Month: March 2023

မတ်၊၁၂-၂၀၂၃ MM(VOM) ရှမ်းပြည်နယ်(မြောက်ပိုင်း)၊နမ္မတူမြို့နယ် ပန်ချင်ကျေးရွာ အုပ္စု၊ မိုက်ဟုန်းကျေးရွာမှာ ဒီကနေ့ မတ်လ(၁၂)ရက် ဒီနေ့ မနက်ပိုင်းက မီးလောင်မှုဖြစ်ပွားကာ လူနေအိမ်(၃)လုံးမီးထဲပါသွားတယ်လို့ သိရပါတယ်။ ”မတ်လ ၁၂ ရက် မနက် ၉ နာရီဝန်းကျင်လောက်က စလောင်တာ၊နေအိမ် မီးဖိုမီးကနေ စတင်လောင်တာပါ၊ အိမ်ချင်းကပ် နေအိမ်တွေကို ကူးစက်လောင်သွားတာ၊ ၃ လုံး မီးထဲပါသွားတယ်၊ မီးကို ဝိုင်းဝန်းငြှိမ်းသတ်ပေမယ့် မမီလိုက်တာ၊ နောက်ထပ်တော့ ဆက်ပြီးကူးစက်တာ မရှိဘူး၊ မီးစတင်လောင်တဲ့အိမ်က မီးလောင်မှုဖြစ်တော့ လူတွေမရှိကြဘူး။ လို့ ရှမ်းပြည်နယ်က လူမှုကူညီရေးအသင်းဝင်တဦးကပြောပါတယ်။ မီးလောင်တဲ့အထဲပါသွားတဲ့ နေအိမ်တွေက သွပ်မိုး ထရံကာ အိမ်တွေဖြစ်ပြီး လူတွေ ထိခိုက်၊ သေဆုံးတာမရှိဘဲ ခန့်မှန်းဆုံးရှုံးမှုတန်ဖိုးငွေ ကျပ်သိန်း ၂၀၀ ကျော်လောက်ရှိတယ်လို့ ဒေသခံတွေနဲ့ လူမှုကူညီ ရေးအဖွဲ့တွေဆီကနေ သိရပါတယ်။ ရှမ်းပြည်နယ် ၊လားရှိုးမြို့မှာ အခု မတ်လ…

မတ် ၁၂-၂၀၂၃ Voice Of Myanmar(VOM) မန္တလေးမြို့၊ ချမ်းအေးသာစံမြို့နယ်၊ ၂၆လမ်း နဲ့ ၂၇လမ်းကြား အောက်ကမ်းနားလမ်းက ဒေါ်တော မုန့်တီဆိုင်မှာ မနက်အစောပိုင်း ဆိုင်စဖွင့်ချိန် ဓားပြတိုက်ခံရတယ်လို့ မန္တလေးမြို့ခံတွေ ပြောပြချက်အရ သိရပါတယ်။ ” ဖြစ်စဥ်က ဟုတ်ပါတယ် မနက် ၅နာရီနဲ့ ၆နာရီကြားလောက်ပါ၊ သေနတ်ပြပြီး ဆိုင်ရှင် ဝတ်ထားတဲ့ ရွှေတွေ ယူသွားတယ်၊ ကျန်တာတော့ စစ်ဆေးနေပါပြီ”လို့ ရဲနဲ့နီးစပ်သူတဦးကပြောပါတယ်။ ဆိုင်ကယ်တစီးနဲ့ အသက်ကြီးကြီး လူနှစ်ယောက်က သေနတ်ကိုင်ဆောင်ကာ ဆိုင်ရှိ လူတွေကို ခြိမ်းခြောက်ပြောဆိုပြီး ဆိုင်ပိုင်ရှင် အမျိုးသမီးဝတ်ဆင်ထားတဲ့ ရွှေဆွဲကြိုး ၁ ကုံး ၊ ပီခြူး ရွှေလက်‌ကောက် ၁ ခု ၊ ၁ ကျပ်သားရွှေလက်စွပ် ၁ ခု စုစုပေါင်း တန်ဖိုးငွေ ၁၃၇ သိန်းခန့်တို့ကို ယူဆောင်သွားတာဖြစ်တယ်လို့…

မတ် ၁၁ – ၂၀၂၃ GG (VOM) ရန်ကုန်မြို့၊ သာကေတမြို့နယ်၊ ၃/ရန်ပြေရပ်ကွက်ရှိ တိုက်ခန်းတခုရဲ့ ၅ လွှာကနေ အသက်ကြီးပိုင်းအမျိုးသားတဦး ပြုတ်ကျသေဆုံးမှု ဒီနေ့ မတ်လ ၁၁ ရက်နေ့မနက် ၈ နာရီခန့်က ဖြစ်ပွားခဲ့တယ်လို့သိရပါတယ်။ သေဆုံးသူဟာ တိုက်ခန်းမှာ တယောက်ထဲနေထိုင်တဲ့ လေဖြန်းထားတဲ့ အသက် ၆၉ နှစ်အရွယ် အမျိုးသားဖြစ်ကြောင်း၊ တိုက်အနောက်ဖက်ကို အဝတ်ထွက်လှန်းစဥ် ပြုတ်ကျသေဆုံးခဲ့တာဖြစ်တယ်လို့သိရပါတယ်။ အခင်းဖြစ်ရာကိုရောက်ရှိကူညီကယ်ဆယ်ရေးလုပ်ခဲ့တဲ့ သာကေတမြို့နယ်လူမှုကူညီရေးအဖွဲ့ရဲ့ အသင်းဝင်တဦးက ” တိုက်ပေါ်ကပြုတ်ကျကြောင်း သက်ဆိုင်ရာကအကြောင်းကြားလို့ သွားတော့ Dead body ဖြစ်နေလို့ဆေးရုံပို့ခဲ့ပါတယ် “လို့ ပြောပါတယ်။ တိုက်ပေါ်ကပြုတ်ကျတဲ့ အမျိုးသားဟာ ပြုတ်ကျတဲ့အရှိန်ကြောင့် ခန္ဒာကိုယ် ဘယ်ဘက်တခြမ်းလုံးထိခိုက်သွားပြီး လက်ကောက်ဝတ်ကျိုးသွားကာ နေရာမှာပဲ သေဆုံးခဲ့တာဖြစ်တယ်လို့ သိရပါတယ်။ လက်ရှိမှာ သေဆုံးအမျိုးသားရုပ်အလောင်းကို စံပြဆေးရုံကိုပို့ဆောင်ထားပြီး တာဝန်ရှိသူတွေကစစ်ဆေးမှုတွေလုက်နေတယ်လို့သိရပါတယ်။ မတ်လ ၆ ရက်နေ့ရက်ကလည်း…

  မတ် ၁၁ – ၂၀၂၃ GG (VOM) နေပြည် တော် ၊လယ်ဝေးမြိုနယ်၊ ဒလန့်ချွန် ရွာအုပ်စု၊ ဒလန့်ချွန် မှာ မနေ့ မတ်လ ၁၀ ရက် မနက်အ​စောပိုင်းက မီးလောင်မှုဖြစ်ပြီး နေအိမ် ၆ လုံး မီးထဲပါသွားတဲ့အပြင် မီးရထားလိုင်းခန်းအတွဲ အချို့လည်း မီးလောင်ခဲ့တယ်လို့သိရပါတယ်။ ” ဟုတ်တယ် မနေ့က မနက်စော ၄နာရီခွဲလောက်မှာလောင်တာ အိမ် ၆ အိမ်ပါသွားတယ်။ နောက်ပြီး မီးရထားလိုင်းခန်း ၆ ခန်းတွဲ အုတ်ကြွပ်မိုး ပျဉ်ခင်းပျဉ်ကာ ၁ အတွဲလည်းမီးလောင်ခဲ့တယ်လို့သိရတယ် ” လို့ လယ်ဝေးမြို့ခံတဦးက ပြောပြပါတယ်။ ဒလန့်ချွန်ရွာက နေအိမ်တအိမ်ရဲ့ မီးဖိုချောင် မီးကျွင်းမီးကျန်ကနေ မီးစတင်လောင်ကျွမ်းခဲ့ပြီး အဲ့ဒီကမှတဆင့် နောက်ထပ် နေအိမ် ၅လုံးနဲ့မီးရထားလိုင်းခန်းကို မီးကူးစက်လောင်ခဲ့တာဖြစ်တယ်လို့ သိရပါတယ်။ ပျဥ်ထောင်ပျဥ်ခင်း ၄…