Day: June 21, 2023

တေဂူစီဂယ်လ်ပါ ၊ ဇွန်-၂၁-၂၀၂၃ မျိုးဆက်(VOM) ဟွန်ဒူးရပ်စ်ရှိ အမျိုးသမီးအကျဉ်းထောင်တခုမှာ ဇွန် ၂၀ ရက်ကဖြစ်ပွားခဲ့တဲ့ အဓိကရုဏ်းကြောင့် လူ ၄၀ ဦးထက်မနည်းသေဆုံးခဲ့ကြောင်း တာ၀န်ရှိသူတွေက ပြောပါတယ်။ အကျဉ်းထောင်အတွင်းရှိ ပြိုင်ဘက်ဂိုဏ်းတွေအကြား ရန်ပွဲဖြစ်ပွားပြီးနောက် ဂိုဏ်းတခုက အချုပ်ခန်းကို မီးရှို့ခဲ့ခြင်းဖြစ်ပြီး မီးလောင်မှုကြောင့် အများစုသေဆုံးခဲ့ပေမယ့် အချို့ကတော့ ပစ်ခတ်ခံရလို့ သေဆုံးခဲ့တာဖြစ်ပါတယ်။ အကျဉ်းထောင်ဆူပူမှုနဲ့ပတ်သက်ပြီး အရေးပေါ်အခြေအနေကြေညာထားပါတယ်။ ဒီလိုအကြမ်းဖက်လုပ်ရပ်ကို နှိမ်နှင်းသွားမှာဖြစ်ကြောင်း ဟွန်ဒူးရပ်စ်ဒုတိယပြည်ထဲရေး၀န်ကြီး ဂျူလီဆာဗီလန်နူဗာကပြောပါတယ်။ အဓိကရုဏ်းဟာ ဟွန်ဒူးရပ်စ်မြို့တော် တေဂူစီရဂယ်လ်ပါကနေ ကီလိုမီတာ ၂၀ ၀န်းကျင်အကွာရှိ အကျဉ်းသား ၉၀၀ ၀န်းကျင်ရှိတဲ့ အကျဉ်းထောင်မှာ ဖြစ်ပွားခဲ့တာဖြစ်ပြီး သေဆုံးသူအားလုံးဟာ အကျဉ်းသားတွေဟုတ်မဟုတ် ရှင်းလင်းစွာမသိရသေးပါဘူး။ လက်ရှိမှာတော့ ဒဏ်ရာရရှိတဲ့အကျဉ်းသားတွေကို ဆေးရုံပို့ဆောင်ပို့ထားပါတယ်။ ၂၀၁၉ ခုနှစ်ကလည်း နိုင်ငံမြောက်ပိုင်းရှိ အကျဉ်းထောင်တစ်ခုမှာ ဆူပူမှုကြောင့် လူ ၁၈ ဦးထက်မနည်းသေဆုံးခဲ့ပါတယ်။ Ref: BBC Photo:AFP…

ဝါရှင်တန်၊ ဇွန်-၂၁-၂၀၂၃ မျိုးဆက်(VOM) တိုက်တန်းနစ်သင်္ဘောပျက်ကို သွားရောက်လေ့လာရင် ပျောက်ဆုံးသွားတဲ့ ရေငုပ်သင်္ဘောကို ရှာဖွေနေတဲ့ဧရိယာကမှာ ရေအောက်ကနေ ဆူညံသံတွေကို ကနေဒါလေယာဉ်တစီးက ထောက်လှမ်းမိခဲ့ကြောင်း အမေရိကန်ကမ်းခြေစောင့်တပ်က ပြောပါတယ်။ လူငါးဦးလိုက်ပါသွားတဲ့ ရေငုပ်သင်္ဘောငယ်ဟာ တိုက်တန်းနစ်သင်္ဘောပျက်ကို လေ့လာနိုင်ဖို့ မီတာ ၃၈၀၀ အနက်ကို ဆင်းသက်ခုတ်မောင်းရင်း ဇွန် ၁၈ ရက်မှာ အဆက်အသွယ်ပြတ်တောက်ခဲ့တာဖြစ်ပါတယ်။ အဲဒီရေငုပ်သင်္ဘောပေါ်ကလူတွေအတွက် အောက်ဆီဂျင်ဟာ နာရီ ၃၀ စာသာကျန်ရှိတော့ပြီး ဇွန် ၂၂ ရက် ဒေသစံတော်ချိန် မနက် ၁၁ နာရီလောက်မှာ ကုန်ဆုံးသွားဖွယ်ရှိနေကြောင်း တာ၀န်ရှိသူတွေက ပြောပါတယ်။ သင်္ဘောပေါ်မှာ ဗြိတိန်-ပါကစ္စတန် စီးပွားရေးလုပ်ငန်းရှင် ရှာဇာဒါဒေဝုဒ်နဲ့ သားဖြစ်သူဆူလီမန်အပြင် ဗြိတိန် စူးစမ်းရှာဖွေသူ ဟာမစ်ရ်ှဟာ့ဒင်းတို့လည်း လိုက်ပါသွားကြတာဖြစ်ပါတယ်။ ရေငုပ်သင်္ဘောဟာ နယူးဖောင်လန်မြို့တော် စိန့်ဂျွန်ရဲ့အရှေ့ဘက် မိုင် ၉၀၀ နဲ့ တောင်ဘက် မိုင် ၄၀၀ အကြားမှာရှိမယ်လို့…

ဘန်ကောက်၊ ဇွန်-၂၁-၂၀၂၃ မျိုးဆက်(VOM) ထိုင်းရွေးကောက်ပွဲကော်မရှင်ဟာ လွန်ခဲ့တဲ့လကကျင်းပခဲ့တဲ့ရွေးကောက်ပွဲရလဒ်တွေကို တရား၀င်အတည်ပြုကြောင်း ထုတ်ပြန်ကြေညာလိုက်ပါတယ်။ ပထမအကြိမ်လွှတ်တော်အစည်းအဝေးတွေကို လာမယ့်လအစောပိုင်းမှာ ခေါ်ယူကျင်းပဖွယ်ရှိပေမယ့် အစိုးရသစ် ဘယ်လိုဖွဲ့စည်းမယ်ဆိုတာကတော့ မသေချာမရေရာသေးပါဘူး။ ထိုင်းအောက်လွှတ်တော်အမတ်နေရာ ၅၀၀ အတွက်ရလဒ်များကိုလည်း ရွေးကောက်ပွဲကော်မရှင်က အတည်ပြုထားပြီး ပီတာလင်ဂျာရိုရက်ဦးဆောင်းတဲ့ ရှေ့သို့ချီပါတီဟာ အမတ်နေရာ ၁၅၁ နေရာနဲ့ အများဆုံးအနိုင်ရရှိထားပါတယ်။ သူ့ကို၀န်ကြီးချုပ်တင်မြှောက်ဖို့ရည်ရွယ်ချက်နဲ့ညွှန့်ပေါင်းအစိုးရဖွဲ့စည်းရေးအတွက် အခြားအတိုက်အခံပါတီခုနှစ်ပါတီနဲ့ မဟာမိတ်ဖွဲ့ထားပြီး ဆွေးနွေးမှုတွေလုပ်ဆောင်နေကြပါတယ်။ ညွှန့်ပေါင်းအဖွဲ့ဟာ အောက်လွှတ်တော်မှာနေရာ ၃၀၀ ကျော်ရရှိထားပါတယ်။ ဒါပေမယ့် ၂၀၁၄ ခုနှစ်အာဏာသိမ်းပြီးနောက် စစ်တပ်ကရွေးချယ်ထားတဲ့ အထက်လွှတ်တော်အမတ်တွေဆီက ထောက်ခံမဲ ၆၀ လောက်လိုအပ်နေပါတယ်။ ပီတာလင်ဂျာရိုရက်ဟာ ဖွဲ့စည်းပုံအခြေခံဥပေဒအရာ တားမြစ်ထားတဲ့ကန့်သတ်ချက်ဖြစ်တဲ့ မီဒီယာကုမ္ပဏီတခုမှာ ရင်းနှီးမြုပ်နှံ့မှုတွေရှိနေတာကြောင့် ကန့်ကွက်မှုအချို့နဲ့ရင်ဆိုင်နေရပြီး ဒါတွေဟာ ဖခင်ဖြစ်သူရဲ့ပိုင်ဆိုင်မှုတွေကို အမွေဆက်ခံရရှိတာဖြစ်ကြောင်း ပီတာကပြောဆိုထားပြီး ညွှန့်ပေါင်းအစိုးရဖွဲ့စည်းနိုင်ရေးမှာ အကျပ်အတည်းတွေနဲ့ ရင်ဆိုင်ရဖွယ်ရှိနေပါတယ်။ Ref: NHK Photo:AP #VOM #voiceofmyanmar #ဘန်ကောက်