Month: May 2022

မေ ၃၁-၂၀၂၂ KT(VOM) နေပြည်တော်က ဆီပန့်အချို့‌မှာ လက်ကျန်ဆီလျော့နည်းနေတာကြောင့် စက်သုံးဆီအမျိုးအစားအချို့ လတ်တလောမှာ မရရှိနိုင်သေးဘူးလို့ ဆီထည့်ပြီးပြန်လာသူတွေဆီက သိရပါတယ်။ ဆီဆိုင်တွေမှာလည်း မီးနီပြထားတဲ့ ဆီဈေးနူန်းထဲက ဆီတွေသာ လက်ကျန်ရှိတော့တာဖြစ်တယ်လို့လည်း သိရပါတယ်။ ဆီထည့်ပြီး ပြန်လာသူတဦးက “ဆီပန့်တိုင်း မရတာတော့မဟုတ်ပါဖူး ရတဲ့ဆိုင်တော့ ထည့်လို့ရပါတယ်၊တချို့ဆိုင်က 92မရဖူး 95ရတယ်၊တချို့ဆိုင်က 95မရဖူး 92ရတယ်၊အနီးနားဆီပန့်တွေက မရတော့ ၃ဆိုင်လောက်တော့ ပတ်လိုက်ရတယ်၊ဆီပြတ်တယ်ဆိုပြီး သတင်းတွေထွက်တော့ ကြောက်လန့်ပြီး တန်းစီထည့်နေရတယ်”လို့ ပြောပါတယ်။ မနေ့ မေလ ၃၀ရက်နေ့အထိ 92 တလီကို 2265ကျပ်၊ 95 တလီတာကို 2385ကျပ်၊ Diesel တလီတာ 2370ကျပ်၊ P Diesel တလီတာ2400 ကျပ်တို့ပဲ ဖြစ်ပါတယ်။ မြန်မာနိုင်ငံ စက်သုံးဆီတင်သွင်းဖြန့်ဖြူးရောင်းချရေးအသင်း MPTA ကတော့ ပြည်တွင်းမှာ Ron 92/Ron 95 တွေကို…

မေ ၃၁-၂၀၂၂ SW(VOM) ရခိုင်ပြည်နယ်နဲ့ ချင်းပြည်နယ်တောင်ပိုင်း ပလက်ဝမြို့နယ်တို့မှာ မြေမြုပ်မိုင်းပေါက်ကွဲမှုကြောင့် အခု မေလအတွင်း သေဆုံးသူ (၃) ဦးနဲ့ ဒဏ်ရာရသူ (၁) ဦးတို့ ရှိကြောင်းသိရပါတယ်။ မိုင်းကြောင့် သေဆုံးသူ (၃) ဦးဟာ ရခိုင်ပြည်နယ်က ဖြစ်ပြီး ကျန်ဒဏ်ရာရရှိသူ တဦးမှာ ပလက်ဝမြို့နယ်က ဖြစ်ပါတယ်။ ဒီကနေ့ မေလ ၃၁ ရက်နေ့ မနက်ပိုင်း ၇ နာရီလောက်က ရခိုင်ပြည်နယ်၊ ကျောက်တော်မြို့နယ်၊ ရုပ်ဝကျေးရွာမှာ အသက် (၇၅) နှစ်အရွယ် အဘွားအိုတဦး ရွာအနီးက တောင်ပေါ်ကို ဟင်းရှာသွားချိန် မိုင်းပေါက်ကွဲပြီး သေဆုံးခဲ့ပါတယ်။ အဲဒီ အဘွားအမည်ဟာ ဒေါ်မတင်သိန်းဖြစ်ပြီး မိုင်းပေါက်နင်းမိရာမှာ ခြေထောက်နှစ်ဖက်လုံးပြတ်ထွက်သွားတာကြောင့် ကျောက်တော်မြို့နယ် ပြည်သူ့ဆေးရုံပို့ဆောင်စဉ် စက်လှေပေါ်မှာပဲ သေဆုံးသွားတာဖြစ်တယ်လို့ ဒေသခံတွေက ပြောပါတယ်။ ရုပ်သားကျေးရွာမှ ဒေါ်မတင်သိန်းရဲ့ ဆွေးမျိုးတော်စပ်သူတဦးက “အဘွားက…

မေ ၃၁-၂၀၂၂ GG(VOM) ရှမ်းပြည်နယ်၊ နောင်ချိုမြို့နယ် ပညာရေးမှူးရုံးအတွင်းမှာ ဒီနေ့မေလ ၃၁ ရက်နေ့ နေ့ယ် ၃ နာရီခန့်က ပညာရေးမှူးရုံးအခန်းထဲ ဗုံးပေါက်ကွဲခဲ့တာဖြစ်ပြီး ပညာရေးဝန်ထမ်း ၅ဦး ပြင်းထန်ဒဏ်ရာတွေ ရရှိခဲ့သလို ရုံးအဆောက်အဦးနဲ့ပစ္စည်းတွေလည်း ပျက်စီးခဲ့တယ်လို့သိရပါတယ်။ ” မြို့နယ်ပညာရေးမှူးရုံးအတွင်း ဗုံးပေါက်တယ်၊ ပညာရေး၀န်ထမ်း ၅ ဦး ဒဏ်ရာရပါတယ်။ “လို့ နောင်ချိုဒေသခံတဦးကပြောပါတယ်။ လက်ရှိမှာ ပေါက်ကွဲမှုကြောင့်ဒဏ်ရာရသူတွေကို နောင်ချိုဆေးရုံမှာ ကုသမှုပေးနေကြောင်း နဲ့ စိုးရိမ်ရတဲ့အခြေအနေရှိတယ်လို့ လတ်တလောပြောပြချက်တွေအရ သိရပါတယ်။ “မျက်စိရှေ့တင်ဖြစ်သွားတာ ၊ ပေါက်ကွဲသံအကျယ်ကြီးပဲ။ ပြီးတော့ ဒဏ်ရာရတဲ့သူတွေကို ခေါ်ထုတ်သွားကြတယ်။အဆောက်အဦးလည်း တော်တော်ပျက်စီးသွားတယ် “လို့ မျက်မြင်တွေ့ရှိသူတဦးကပြောပါတယ်။ ​ပညာရေးမှူးရုံးပေါက်ကွဲမှုဖြစ်အပြီးမှာ စစ်တပ်နဲ့ရဲတွေ ရောက်လာပြီး လမ်းပိတ်ဆို့စစ်ဆေးရှာဖွေတာတွေလုပ်ဆောင်နေတယ်လို့ သိရပါတယ်။ Photo- CJ #voiceofmyanmar #VOM #နောင်ချို #ပညာရေးမှူးရုံး #ပေါက်ကွဲမှု

မေ ၊ ၃၁-၂၀၂၂ SP(VOM) မကွေးတိုင်း ၊ ပခုက္ကူခရိုင် ၊ ပေါက်မြို့နယ် ၊ အုန်းတောကျေးရွာနဲ့ ရေပြာကျေးရွာအကြား ၊ မုံရွာ – ပုသိမ်ကားလမ်းပေါ်က အမှတ် ၂ ယောချောင်းတံတားပေါ်မှာ မနေ့ မေ ၃၀ ရက် ညပိုင်းက မိုင်းပေါက်ကွဲမှုဖြစ်ပွားခဲ့တဲ့အတွက် အဲ့ဒီတံတားပေါ်ကနေ ဖြတ်သန်းသွားလာခွင့်ကို ယာယီပိတ်ထားတယ်လို့ အုန်းတောရွာခံတွေဆီက သိရပါတယ်။ ” မိုင်းကွဲတာက မနေ့ကည ၁၂ နာရီဝန်းကျင်မှာဖြစ်တယ် ၊ တံတားရဲ့ ညာဘက်ခြမ်း ပေါက်ထွက်ပျက်စီးသွားတယ် ၊ ဒီမနက်အထိ ကားလေးတွေ သွားလာနေပေမယ့် ဆောက်လုပ်ရေးဌာနက အခုနေ့ခင်းပိုင်းမှာ လာကြည့်ပြီးနောက်ပိုင်း တံတားကို ယာယီပိတ်လိုက်တာပါ “လို့ အုန်းတောရွာခံတယောက်က ပြောပါတယ်။ အမှတ် ၂ ယောချောင်းတံတားဟာ မြန်မာနိုင်ငံမှာ အရှည်ဆုံး တံတားကြီး ၂၃ စင်း အနက်…