Day: August 29, 2022

သြဂုတ် ၃၀-၂၀၂၂ Voice Of Myanmar(VOM) ဒီပဲယင်းမြို့နယ်ထဲက အိမ်ခြေ (၃၀၀၀) ဝန်းကျင်ရှိတဲ့ မူးကမ်းကြီးကျေးရွာမှာ ပြီးခဲ့တဲ့ ဩဂုတ်လ (၈) ရက်နေ့က အိမ်ခြေ (၆၀၀) နီးပါးမီးရှို့ခံခဲ့ရတယ်လို့ သိရပါတယ်။ အဲ့ဒီမီးရှို့ခံရတဲ့အထဲမှာ ပြီးခဲ့တဲ့ ဇွန်လ (၁၄) ရက်နေ့ကမီးရှို့ခံရပြီး ပြန်လည်ဆောက်လုပ်ထားတဲ့ နေအိမ်တွေလည်း ပါဝင်နေတာကြောင့် နှစ်ကြိမ်တိုင်တိုင် မီးရှို့ခံလိုက်ရတာဖြစ်တယ်လို့ သိရပါတယ်။ မူးကမ်းရွာက မီးဘေးသင့်အိမ်ထောင်စု (၇၀၀) ဝန်းကျင်၊ လူဦးရေ (၃၀၀၀) ဝန်းကျင်ဟာ စားဝတ်နေရေးအခက်အခဲနဲ့ ကျန်းမာရေးစောင့်ရှောက်မှုတွေပါလိုအပ်နေကြတယ်လို့လည်း သိရပါတယ်။ #voiceofmyanmar #VOM #မူးကမ်းကြီးကျေးရွာ #မီးဘေးသင့်ပြည်သူ Youtube Link – https://youtu.be/PNEOphD3NUo

Read More

သြဂုတ် ၊ ၂၉ ၊ ၂၀၂၂ SP(VOM) မကွေးတိုင်း ၊ ဂန့်ဂေါခရိုင် ၊ ဂန့်ဂေါမြို့နယ် မြောက်ပိုင်း မြစ်သာမြစ်ဘေးက မောက်ရွာ နဲ့ လက်ပံရွာဟာ မနေ့ သြဂုတ် ၂၈ က မီးရှို့ဖျက်ဆီးခံရပြီး လူသေဆုံးတာတွေရှိတယ်လို့ ဒေသခံ လူမှုကူညီရေးအဖွဲ့တွေဆီက သိရပါတယ်။ ” မြစ်သာမြစ် အနောက်ဘက်ကမ်းက မောက်ရွာမှာက လူနေအိမ်နဲ့ အဆောက်အဦး ၂၀ ၊ နှမ်း တင်ရေ ၃ ထောင်ကျော် မီးလောင်ပျက်စီးတယ် ၊ အဲ့ဒီအပြင် မောက်ရွာရဲ့ တဖက်ကမ်းက လက်ပံရွာမှာလည်း လူနေအိမ် ၈ လုံး မီးရှို့ဖျက်ဆီးခံရတယ် ၊ မြစ်သာမြစ်ကူးတံတားပေါ်မှာ အသတ်ခံရလို့ မောက်ရွာသား ၂ ဦးလည်း သေဆုံးနေတာကို တွေ့ရတယ် ၊ မောက်ရွာနားမှာလည်း နှမ်းကား ၂ စီး…

Read More

သြဂုတ် ၂၉-၂၀၂၂ Voice Of Myanmar မန္တလေးမြို့မှာ ထင်ရှားကျော်ကြားတဲ့ မြို့မတူရိယာအသင်းကြီးရဲ့ တေးရေးဆရာ ဂီတစာဆို မြို့မကိုပေါဟာ မနေ့သြဂုတ် ၂၈ရက် ည၁၂ထိုးခံနီးအချိန်မှာ ကွယ်လွန်သွားပြီဖြစ်တယ်လို့ မန္တလေးစာပေအသိုင်းအ၀ိုင်းကနေ သိရပါတယ်။ အသက်၉၅ နှစ်အရွယ် ဆရာကြီးမြို့မကိုပေါဟာ နှလုံးရောဂါအခံရှိသူဖြစ်ပြီး သြဂုတ်လပိုင်းအတွင်းကပဲ နေအိမ်အတွင်း စန္ဒယားတီးပြီး ထိုင်ရာကနေ ထရာမှ ချော်လဲကာ ပေါင်ကျိုးခဲ့တယ်လို့ သိရပါတယ်။ ပေါင်ကျိုးပြီးနောက်ပိုင်း ကျန်းမာရေးအခြေအနေ ဆိုးရွားလာပြီး ဆေးကုသမှုခံယူနေရင်း မန္တလေးမြို့၊ ပုလင်းဝင်းရပ်က နေအိမ်မှာပဲ မနေ့က ကွယ်လွန်ခဲ့တာဖြစ်ပါတယ်။ မြို့မကိုပေါကို မြန်မာသက္ကရာဇ် ၁၂၈၉ခုနှစ်မှာ အဖ ဦးပေါ်၊ အမိ ဒေါ်လှ တို့က မန္တလေး၊ ဒါးတန်းရပ်မှာ မွေးဖွားခဲ့ပြီး အမည်ရင်းက ဦးကျော်စိုးဖြစ်ပါတယ်။ အသက် ၂၄-နှစ်အရွယ်မှာ မြို့မတူရိယာဝိုင်းအတွင်း ဆက်ဆိုဖုန်း မှုတ်သူအဖြစ်မှ ဂီတလောကကို ရောက်ရှိခဲ့ပါတယ်။ မန္တလေးရုပ်ရှင်ခေတ် ကင်မရာဆရာဖြစ်…

Read More

ဩဂုတ် ၂၉- ၂၀၂၂ SW(VOM) ရခိုင်ပြည်နယ်၊ မြောက်ဦးမြို့နယ်မှာ မနေ့ဩဂုတ်လ ၂၈ ရက် ညနေပိုင်းက တပ်နဲ့ အေအေတို့ ရုတ်တရက်ထိတွေ့တိုက်ပွဲ မိနစ်အနည်းငယ်ကြာဖြစ်ပွားခဲ့ပြီးတဲ့နောက်ပိုင်း ရပ်ရွာတွေအတွင်းကို လက်နက်ကြီးကျည်တွေကျရောက်ပေါက်ကွဲတာကြောင့် အရပ်သား ၃ ဦးသေဆုံးပြီး ဒဏ်ရာရသူအများအပြားရှိ​ခဲ့တယ်လို့ ဒေသခံတွေဆီကနေ ​သိရပါတယ်။ သေဆုံးသူတွေဟာ မြောက်ဦးမြို့အနောက်ဘက် ၁ မိုင်ခွဲလောက်အကွာမှာရှိတဲ့ ကင်းဆိပ်ကျေးရွာက အသက်(၅) နှစ်အရွယ်ကလေးတဦး၊ အသက်(၆၆) အရွယ် အမျိုးသမီးတဦးနဲ့ အသက် (၄၀) ကျော်အရွယ် အမျိုးသားတဦးတို့သေဆုံးကာ ဒဏ်ရာရသူတွေကတော့ ကင်းဆိပ်ရွာက (၇) ဦး၊ မြောက်ဦးမြို့ပေါ် ဘုန်းတော်ကြီးကျောင်းတွေက ဘုန်းကြီးတပါးအပါအဝင် ကိုရင်(၄)ပါးနဲ့ ဘုန်းကြီးကျောင်းဝေယာဝစ္စလုပ်နေတဲ့ အမျိုးသားတဦးတို့ ဖြစ်​တယ်လို့ သိရပါတယ်။ လက်နက်ကြီးကျည်ကျရောက်ပေါက်ကွဲမှုကြောင့် သေဆုံးသွားတဲ့ ကင်းဆိပ်ကျေးရွာက ဒေါ်အေးနုယဉ်(၆၆)နှစ်မှာ နေရာမှာပဲ ပွဲချင်းပြီးသေဆုံးသွားကာ အသက် (၅) နှစ်အရွယ် မောင်မြတ်သူလင်း ကတော့ မနေ့က…

Read More

ဩဂုတ် ၂၉-၂၀၂၂ KT(VOM) သျှမ်းပြည်ပြန်လည်ထူထောင်ရေးကောင်စီ/သျှမ်းပြည်တပ်မတော် (RCSS/SSA) နဲ့ နစက တို့ ဒုတိယအကြိမ်မြောက် ငြိမ်းချမ်းရေးဆိုင်ရာဆွေးနွေးပွဲကို ဒီနေ့မနက်ပိုင်း နေပြည်တော် ဘုရင့်နောင်ခန်းမမှာ ပြုလုပ်ခဲ့တယ်လို့ သိရပါတယ်။ ဆွေးနွေးပွဲတွင် ပထမအကြိမ် ပဏာမဆွေးနွေးပွဲမှ နှစ်ဦးနှစ်ဖက်အမြင်ချင်းဖလှယ်ခဲ့ကြတဲ့ ဖက်ဒရယ်ပြည်ထောင်စုတည်ဆောက်ရေး၊ နိုင်ငံရေးကိုငြိမ်းချမ်းစွာ ဖြေရှင်းရေး၊ လက်ရှိနိုင်ငံရေး အကြပ်အတည်းကို လက်တွဲဖြေရှင်းရေး၊ ပါတီစုံဒီမိုကရေစီစနစ်တည်ဆောက်ရေး၊ စစ်ဘေးရှောင်ပြည်သူများအား ကယ်ဆယ်နေရာချထားရေး နဲ့ ဒေသဖွံ့ဖြိုးရေးဆိုင်ရာ ရှေ့လုပ်ငန်းစဉ်တွေကို အဓိကထား ဆွေးနွေးသွားကြတယ်လို့ သိရပါတယ်။ #voiceofmyanmar #VOM #နစက #RCSS/SSA#ဒုတိယအကြိမ်တွေ့ဆုံ

Read More