Year: 2021

ဂျီနီဗာ၊ နို၀င်ဘာ-၂၇-၂၀၂၁ မျိုးဆက်(VOM)   ကမ္ဘာ့ကျန်းမာရေးအဖွဲ့ဟာ ထပ်မံတွေ့ရှိခဲ့တဲ့ ကိုရိုနာဗိုင်းရပ်စ်မျိုးကွဲသစ်ကို အိုမီခရွန်လို့ အမည်ပေးလိုက်ပြီး စိုးရိမ်ပူပန်စရာကောင်းတဲ့ ဗိုင်းရပ်စ်ဖြစ်တယ်လို့ ကြေညာလိုက်ပါတယ်။   အဲဒီဗိုင်းရပ်စ်ဟာ အကြိမ်ကြိမ်သန္ဓေပြောင်းလဲမှုတွေဖြစ်ပေါ်ခဲ့ပြီး အစောပိုင်းသက်သေ အထောက်အထားတွေအရ ကူးစက်နိုင်ခြေအလွန်မြင့်မားကြောင်း ကမ္ဘာ့ကျန်းမာရေးအဖွဲ့က ထုတ်ဖော်ပြောဆိုပါတယ်။   ဗိုင်းရပ်စ်မျိုးကွဲသစ်ကို တောင်အာဖရိကမှာ နို၀င်ဘာ ၂၄ ရက်က စတင်တွေ့ရှိခဲ့ပြီး ဘော့ဆွာနာ၊ ဘယ်လ်ဂျီယံ၊ ဟောင်ကောင်နှင့် အစ္စရေးတို့မှာလည်း တွေ့ရှိနေပြီဖြစ်ပါတယ်။   ဗိုင်းရပ်စ်မျိုးကွဲသစ်ရဲ့ ကူးစက်နိုင်ခြေနဲ့ ပတ်သက်ပြီး သိပ္ပံပညာရှင်တွေက လေ့လာမှုများပြုလုပ်နေကာ ဗိုင်းရပ်စ်ရဲ့ သက်ရောက်မှုကိုသိရှိနိုင်ဖို့ အချိန်သီတင်းပတ်အနည်းငယ်ယူရမယ်လို့ ကမ္ဘာ့ကျန်းမာရေးအဖွဲ့က ပြောပါတယ်။   ဗိုင်းရပ်စ်မျိုးကွဲသစ်တွေ့ရှိမှုကြောင့် ကမ္ဘာ့နိုင်ငံအတော်များများဟာ တောင်အာဖရိကသို့ ခရီးသွားခြင်း သို့မဟုတ် တောင်အာဖရိကမှ ခရီးသွားတွေလာရောက်ခြင်းကို တားမြစ်ဖို့ လက်ရှိမှာ ဆုံးဖြတ်ထားပါတယ်။   Ref: BBC Photo:Getty Images #voiceofmyanmar…

ကိဗ်ယက်၊ နိုဝင်ဘာ ၂၆-၂၀၂၁ မျိုးဆက်(VOM)   လာမယ့်ရက်အနည်းငယ်အတွင်း ယူကရိန်းအစိုးရကိုဖြုတ်ချဖို့ ရုရှားကျောထောက်နောက်ခံပြုတဲ့ ကြံစည်မှုရှိနေတယ်လို့ ယူကရိန်းသမ္မတ ဇယ်လန်စကီးက ထုတ်ဖော်ပြောဆိုလိုက်ပါတယ်။   ဒီဇင်ဘာ ၁ ရက်နဲ့ ၂ ရက်အတွင်း ယူကရိန်းမှာ အာဏာသိမ်းမယ့် သတင်းအချက်အလက်တွေကို တာဝန်ရှိသူတွေက ရရှိထားတယ်လို့ ဒီနေ့ပြုလုပ်တဲ့ သတင်းစာရှင်းလင်းပွဲမှာ သမ္မတက ပြောပါတယ်။   ဒီလို ရုရှားကျောထောက်နောက်ခံပြုပြီး အာဏာသိမ်းမယ်ကိစ္စကို ဆွေးနွေးနေတဲ့အသံမှတ်တမ်းတွေ ရရှိထားတယ်လို့ သူကဆိုပါတယ်။   ဒီလိုကြံစည်မှုနဲ့ပတ်သက်ပြီး အရေးယူမှုတွေလုပ်ဆောင်သွားမယ်လို့ သမ္မတက ပြောဆိုထားပြီး ဒါဟာ ရုရှားနဲ့လက်ရှိစစ်ရေးတင်းမာမှုထက် ပိုပြီး အန္တရယ်များတယ်လို့ ယူကရိန်းသမ္မတက ပြောပါတယ်။   ဒီလိုကြံစည်မှုမျိုးတွေမှာ ရုရှားအနေနဲ့ ပါဝင်ပတ်သက်မှု လုံးဝမရှိဘူးလို့ ရုရုားအစိုးရပြောရေးဆိုခွင့်ရှိသူက ပြောပါတယ်။   Ref: RT Photo: Reuters #voiceofmyanmar #VOM #ကိဗ်ယက်

မော်စကို၊ နို၀င်ဘာ-၂၆-၂၀၂၁ မျိုးဆက်(VOM)   ရုရှားနိုင်ငံမှာ ဖြစ်ပွားခဲ့တဲ့ ကျောက်မီးသွေးတွင်းမီးလောင်မှုကြောင့် သေဆုံးသူအရေအတွက်ဟာ ၅၂ ဦးထိမြင့်တက်လာပြီး ဒါဟာ ဆယ်စုနှစ်အတွင်း အဆိုးရွားဆုံး သတ္တုတွင်းမတော်တဆမှုတစ်ခုဖြစ်ပါတယ်။   အဲဒီမတော်တဆမှုဟာ ကျောက်မီးသွေးတွင်းလေ၀င်လေထွက်ပေါက်ရှိ ကျောက်မီးသွေးအမှုန်တွေ မီးလောင်ရာမှ စတင်ဖြစ်ပွားခဲ့တာလို့ တာ၀န်ရှိသူတွေက ပြောပါတယ်။   မီးလောင်မှုဖြစ်ပွားပြီး ညပိုင်းအချိန်ရောက်တဲ့အခါမှာတော့ ပျောက်ဆုံးနေတဲ့ အလုပ်သမားဒါဇင်များစွာနဲ့ ကယ်ဆယ်ရေးသမားတွေအကြား အဆက်သွယ်ပြတ်သွားပြီးနောက် အလုပ်သမားတွေဟာ အသက်ရှူကြပ်ကာ သေဆုံးမှုတွေ ဖြစ်ပွားခဲ့ပါတယ်။   ဖြစ်စဉ်ကြောင့် ဒဏ်ရာရရှိသူ ၄၉ ဦးကိုဆေးရုံတင်ထားရပြီး အချို့ကတော့မီးခိုးဆိပ်သင့်ခဲ့ကာသူတို့ထဲက လေးဦးကတော့ စိုးရိမ်ဖွယ်အခြေအနေရှိတယ်လို့ တာ၀န်ရှိသူတွေကပြောပါတယ်။   အဲဒီမတော်တဆမှုနဲ့ပတ်သက်ပြီး ဘေးကင်းလုံခြုံမှုဆိုင်ရာ အစီအမံတွေ ပျက်ကွက်တယ်ဆိုပြီး သတ္တုတွင်း ညွှန်ကြားရေးမှူးအပါအ၀င် လူသုံးဦးကို ဖမ်းဆီးထားကြောင်း ရိုက်တာသတင်းဌာနက ဖော်ပြထားပါတယ်။   Ref: BBC Photo:Getty Images   #voiceofmyanmar…

ကိပ်တောင်း၊ နို၀င်ဘာ-၂၆-၂၀၂၁ မျိုးဆက်(VOM)   တောင်အာဖရိကနိုင်ငံမှာ ကိုရိုနာဗိုင်းရပ်စ်မျိုးကွဲသစ်တစ်မျိုးကို တွေ့ရှိခဲ့ကြောင်း ကျန်းမာရေး တာ၀န်ရှိသူတွေက နို၀င်ဘာ ၂၅ ရက်မျာအတည်ပြုပြောဆိုလိုက်ပြီး လက်ရှိကာကွယ်ဆေးတွေဟာ အဲဒီဗိုင်းရပ်စ်မျိုးကွဲသစ်ကို တိုက်ဖျက်ဖို့ထိရောက်မှုအပေါ် စိုးရိမ်ပူပန်မှုတွေမြင့်တက်နေပါတယ်။   အဲဒီဗိုင်းရပ်စ်မျိုးကွဲသစ်ကို မြို့တော်ပရီတိုရီးယားနဲ့ဂျိုဟန်နက်စ်ဘတ်တို့တည်ရှိရာ ဂေါ့တန်ပြည်နယ်မှာ တွေ့ရှိခဲ့ကြောင်း တာ၀န်ရှိသူတွေက ပြောပါတယ်။   လက်ရှိချိန်ထိ ဗိုင်းရပ်စ်မျိုးကွဲသစ် ကူးစက်ခံရသူ ၇၇ ဦးရှိနေပြီး ကူးစက်မှုနှုန်းလျှင်မြန်စွာ မြင့်တက်လာကြောင်းနဲ့် ဂေါ့တန်ပြည်နယ်ပြင်ပမှာလည်း ကူးစက်လာနိုင်တယ်လို့ သူတို့ကပြောပါတယ်။   ဗိုင်းရပ်စ်မျိုးကွဲသစ်နဲ့ပတ်သက်၍ ရှင်းလင်းစွာမသိရသေးကြောင်း၊ သုတေသီတွေကတော့ ကုထုံးတွေနဲ့ ကာကွယ်ဆေးများအတွက် ဗိုင်းရပ်စ်ရဲ မျိုးရိုးဗီဇပြောင်းလဲမှုကို လေ့လာနေကြတယ်လို့ ကမ္ဘာ့ကျန်းမာရေးအဖွဲ့ရဲ့ ကိုဗစ်-၁၉ ရောဂါ နည်းပညာဆိုင်ရာအကြီးအကဲကပြောပါတယ်။   တွေ့ရှိထားတဲ့ ဗိုင်းရပ်စ်မျိုးကွဲသစ်ဟာ လေ့လာရမယ့် မျိုးကွဲသို့မဟုတ် စိုးရိမ်ပူပန်ရမယ့်မျိုးကွဲသစ်အဖြစ် သတ်မှတ်ဖို့ကို ကမ္ဘာ့ကျန်းမာရေးအဖွဲ့က ဆွေးနွေးဖို့ စီစဉ်ထားပါတယ်။   Ref: NHK…