Month: September 2020

Quaratineစင်တာကနေထွက်ပြေးတဲ့ အမျိုးသား ၈ ဦးကို ဘေးစီမံအက်ဥပဒေနဲ့ အမှုဖွင့် နေပြည်တော်၊စက်တင်ဘာ ၁၇-၂၀၂၀ ကောင်းလက်ျာ(VOM) ထိုင်းနိုင်ငံ မဲဆောက်ကတစ်ဆင့်ပြန်ဝင်လာပြီး ကရင်ပြည်နယ်၊ မြဝတီမြို့နယ် ကုန်သွယ်ရေးဇုန် Quarantineစခန်းမှာ စက်တင်ဘာ ၁၆ ရက်နေ့လယ်ပိုင်းက ထွက်ပြေးတိမ်းရှောင်သွားတဲ့ အမျိုးသား ၈ ဦးကို ဘေးစီမံဥပဒေနဲ့ အမှုဖွင့်ထားတယ်လို့ သင်္ကန်းညီနောင်နယ်မြေရဲစခန်းမှူး ရဲအုပ်ဝင်းသန်းက ပြောပါတယ်။ ” မနေ့က ထွက်ပြေးတိမ်းရှောင်သွားကြတာ ကနေ့အထိတော့ ပြန်မတွေ့သေးဘူး။ သင်္ကန်းညီနောင်ရဲစခန်းမှာ အမှုဖွင့်တိုင်ကြားထားတယ်’လို့ ရဲအုပ်ဝင်းသန်းကပြောပါတယ်။ မြဝတီမြို့၊ ကုန်သွယ်ရေးဇုန်Community Based Facilityကွာရန်တင်းစင်တာမှာနေထိုင်‌စောင့်ကြည့်ခံထားရတဲ့ ကာဆင် ၊ ဟာဆင်၊ ဖိုးလုံး၊ ကျော်မင်းဦး၊ မြင့်နိုင် ၊ ပိုင်မျိုးသူ၊ကျော်မင်းဦးနှင့်ဝင်းနိုင်တို့ ၈ ဦးဖြစ်ပြီး သူတို့ကို အခုမနက် ၁၁ နာရီအချိန်ထိ လိုက်လံရှာဖွေနေဆဲဖြစ်ပါတယ်။ မြဝတီခရိုင်မီးသတ်တပ်ဖွဲ့ဦးစီးဌာနက တရားလိုပြုလုပ်ပြီး အမှုဖွင့်လှစ်ခဲ့တယ်လို့ မြဝတီခရိုင်မီးသတ်ဦးစီးဌာနမှ မီးသတ်စခန်းမှူး ဖြိုးမင်းဇော်က…

မန္တလေးမြို့မှာ ပထမဦးဆုံး အသက် ၈၀အရွယ်အမျိုးသမီးတစ်ဦး ကိုဗစ်ရောဂါပိုးနဲ့ သေဆုံး မန္တလေး၊ စက်တင်ဘာ ၁၇- ၂၀၂၀ ရှိုင်းအောင်(VOM) မန္တလေးမြို့မှာနေထိုင်တဲ့ အသက် ၈၀ အရွယ် အမျိုးသမီးတစ်ဦးဟာ မနေ့စက်တင်ဘာ ၁၆ရက်နေ့ ညနေပိုင်းက COVID-19 ရောဂါပိုးတွေ့ရှိပြီး မကြာခင်မှာပဲ မန္တလေးအထွေထွေရောဂါကုဆေးရုံကြီးမှာ သေဆုံးခဲ့တယ်လို့ မန္တလေးဆေးရုံအုပ်ကြီး ဒေါက်တာစုစုဒွေးက ပြောပါတယ်။ အဲ့ဒီသေဆုံးသူဟာ မန္တလေးအထွေထွေရောဂါကုဆေးရုံကြီးက စောင့်ကြည့်လူနာသီးသန့်ကုသဆောင်ကို စက်တင်ဘာလ ၁၆ ရက်နေ့ နေ့လည် ၂ နာရီမှာ စောင့်ကြည့်သံသယလူနာအဖြစ် ဆေးကုသမှုမှုခံယူဖို့ ရောက်ရှိလာတာဖြစ်ပြီး ဓာတ်ခွဲနမူနာအတည်ပြုပြီးချိန်အပြီး ည ၁၁ နာရီကျော်လောက်မှာတင် သေဆုံးခဲ့တာဖြစ်ပါတယ်။ ” မနေ့နေ့လယ် ၂ နာရီလောက်ကဆေးရုံကိုရောက်တယ်၊ ညပိုင်း ၁၁ နာရီ ၂၅ မိနစ်မှာ ဆုံးသွားတာ” လို့ မန္တလေးအထွေထွေရောဂါကုဆေးရုံအုပ်ကြီး ဒေါက်တာစုစုဒွေးက ပြောပါတယ်။ သေဆုံးသူ အသက်၈၀အရွယ်အမျိုးသမီးဟာ…

နိုင်ငံရေးအကျဉ်းသားဟောင်းတွေရဲ့ အခက်အခဲတွေကို လူမူရေးအစီအစဉ်နဲ့ပံ့ပိုးကူညီဖို့ အစီအစဉ်ရှိမရှိမေးခွန်ကို လွှတ်တော်မှာမေးခွင့်မရ ရန်ကုန် ၊ စက်တင်ဘာ ၁၇-၂၀၂၀ ယဉ်ပပထွန်း(VOM) နိုင်ငံရေးအကျဉ်းသားဟောင်းတွေနဲ့ မိသားစုဝင်တွေရဲ့ လူမူရေးအခက်အခဲ၊ ပညာရေးအခက်အခဲတွေကို သက်ဆိုင်ရာတိုင်းအစိုးရက လူမူရေးအစီအစဉ်နဲ့ပံ့ပိုးကူညီပေးဖို့အစီအစဉ် ရှိမရှိဆိုတဲ့မေးခွန်းကို ဒုတိယအကြိမ် ရန်ကုန်တိုင်းလွှတ်တော်အစည်းအဝေးမှာ မေးခွင့်မရခဲ့ပါဘူးလို့မင်္ဂလာတောင်ညွှန့်မြို့နယ် အမှတ်-၁ တိုင်းလွှတ်တော်ကိုယ်စားလှယ် ဦးလှဌေးက VOM ကိုပြောပါတယ်။ ” မေးခွန်းကိုကျွန်တော်တင်ပြတယ်၊ ဒါပေမယ့် မေးမြန်းခွင့်မပေးခဲ့ဘူး ။ တိုင်းဒေသကြီးမှာ ကျွန်တော်ဆက်ပြီး တာဝန်ယူရအုံးမယ်ဆိုရင် ဒီမေးခွန်းကို ပြန်ပြီးတော့ မေးအုံးမှာပါ ။ ဘာဖြစ်လို့လဲဆိုတော့ နိုင်ငံရေးအကျဉ်းသားဟောင်းအများစုက ပါတီဝင်မဟုတ်တဲ့လူတွေက အပြင်မှာအဆင်မပြေမူတွေနဲ့နေရတယ်၊ တချို့ဆိုရင် လမ်းပေါ်မှာသေဆုံးတဲ့အရာတွေရှိနေတယ်။အခုချိန်ထိ နိုင်ငံရေးအကျဉ်းသားဟောင်းတွေကို ထိထိရောက်ရောက်ကူညီပေးနိုင်တာမရှိသေးဘူး။ ဒါကို နိုင်ငံတော်ကနေပြီး လူမူရေးအစီအစဉ်တစ်ခုအနေနဲ့ပံ့ပိုးကူညီပေးရင် သူတို့ဘဝတစ်ခုအတွက်ကောင်းမှာပါ” လို့ဦးလှဌေးကပြောပါတယ်။ အခုလက်ရှိ ပဲခူးတိုင်းအရှေ့ဘက်ခြမ်းက နိုင်ငံရေးအကျဉ်းသားဟောင်း ၅၀ ခန့်ကလည်း ကျန်းမာရေးနဲ့ လူမူရေးအခက်အခဲတွေ ဖြစ်ပေါ်နေတယ်လို့ပဲခူးမြို့အရှေ့ခြမ်းက နိုင်ငံရေးအကျဉ်းသားဟောင်း ကိုမျိုးအောင်…

ကိုဗစ်ကာလ လူမှုဖူလုံရေး အကျိုးခံစားခွင့် လာမထုတ်တဲ့ အလုပ်သမား ၂၀၀၀ နီးပါးရှိ ရန်ကုန်၊ စက်တင်ဘာ ၁၆-၂၀၂၀ သိင်္ဂီ(VOM) ကိုဗစ်-၁၉ ဒုတိယလှိုင်းမှာ Quarantine ရက်ပြည့်ပေမယ့် လူမှုဖူလုံရေးအာမခံ အကျိုး ခံစားခွင့် လာရောက်ထုတ်ယူမှုမရှိတဲ့ အလုပ်သမားပေါင်း ၂၀၀၀ နီးပါးရှိနေတယ်လို့ လူမှုဖူလုံရေးအဖွဲ့ကနေ သိရပါတယ်။ မြန်မာနိုင်ငံမှာ COVID-19 Second Wave စတင်ဖြစ်ပွားတဲ့ ဩဂုတ်လ ကနေ အခုစက်တင်ဘာ ၁၄ ရက်နေ့အထိ ကိုဗစ်ရောဂါပိုးကူးစက်ခံရတဲ့ လုပ်သားဦးရေ ၉၃ ဦးအထိရှိပြီး၊ ကွာရန်တင်းဝင်ရတဲ့ လုပ်သားဦးရေ (၂၃၇၃)ဦးအထိ ရှိ‌ခဲ့တယ်လို့ လူမှုဖူလုံရေးအဖွဲ့စာရင်းတွေအရ သိရပါတယ်။ “Q ဝင်‌ထားတဲ့ လုပ်သားတွေထဲမှာ အကျိုးခံစားခွင့်မတောင်းတဲ့သူတွေ ရှိနေတယ်။ အဲဒါတွေ လာတောင်းစေချင်တယ်။ ဒီ Q ဝင်တဲ့လုပ်သား ၂၃၇၃ ဦးထဲမှာမှ Q ဝင်ရလို့ ဖူလုံရေး‌ဆေးခန်းဆရာဝန်နဲ့ ဆက်သွယ်တဲ့လုပ်သား…

ပဲခူးတိုင်းအဆင့်ဆေးရုံကြီးမှာ ကိုဗစ်ပိုးတွေ့လူနာတွေ တိုးချဲ့ကုသနိုင်ဖို့ နေရာသုံးခုထပ်တိုးပြင်ဆင် နေပြည်တော်၊ စက်တင်ဘာ ၁၆-၂၀၂၀ ကောင်းလက်‌ျာ(VOM) ပဲခူးတိုင်း၊ ပဲခူးမြို့နယ်၊ ကလိကျေးရွာအနီး တိုင်းအဆင့်ဆေးရုံကြီးမှာ အခုရက်ပိုင်း ကုသပေးနေရတဲ့ ကိုဗစ်လူနာဦးရေ များပြားလာတာကြောင့် တိုးချဲ့ကုသပေးနိုင်တဲ့ နေရာ ၃ ခုပြင်ဆင်ထားတယ်လို့ ပဲခူးတိုင်း‌အစိုးရအဖွဲ့သစ်တော၊ သံယံဇာတ၊ သဘာဝပတ်ဝန်းကျင်ထိန်းသိမ်‌းရေးနဲ့ စည်ပင်သာယာရေးဝန်ကြီး ဒေါက်တာစောညိုဝင်းက ပြောပါတယ်။ ” လက်တစ်လော ဆေးရုံအဆင်းအတက်ရှိပေမယ့် ထပ်တိုးလာရင် မလောက်ငမယ့် အနေထားကြောင့် နေရာ ၃ ခုထပ်ပြင်နေတယ်။ ပဲခူးတက္ကသိုလ်ထဲက ခန်းမတစ်ခု၊ တိုင်းရင်းဆေးရုံနဲ့ တိုင်းဆေးရုံထဲမှာ နေရာပြင်ဆင်ထားပါတယ်”လို့ ဒေါက်တာစောညိုဝင်းကပြောပါတယ်။ အခုလက်ရှိ ပဲခူးခရိုင်ထဲက Covid-19 လူနာကို ကြပ်မတ်ကုသပေးနေရတဲ့ ပဲခူးတိုင်းအဆင့် ကလိဆေးရုံကြီးကို ကိုဗစ်ပထမလှိုင်း မြှင့်တက်ချိန်ကတည်းက ကြိုတင်ပြင်ဆင်ခဲ့တာဖြစ်ပြီး ICU အဆောင်မှာ လူနာ ၆၀ နီးပါး တစ်ပြိုင်နက်ကုသပေးနိုင်တယ်လို့လည်း သိရပါတယ်။ လက်တစ်လော ပဲခူးခရိုင်အတွင်း…