Year: 2022

ဘာလင်၊ ဒီဇင်ဘာ-၇-၂၀၂၂ မျိုးဆက်(VOM) ဂျာမနီနိုင်ငံမှာ အစိုးရကိုဖြုတ်ချဖို့ ကြံစည်နေတဲ့အဖွဲ့ကို နိုင်ငံတ၀န်း ပြည်နယ် ၁၁ ခုမှာ စီးနှင်းခဲ့ပြီးနောက် လူ ၂၅ ဦးကို ဖမ်းဆီးထိန်းသိမ်းလိုက်ပါတယ်။ လက်ယာစွန်းနဲ့ စစ်အာရှင်ဟောင်းအုပ်စုက ပါလီမန်ကို ၀င်ရောက်စီးနှင်းကာ အာဏာသိမ်းရန် စီစဉ်နေခြင်းဖြစ်ကြောင်း ဂျာမနီသတင်းစာတွေက ရေးသားဖော်ပြထားပါတယ်။ ဒီလိုအာဏာသိမ်းဖို့ ကြံစည်မှုကို Heinrich XIII လို့ခေါ်တဲ့ အသက် ၇၁ နှစ်အရွယ် ဂျာမနီအမျိုးသားတဦးက အဓိက ကြိုးကိုင်ခဲ့တယ်လို့ အာဏာပိုင်တွေက စွပ်စွဲထားပါတယ်။ နိုင်ငံတ၀န်း စီးနှင်းမှုတွေလုပ်ဆောင်ပြီးနောက်မှာ သြစတြီးယားနဲ့ အီတလီတို့မှာလည်း လူနှစ်ဦးကို ဖမ်းဆီးခဲ့ကြောင်း ဂျာမနီအခြေစိုက် ဒီပီအေ သတင်းဌာနကဆိုပါတယ်။ အဲဒီအဖွဲ့ဟာ ၂၀၂၁ ခုနှစ် နို၀င်ဘာလကတည်းက အကြမ်းဖက်အာဏာသိမ်းဖို့ ကြံစည်နေတာဖြစ်ကြောင်း နဲ့ အကြမ်းဖက်မှုဆန့်ဆင်ရေး စစ်ဆင်ရေးကြီးတခုပြီးဆုံးသွားပြီလို့ ဂျာမနီတရားရေး၀န်ကြီး မက်ခရိုဘိုခ်ျမန်းက ပြောပါတယ်။ Ref: BBC Photo:Getty…

ပေကျင်း၊ ဒီဇင်ဘာ-၇-၂၀၂၂ မျိုးဆက်(VOM) တရုတ်နိုင်ငံမှာ ကိုဗစ်-၁၉ ဆိုင်ရာကန့်သတ်ချက်တွေအပေါ် ဆန္ဒပြမှုတွေဖြစ်ပွားပြီးနောက် တပတ်အကြာမှာ တင်းကြပ်တဲ့ ကိုဗစ်ကန့်သတ်ချက်တွေကို အာဏာပိုင်တွေက ရုပ်သိမ်းလိုက်ပါတယ်။ ဒီလိုဆန္ဒပြမှုတွေဟာ တရုတ်နိုင်ငံမှာ ရှားရှားပါးပါးဖြစ်ပြီး ဆန္ဒပြသူတွေဟာ တရုတ်သမ္မတ ရှီကျင်းပင် နှုတ်ထွက်ရေးတို့ကိုပါ တောင်းဆိုခဲ့ကြပါတယ်။ လက်ရှိမှာတော့ ကိုဗစ်-၁၉ ကူးစက်ခံရပြီး ရောဂါလက္ခဏာမပြသူတွေနဲ့ အနည်းငယ်သာပြသူတွေဟာ အစိုးရက သတ်မှတ်ထားတဲ့ ကွာရန်တင်းစင်တာတွေမှာ မဟုတ်ဘဲ နေအိမ်မှာသာ ကွာရန်တင်း၀င်နိုင်ပြီဖြစ်ပါတယ်။ ကျောင်းတွေနဲ့ ဆေးရုံတွေမှာ ပီစီအာ စစ်ဆေးမှုလိုအပ်ပေမယ့် အခြားနေရာအများအပြားမှာတော့ စမ်းသပ်မှုရလဒ် မလိုအပ်တော့ပါဘူး။ ကန့်သတ်ချက်တွေ ရုတ်တရက်ဖြေလျော့လိုက်တာနဲ့ ပတ်သက်ပြီး စိတ်သက်သာရသူတွေရှိသလို စိုးရိမ်ပူပန်မှုတွေလည်းရှိနေပါတယ်။ ဒီအပြောင်းအလဲဟာ တရုတ်နိုင်ငံရဲ့ ကိုဗစ်လုံး၀မကူးစက်ရ မူဝါဒကိုစွန့်ပြီး တခြားကမ္ဘာ့နိုင်ငံတွေလို ကိုဗစ်နဲ့ ယှဉ်တွဲနေထိုင်ရေးကို ကြိုးပမ်းနေတာကို ပြသလိုက်တာဖြစ်ပါတယ်။ တရုတ်နိုင်ငံမှာ ကိုဗစ်-၁၉ ကူးစက်မှုတွေ မြင့်တက်နေပြီး နေ့စဉ်ကူးစက်မှု သုံးသောင်းကျော်ထိရှိနေပါတယ်။ Ref: BBC…

ကိဗ်ယက်၊ ဒီဇင်ဘာ-၆-၂၀၂၂ မျိုးဆက်(VOM) ရုရှားနိုင်ငံထဲက မိုင်ရာချီကွာဝေးတဲ့ စစ်အခြေစိုက်စခန်းနှစ်ခုကို ယူကရိန်းက ဒရုန်းနဲ့တိုက်ခိုက်ခဲ့ကြောင်း ယူကရိန်း ထိပ်တန်းတာ၀န်ရှိသူတစ်ဦးကို ကိုးကားပြီး နယူးယောက်တိုင်းမ်သတင်းဌာနက ရေးသားဖော်ပြထားပါတယ်။ အဲဒီဒရုန်းတွေကို ယူကရိန်းပိုင်နက်ကနေ လွှတ်တင်ခဲ့တာဖြစ်ပြီး တိုက်ခိုက်မှုကြောင့် ရုရှားစစ်အခြေစိုက်စခန်းတစ်ခုမှာ လေယာဉ်နှစ်စင်းထက်မနည်း ပျက်စီးခဲ့ပြီး အခြားပျက်စီးမှုတွေလည်းရှိခဲ့တယ်လို့ နယူးယောက်တိုင်းမ်က ဆိုပါတယ်။ ရုရှားနိုင်ငံအလယ်ပိုင်း ရိုင်ဇန်နဲ့ ဆာရာတော့ဗ်ရှိ လေတပ်စခန်းနှစ်ခုကို ယူကရိန်းက ဒရုန်းတွေနဲ့ ဒီဇင်ဘာ ၅ ရက်က တိုက်ခိုက်ခဲ့တာကြောင့် ရုရှားတပ်ဖွဲ့၀င်သုံးဦးသေဆုံးပြီး လေးဦးဒဏ်ရာရရှိခဲ့ကာ လေယာဉ်နှစ်စင်း ပျက်စီးခဲ့တယ်လို့ ရုရှားကာကွယ်ရေး၀န်ကြီးဌာနက အစောပိုင်းမှာ ထုတ်ပြန်ထားပါတယ်။ ယူကရိန်းကတော့ ဒီတိုက်ခိုက်မှုကို လုပ်ဆောင်ခဲ့ကြောင်း တရား၀င်ထုတ်ဖော်ပြောဆိုခြင်းမရှိပါဘူး။ ဒီတိုက်ခိုက်မှုဟာ ဖေဖော်ဝါရီ ၂၄ ရက်မှာ ယူကရိန်းကို ရုရှားကကျူးကျော်တိုက်ခိုက်ပြီးနောက်ပိုင်း ရုရှားနိုင်ငံရဲ့ ပိုင်နက်အတွင်းကျကျထိ တိုက်ခိုက်မှုတရပ်လည်းဖြစ်ပါတယ်။ ရုရှားဟာ ယူကရိန်းနိုင်ငံနေရာအနှံ့အပြားကို ဒီဇင်ဘာ ၅ ရက်က ဒုံးကျည်တွေနဲ့ အကြီးအကျယ်တိုက်ခိုက်ခဲ့ပြီး…

ခါတွမ်၊ ဒီဇင်ဘာ-၆-၂၀၂၂ မျိုးဆက်(VOM) ဆူဒန်နိုင်ငံမှာ လက်ရှိဖြစ်ပေါ်နေတဲ့ နိုင်ငံရေးအကျပ်အတည်းကို အဆုံးသတ်ဖို့အတွက် အရပ်ဘက်ကို အာဏာလွှဲပြောင်းပေးဖို့ ဆူဒန်အာဏာသိမ်းခေါင်းဆောင်တွေက ဒီဇင်ဘာ ၅ ရက်မှာ သဘောတူလိုက်ပါတယ်။ မြို့တော်ခါတွမ်မှာ ထုတ်ဖော်ကြေညာခဲ့တဲ့ သဘောတူညီချက်အရ အရပ်သားခေါင်းဆောင်တွေ ဦးဆောင်တဲ့ အသွင်ကူးပြောင်းရေးကာလကို နှစ်နှစ်သတ်မှတ်ထားပြီး အဲဒီနောက်မှာ ရွေးကောက်ပွဲတွေ ကျင်းပရေးတို့ပါ၀င်ပါတယ်။ ဒါပေမယ့် စစ်တပ်ရဲ့ အာဏာသိမ်းမှုကို ဆန့်ကျင်နေတဲ့ ဆန္ဒပြသူတွေကတော့ အဲဒီအစီအစဉ်ကို ပယ်ချထားပြီး အာဏာသိမ်းမှုကို ဦးဆောင်ခဲ့သူတွေကို အရေးယူဖို့ တောင်းဆိုနေကြကာ နိုင်ငံတ၀န် ဆန္ဒပြပွဲတွေ ပိုမိုပြင်းထန်လာဖွယ်ရှိပါတယ်။ ဆူဒန်မှာ ကာလကြာရှည်အုပ်ချုပ်ခဲ့တဲ့ သမ္မတအိုမာအယ်လ်ဘာရှားကို ၂၀၁၉ ခုနှစ်မှည စစ်တပ်ကဖြုတ်ချကာ အာဏာသိမ်းပြီးနောက် နိုင်ငံရေးအကျပ်အတည်းတွေနဲ့ ရင်ဆိုင်နေရပါတယ်။ အာဖရိကသမဂ္ဂ၊ အာရပ်နိုင်ငံတွေနဲ့ အနောက်နိုင်ငံတွေကတော့ ဖြစ်ပွားနေတဲ့ နိုင်ငံရေးနဲ့ စီးပွားရေးအကျပ်အတည်းတွေကို ဖြေရှင်းဖို့ စစ်တပ်နဲ့ အရပ်ဘက်အကြား တွေ့ဆုံဆွေးနွေးရေးကို ထောက်ခံကြောင်း ထုတ်ဖော်ပြောဆိုထားပါတယ်။ Ref:BBC…