Month: July 2023

ဂျိုဟန်နက်စဘတ် ၊ ဇူလိုင်-၆-၂၀၂၃ မျိုးဆက်(VOM) တောင်အာဖရိကနိုင်ငံမှာ နိုက်ထရစ်အောက်ဆိုဒ် ဓါတ်ငွေ့ယိုစိမ့်မှုတခု ဇူလိုင် ၅ ရက်ကဖြစ်ပွားခဲ့တာကြောင့် လူ ၁၆ ယောက်သေဆုံးသွားကြောင်း တာ၀န်ရှိသူတွေက ပြောပါတယ်။ အမျိုးသမီးနဲ့ ကလေးငယ်တွေအပါအ၀င် လူများစွာသေဆုံးစေခဲ့တဲ့ ဓါတ်ငွေ့ယိုစိမ့်မှုဟာ ဂျိုဟန်နက်စဘတ်အရှေ့ဘက် ဘော့ခ်စဘတ်ရှိ ကျုးကျော်ရပ်ကွက်မှာ ဖြစ်ပွားခဲ့ခြင်းဖြစ်ပါတယ်။ အဲဒီဓါတ်ငွေ့ယိုစိမ့်မှုဟာ ဒေသတွင်းမှာရှိနေတဲ့ တရားမ၀င်ရွှေတူးဖော်မှုနဲ့ ဆက်စပ်နေပြီး နိုက်ထရစ်အောက်ဆိုဒ်ဓါတ်ငွေ့ကို စွန့်ပစ်ရွှေတွင်းဟောင်းတွေကနေ ရွှေထုတ်ယူဖို့ တရားမ၀င်တူးဖော်သူတွေက အသုံးပြုလေ့ရှိပါတယ်။ ဓါတ်ငွေ့ယိုစိမ့်ရာနေရာကနေ မီတာ ၁၀၀ အကွာမှာ အဆိပ်သင့်ပြီး လူများသေဆုံးနေတာကို တွေ့ရှိခဲ့ရခြင်းဖြစ်ပြီး ဆေးရုံတင်ရသူ မရှိသေးကြောင်း တောင်အာဖရိက အရေးပေါ်၀န်ဆောင်မှုဌာနက ပြောပါတယ်။ ဒါပေမယ့် ရှာဖွေရေးနဲ့ ကယ်ဆယ်ရေးလုပ်ငန်းတွေကို ဆက်လက်လုပ်ဆောင်နေပြီး သေဆုံးသူတွေကို ထပ်မံတွေ့ရှိလာနိုင်ကြောင်း တာ၀န်ရှိသူတွေက ထုတ်ဖော်ပြောဆိုထားပါတယ်။ Ref: BBC #voiceofmyanmar #VOM #ဂျိုဟန်နက်စဘတ်

ဆိုးလ်၊ ဇူလိုင်-၆-၂၀၂၃ မျိုးဆက်(VOM) ဂျပန်နိုင်ငံ ဖူကူရှီးမားနျူကလီးယားစက်ရုံပျက်ရဲ့ ရေဒီယိုသတ္တိကြွရေဆိုးတွေကို သန့်စင်ပြီး ပင်လယ်ထဲစွန့်ထုတ်မယ့် အစီအစဉ်ကို တောင်ကိုရီးယားပြည်သူတွေက ဆန္ဒပြကန့်ကွက်နေကြပါတယ်။ ရေဆိုးတွေစွန့်ထုတ်မယ့် ဂျပန်နိုင်ငံရဲ့ အစီအစဉ်ဟာ သဘာ၀ပတ်၀န်းကျင်ဆိုင်ရာ နိုင်ငံတကာ စံနှုန်းတွေနဲ့ ကိုက်ညီကြောင်း နိုင်ငံတကာအဏုမြူစွမ်းအင်အေဂျင်စီက အတည်ပြုခဲ့တဲ့ဆုံးဖြတ်ချက်ကို အသိအမှတ်ပြုလက်ခံကြောင်း တောင်ကိုရီးယားအစိုးရက ဇူလိုင် ၅ ရက်မှာ ပြောပါတယ်။ ဒီလိုစွန့်ထုတ်မယ့်အစီအစဉ်ကို နိုင်ငံတကာအဏုမြူစွမ်းအင်အေဂျင်စီက နှစ်နှစ်ကြာ သုံးသပ်မှုတွေ ပြုလုပ်ခဲ့ပြီးပြီးနောက် အစီအစဉ်ကို ခွင့်ပြုခဲ့တာဖြစ်ပြီး ဓါတ်ရောင်ခြည်သင့်မှု အလွန်နည်းပြီး သဘာ၀ပတ်၀န်းကျင်ကို သက်ရောက်မှုမရှိဘူးလို့ ပြောပါတယ်။ ဒါပေမယ့် ဂျပန်နိုင်ငံရဲ့အစီအစဉ်ကို တောင်ကိုရီးယားပြည်သူတွေက ကန့်ကွက်နေကြပြီး အတိုက်အခံနိုင်ငံရေးသမား လီဂျောင်မီဟာ ဆိုးလ်မြို့ရှိ ဂျပန်သံရုံးပြင်ပမှ ဒီအစီအစဉ်ကို ကန့်ကွက်တဲ့အနေနဲ့ အစာအငတ်ခံဆန္ဒပြနေတာ ၁၀ ရက်ကျော်ရှိလာပြီဖြစ်ပါတယ်။ နိုင်ငံတကာအဏုမြူစွမ်းအင်အေဂျင်စီရဲ့ ပြန်လည်သုံးသပ်မှုအစီရင်ခံစာဟာ စွန့်ထုတ်မယ့်ရေဆိုးတွေနဲ့ပတ်သက်ပြီး ဘေးကင်းကြောင်း သိပ္ပံနည်းကျ အထောက်အထားတွေ မတင်ပြနိုင်တာကြောင်း မယုံကြည်နိုင်ကြောင်း သူက…

တိုကျို၊ ဇူလိုင်-၅-၂၀၂၃ မျိုးဆက်(VOM) ဂျပန်နိုင်ငံမှာ ဆူနာမီကြောင့် ပျက်စီးသွားတဲ့ ဖူကူရှီးမာနျူကလီးယား ဓါတ်အားပေးစက်ရုံက ရေဆိုးတွေကို ပင်လယ်ထဲ စွန့်ထုတ်မယ့် ဂျပန်နိုင်ငံရဲ့အစီအစဉ်ဟာ နိုင်ငံတကာစံချိန်စံညွှန်းတွေနဲ့ ကိုက်ညီတာကြောင့် စွန့်ထုတ်ခွင့်ပြုကြောင်း နိုင်ငံတကာအဏုမြူစွမ်းအင်အေဂျင်စီ (အိုင်အေအီးအေ)က ပြောပါတယ်။ နျူကလီးယားဓါတ်အားပေးစက်ရုံမှ သန့်စင်ထားတဲ့ ရေတွေကို ပင်လယ်ထဲစွန့်ထုတ်ဖို့ ဂျပန်နိုင်ငံရဲ့အစီအမံတွေဟာ သဘာ၀ပတ်၀န်းကျင်ကို ထိခိုက်မှုနည်းပါးလိမ့်မယ်လို့ အိုင်အေအီးအေက ပြောပါတယ်။ ဂျပန်နိုင်ငံရဲ့ အဲဒီအစီအစဉ်ကို တရုတ်နဲ့ တောင်ကိုရီးယားတို့က ကန့်ကွက်ထားပါတယ်။ ရေဆိုးတွေစွန့်ထုတ်ဖို့ စီစဉ်ထားတဲ့ နေ့ရက်အချိန်အသေးစိတ်ကိုတော့ ဂျပန်နိုင်ငံက ထုတ်ပြန်ခြင်းမရှိသေးပါဘူး။ ၂၀၁၁ ခုနှစ်မှာ လှုပ်ခတ်ခဲ့တဲ့ ပြင်အား ၉ ဒသမ သုည အဆင့်ရှိ အင်အားပြင်းမြေငလျင်ကြောင့် ဖူကူရှီးမားနျူကလီးယား ဓါတ်အားပေးစက်ရုံရဲ့ ဓါတ်ပေါင်းဖိုသုံးလုံး ရေလွှမ်းမိုးပျက်စီးခဲ့ပြီး ယူကရ်ိန်းနိုင်ငံ ချာနိုဘိုင်းနျူကလီးယားဓါတ်အားပေးစက်ရုံ မတော်တဆမှုနောက်ပိုင်း ကမ္ဘာ့အဆိုးရွားဆုံးသော နျူကလီးယား မတော်တဆမှုဖြစ်ပါတယ်။ ဒီဖြစ်စဉ်ကြောင့် လူပေါင်း တသိန်းငါးသောင်းကျော်ကို ဘေးလွတ်ရာသို့…