Month: July 2023

ပါရီ၊ ဇူလိုင်-၁-၂၀၂၃ မျိုးဆက်(VOM) ပြင်သစ်နိုင်ငံမှာ ၁၇ နှစ်အရွယ် ဆယ်ကျော်သက်တဦး ရဲတပ်ဖွဲ့၀င်တယောက်ရဲ့ ပစ်ခတ်မှုကြောင့် သေဆုံးသွားတဲ့အပေါ် လေးရက်မြောက်ညအဖြစ် ဆန္ဒပြမှုတွေအတွင်း လူ တစ်ထောင်ကျော် ဖမ်းဆီးထိန်းသိမ်းခံခဲ့ရပါတယ်။ မာဆေး၊ လိုင်ယွန်၊ ဂရီနိုဘယ်နဲ့ ပဲရစ်မြို့တို့မှာ ဒီကိစ္စနဲ့ပတ်သက်ပြီး ဆန္ဒပြမှုတွေ အကြီးအကျယ် ဖြစ်ပွားနေတာဖြစ်ပြီး အခြေအနေကို ထိန်းသိမ်းဖို့အတွက် ရဲတပ်ဖွဲ့၀င် ၄၅၀၀၀ ကျော်နဲ့ သံချပ်ကာယာဉ်အချို့ကို အာဏာပိုင်တွေက ဖြန့်ကြက်ချထားပါတယ်။ ဒါ့အပြင် တူးလော့၊ စထရာဘော့နဲ့ လိုင်လီအပါအ၀င် အခြားမြို့တွေမှာလည်း ဆန္ဒပြသူတွေက အဆောက်အအုံတွေနဲ့ ကားတွေကို မီးရှို့ပြီး စျေးဆိုင်တွေကို ဖျက်ဆီးမှုတွေ ပြုလုပ်ခဲ့ကြပါတယ်။ ဆန္ဒပြမှုတွေအတွင်း ရဲတပ်ဖွဲ့၀င် ၂၀၀ ကျော်ဒဏ်ရာရရှိခဲ့တယ်လို့ ပြင်သစ်ပြည်ထဲရေး၀န်ကြီးဌာနက ထုတ်ပြန်ထားပြီး ဖမ်းဆီးခံရတဲ့ လူငယ်အများစုဟာ လူငယ်တွေဖြစ်တယ်လို့ ဆိုပါတယ်။ ကားရပ်မပေးတာကြောင့် ရဲတပ်ဖွဲ့၀င်တပ်ရဲ့ ပစ်ခတ်မှုမှာ သေဆုံးခဲ့တဲ့ အသက် ၁၇ နှစ်အရွယ်…

အစ္စလာမ္မာဘတ်၊ ဇူလိုင်-၁-၂၀၂၃ မျိုးဆက်(VOM) စီးပွားရေးအကျပ်အတည်းနဲ့ ရင်ဆိုင်နေရတဲ့ ပါကစ္စတန်နိုင်ငံအတွက် နိုင်ငံတကာငွေကြေးရန်ပုံငွေအဖွဲ့ (အိုင်အမ်အက်ဖ်)က ဒေါ်လာ သုံးဘီလီယံ အကူအညီပေးဖို့ အကြိုသဘောတူညီမှုကို ဇွန် ၃၀ ရက်မှာ ရရှိခဲ့ပါတယ်။ နိုင်ငံတကာငွေကြေးရန်ပုံငွေအဖွဲ့ ဘုတ်အဖွဲ့ကအတည်ပြုဖို့ လိုအပ်နေသေးတဲ့ အဲဒီသဘောတူညီချက်ဟာ ရှစ်လကြာ ဆွေးနွေးမှုများအပြီး ထွက်ပေါ်လာတာဖြစ်ပါတယ်။ ရုံးအဖွဲ့အဆင့် သဘောတူပြီးနောက်မှာ နိုင်ငံတကာငွေကြေးရန်ပုံငွေအဖွဲ့ ဘုတ်အဖွဲ့က ခွင့်ပြုပေးလေ့ရှိပြီး ဘုတ်အဖွဲ့ဟာ လာမယ့်သီတင်းပတ်တွေအတွင်း ပါကစ္စတန်အတွက် သဘောတူညီချက်ကို ထည့်သွင်းဆွေးနွေးဖွယ်ရှိနေပါတယ်။ တောင်အာရှရှိ ပါကစ္စတန်နိုင်ငံဟာ ၁၉၄၇ ခုနှစ် ဗြတိန်ထံကနေ လွတ်လပ်ရေးရပြီးနောက် အဆိုးရွားဆုံးစီးပွားရေး အကျပ်အတည်းနဲ့ ရင်ဆိုင်နေရပါတယ်။ သဘောတူညီချက် သေချာစေရေး အထောက်အကူဖြစ်စေဖို့ ဗဟိုဘဏ်ဟာ သူ့ရဲ့အဓိကအတိုးနှုန်းကို ၂၂ ရာခိုင်နှုန်းထိ စံချိန်တင် မြှင့်တင်ခဲ့ပါတယ်။ နှစ်ပေါင်းများစွာ ငွေကြေးစီမံခန့်ခွဲမှုအလွဲတွေနဲ့အတူ ကမ္ဘာလုံးဆိုင်ရာ စွမ်းအင်အကျပ်အတည်း၊ ယမန်နှစ်ကရေလွှမ်းမိုးမှုများကြုံတွေ့ခဲ့ရပြီးနောက် ပါကစ္စတန်စီးပွားရေးဟာ ဆိုးရွားစွာကျဆင်းခဲ့ပါတယ်။ Ref: BBC…

ပါရီ ၊ ဇူလိုင်-၁-၂၀၂၃ မျိုးဆက်(VOM) ကုလသမဂ္ဂ ပညာရေး၊ သိပ္ပံနဲ့ ယဉ်ကျေးမှုအဖွဲ့ (ယူနက်စကို) အဖွဲ့ကို ပြန်လည်၀င်ရောက်ဖို့ အမေရိကန်ရဲ့ လျှောက်ထားမှုကို ယူနက်စကိုက ဇွန် ၃၀ ရက်မှာ တရား၀င်လက်ခံလိုက်ပါတယ်။ အမေရိကန်ရဲ့ အဆိုပါလျှောက်ထားမှုနဲ့ပတ်သက်ပြီး ပါရီမှာ ဇွန် ၃၀ ရက်က ပြုလုပ်သောအစည်းအဝေးအတွင်း အဖွဲ့၀င်နိုင်ငံတွေက မဲခွဲဆုံးဖြတ်ခဲ့ကြပြီးနောက် ပြန်လည်၀င်ရောက်ခွင့် ပြုခဲ့ခြင်းဖြစ်ပါတယ်။ ယူနက်စကိုအဖွဲ့ဟာ အစ္စရေးကို ဘက်လိုက်တယ်ဆိုကာ အမေရိကန်သမ္မတဟောင်း ဒေါ်နယ်ထရန့်လက်ထက် ၂၀၁၈ ခုနှစ်မှာ ယူနက်စကိုအဖွဲ့ကနေ အမေရိကန် နှုတ်ထွက်ခဲ့ပါတယ်။ ဒါပေမယ့် သမ္မတဂျိုးဘိုင်ဒင်ရဲ့ အမေရိကန်အစိုးရလက်ထက်မှာတော့ အဖွဲ့သို့ ပြန်လည်၀င်ရောက်ဖို့ ကြိုးစားခဲ့ပါတယ်။ ယူနက်စကိုအဖွဲ့အတွက် ရန်ပုံငွေသန်းပေါင်းများစွာ ပံ့ပိုးဖို့ အမေရိကန်နိုင်ငံခြားရေး၀န်ကြီး ဘလင်ကင်က ကွန်ဂရက်ကို မတ်လမှာ တောင်းဆိုခဲ့ပါတယ်။ တရုတ်နိုင်ငံဟာ ယူနက်စကိုအဖွဲ့အတွက် အကြီးမားဆုံးပံ့ပိုးပေးတဲ့ နိုင်ငံဖြစ်ပြီး ဥာဏ်ရည်တုနည်းပညာလိုမျိုး နယ်ပယ်တွေမှာ ယူနက်စကိုအတွက်…