Month: August 2023

ကိယက်ဗ်၊ သြဂုတ် -၂၄-၂၀၂၃ ရုရှားရဲ့ အင်အားအလုံးအရင်းနဲ့ ကျူးကျော်မှုစတင်ခဲ့ပြီးနောက် ယူကရိန်းနိုင်ငံသား ထောင်နဲ့ချီပြီး တွန်းလှန်ဖို့ စစ်ထဲဝင်ခဲ့ကြပါတယ်။ မရေရာ မသေချာတဲ့အနာဂတ်တွေအကြား အန္တရာယ်ကြီးကြီးမားမားရှိနေပေမဲ့ အဲဒီလိုတွန်းလှန်နေခဲ့ကြတာ လပေါင်းများစွာ ကြာခဲ့ပြီဖြစ်သလို ချေမှုန်းရေးအတွက် စေတနာ့ဝန်ထမ်းဆိုတဲ့စကားလုံးကို မီဒီယာစာမျက်နှာတွေမှာ လွယ်လင့်တကူ ပြောဆိုသုံးနှုန်းလာကြတာ တွေ့ရပါတယ်။ စစ်ဖြစ်ပြီး ၁၈ လအကြာမှာတော့ ကိယက်ဗ်မြို့ရဲ့ လွတ်လပ်ရေးရင်ပြင်ရှိ ကျဆုံးသွားတဲ့ စစ်သည်တွေအတွက် အထိမ်းအမှတ်အလံတွေ စိုက်ထူထားတဲ့ဧရိယာဟာ ပိုကျယ်လာခဲ့ပါတယ်။ အခြားတဖက်မှာလည်း မဖြစ်မနေ စစ်မှုထမ်းရခြင်းကို ရှောင်ရှားခြင်း (draft dodger) ဆိုတဲ့အသုံးအနှုန်းကလည်း မကြာခဏကြားနေရပါတယ်။ ယူကရိန်းစစ်သားစုဆောင်းရေးစနစ်အပေါ် လူထုက အပြစ်တင်ရှုတ်ချကြသလို စစ်သားတွေအပေါ် ဖိနှိပ်မှုတွေကလည်း ထိတ်လန့်စရာကောင်းလာတယ်လို့ ဆိုကြပါတယ်။ ယူကရိန်းပြည်တွင်း အကျင့်ပျက်ခြစားတဲ့အထောက်အထားတွေဟာ အရှုပ်တော်ပုံတွေအဖြစ် ဆက်တိုက်ပေါ်ပေါက်လာခဲ့ပြီး သမ္မတ ဗိုလိုဒီမီယာဇာလန်းစကီးက နိုင်ငံတဝန်းရှိ အကြီးတန်းစစ်သားစုဆောင်းစနစ်တွေကို ပယ်ဖျက်လိုက်ပါတယ်။ လက်ရှိစစ်ပွဲမှာ ယူကရိန်းရဲ့တန်ပြန်ထိုးစစ်တွေကြောင့် စစ်သားတွေ ရင်ဆိုင်နေရတဲ့၊…

ဒေလီ၊ သြဂုတ်-၂၄-၂၀၂၃ မျိုဆက်(VOM) အိန္ဒိယနိုင်ငံအရှေ့မြောက်ပိုင်းမှာ တည်ဆောက်ဆဲတံတား ပြိုကျမှုကြောင့် လူ ၂၆ ယောက် သေဆုံးပြီး အများအပြားပျောက်ဆုံးနေပါတယ်။ အဲဒီမတော်တဆမှုဟာ မီဇိုရမ်ပြည်နယ် ဆိုင်ရန်မြို့အနီးမှာ ဖြစ်ပွားခဲ့ခြင်းဖြစ်ပြီး တံတားပြိုကျချိန်မှာ အခင်းဖြစ်ပွားရာနေရာမှာ အလုပ်သမား ၄၀ နီးပါးရှိကြောင်း ဒေသတွင်းသတင်းဌာနတွေက ဖော်ပြထားပါတယ်။ အခင်းဖြစ်ပွားရတဲ့အကြောင်း ရှင်းကို ရှင်းလင်းစွာမသိရသေးပါဘူး။ အာဏာပိုင်တွေက စုံစမ်းစစ်ဆေးမှုတွေကို လုပ်ဆောင်နေပြီး လက်ရှိချိန်ထိ လူသုံးဦးကို ကယ်တင်နိုင်ခဲ့တယ်လို့ ဆိုပါတယ်။ သေဆုံးသူအားလုံးဟာ အနောက်ဘန်ဂေါပြည်နယ်မှဖြစ်ကြောင်း တာဝန်ရှိသူတွေက ပြောပါတယ်။ မတော်တဆမှုအတွင်း ထိခိုက်သေဆုံးသူတွေအတွက် မိသားစုနဲ့ထပ်တူ ဝမ်းနည်းကြောင်းနဲ့ တစ်ဦးစီအတွက် ဒေါ်လာ ၂၄၀၀ ထောက်ပံ့ပေးသွားမှာဖြစ်ကြောင်း အိန္ဒိယဝန်ကြီးချုပ်မိုဒီက ပြောပါတယ်။ အိန္ဒိယနိုင်ငံမှာ ဆောက်လုပ်ရေးလုပ်ငန်းခွင်မတော်တဆမှုတွေဟာ မကြာခဏဆိုသလို ဖြစ်ပွားလေ့ရှိပြီး ပြီးခဲ့တဲ့နှစ်အောက်တိုဘာလအတွင်းကလည်း ဂူဂျာရက်ပြည်နယ်မှာ လူကူးကြိုးတံတားပြိုကျမှုကြောင့် လူ ၁၄၀ ကျော်သေဆုံးခဲ့ပါသေးတယ်။ Ref: BBC #voiceofmyanmar #VOM…

နီယာမေ၊ သြဂုတ်-၂၄-၂၀၂၃ Voice of Myanmar နိုင်ဂျာနိုင်ငံအာဏာသိမ်းမှုက ပြင်သစ်အမေရိကန် မဟာမိတ် ဆက်ဆံရေးကို ပိုပြီးတင်းမာလာစေပါတယ်။ ဇူလိုင်လက အနောက်အာဖရိကနိုင်ငံ သမ္မတ ဖြုတ်ချခံရမှုအပေါ် တုံ့ပြန်မှုနဲ့ပတ်သက်ပြီး နှစ်နိုင်ငံအကြား သဘောထား ကွဲလွဲမှုတွေ ပိုဆိုးလာခဲ့တာပါ။ ပြင်သစ်က သံတမန်ရေးအရ အာဏာသိမ်းစစ်တပ်နဲ့ စေ့စပ်ဆွေးနွေး ရေးကို ငြင်းဆိုပြီး စစ်တပ်ရဲ့ခြိမ်းခြောက်မှုကိုခံနေရတဲ့ ပြည်တွင်းအဖွဲ့တွေအပေါ် အခိုင်အမာ ထောက်ခံထားပါ တယ်။ အမေရိကန်ကတော့ အာဏာသိမ်းခေါင်းဆောင်တွေနဲ့တွေ့ဆုံဖို့ သံတမန်အဖွဲ့ စေလွှတ်ခဲ့သလို သမ္မတ ဘာဇွန် ဖြုတ်ချခံရတာကို အာဏာသိမ်းမှုလို့ တရားဝင်သတ်မှတ်ခြင်းမရှိသေးပါဘူး။ ဒီမိုကရေစီကိုထိန်းသိမ်းဖို့ စေ့စပ် ညှိနှိုင်းရေးလမ်းစဉ်ရှိသေးတယ်လို့ ပြောနေတုန်းပါပဲ။ အမေရိကန်ရဲ့ လုပ်ရပ်ဟာ အာဏာသိမ်းစစ်တပ်ကို လုပ်ပိုင်ခွင့်ပေးလိုက်သလိုပဲလို့ ပြင်သစ်တာဝန်ရှိသူတွေက ပြောပါတယ်။ သူတို့အနေနဲ့ ငြိမ်းချမ်းတဲ့ဖြေရှင်းနည်းကို အားပေးပေမဲ့ အမေရိကန်ရဲ့ ချည်းကပ်နည်းကိုတော့ သဘောမကျကြပါဘူး။ ရုရှားရဲ့ယူကရိန်းကို ကျူးကျော်မှုအပါအဝင် တချို့အရေးကိစ္စတွေနဲ့ပတ်သက်ပြီး အမေရိကန်နဲ့ ပြင်သစ်ကြား…

ဒေလီ၊ သြဂုတ်-၂၄-၂၀၂၃ မျိုးဆက်(VOM) အိန္ဒိယနိုင်ငံရဲ့ ချန်ဒရီယန်-၃ လမစ်ရှင်က ဂြိုဟ်ဆင်းယာဉ်ဟာ လကမ္ဘာရဲ့တောင်ဝန်ရိုးစွန်းကို အောင်မြင်စွာဆင်းသက်နိုင်ခဲ့ပြီဖြစ်တာကြောင့် ပထမဆုံးအကြိမ်အဖြစ် မှတ်တမ်းဝင်သွားပါတယ်။ ချန်ဒရီယန်-၃ ရဲ့ ဗီခရန်းဂြိုဟ်ဆင်းယာဉ်ဟာ ဒေသစံတော်ချိန် ညနေ ၆ နာရီ ၄ မိနစ်မှာ စီစဉ်ထားတဲ့အတိုင်း လကမ္ဘာပေါ်ကို အောင်မြင်စွာဆင်းသက်နိုင်ခဲ့တာဖြစ်ပြီး အိန္ဒိယပြည်သူတွေ နိုင်ငံတဝန်း အောင်ပွဲခံခဲ့ကြပါတယ်။ အခြားနိုင်ငံတွေမရောက်နိုင်သေးတဲ့နေရာကို ကျွန်တော်တို့ရောက်ရှိနေပါပြီ။ ဒါဟာသမိုင်းဝင်အခိုက်အတန့်ဖြစ်ကြောင်း ဘရစ်ထိပ်သီးဆွေးနွေးပွဲတတ်ရောက်နေတဲ့ အိန္ဒိယဝန်ကြီးချုပ်မိုဒီက တောင်အာဖရိကကနေ တိုက်ရိုက်ကြည့်ရှုရင်း ပြောပါတယ်။ ၂၀၁၉ ခုနှစ်ကလည်း အိန္ဒိယနိုင်ငံဟာ လကမ္ဘာရဲ့တောင်ဝန်ရိုးစွန်းမှာ ဆင်းသက်ဖို့ ဒုတိယအကြိမ် ကြိုးပမ်းခဲ့ပေမယ့် မအောင်မြင်ခဲ့ဘဲ ဂြိုဟ်ဆင်းယာဉ်ပျက်စီးသွားခဲ့ပါတယ်။ မကြာသေးမီရက်အတွင်းကလည်း ရုရှားရဲ့ လူနာ-၂၅ မစ်ရှင်ဟာ လကမ္ဘာရဲ့တောင်ဝန်ရိုးစွန်းမှာ ဆင်းသက်နိုင်ဖို့ကြိုးစားရင်း ကမ္ဘာမြေနဲ့ထိန်းချုပ်မှု လွတ်ကင်းကာ ပျက်ကျသွားခဲ့ပါတယ်။ Ref: BBC #voiceofmyanmar #VOM #IndiaMakeshistoriclanding #nearMoon’s southPole

ဝါရှင်တန်၊ သြဂုတ်-၂၄ Voice of Myanmar တောမီးအကြီးအကျယ်လောင်ကျွမ်းခဲ့တဲ့ မော်ဝီကျွန်း လာဟိုင်နာမြို့လေးမှာ တနင်္လာနေ့က လူထုနဲ့တွေ့ဆုံစဉ် ပြောခဲ့တဲ့ နှိုင်းယှဉ်မှုစကားနဲ့ပတ်သက်ပြီး သမ္မတဘိုင်ဒန် ဝေဖန်မှုတွေ ခံနေရပါတယ်။ လူပေါင်း ၁၁၅ ဦးသေဆုံးပြီး မြို့ရဲ့ ၈၀ရာခိုင်နှုန်းလောက်ပျက်စီးသွားလို့ ပူဆွေးနေတဲ့ အသက်ရှင်ကျန်ရစ်သူ များကို နှစ်သိမ့်ရာမှာ ၎င်းရဲ့ ဆုံးရှုံးမှုမများတဲ့ အိမ်အသေးမီးလောင်မှုနဲ့ ယှဉ်ပြီး ပြောသွားခဲ့တာကြောင့် အခုလို ဝေဖန်ခံနေရတာဖြစ်ပါတယ်။ “အခက်အခဲ ဒုက္ခတွေကိုနှိုင်းယှဉ်ချင်တာကြောင့်မဟုတ်ပါဘူး၊ မီးလောင်လို့ ကျွန်တော်နဲ့ ဂျေးလ်လည်း အိမ်တစ်လုံး ဆုံးရှုံးရမလိုဖြစ်ခဲ့ဖူးတယ်” ဆိုပြီး သမ္မတက လူထုကို ပြောခဲ့တာပါ။ မိုးကြိုးပစ်ပြီး အိမ်အောက်ခြေမှာမြှုပ်ထားတဲ့ ဝိုင်ယာမီးလောင်ပြီး မီးဖိုပါ အိမ်လေးကို မီးလောင်ခဲ့တယ်လို့ ၂၀၀၄ ခုနှစ်တုန်းက ဖြစ်ခဲ့တဲ့အဖြစ်အပျက်ကို ပြောသွားခဲ့တာပါ။ အကျဉ်းချုံးပြောရရင် ဇနီးဖြစ်သူကိုရော ကားရော ကြောင်လေးကိုပါ ဆုံးရှုံးရလုနီးပါးဖြစ်ခဲ့တာ” လို့ ဘိုင်ဒန်က ပြောပါတယ်။…

This Day in History(August24) Voice of Myanmar ပြင်သစ်နိုင်ငံသည် ၁၉၆၈ ခုနှစ် သြဂုတ် ၂၄ ရက်တွင် ၎င်း၏ပထမဆုံးသော ဟိုက်ဒရိုဂျင်ဗုံးကို ဖောက်ခွဲစမ်းသပ်ခဲ့ပြီးနောက် ကမ္ဘာ့ပဉ္စမမြောက် နျူကလီးယားအင်အားကြီးနိုင်ငံ ဖြစ်လာခဲ့သည်။ #voiceofmyanmar #VOM #ThisDayInHistory #August24