Month: December 2021

လန်ဒန်၊ ဒီဇင်ဘာ- ၁၉-၂၀၂၁ မျိုးဆက်(VOM)   ဗြိတိန်နိုင်ငံမှာ အိုမီခရွန်ဗိုင်းရပ်စ် နေ့စဥ်ကူးစက်မှုဟာ ၁၀၀၀၀ ကျော်ထိစံချိန်တင်နေပြီး လုံလောက်တဲ့အစီအမံတွေမလုပ်ဘူးဆိုရင် ဆေးရုံတက်ရသူအရေအတွက် တိုးလာနိုင်တယ်လို့ ကျန်းမာရေးတာဝန်ရှိသူတွေကပြောပါတယ်။   ဒီဇင်ဘာ ၁၈ ရက်တနေ့တည်းမှာ ကိုဗစ်ကူးစက်ခံရသူ ၉၀၀၀၀ ကျော်ရှိခဲ့ပြီး အဲဒီထဲက ၁၀၀၅၉ ဦးဟာ အိုမီခရွန်ဗိုင်းရပ်စ်ကူးစက်ခံရသူတွေဖြစ်တယ်လို့ ဗြိတိန်ကျန်းမာရေးဝန်ကြီးဌာနကပြောပါတယ်။   လက်ရှိချိန်ထိ အိုမီခရွန်ဗိုင်းရပ်စ်ကူးစက်ခံရသူ စုစုပေါင်းဟာ ၂၅၀၀၀ ကျော်ထိရှိလာပြီဖြစ်ပါတယ်။ အဓိက ကူးစက်မှုဖြစ်နေတာကတော့ အဂ်လန်မှာဖြစ်ပြီး ရှစ်ဦးသေဆုံးကာ ၈၅ ဦးဆေးရုံတင်ထားရပါတယ်။   လန်ဒန်မှာ ဗိုင်းရပ်စ်ကူးစက်မှုရဲ့ ၈၅ရာခိုင်နှုန်းဟာ အိုမီခရွန်ဖြစ်တယ်လို့ တာဝန်ရှိသူတွေကပြောပါတယ်။ လာမယ့်နှစ်ပတ်အတွင်းမှာ ဆေးရုံတက်ရသူအရေအတွက် အကြီးအကျယ်မြင့်တက်လာနိုင်တယ်လို့ သူတို့က သတိပေးထားပါတယ်။   လက်ရှိမှာတော့ အိုမီခရွန်ဗိုင်းရပ်စ်ကာကွယ်ရေးအစီအမံတခုအဖြစ် ကိုဗစ်ထပ်ဆောင်းကာကွယ်ဆေး ထိုးနှံမှုတွေကို ဗြိတိန်အစိုးရက အရှိန်မြှင့်လုပ်ဆောင်နေပါတယ်။   Ref: NHK Photo:Getty…

တိုကျို ၊ ဒီဇင်ဘာ-၁၉-၂၀၂၁ မျိုးဆက်(VOM)   ဂျပန်နိုင်ငံမှာ အိုမီခရွန်ဗိုင်းရပ်စ်ကို ကိုင်တွယ်ထိန်းချုပ်ဖို့အတွက် တင်းကြပ်တဲ့နယ်စပ်ကန့်သတ်ချက်တွေကို သက်တမ်းတိုးဖို့ ရည်ရွယ်ထားတယ်လို့ ဝန်ကြီးချုပ် ကီရှီဒါဖူမီအိုက ပြောပါတယ်။   ပြည်ပနိုင်ငံသားတွေအားလုံးကို ပြည်ဝင်ခွင့်ပိတ်ပင်ထားတဲ့ အစဥ်အမံကို ဂျပန်အစိုးရဟာ နိုဝင်ဘာ ၃၀ ရက်မှာ ချတင်စမှတ်ခဲ့ပြီး အဲဒီအစီအမံကို ကနဦးမှာ တလသတ်မှတ်ခဲ့ပါတယ်။   လက်ရှိမှာတော့ အဲဒီအစီအမံတွေကို သက်တမ်းတိုးဖို့ စီစဥ်နေပြီး အိုမီခရွန်ဗိုင်းရပ်စ်ကြောင်ံ့ ဂျီ ၇ နိုင်ငံတွေအပေါ်မှာ တင်းပြ်တဲ့ အစီအမံတွေချမှတ်သွားမယ်လို့ ဂျပန်ဝန်ကြီးချုပ်က ဆိုပါတယ်။   နယ်စပ်တွေထိန်းချုပ်ပြီး ပြည်ပနိုင်ငံသားတွေကို ပြည်ဝင်ခွင့်ပိတ်ပင်တာတွေကို လာမယ့်နှစ်အစောပိုင်းထိ သက်တမ်းတိုး သွားမှာဖြစ်ပြီး ထပ်ပြီးတော့လည်း သက်တမ်းတိုးသွားဖွယ် ရှိနေပါတယ်။   Ref:NHK Photo:Kyodo #voiceofmyanmar #VOM #တိုကျို

၀ါရှင်တန်၊ ဒီဇင်ဘာ-၁၈-၂၀၂၁ မျိုးဆက်(VOM)   ကိုဗစ်-၁၉ ကပ်ရောဂါဟာ ၂၀၂၃ ခုနှစ်ထိ ကြမြင့်နိုင်တယ်လို့ အမေရိကန်ဆေးကုမ္ပဏီ ဖိုက်ဇာက ဒီဇင်ဘာ ၁၇ ရက်မှာ သတိပေးလိုက်ပါတယ်။   ဒီလိုအခြေအနေမှာ အသက်၂နှစ်မှ ၁၆ နှစ်ကြားအရွယ်တွေကို ကာကွယ်ဆေး သုံးကြိမ်ထိုးနှံပေးမယ့်အစီအစဉ်ကို ကြေညာခဲ့ပါတယ်။ ဒါပေမယ့် အဲဒီကာကွယ်ဆေးထိုးအစီအစဉ်ဟာ အာဏာပိုင်တွေရဲ့ ခွင့်ပြုချက်ရဖို့ အချိန်ကြာနိုင်ပါတယ်။   ဥရောပနိုင်ငံတွေဟာ ခရီးသွားလာမှုနဲ့ လူမှုရေးဆိုင်ရာကန့်သတ်ချက်တွေကို အရှိန်မြှင့်လုပ်ဆောင်နေချိန်မှာ အမေရိကန်ဆေးဝါးကုမ္ပဏီ ဖိုက်ဇာက ကပ်ရောဂါကြာမြင့်နိုင်ခြေနဲ့ပတ်သက်ပြီး မှတ်ချက်ပြု ပြောဆိုလိုက်ခြင်းဖြစ်ကာ အိုမီခရွန်ဗိုင်းရပ်စ်မျိုးကွဲဟာ ဒယ်လ်တာသန္ဓေပြောင်းဗိုင်းရပ်စ်ထက် ကူးစက်နိုင်ခြေ ငါးဆပိုများတယ်လို့ သတိပေးထားပါတယ်။   ၂၀၂၄ ခုနှစ်မှာတော့ ကိုဗစ်-၁၉ ကပ်ရောဂါဟာ ကမ္ဘာတစ်၀န်း ကပ်ရောဂါအသွင်နဲ့ ရှိနိုင်တော့မှာမဟုတ်ဘူးလို့ ယုံကြည်ကြောင်း ဖိုက်ဇာကုမ္ပဏီရဲ့ အမှုဆောင်အရာရှိတွေကပြောပါတယ်။   ကိုဗစ်-၁၉ ကပ်ရောဂါဟာ အမေရိကန်နိုင်ငံမှာ ၂၀၂၂ ခုနှစ်အတွင်း…

မနီလာ၊ ဒီဇင်ဘာ-၁၈-၂၀၂၁ မျိုးဆက်(VOM)   ဖိလစ်ပိုင်နိုင်ငံတောင်ပိုင်းမှာ အင်အားပြင်းတိုင်ဖွန်းမုန်တိုင်း၀င်ရောက် တိုက်ခတ်ပြီးနောက် ကမ္ဘာလှည့်ခရီးသွားတွေအကြား ပေါ်ပြူလာဖြစ်တဲ့ကျွန်းတကျွန်းမှာ ထိခိုက်ပျက်စီးမှုတွေ အကြီးအကျယ်ဖြစ်ခဲ့တယ်လို့ တာ၀န်ရှိသူတွေကပြောပါတယ်။   အင်အားပြင်း တိုင်ဖွန်းမုန်တိုင်းရိုင်ဟာ Siargao အပန်းဖြေကျွန်းကို တနာရီ ၁၂၀ မိုင်နှုန်းနဲ့ ၀င်ရောက်တိုက်ခတ်ခဲ့ပြီး မိုးသည်းထန်စွာရွာသွန်းမှုတွေဖြစ်ပေါ်ခဲ့ပါတယ်။   အဲဒီမုန်တိုင်းဟာ ကျွန်းပေါ်ကသူ့တိုက်ခတ်ရာလမ်းကြောင်း တလျှောက်က နေအိမ်တွေကို ပြိုကျပျက်စီးစေခဲ့ပြီး လူထောင်ပေါင်းများစွာ အိုးမဲ့အိမ်မဲ့ဖြစ်ခဲ့ရပါတယ်။ မုန်တိုင်းကြောင့် လူ ၁၃ သန်းအပေါ် ထိခိုက် သက်ရောက်မှုရှိနိုင်ကြောင်း ကုလသမဂ္ဂကပြောပါတယ်။   လက်ရှိချိန်ထိ လူ ၁၂ ဦးသေဆုံးကြောင်း အတည်ပြုထားပြီး အဓိကလေဆိပ်အဆောက်အအုံပျက်စီးသွားပေမယ့် ကယ်ဆယ်ရေးလုပ်ငန်းတွေကို ဆက်လက်ဆောင်ရွက်နေတယ်လို့ တာ၀န်ရှိသူတွေကပြောပါတယ်။   ဖိလစ်ပိုင်နိုင်ငံမှာ အင်အားပြင်းမုန်တိုင်းတွေတိုက်ခတ်လေ့ရှိပြီး တနှစ်ကို တိုင်ဖွန်းမုန်တိုင်း ၂၀ လောက်၀င်ရောက်လေ့ရှိပါတယ်။ ၂၀၁၃ ခုနှစ်မှာတိုက်ခတ်ခဲ့တဲ့ ဟိုင်ယန်တိုင်ဖွန်းမုန်တိုင်ကြောင့် လူ ခြောက်ထောင်ကျော်ထိ သေဆုံးခဲ့ပါတယ်။…

လန်ဒန်၊ ဒီဇင်ဘာ-၁၈-၂၀၂၁ မျိုးဆက်(VOM)   ကိုဗစ်-၁၉ ရောဂါ ထပ်ဆောင်းကာကွယ်ဆေးတွေထိုးနှံမှုဟာ အိုမီခရွန်ဗိုင်းရပ်စ်မျိုးကွဲသစ်ကြောင့် ပြင်းထန်သော နာမကျန်းဖြစ်ခြင်းကို ၈၅ ရာခိုင်နှုန်းကာကွယ်ပေးနိုင်တယ်လို့ ဗြိတိန်သုတေသီတွေက ဒီဇင်ဘာ ၁၇ ရက်မှာ ထုတ်ဖော်ပြောဆိုလိုက်ပါတယ်။   ကာကွယ်ဆေးတွေရဲ့ ထိရောက်မှုဟာ ယခင်ဗိုင်းရပ်စ်တွေကိုကာကွယ်နိုင်တဲ့ အာနိသင်ထက် အိုမီခရွန်ဗိုင်းရပ်စ်ကို ခုခံရာမှာ လျော့နည်းကြောင်း လန်ဒန်အင်ပီရီရယ်ကောလိပ်မှ သုတေသီတွေက ပြောပါတယ်။   ဒါကြောင့် ထပ်ဆောင်းကာကွယ်ဆေးထိုးနှံပါက ဗိုင်းရပ်စ်ကြောင့် ပြင်းထန်သောနာမကျန်းဖြစ်တာကို ပိုမိုကာကွယ်နိုင်ပြီး ဆေးရုံတက်ရတဲ့နှုန်း ကျဆင်းနိုင်ကြောင်း သုတေသီတွေကပြောပါတယ်။   ဒါပေမယ့် အဲဒီတွေ့ရှိမှုဟာ အိုမီခရွန်ဗိုင်းရပ်စ်နဲ့ပတ်သက်ပြီး အကန့်အသတ်ရှိတဲ့ အချက်အလက်တွေအပေါ်မှာ အခြေခံပြီး သုတေသီများက လေ့လာမှုပြုခဲ့တာဖြစ်ပါတယ်။   လျှင်မြန်စွာကူးစက်နေတဲ့ အဲဒီဗိုင်းရပ်စ်မျိုးကွဲသစ်အကြောင်းကို လက်တွေ့ကမ္ဘာမှအချက်အလက်တွေကို ပိုမိုစုဆောင်းမရရှိမီအချိန်ထိ ဗိုင်းရပ်စ်နဲ့ပတ်သက်ပြီးမသေချာမရေရာမှုတွေ ရှိနေဆဲဖြစ်ကြောင်း သုတေသီများက ပြောပါတယ်။   Ref: BBC Photo: Getty…