Month: May 2023

မေ၊ ၂၅-၂၀၂၃ MM(VOM) (မိုခါ)ဆိုင်ကလုန်း မုန်တိုင်းဒဏ်ကြောင့် ရခိုင်ပြည်နယ် အပါအဝင် တနိုင်ငံလုံးမှာ တရိစ္ဆာန်အကောင်ရေ ငါးသိန်းကျော်အထိ သေဆုံးခဲ့တယ်လို့ သက်ဆိုင်ရာကနေ သိရပါတယ်။ ဘင်္ဂလားပင်လယ်အော်မှာ စတင်ဖြစ်ပွားကာ မေလ ၁၄ ရက်က ရခိုင်ပြည်နယ်ကို ဖြတ်သန်းဝင်ရောက်တိုက်ခတ်ခဲ့တဲ့ (မိုခါ)ဆိုင်ကလုန်းမုန်တိုင်းဒဏ်ကြောင့် ရခိုင်ပြည်နယ် အပါအဝင် တိုင်းနဲ့ ပြည်နယ်တွေမှာ တိရိစ္ဆာန် အကောင်ရေ ၅၃၁၉၁၃ ကောင် သေဆုံးခဲ့ရတယ်လို့ သက်ဆိုင်ရာက စာရင်းအချက်အလတ်တွေအရ သိရပါတယ်။ သေဆုံးခဲ့တဲ့ တရိစ္ဆာန်တွေထဲမှာ တောင်သူ လယ်သမားတွေ အဓိကအသုံးပြု လုပ်ကိုင်နေရတဲ့ ခိုင်းနွားတွေနဲ့ ခိုင်းကျွဲတွေ ပါဝင်တာကြောင့် လယ်သမားတွေအခက်အခဲ ဖြစ်ပေါ်နေတယ်လို့ သိရပါတယ်။ ”ကြက် အကောင် ၁၀၀ သေတာ ဆုံးရှုံးတာ မှန်ပေမယ့် မခံစားရဘူး ၊ ကျွဲ ၅ ကောင် သေသွား ဘဝပျက်တာပဲ၊ ကျွဲ ၁…

မေ ၂၅ – ၂၀၂၃ GG (VOM) မိုခါမုန်တိုင်းကြောင့် မကွေးတိုင်း၊ရခိုင်ပြည်နယ် အပါအဝင် တိုင်းနဲ့ ပြည်နယ် ၅ ခုမှာ စိုက်ခင်းသီးနှံ ဧကပေါင်း ၆၀၀၀၀ ကျော် ပျက်စီးဆုံးရှုံးခဲ့လို့ တောင်သူတွေဆုံးရှုံးမှုများပြီး ဒုက္ခရောက်နေကြတယ်လို့သိရပါတယ်။ စိုက်ခင်းသီးနှံ ဧကတွေ ပျက်စီးခဲ့တာက ရခိုင်ပြည်နယ်၊မကွေးတိုင်း၊ ဧရာဝတီတိုင်း ၊စစ်ကိုင်းတိုင်းနဲ့မန္တလေးတိုင်းတွေမှာဖြစ်ပါတယ်။ အဆိုပါ စိုက်ခင်းပျက်စီးမှုတွေထဲမှာ မကွေးတိုင်းထဲက ပျက်စီးဆုံးရှုံမှုးအများဆုံးဖြစ်ပြီး ရခိုင်ပြည်နယ် ကဒုတိယပျက်စီးမှုအများဆုံးဖြစ်တယ်လို့သိရပါတယ်။ ” ရစရာကိုမရှိပါဘူး။မုန်တိုင်းထွက်တော့လည်း နုန်းတွေကျန်ခဲ့တယ်၊ဆင်ဖြူကျွန်း စိမ်းစိမ်းစိုစိုစျုက်ခင်းတွေကနေ နွံတွေဖုံးပြီး မြေပြင်ကြီးကျန်ခဲ့တယ်။နှမ်းခင်းတွေ ပဲခင်းတွေ အကုန်ပျက်ပါတယ်ဗျာ။ခရမ်းခင်း၊ရုံပတီခင်း ပြောင်သွားတယ်။ဆောင်းတုန်းက ရတာလေး နွေပဲခင်း နှမ်းခင်း အကုန်ပြန်ထည့်ထားရတာ အကုန်ပျက်စီးတော့ ဆုံးရှုံးမှုကအရမ်းကြီးတယ်။ပဲတွေ ကောက်ရခါနီးမှဖြစ်သွားတာ ရစရာကိုမရှိတော့ဘူး အကုန် ကုန်ပါပြီ ” လို့ ရေနစ်မြုပ်ခံခဲ့ရတဲ့ ဆင်ဖြူကျွန်းမြို့နယ်က တောင်သူတစ်ဦးကပြောပါတယ်။ မကွေးတိုင်းမှာ မိုခါမုန်တိုင်းအရှိန်ကြောင့် ရေနစ်မြုပ်ခဲ့လို့ နွေစပါးစိုက်ခင်း…

မေ ၂၅ – ၂၀၂၃ SN (VOM) တိုက်ကြီးမြို့က အလှမွေးငါးအများအပြား သေဆုံးခဲ့တဲ့ ရေကန်က ငါးနမူနာကို မြို့နယ်အစီအစဉ်နဲ့ ငါးလုပ်ငန်းဦးစီးဌာန၊ ရောဂါရှာဖွေရေးဌာနစုကို ပေးပို့ စစ်ဆေးခဲ့ရာမှာ ရောဂါ/အဆိပ်ကြောင့် မဟုတ်ဘဲ ရေထုညစ်ညမ်းခြင်းကြောင့် ငါးတွေသေဆုံးခဲ့တာဖြစ်ကြောင်း အဖြေရရှိခဲ့တယ်လို့ သိရပါတယ်။ မေလ ၂၂ ရက်နေ့က ရန်ကုန်တိုင်း၊ တိုက်ကြီးမြို့နယ်အတွင်းရှိ နိဗ္ဗာန်ချမ်းသာမင်္ဂလာကန်မှာ အဆိပ်ခတ်ခံရတာကြောင့် သေဆုံးခဲ့တယ်ဆိုတဲ့ ငါးတွေရဲ့ ငါးနမူနာနဲ့ ရေနမူနာ အရည်အသွေးကို သက်ဆိုင်ရာဌာနတွေဆီ ပေးပို့ပြီး စစ်ဆေးမှုပြုလုပ်ခဲ့တာဖြစ်ပါတယ်။ ရေနမူနာ အရည်အသွေးကိုတော့ ရေအရည်အသွေးစစ်ဆေးရေးနှင့် ရေချိုသုတေသနဌာနစုကို ပေးပို့ စစ်ဆေးခဲ့တာဖြစ်ပြီး ရေထဲမှာ အောက်ဆီဂျင်ပျော်ဝင်မှုနှုန်း ကျဆင်းပေမယ့် ငါးတွေ သေဆုံးနိုင်တဲ့အထိ အခြေအနေမျိုး မဟုတ်ဘူးလို့ သိရပေမယ့် ငါးနမူနာကို စစ်ဆေးရာမှာတော့ ရေထုညစ်ညမ်းခြင်းကြောင့် ငါးတွေသေဆုံးခဲ့တာဖြစ်တယ်လို့ အဖြေရရှိခဲ့ပါတယ်။ “အဓိက က ရေထုကြမ်းပြင်က အပင်နဲ့…

မေ ၂၄ – ၂၀၂၃ SN (VOM) ဖမ်းဆီးထိန်းသိမ်းခံထားရတဲ့ စာရေးဆရာ ဝေဟင်အောင်အပါအဝင် ငါးဦး ပြန်လည်လွတ်မြောက်လာပြီဖြစ်တယ်လို့ မိသားစုနဲ့ နီးစပ်သူတွေက ပြောပါတယ်။ ဒီနေ့ မေ ၂၄ ရက်၊ မနက် ၇ နာရီဝန်းကျင်မှာ စာရေးဆရာ ဝေဟင်အောင်ရဲ့သမီးနဲ့ သူ့တပည့်တို့ အရင် လွတ်မြောက်လာတာဖြစ်ပြီး မနက် ၁၁ နာရီဝန်းကျင်မှာတော့ စာရေးဆရာ ဝေဟင်အောင်နဲ့ ရန်ကုန်က ပရဟိတသမားနှစ်ယောက် ပြန်လွတ်လာတာဖြစ်တယ်လို့ သိရပါတယ်။ “သူတို့ကိုဖမ်းတာက မုန်တိုင်းသင့် ပြည်သူတွေကို ကူညီနေလို့ ဖမ်းတာမျိုးမဟုတ်ဘူး။ ရန်ကုန်ကလာတဲ့ ပရဟိတကားမှာ သံသယဖြစ်စရာရှိတယ်ဆိုပြီး ဖမ်းတာ။ အခုတော့ အားလုံး ပြန်လွတ်လာပါပြီ” လို့ မိသားစုနဲ့ နီးစပ်သူတစ်ဦးက ပြောပါတယ်။ သူတို့ဟာ မနေ့ မေ ၂၃ ရက်က ပုဏ္ဏားကျွန်းမြို့နယ်ကို ကူညီထောက်ပံ့ရေးပစ္စည်းတွေ ပေးအပ်ဖို့အတွက်အသွား စစ်တွေမြို့နယ်၊…