Month: May 2023

မေ ၁၂ – ၂၀၂၃ SN (VOM) ရခိုင်ပြည်နယ်၊ စစ်တွေမြို့၊ ပွိုင့်ကမ်းခြေရှိ သဲသောင်ပြင်မှာ ချိုင့်ခွက်တွေ ဖြစ်ပေါ်နေတယ်လို့ ဒေသခံတွေဆီက သိရပါတယ်။ မေလ ၁၁ ရက်နေ့၊ မနေ့ကစပြီးတော့ စစ်တွေမြို့ ပွိုင့်ကမ်းခြေက သဲသောင်ပြင်မှာ ချိုင့်ခွက်တွေ ဖြစ်ပေါ်နေတာဖြစ်ပြီး စစ်တွေကမ်းခြေနဲ့ စစ်တွေဟိုတယ်တွေ အကြားက သဲသောင်ပြင်တွေ နှစ်လက်မခန့် နိမ့်ဆင်းလာတယ်လို့ သိရပါတယ်။ “ရေတွေဆုတ်သွားလို့ ချိုင့်ခွက်တွေ ပေါ်လာတာလို့ ပြောနေကြတယ်။ အင်အားပြင်းမုန်တိုင်း မလာခင်ဖြစ်တတ်တဲ့ လက္ခဏာတွေလို့လည်း‌ ပြောကြတယ်။ အရင် နာဂစ်မလာခင်တုန်းကလည်း ဒီလိုတစ်ခါဖြစ်ဖူးတယ်။ အဲ့ဒီတုန်းကလည်း အခုလို ပုံမှန်မဟုတ်တဲ့ လဏ္ခာတွေ ပြတယ်။ ဒါပေမယ့် အဲ့ဒီတုန်းကတော့ ဘယ်သူမှ သတိမထားမိကြ၊ အတွေ့အကြုံလည်း မရှိကြသေးဘူးလေ” လို့ ဒေသခံတစ်ဦးက ပြောပါတယ်။ ကမ်းခြေမှာ ရေပြင်နောက်ဆုတ်ပြီး သဲတွေပေါ်လာတာကို Storm Surge…

မေ ၁၂-၂၀၂၃ Voice Of Myanmar(VOM) မန္တလေးမြို့၊ ပြည်ကြီးတံခွန်မြို့နယ်၊တံခွန်တိုင်ရပ်ကွက်၊ နံ့သာရပ်မှာ ဒီကနေ့ နေ့လယ် ၁နာရီကျော်အချိန်က ၃လောင်းပြိုင် လူသတ်မှုဖြစ်ပွားခဲ့တယ်လို့ ရဲနဲ့နီးစပ်သူတွေဆီက သိရပါတယ်။ ” အခင်းဖြစ်နေရာမှာ သေတာက တစ်ယောက် ၊ ဆေးရုံရောက်မှ သေတာက ၂ယောက်ပါ၊ သေတဲ့သူတွေက အခင်းဖြစ်တဲ့ လိုင်းခန်းမှာ အိမ်ငှားနေသူတွေပါ၊ ဘာကြောင့်ဖြစ်လဲဆိုတာတော့ စုံစမ်းနေဆဲပါ၊ တရားခံလည်း မိပါပြီ”လို့ ရဲနဲ့နီးစပ်သူတစ်ဦးကပြောပါတယ်။ သေဆုံးသွားသူတွေဟာ နံ့သာရပ်ကွက်ထဲက နေအိမ် လိုင်းခန်းမှာ ငှားရမ်းနေထိုင်သူတွေဖြစ်ပြီး အသက် (၃၈)နှစ်အရွယ် အမျိုးသမီးတစ်ဦးနဲ့ အမျိုးသားတစ်ဦးကတော့ အခင်းဖြစ်နေရာမှာ သေဆုံးခဲ့ပြီး အသက် (၄၂)နှစ်အရွယ် အမျိုးသားကတော့ ဆေးရုံမှာသေဆုံးသွားတာဖြစ်တယ်လို့ သိရပါတယ်။ လူသတ်မှုဖြစ်ပွားအပြီး ရဲတပ်ဖွဲ့က ကျူးလွန်သွားသူကို လိုက်လံဖမ်းဆီးခဲ့ရာ ချမ်းမြသာစည်မြို့နယ်၊တမ္ပဝတီရပ်ကွက်က ဆေးခန်းတစ်ခုမှာ ဆေးကုနေရင်း သက်သေခံ ဓားနဲ့အတူ ဖမ်းဆီးရမိခဲ့ပြီး အမှုဖွင့်ဖို့ ဆက်လက်လုပ်ဆောင်နေတယ်လို့လည်း…

မေ၊၁၂-၂၀၂၃ MM(VOM) ဘင်္ဂလားပင်လယ်အော်မှာ ဖြစ်ပေါ်နေတဲ့ အားကာင်းတဲ့ဆိုင်ကလုန်းမုန်တိုင်းကို ရှောင်တိမ်းဖို့အတွက်ဆိုကာ ဧရာဝတီတိုင်းအတွင်း ပြေးဆွဲနေတဲ့ ရေယာဉ်တွေအားလုံးကို ပြေးဆွဲမှုရပ်နားထားကြတယ်လို့ သိရပါတယ်။ ဧရာဝတီတိုင်း ပုသိမ်မြို့ကိုအခြေပြုကာ ပင်လယ်ပြင်ကနေ ကမ်းနီးကမ်းဝေး ပြေးဆွဲနေတဲ့ ရေယာဉ်တွေအားလုံးအနေနဲ့ မေလ ၁၀ ရက်ကနေ ၁၅ ရက်အထိယာယီရပ်နားထားဖို့ သက်ဆိုင်ရာက ရေယာဉ်တွေကို အကြောင်းကြားထားတယ်လို့ သိရပါတယ်။ ”ဟုတ်ပါတယ်၊ သက်ဆိုင်ရာက အကြောင်းကြားထားတာပါ၊ ဧရာဝတီတိုင်းက မုန်တိုင်းသက်ရောက်မှုရှိနိုင်တဲ့ နေရာဒေသတွေကရေယာဉ်တွေကို အကုန်ရပ်နားထားတာပါ၊ ပင်လယ်ခရီးထွက်သွားလာခွင့် ပိတ်ပင်ထားတဲ့အပြင် ရေယာဉ်တွေကို ကူညီကယ်ဆယ်လုပ်ငန်းတွေမှာ ဆောင်ရွက်နိုင်ဖို့ပါ အသင့်စီစဉ်ထားခိုင်းတယ်၊ရေယာဉ်တွေကို လုံခြုံတဲ့ ချောင်းတွေ မြောင်းတွေထဲထည့်ပြီး ထားရမယ်လို့အကြောင်းကြားထားတယ်၊လတ်တလောအနေနဲ့တော့ ၁၅ ရက်အထိ ရပ်ထားရမယ်တဲ့”လို့ဧရာဝတီတိုင်း ရေယာဉ်များ စနစ်တကျပြေးဆွဲရေး ကော်မတီ တာဝန်ရှိတစ်ဦးက ပြောပါတယ်။ ရေယာဉ်တွေအနေနဲ့ သတ်မှတ်ထားတဲ့ကာလအတွင်းမှာ စည်းကမ်းလိုက်နာမှုမရှိဘဲ ပင်လယ်ပြင်ကို ခရီးထွက်ပြေး ဆွဲသွားလာမယ်ဆိုရင် ရေယာဉ်စည်း ကမ်းထိန်းသိမ်းရေး ဥပဒေအရ…

မေ ၁၂ – ၂၀၂၃ SN (VOM) ရန်ကုန်မြို့တွင်း ပြေးဆွဲနေတဲ့ YBSယာဉ်တွေကို လျှပ်စစ်ကား (EV Bus)တွေနဲ့ ပြောင်းလဲပြေးဆွဲနိုင်ဖို့ အခု မေလထဲ ကနဦးစီမံချက် (Pilot Project) အနေနဲ့ လုပ်ဆောင်သွားမှာဖြစ်တယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC)ကနေ သိရပါတယ်။ မော်ဒယ်လ်နိမ့် EV Bus တွေ အစားထိုးပြေးဆွဲဖို့အတွက် Pilot Project အနေနဲ့ ဆောင်ရွက်သွားမှာဖြစ်ပြီး လိုင်းစနစ်တကျနဲ့ ပြေးဆွဲနိုင်ဖို့ မကြာခင်မှာ စစ်တမ်း (Survey) ကောက်ယူသွားဖို့လည်း ရှိတယ်လို့ သိရပါတယ်။ “ဒါနဲ့ပတ်သက်လို့ Pilot Project တွေလုပ်မယ်။ Survey တွေလုပ်မယ်။ စနစ်တကျ Survey တွေလုပ်ပြီးမှ တဆင့်ချင်း သွားဖို့ရှိတယ်။ အဓိကကတော့ စက်သုံးဆီသုံးစွဲမှုတွေ လျှော့ချနိုင်ဖို့ရယ်၊ ကာဗွန်ဒိုင်အောက်ဆိုက်ကြောင့် လေထုညစ်ညမ်းမှု မရှိအောင် ဆောင်ရွက်ဖို့ရယ်၊…

မေ ၊ ၁၁ ၊ ၂၀၂၃ SP (VOM) မကွေးတိုင်း ၊ ဂန့်ဂေါခရိုင် ၊ ထီးလင်းမြို့ပေါ်မှာရှိတဲ့ ဌာနဆိုင်ရာ ရုံးအဆောက်ဦးတချို့ ဒီကနေ့မနက်ပိုင်းက. မီးရှို့ခံရတယ်လို့ ထီးလင်းမြို့ခံတွေဆီက သိရပါတယ်။ ” ဒီမနက် ၅ နာရီဝန်းကျင်က ပစ်ခတ်တိုက်ခိုက်တာတွေဖြစ်တယ် ၊ အဲ့ဒါပြီးတော့ မြို့နယ် ပညာရေးမှူးရုံး ၊ မြို့နယ်သမဝါယမ ရုံး ၊ မြို့နယ်စီမံကိန်းရုံး ၊ မြို့နယ်ဥပေဒေရုံးနဲ့ မြို့နယ်စည်ပင်သာယာရုံး အပါအဝင် ဌာနဆိုင်ရာ ရုံး ၅ ခုရဲ့ အဆောက်ဦးတွေ မီးရှို့ဖျက်စီးခံရတယ် ” လို့ ထီးလင်းမြို့ခံ တယောက်က ပြောပါတယ်။ ဒါ့အပြင် အဲ့ဒီ ဖြစ်စဥ်နဲ့ ပတ်သက်ပြီး ဂန့်ဂေါခရိုင် လုံခြုံရေး အဖွဲ့နဲ့ နီးစပ်သူတစ်ယောက်က ” ဒီမနက် ၅ နာရီမှာ ထီးလင်းမြို့နယ်…