Month: April 2021

မုံရွာ-ဧပြီ ၁၃ ၊ ၂၀၂၁ ကိုတိုးကြီး (VOM)   စစ်ကိုင်းတိုင်း မုံရွာမြို့ပေါ်က လူနေရပ်ကွက်တွေထဲမှာ တုတ် ဓား လက်နက်မှန်သမျှ ရဲစခန်းကို အကုန်လာအပ်ပေးဖို့ ရဲကားက လော်နဲ့ လိုက်အော် သတိပေးနေတယ်လို့ သိရပါတယ်။ အဲ့ဒီ သတိပေး ကြေငြာချက်မှာ ” တုတ် ဓား လက်နက်ကိုင်ဆောင်ခြင်းဟာ တရားဥပဒေက ခွင့်ပြုထားခြင်းမရှိတဲ့အတွက် မိမိတို့နေအိမ်မှာ တုတ်၊ ဓား၊ လက်နက်များ ထားရှိပါက ရဲစခန်းသို့ အမြန်ဆုံးလာရောက် အပ်နှံပေးကြရန်နှင့် သက်ဆိုင်ရာက လိုက်လံ စစ်ဆေးတဲ့အခါ တွေ့ရှိပါက တည်ဆဲ ဥပဒေအရ ပြင်းထန်စွာ အရေးယူမှာ ဖြစ်တယ် ” လို့ ကြေငြာနေတာ ဖြစ်ပါတယ်။   မုံရွာမြို့ပေါ်မှာ မြို့ပြ လူနေရပ်ကွက် ၃၁ ရပ်ကွက်ရှိပြီး  အေးသာယာရပ်ကွက်နေ ပြည်သူတစ်ယောက် ပြောတာက ”…

ဧပြီ ၁၁-၂၀၂၁ KLY(VOM) ပဲခူးမှာ ပရဟိလုပ်ငန်းတွေလုပ်ကိုင်နေတဲ့ ဒေါက်တာနေမျိုးကို ဖမ်းဆီးတရားစွဲဆိုခဲ့ပြီးနောက် ဒီနေ့ ဧပြီ ၁၁ မနက်က မြို့ခံဆရာဝန်တစ်ဦးဖြစ်တဲ့ ဒေါက်တာဝေယံမျိုးလွင်ကို ထပ်မံ ဖမ်းဆီးသွားတယ်လို့ မြို့ခံတွေဆီကသိရပါတယ်။ ” သူက ဒေါက်တာ နေမျိုးတို့နဲ့အတူ တွဲပြီး သုခ ပရဟိတ ဆေးကုသရေး လုပ်ငန်းတွေ လုပ်ကိုင်နေသူပါ။ ဒီနေ့မနက်က ဆေးခန်းတစ်ခုမှာ ဘွားအေတော်စပ်သူကို ကြည့်ပြီး အပြန်မှာ ဖမ်းဆီးခံခဲ့ရတာပါ” လို့ မြို့ခံ အမျိုးသား တစ်ဦးက ပြောပါတယ်။ ဒေါက်တာဝေယံမျိုးလွင်ဟာ ကိုဗစ်ကာလကတည်းက အခမဲ့‌​ဆေးကုသရေးလုပ်ငန်းတွေကိုဒေါက်တာနေမျိုးတို့နဲ့အတူ သုခ ကုသိုလ်ဖြစ်ဆေးခန်းမှာ ဆေးရုံပိတ်ထားချိန် ဖျားနာလူနာကအစ ထိခိုက်ဒဏ်ရာရသူတွေကို ဆေးဝါးကုသပေးနေတာမျိုးရှိတဲ့အတွက် ခုလိုဖမ်းဆီးခံရတာဖြစ်နိုင်ကြောင်း ပဲခူးမြို့ခံ လူမှုရေးတက်ကြွလှုပ်ရှားသူတစ်ဦးက သုံးသပ်ပြောဆိုပါတယ်။ ဒီနေ့ဖမ်းခံရတဲ့ ဒေါက်တာ ဝေယံမျိုးလွင်ကို ဘယ်နေရာမှာ ထိန်းသိမ်းထားတယ်ဆိုတာ မသိရသေးပါဘူး။ #voiceofmyanmar #vom #ပဲခူး

ဧပြီ ၁၁ ၊ ၂၀၂၁ KTG (VOM) စစ်ကိုင်းတိုင်း မုံရွာခရိုင် အရာတော်မြို့နယ် ဝါးရောင်းကျေးရွာမှာ ဧပြီ ၁၀ ရက် မနေ့မနက်ပိုင်းက ဆန္ဒပြလူစု လူဝေးကို လုံခြုံရေးတပ်ဖွဲ့က ပစ်ခတ်ဖြိုခွဲခဲ့တာမှာ ဆန္ဒပြသူ လူ ၁ ဦး သေဆုံးခဲ့ပြီး ၁ ဦးဒဏ်ရာရခဲ့တယ်လို့ ဝါးရောင်းရွာခံတွေဆီက သိရပါတယ်။ .” ကျည်ဆံထိမှန် သေဆုံးတဲ့သူဟာ ကိုရှိုင်းဝေဖြိုး အသက် ၂၁ နှစ်ဖြစ်တယ် ” လို့ သေဆုံးသူရဲ့ ဆွေမျိုးသားချင်းတော်စပ်သူ တစ်ယောက်က VOM ကိုပြောပါတယ်။ ဒါ့အပြင် ဆန္ဒပြ လူငယ် တစ်ယောက်လည်းသေနတ်ထိမှန် ဒဏ်ရာရခဲ့တယ်လို့ သိရပါတယ်။ မနေ့ မနက် ၁၁ နာရီဝန်းကျင်မှာ ဝါးရောင်း တွဲဖက် အထက ကျောင်းအနီးမှာ လူအင်အား ၄၀၀ လောက်က ဆန္ဒပြနေတဲ့ အတွက်…

ရန်ကုန်၊ဧပြီ ၁၁၊၂၀၂၁ အေးချမ်းသူ(VOM) အာဏာရှင်ဆန့်ကျင်ရေးအတွက် ဆန္ဒပြတဲ့ လူငယ်တွေကို ဖမ်းဆီးနေတဲ့ကြားက စမ်းချောင်းမြို့နယ်က လူငယ်တွေဟာ ဒီနေ့မနက်ပိုင်းက ပြောက်ကျားပုံစံ ဆန္ဒဖော်ထုတ်ခဲ့ကြပါတယ်။ စမ်းချောင်မြို့နယ်က လူငယ်တွေဟာ တပ်မတော် အာဏာရယူခဲ့ပြီးနောက်ပိုင်း ဖေဖော်ဝါရီလ ၉ရက်နေ့ကစပြီး ဆန္ဒပြခဲ့တာမှာ သေဆုံးသူ၊ ထိခိုက်ဒဏ်ရာရရှိသူတွေနဲ့ ဖမ်းခံရသူတွေလည်းရှိ​ပါတယ်။ ရန်ကုန်က မြို့နယ်တချို့မှာ ခုရက်ပိုင်းအတွင်းစစ်အာဏာရှင်ဆန့်ကျင်ရေးမှာ ပါဝင်သူတွေ၊ CDMပြုလုပ်သူတွေကို လိုက်လံဖမ်းဆီးနေတာမျိုးတွေလည်းရှိနေပါတယ်။​ #voiceofmyanmar #vom #စမ်းချောင်း