Month: April 2023

ဧပြီ ၃-၂၀၂၃ Voice Of Myanmar(VOM) မန္တလေးမြို့၊ အောင်မြေသာစံမြို့နယ်၊ မေဃဂီရီရပ်ကွက်မှာ မနေ့ ဧပြီ၂ရက် နေ့လယ်ပိုင်းက အွန်လိုင်းကနေ ငွေလဲလှယ်ရေး လုပ်ကိုင်နေသူ အမျိုးသားက ငွေလာလဲတဲ့ အမျိုးသမီးကို သတ်ပြီး ငွေတွေ ယူဆောင်ထွက်ပြေးသွားတဲ့ဖြစ်စဥ် ဖြစ်ပွါးခဲ့ပါတယ်။ “အဲ့ဒီအမျိုးသားက မေဃဂီရီရပ်ကွက်မှာ အိမ်ငှားနေတာမကြာသေးဘူး၊ ဖြစ်စဥ်ဖြစ်တာက သူငှားနေတဲ့အိမ်မှာဖြစ်တာ၊ ငွေလာလဲတဲ့ အမျိုးသမီးကို ကြိုးတုတ်ပြီး သတ်ထားတာကို ဒဏ်ရာတွေနဲ့တွေ့ရတာပေါ့၊ အဲ့ဒီအမျိုးသမီးနဲ့အတူပါလာတဲ့ ငွေ သိန်း (၂၀၀)နဲ့ စကူဖီဆိုင်ကယ်ကိုယူပြီး ထွက်ပြေးနေတယ်၊ ကျန်တာတော့ တာဝန်ရှိသူတွေ ဆက်လုပ်နေပါတယ်”လို့ ရဲနဲ့နီးစပ်သူကပြောပါတယ်။ ထွက်ပြေးနေတဲ့အမျိုးသားဟာ ပြီးခဲ့တဲ့ မတ်လဆန်းပိုင်းက အဲ့ဒီရပ်ကွက်မှာ အိမ်ငှားနေထိုင်တဲ့ အောင်နိုင်ဝေ ဆိုသူဖြစ်တယ်လို့ သိရပါတယ်။ အသတ်ခံရတဲ့ အမျိုးသမီးဟာ အသက် (၃၇)နှစ်ခန့်မန္တလေးမြို့၊ ပုသိမ်ကြီးမြို့နယ်၊ ကုန်းတန်းရပ်ကွက်မှာ နေထိုင်သူဖြစ်တယ်လို့ သိရပါတယ်။ မန္တလေးမြို့မှာ ပြီးခဲ့တဲ့ လပိုင်းတွေကလည်း…

ဧပြီ ၂ – ၂၀၂၃ GG (VOM) မွန်ပြည်နယ် ၊ ချောင်းဆုံမြို့နယ် သံလွင်မြစ်ထဲမှာ နိုင်ငံသားအထောက်ထားမဲ့ ၁၂၈ ယောက်ကို ဒီနေ့ဧပြီ၂ ရက်နေ့မှာ ဖမ်းဆီးရမိခဲ့တယ်လို့သိရပါတယ်။ စက်လှေကို မသင်္ကာလို့ တပ်မတော်ရေကနေ စစ်ဆေးရှာဖွေခဲ့ရာမှ စက်လှေရဲ့ ဝမ်းဗိုက်ထဲမှာလိုက်လာတဲ့ နိုင်ငံသားအထောက်အထားမဲ့သူတွေကို ဖမ်းမိခဲ့တာဖြစ်တယ်လို့ သိရပါတယ်။ ” ဟုတ်ပါတယ် ဒီနေ့တွေ့တာပါ၊ဒီနေ့ မနက်၁ နာရီမှာ ရေတပ်က တွေ့တာပါ ” လို့ မွန်ပြည်နယ်အစိုးရအဖွဲ့အတွင်းရေးမှူးဖြစ်သူက အတည်ပြုပြောပါတယ်။ မြို့နယ်အုပ်ချုပ်ရေအသိုင်းအဝိုင်းနဲ့နီးစပ်တဲ့ချောင်းဆုံ ဒေသခံတဦးကလည်း” ဟုတ်တယ် ကြားတာတော့ မနက်ပိုင်းမှာတွေ့တာလို့သိရတယ်၊သံလွင်မြစ်ထဲမှာ အဲ့ဒီစက်လှေမောင်းလာချိန် မသင်္ကာလို့စစ်တာမှာ ဖမ်းမိတာ၊ရေတပ်ဖွဲ့ကဖမ်းမိတာပါ”လို့ ပြောပါတယ်။ ဖမ်းမိတဲ့ နိုင်ငံသားအထောက်အထားမဲ့သူတွေထဲမှာ အသက်မပြည့်သေးတဲ့ကလေးက ၆ ယောက်၊ အမျိုးသားက ၁၀၂ ယောက်၊ မိန်းကလေးက အယောက် ၂၀ ဖြစ်တယ်လို့သိရပါတယ်။ ဖမ်းဆီးရမိတဲ့ ၁၂၈ ယောက်ဟာ…

ဧပြီ ၂ – ၂၀၂၃ GG(VOM) တနင်္သာရီတိုင်း၊ တနင်္သာရီမြို့ နယ်၊ လယ်တောင်ယာရွာ နဲ့ တမုတ်ချုံးရွာအကြားမှာ မနေ့ ဧပြီ ၁ ရက် ညပိုင်းက ခရီးသည်တင် မြတ်မန္တလာထွန်း Express ကား ပစ်ခတ်ခံရလို့ ခရီးသည် ၂ ယောက်သေဆုံးကာ နောက်ထပ်၄ယောက်လည်း ထိခိုက်ဒဏ်ရာရရှိခဲ့တယ်လို့ သိရပါတယ်။ ” မြိတ်ကိုကျော်လာတဲ့အချိန်က ၅ နာရီကျော်၊ တနင်္သာရီတံတားရောက်တော့ ၇ နာရီခွဲလောက်ပေါ့၊တံတားကျော်ပြီးတော့ လယ်တောင်ယာရွာနားအရောက်မှာ ပစ်တယ်၊တောက်လျှောက်ပစ်တယ်၊နောက်တော့ ကားကထိုးရပ်သွားတယ်။ ၂၀ လောက်မှာ ထပ်ပစ်တယ်။ပြီးတော့အဖွဲ့တွေရောက်လာတယ်။ကားသမားတွေကို မီးဖွင့်ခိုင်းတယ်။လက်နက်လည်းချခိုင်းတယ်၊ ကျနော်တို့က ခရီးသည်တွေပါ၊ ပြည်သူတွေပါလို့ပြောတော့ ကားပေါ်တက်ကြည့်ပြီး ဆေးတွေဘာတွေထိုးပေးသွားတယ်။ ခရီးသည်၂ယောက်ကတော့ သေတယ်။ကားဆရာက ကျောကုန်းပွင့်သွားတယ်”လို့ ကားပေါ်ပါတဲ့ခရီးသည်တဦးကပြောပါတယ်။ ခရီးသည်တင်ကားကို ပစ်ခတ်ပြီးနောက် ပစ်ခတ်ခဲ့တဲ့အဖွဲ့တွေကပဲ ဒဏ်ရာရရှိသူတွေကို ဆေးထိုးတာ၊ဆေးတိုက်တာတွေလုပ်ပေးခဲ့တယ်လို့ ကားပေါ်ပါသူတွေပြောချက်အရ သိရပါတယ်။ ပစ်ခတ်ခံရပြီး သေဆုံးသူတွေကတော့ အသက်…

ဧပြီ ၂ – ၂၀၂၃ GG(VOM) ဧရာဝတီတိုင်း၊ရေကြည်မြို့နယ်၊ ငါးသိုင်းချောင်းမြို့၊ ရှေ့ဆောင်ရပ်ကွက်က ရေတံခွန်သီလရှင်ကျောင်းမှာ ဒီနေ့ဧပြီလ ၂ ရက် မနက်အစောပိုင်းတုန်းက မီးလောင်မှုဖြစ်ပြီး ကျောင်း ၃ ကျောင်း မီးလောင်ပျက်စီးခဲ့တယ်လို့ ငါးသိုင်းချောင်းမီးသတ်တပ်ဖွဲ့က သိရပါတယ်။ ရေတံခွန်သီလရှင်ကျောင်းဝန်းထဲမှာ သီလရှင်တပါးတည်းနေထိုင်တဲ့ ကျောင်းရဲ့ ထင်းမီးဖို မီး​ကြွင်းမီးကျန်ကနေ မီးလောင်ခဲ့တာဖြစ်ပြီး အဲ့ဒီကမှ နောက်ထပ်ကျောင်းနှစ်ကျောင်းကို မီးကူးစက်လောင်ခဲ့တာဖြစ်တယ်လို့ သိရပါတယ်။ ” ကျနော်တို့ဆီ သတင်းရတော့ မနက် ၂ နာရီ၊ မီးထိန်းနိုင်တာက ၂နာရီ၂၈ မိနစ်ပါ။ တပါးတည်းနေတဲ့သီလရှင်ကြီးပါ အသက်အရွယ်လည်းကြီးပါပြီ၊သူက ဆွမ်းထချက်ပြီး ကျန်တဲ့မီးဖိုကနေ လောင်တာပါ။ သူ့ကျောင်းကနေမှ ရှေ့နဲ့နောက်က ကျောင်း၂ ကျောင်းပါမီးလောင်သွားတာပါ ” လို့ ငါးသိုင်းချောင်းမီးသတ်ဌာန တာဝန်ရှိသူကပြောပါတယ်။ မီးလောင်ပျက်စီးခဲ့တဲ့ သီလရှင်ကျောင်းတွေက ပျဥ်ထောင် သွပ်မိုး ၂ ထပ်ကျောင်းဆောင်တွေဖြစ်ပြီး မီးလောင်မှုဖြစ်စဥ်မှာ လူထိခိုက်မှုတော့မရှိဘူးလို့သိရပါတယ်။…