ဂျီနီဗာ၊ မေ-၆-၂၀၂၂
မျိုးဆက်(VOM)
ကမ္ဘတ၀န်းတွင် ကိုဗစ်-၁၉ ကပ်ရောဂါကြောင့် လူ ၁၅ သန်းနီးပါးသေဆုံးခဲ့ကြောင်း ကမ္ဘာ့ကျန်းမာရေးအဖွဲ့က ခန့်မှန်းထားပြီး ဒါဟာနှစ်နှစ်တာကာလအတွင်း တရား၀င်ကိန်းဂဏန်းတွေထက် သုံးဆပိုများနေပါတယ်။
နိုင်ငံအများအပြားမှာ ကိုဗစ်-၁၉ ရောဂါကြောင့် သေဆုံးမှုအရေအတွက် မှတ်တမ်းတင်မှုမှာ နည်းပါးနေပြီး စုစုပေါင်း သေဆုံးသူ ၅ ဒသမ ၄ သန်းသာရှိကြောင်း ကမ္ဘာ့ကျန်းမာရေးအဖွဲ့ကပြောပါတယ်။
အိန္ဒိယနိုင်ငံမှာ ကိုဗစ်ကြောင့်သေဆုံးသူ ၄ ဒသမ ၇ သန်းရှိပြီး တရား၀င်ကိန်းဂဏန်းထက် ၁၀ ဆပိုမိုများပြားကာ ကမ္ဘာတ၀န်းသေဆုံးမှုရဲ့သုံးပုံတစ်ပုံနီးပါးရှိတယ်လို့ကမ္ဘာ့ကျန်းမာရေးအဖွဲ့က ပြောပါတယ်။
အိန္ဒိယအစိုးရကတော့ အဲဒီခန့်မှန်းချက်နဲ့ပတ်သက်လို့ မေးခွန်းထုတ်ခဲ့ပြီး သေဆုံးမှုတွက်ချက်တဲ့ နည်းစနစ်အပေါ် စိုးရိမ်မှုရှိတယ်လို့ ပြောပါတယ်။
ဒါပေမယ့် နိုင်ငံတွေမှာ ကိုဗစ်ကြောင့် သေဆုံးမှုပမာဏနဲ့ပတ်သက်ပြီး အခြားလေ့လာမှုတွေမှာလည်း အလားတူ ကောက်ချက်ချခဲ့ကြပါတယ်။
ကပ်ရောဂါမတိုင်မီ သက်ဆိုင်ရာနိုင်ငံတွေမှာ ပုံမှန်သေဆုံးမှုထက် ဘယ်လောက်ပိုမိုသေဆုံးတယ်ဆိုတဲ့ အချက်အလက်တွေကို အခြေခံပြီး ကမ္ဘာ့ကျန်းမာရေးအဖွဲ့က တွက်ချက်ခန့်မှန်းခဲ့တာဖြစ်ပါတယ်။
Ref: BBC
Photo:AFP
#voiceofmyanmar #VOM #ဂျီနီဗာ
