ်ကြီးတစ်ဦးရဲ့နေအိမ်မှ ငွေကျပ်သိန်း(၄၀၀)ကျော်တန်ဖိုးရှိ ရွှေငွေလက်ဝတ်ရတနာများ ဖောက်ထွင်းခိုးယူခံရမှု မနေ့ဇူလိုင်လ ၉ ရက်နေ့မနက်ပိုင်းက ဖြစ်ပွားခဲ့တယ်လို့ မြဝတီမြို့မရဲစခန်းကပြောပါတယ်။ သံသယရှိသူတွေကို စစ်ဆေးမှုမျိူး မလုပ်နိုင်သေးပါဘူး။ လက်တလောမှ‌ာတော့ စုံစမ်းဆဲလို့ ပြောရမှာပါ”လို့ မြဝတီမြို့မရဲစခန်းမှ ဒုတိယရဲမှူးအဆင့်ရှိသူတစ်ဦးကပြောပါတယ်။ ဖြစ်စဉ်ဖြစ်တဲ့မနက်ပိုင်းက အငြိမ်းစား ရဲတပ်ကြပ်ကြီး ဦးတင်လေးရဲ့ နေအိမ်အပေါ်ထပ်အခန်းထဲမှာထားတဲ့ သံသေတ္တာအတွင်းကနေ ရွှေထည်ပစ္စည်းမျိုးစုံ ၂၀ ကျပ်သားခန့်၊ ငွေကျပ်သိန်း ၁၆၀နဲ့ ထိုင်းဘတ်ငွေ ၃၀၀၀၀၊ ကာလတန်ဖိုး ကျပ်သိန်း ၄၀၀ ကျော် ဖောက်ထွင်းခိုးယူခံခဲ့ရတာဖြစ်တယ်လို့ မြဝတီမြို့မရဲစခန်းကနေ သိရပါတယ်။ အမှုနဲ့ပတ်သက်ပြီး မြဝတီမြို့မရဲစခန်းမှ ရာဇသတ်ကြီး ဥပဒေပုဒ်မ-၃၈၀နဲ့ အမှုဖွင့်လှစ်စစ်ဆေးဆောင် ရွက်‌နေတယ်လို့…

ဇွဲကပင်တောင်ပေါ်တက်သွားတဲ့ ကျောင်းသားတစ်ဦး ပျောက်ဆုံးနေ နေပြည်တော်၊ဇူလိုင် ၁၀-၂၀၂၀ ကောင်းလက်ျာ(VOM) ကရင်ပြည်နယ်၊ ဘားအံမြို့နယ်ရှိ ဇွဲကပင်တောင်‌ပေါ်မှာ တက္ကသိုလ်ကျောင်းသူတစ်ဦး တောင်ပေါ်မှပြုတ်ကျသေဆုံးပြီး နှစ်ပတ်အကြာ ဒီကနေ့မနက် ၇နာရီခန့်က တက္ကသိုလ်ကျောင်းသားတစ်ဦး ထပ်မံပျောက်ဆုံးနေတဲ့အတွက် မီးသတ်တပ်ဖွဲ့နဲ့ ကယ်ဆယ်ရေးအဖွဲ့များက ရှာဖွေနေကြတယ်လို့ ဘားအံမြို့နယ်မီးသတ်တပ်ဖွဲ့မှ ဦးစီးအရာရှိ ဦးသန့်ဇင်ဝင်းကပြောပါတယ်။ “လက်တစ်လောမှာ ချန်ခဲ့တဲ့စာအရ ပျောက်နေတဲ့လူငယ်ဟာ ခုန်ချသွာသလိုဖြစ်နေတယ်။ လက်ရှိအချိန်ထိမှာ အဖွဲ့စုံနဲ့ရှာဖွေနေပါတယ်”လို့ ဦးသန့်ဇင်ဝင်းကပြောပါတယ်။ ဒီကနေ့ပျောက်ဆုံးနေတဲ့ အမျိုးသားဟာ ဘားအံမြို့၊ ကျားကလေးရွာမှာနေတဲ့ အသက် ၂၁ နှစ်အရွယ် စွန်းမင်းမော်ကွန်းလို့သိရပြီး ဇွဲကပင်တောင်အောက်မှာ ဆိုင်ကယ်ရပ်နားခဲ့ကာ စာတစ်ဆောင်ချန်ခဲ့တဲ့အပြင် အဲ့ဒီစာမှာတော့ သူ့ကိုခွင့်လွှတ်ရန်သာမက ဖုန်းပက်စ်ဝပ်ပါ ချန်ထားခဲ့တယ်လို့လည်း သိရပါတယ်။ ဇွန်လ၂၅ ရက် ညနေပိုင်းကလည်း မြဝတီမြို့မှာနေထိုင်တဲ့ ဘားအံတက္ကသိုလ် ကျောင်းသူတစ်ဦး တောင်ပေါ်တက်ပြီး ညနေပိုင်းကတည်းကပျောက်ဆုံးသွားတဲ့အတွက် ရှာဖွေခဲ့ရာ နှစ်ရက်ခန့်အကြာမှာ သေဆုံးလျှက်ပြန်လည်တွေ့ရှိခဲ့ရပါတယ်။ Photo – မိုးမြင့်ထက် #voiceofmyanmar…

ဘားအံတောင်ဝိုင်းလှေကား ကြံခိုင်မှုနဲ့ပတ်သက်ပြီး ပြည်နယ်အစိုးရ စစ်ဆေး နေပြည်တော်၊ ဇူလိုင် ၁၀-၂၀၂၀ ကောင်းလက်ျာ(VOM) ကရင်ပြည်နယ်၊ ဘားအံမြို့နယ်ရှိ တောင်ဝိုင်းတောင် လှေကားထစ်များရဲ့ ကြံ့ခိုင်မှုအခြေနေကို လူမှုကွန်ရက်စာမျက်နှာမှာ ထောက်ပြဝေဖန်မှုများ ထွက်ပေါ်လာပြီးနောက်ပိုင်း အဲ့ဒီလှေခါးရဲ့ ကြံ့ခိုင်မှုတွေကို ပြည်နယ်အစိုးရကစစ်ဆေးနေတယ်လို့ ပြည်နယ်အုပ်ချုပ်ရေးမှုးရုံးမှ ညွန်ကြားရေးမှူး ဦးကျော်သက်ကပြောပါတယ်။ “စစ်ဆေးမှုတွေပြီးရင်တော့ ဇွဲကပင်ဆရာတော်ကို လျှောက်ထားတင်ပြမှာပါ။ တစ်ကယ်လို့ ပြင်ဆင်ဖို့လိုအပ်တယ်ဆို ဆရာတော်က ဆောင်ရွက်မလား၊ ပြည်နယ်အစိုးရက လုပ်ပေးရမလားဆိုတာ မသိရသေးဘူး”လို့ ညွန်ကြားရေးမှူး ဦးကျော်သက်ကပြောပါတယ်။ ကိုရိုနာဗိုင်းရပ်စ်ရောဂါပိုး ကူးစက်မှုအပေါ် ပြည်သူများစိုးရိမ်ပူပမ်မှု အနည်းငယ်လျော့ကျချိန် အခုနှစ်ဇူလိုင်လဆန်းမှစတင်ပြီး ကရင်ပြည်နယ် ဇွဲကပင်တောင်၊ ကြာအင်းတောင်နဲ့ တောင်ဝိုင်းတောင်ကို ခရီးသွားများလာရောက်လည်ပတ်မှုများခဲ့ချိန် အခုလိုမျိုး လာရောက်စစ်ဆေးမှုများ ပြုလုပ်ခဲ့တာဖြစ်ပါတယ်။ တောင်ဝိုင်းတောင်မှာတပ်ဆင်ထားတဲ့ သံဖရိမ်လှေကားထစ်များရဲ့ ကြံ့ခိုင်မှုဟာ လာရောက်လည်ပတ်သူဦးရေနဲ့ မမျှတတဲ့အတွက် မလိုလားအပ်သော ဘေးအန္တရာယ်ဖြစ်လာမည်ကို ဒေသခံတွေကစိုးရိမ်နေကြပြီး လွန်ခဲ့တဲ့ သုံးလေးရက်က လှေခါးထောက်များ ကြံ့ခိုင်မှုအာနည်းနေတယ်ဆိုတဲ့ ဓာတ်ပုံအချို့…