Day: December 29, 2021

ဒေလီ၊ ဒီဇင်ဘာ-၂၉-၂၀၂၁ မျိုးဆက်(VOM)   အိန္ဒိယနိုင်ငံ ကျေးလက်ဒေသ ရွာတရွာက လယ်သမားတဦးပိုင်ဆိုင်တဲ့ ဆိတ်မတကောင်ဟာ လူမျက်နှာနဲ့ဆင်တူတဲ့ ထူးထူးခြားခြား ဆိတ်သားပေါက်တကောင်မွေးဖွာခဲ့ပါတယ်။   ဒီဖြစ်စဉ်ဟာ အိန္ဒိယနိုင်ငံအရှေ့မြောက်ပိုင်း ဂန်ဂါပါရွာမှာဖြစ်ပြီး အဲဒီဆိတ်သားပေါက်ကို ကြည့်ရှုဖို့ ရွာသားတွေ တန်းစီစောင့်ဆိုင်းခဲ့ရပါတယ်။   လူမျက်နှာနဲ့ဆင်တူတဲ့ အဲဒီဆိတ်သားပေါက်ဟာ မွေးဖွားချိန်မှာ အသက်ရှင်လျှက်ဖြစ်ပေမယ့် များမကြာမီ သေဆုံးသွားတယ်လို့ ဆိတ်ပိုင်ရှင်ဖြစ်သူ အသက် ၄၆ နှစ်အရွယ် ရှန်ကာဒက်ကပြောပါတယ်။   ဆိတ်သားပေါက်ရဲ့ မျက်နှာ၊ နှာခေါင်းနဲ့ ပါးစပ်တို့ဟာ လူမျက်နှာနဲ့ဆင်တူပြီး ရှေ့လက်နှစ်ချောင်းသာ ပါ၀င်ပါတယ်။ သူ့မှာ အမြီးလဲပါ၀င်ခြင်းမရှိဘဲ နားရွက်ကတော့ ပုံစံပျက်နေကာ အမွှေးမပါဘဲ မွေးဖွားလာတာဖြစ်ပါတယ်။   အိန္ဒိယနိုင်ငံမှာတော့ လူ သို့မဟုတ် တိရိစ္တာန်တွေ ပုံစံပျက်မွေးဖွားတာဟာ မကောင်းတဲ့အတိတ်နိမိတ် သို့မဟုတ် ကံဆိုးစေတတ်တယ်လို့ ယုံကြည်ကြပါတယ်။   Ref: Mirror Photo:…

၀ါရှင်တန်၊ ဒီဇင်ဘာ-၂၉-၂၀၂၁ မျိုးဆက်(VOM)   ကမ္ဘာတ၀န်းမှာ အိုမီခရွန်ဗိုင်းရပ်စ်ကူးစက်မှုတွေ ဖြစ်ပွားနေချိန်မှာ အမေရိကန်နဲ့ ပြင်သစ်တို့မှာ ကိုဗစ်-၁၉ ကူးစက်မှု စံချိန်တင်မြင့်တက်နေပါတယ်။   အမေရိကန်ရောဂါထိန်းချုပ်ရေးနဲ့ ကာကွယ်တားဆီးရေးဌာနရဲ့ ထုတ်ပြန်ချက်အရ နိုင်ငံတွင်းမှာ ဒီဇင်ဘာ ၂၇ ရက်က ကူးစက်မှု လေးသိန်းလေးသောင်းကျော်ထိ ရှိခဲ့တယ်လို့ဆိုပါတယ်။   ဒါပေမယ့်လည်း ခရစ်စမတ်ကာလအတွင်း ဗိုင်းရပ်စ်ကူးစက်မှုဆိုင်ရာ အစီရင်ခံမှုတွေနှောင့်နှေးတာကြောင့် အခုလိုကိန်းဂဏန်းအရေအတွက် များစွာခန့်မှန်းမိနိုင်တယ်လို့လည်း တာ၀န်ရှိသူတွေကပြောပါတယ်။   ပြင်သစ်နိုင်ငံမှာလည်း ကူးစက်မှုမြင့်တက်နေပြီး ဥရောပဒေသမှာ ကူးစက်မှုအများဆုံးနိုင်ငံဖြစ်ပြီး ဒီဇင်ဘာ ၂၈ ရက်မှာ ၁၇၉၈၀၇ ဦးထိရှိခဲ့တယ်လို့ ပြင်သစ်ကျန်းမာရေး၀န်ကြီးကပြောပါတယ်။   ဒါ့အပြင် အီတလီ၊ ဂရိ၊ ပေါ်တူဂီနဲ့ အင်္ဂလန်တို့မှာလည်း ကူးစက်မှုအမြင့်ဆုံးအခြေအနေမှာရှိနေပါတယ်။   အိုမီခရွန်ဗိုင်းရပ်စ်ဟာ ဒယ်လ်တာဗိုင်းရပ်စ်ထက် ပိုမိုပျော့ပြောင်းပြီး ကူးစက်ခံရသူတွေ ဆေးရုံတက်ရမှုမှာ ၃၀ ရာခိုင်နှုန်းမှ ၇၀ ရာခိုင်နှုန်းထိ နည်းပါးပါတယ်။…