Year: 2022

မာလာဘို ၊ ဒီဇင်ဘာ-၁၀-၂၀၂၂ မျိုးဆက်(VOM) ကမ္ဘာ့သက်တမ်းအရှည်ဆုံး နိုင်ငံ့ခေါင်းဆောင်ဖြစ်သူ အီကွေတိုရီရယ်ဂီနီသမ္မတဟာ သူ့ရဲ့၆ ကြိမ်မြောက် ရာထူးသက်တမ်းအတွက် ဒီဇင်ဘာ ၉ ရက်မှာ ကျမ်းသစ္စာကျိန်ဆိုခဲ့ပါတယ်။ အသက် ၈၀ နှစ်အရွယ် သီအိုဒိုရိုအိုဘီရန်နဂွါမာအမ်ဘာဆိုဂိုဟာ စစ်ရေးပြအခမ်းအနားကို ကြည့်ရှုစစ်ဆေးခြင်းမပြုမီ ဒီဇင်ဘာ ၉ ရက်မှာ ကျမ်းသစ္စာကျိန်ဆိုခဲ့တာဖြစ်ပါတယ်။ သူဟာ အီကွေတိုရီရယ်ဂီနီနိုင်ငံသားအားလုံးရဲ့ ထာ၀ရခေါင်းဆောင်ဖြစ်ရမယ်လို့ ကျမ်းသစ္စာကျိန်ဆိုပွဲမှာ ဆိုပါတယ်။ သူဟာ၁၉၇၉ ခုနှစ်ကဖြစ်ပွားခဲ့တဲ့ အာဏာသိမ်းမှုမှာ ပထမဆုံး အာဏာရရှိခဲ့သူဖြစ်ပါတယ်။ အဲဒီနောက်မှာ အတိုက်အခံတွေကို နိုင်ငံရေးမှာပါ၀င်ခွင့်ကို ပိတ်ပင်တားဆီးခဲ့ပြီး အစိုးရနဲ့ မဟာမိတ်တွေက သတင်းဌာနတွေကိုထိန်းချုပ်ခြင်းနဲ့အတူ ရွေးကောက်ပွဲ မသမာမှုတွေ ဖြစ်ပေါ်ခဲ့ကြောင်း ဝေဖန်သူတွေက ပြောဆိုပါတယ်။ အိုဘီရန်ဟာ ဘုရင်စနစ်ကျင့်သုံးခြင်းမရှိတဲ့ နိုင်ငံမှာ ရာထူးသက်တမ်းအရှည်ဆုံး နိုင်ငံခေါင်းဆောင်အဖြစ် မှတ်တမ်း၀င်ခဲ့ပြီး နိုင်ငံကို ၄၃ နှစ်ကျော်ကြာ အုပ်ချုပ်ခဲ့ပါတယ်။ Ref: BBC #voiceofmyanmar #VOM…

ဝါရှင်တန်၊ ဒီဇင်ဘာ-၁၀-၂၀၂၂ မျိုးဆက်(VOM) ရုရှားနဲ့အီရန်တို့ဟာ ကာကွယ်ရေးမဟာမိတ်အဖြစ် ပိုမိုနီးကပ်လာကြောင်း အမေရိကန်က ဒီဇင်ဘာ ၉ ရက်မှာ ထုတ်ဖော်ပြောဆိုလိုက်ပါတယ်။ ရုရှားနဲ့အီရန်တို့ဟာ တိုက်ခိုက်ရေးဒရုန်းတွေ ပူးတွဲထုတ်လုပ်ဖို့စီစဉ်နေတဲ့ သတင်းတွေကို ကြားသိနေရကြောင်း အမေရိကန်အမျိုးသားလုံခြုံရေးကောင်စီ ပြောရေးဆိုခွင့်ရှိသူ ဂျွန်ခရီဘီက ပြောပါတယ်။ တိုက်ခိုက်ရေးဒရုန်းတွေ ပူးတွဲထုတ်လုပ်ဖို့ အီရန်နဲ့ရုရှားအကြား ပူးပေါင်းဆောင်ရွက်မှုဟာ ယူကရိန်း၊ အီရန်ရဲ့ အိမ်နီးချင်းနိုင်ငံတွေနဲ့ နိုင်ငံတကာအသိုင်းအဝိုင်းအတွက် အန္တရာယ်ဖြစ်စေကြောင်း သူကပြောပါတယ်။ အီရန်နဲ့ ရုရှားတို့အကြား စစ်ရေးပူးပေါင်းဆောင်ရွက်မှုအဖြစ် ယူကရိန်းကို တိုက်ခိုက်မှုတွေမှာ ရုရှားဟာ အီရန်လုပ်ဒရုန်းတွေကို အသုံးပြုခဲ့တယ်လို့ ယူကရိန်းက စွပ်စွဲထားပါတယ်။ ယူကရိန်းမှာ အသုံးပြုမယ့် ဒရုန်းတွေကိုထောက်ပ့ံ့ပေးနေတဲ့ အီရန်နိုင်ငံသားသုံးဦးနဲ့ စီးပွားရေးလုပ်ငန်းတခုကို အရေးယူပိတ်ဆို့ကြောင်း သြစတြေးလျက ကြေညာထားပါတယ်။ ရုရှားဟာ လက်နက်ထုတ်လုပ်ရေး၊ လေ့ကျင့်ရေးစတဲ့နယ်ပယ်တွေမှာ အီရန်နဲ့ပူးပေါင်းဖို့ ကြိုးစားနေတယ်လို့ အမေရိကန်အမျိုးသားလုံခြုံရေးကောင်စီ ပြောရေးဆိုခွင့်ရှိသူ ဂျွန်ခရီဘီကပြောပါတယ်။ Ref: BBC Photo: Reuters…

ဝါရှင်တန်၊ ဒီဇင်ဘာ-၉-၂၀၂၂ မျိုးဆက်(VOM) တရုတ်နိုင်ငံရဲ့ စစ်ရေးအင်အားတိုးချဲ့မှုကို တုံ့ပြန်တဲ့အနေနဲ့ အမေရိကန်ဟာ လာမယ့်နှစ်မှာ အင်ဒို-ပစိဖိတ်ဒေမှာ သူ့ရဲ့စစ်ရေးအင်အားကို မြှင့်တင်နိုင်ဖွယ်ရှိကြောင်း ပင်တဂွန်စစ်ဌာနချုပ် ထိပ်တန်းတာ၀န်ရှိသူတဦးက ဒီဇင်ဘာ ၈ ရက်မှာ ထုတ်ဖော်ပြောဆိုလိုက်ပါတယ်။ ဒီဇင်ဘာ ၈ ရက်မှာ ဝါရှင်တန်ရှိ သုသေသနအဖွဲ့ကခု၌ပြုလုပ်တဲ့ ဆွေးနွေးပွဲမှာ အင်ဒို-ပစိဖိတ် လုံခြုံရေးဆိုင်ရာ လက်ထောက်ကာကွယ်ရေး၀န်ကြီး အီလီရက်နာက အခုလိုက်ထုတ်ဖော်ပြောဆိုလိုကတာဖြစ်ပါတယ်။ ထိုင်၀မ်ကျွန်းကို သိမ်းယူဖို့ သို့မဟုတ် စစ်ရေးအရ ဖိအားပေးဖို့အတွက် တရုတ်နိုင်ငံဟာ ဒေသတွင်းမှာ သူ့ရဲ့စစ်ရေးစွမ်းရည်ကို မြှင့်တင်ဖို့ ကြိုးပမ်းနေတယ်လို့ ယုံကြည်ရကြောင်း သူကပြောပါတယ်။ ဒီလိုလုပ်ရပ်မျိုး ဘယ်အခါမှအလွယ်တကူလုပ်ဆောင်နိုင်ခြင်းမရှိစေဖို့ အမေရိကန်အနေနဲ့ အတားအဆီးတွေကို အားဖြည့်ဆောင်ရွက်သွားမှာဖြစ်ကြောင်း သူကပြောပါတယ်။ အင်ဒို-ပစိဖိတ်ဒေသတွင်း ၂၀၂၃ ခုနှစ်ဟာ အမေရိကန်တပ်ဖွဲ့၀င်တွေရဲ့အသွင်ကူးပြောင်းမှုအရှိဆုံးနှစ်အဖြစ် မြင်တွေ့ရမှာဖြစ်ပြီး ရလဒ်တွေက စိတ်ကြေနပ်ဖွယ်ဖြစ်ကြောင်း အီလီရက်နာကပြောပါတယ်။ Ref: NHK #voiceofmyanmar #VOM #ဝါရှင်တန်