Month: August 2023

ဂျိုဟန်နက်စဘတ် ၊ သြဂုတ်-၃၁-၂၀၂၃ မျိုးဆက်(VOM) တောင်အာဖရိကနိုင်ငံ ဂျိုဟန်နက်စဘတ်မြို့လယ်ရှိ တိုက်ခန်းတွဲအဆောက်အအုံတခုမီးလောင်မှုကြောင့် လူ ၇၀ ကျော်သေဆုံးပြီး ၅၀ ကျော်ဒဏ်ရာရရှိခဲ့ကြောင်း အာဏာပိုင်တွေကပြောာပါတယ်။ ငါးထပ်အဆောက်အအုံမှာ ဖြစ်ပွားခဲ့တဲ့မီလောင်ကျွမ်းမှုနဲ့ပတ်သက်ပြီး ရှင်းလင်းစွာမသိရသေးပါဘူး။ လက်ရှိမှာတော့ အဆောက်အအုံအတွင်းနေထိုင်သူတွေကို ကယ်ထုတ်ခဲ့ပြီး ရုပ်အလောင်းတွေကို ရှာဖွေမှုတွေ လုပ်ဆောင်နေပါတယ်။ အဲဒီတိုက်ခန်းတွဲမှာနေထိုင်သူ အများစုဟာ အာဖရိက ရွှေ့ပြောင်းနေထိုင်သူတွေဖြစ်ကြတယ်လို့ ကနဦးသတင်းတွေက ဖော်ပြထားပါတယ်။ မီးလောင်မှုဖြစ်ပွာခဲ့တဲ့ ဂျိုဟန်နက်စဘတ်အလယ်ပိုင်းဟာ အာဖရိကရွှေ့ပြောင်းနေထိုင်သူအများစု နေထိုင်ရာနေရာဖြစ်ပါတယ်။ မီးလောင်ခဲ့တဲ့ တိုက်ခန်းတွဲဟာ ပြန်ပေးဆွဲခံထားရအဆောက်အအုံတွေလို့ သတ်မှတ်ထံထားရတဲ့အရပ်မှာရှိပြီး အများစုကို ပြည်ပကလာရောက်သူတွေက ကျူးကျော်သိမ်းပိုက်ထားကြတာဖြစ်ပါတယ်။ အာဖရိကဒေသမှာ စီးပွားရေးအင်အားကြီးဖြစ်တဲ့ တောင်အာဖရိကနိုင်ငံဟာ အိမ်နီးချင်းနိုင်ငံတွေနဲ့ အာဖရိကရှိအခြားနိုင်ငံတွေကလူတွေအတွက် အဓိကအားထားရာနိုင်ငံဖြစ်ပြီး အထူးသဖြင့် သတ္တုတွင်းကဏ္ဍအလုပ်လုပ်ကိုင်ဖို့ သွားရောက်ကြသူအများစုဖြစ်ပါတယ်။ Ref:BBC Photo: Reuters #voiceofmyanamr #VOM #တောင်အာဖရိက #ဂျိုဟန်နက်စဘတ် #တိုက်ခန်းတွဲမီးလောင်မှု #လူ(၇၀)ကျော်သေဆုံး

ဆိုးလ်၊ သြဂုတ်-၃၁-၂၀၂၃ မျိုးဆက်(VOM) တောင်ကိုရီးယားရှိ စစ်ဘက်ပစ်မှတ်တွေကို နျူကလီးယားနဲ့တိုက်ခိုက်တဲ့ အသွင်တူလေ့ကျင့်မှုကို တာတိုပစ်ပဲ့ထိန်းဒုံးကျည်နှစ်စင်းနဲ့ လေ့ကျင့်ခဲ့ကြောင်း မြောက်ကိုရီးယားက ထုတ်ပြန်ပါတယ်။ တောင်ကိုရီးယားရှိ အဓိကစစ်ဘက်ကွပ်ကဲမှုဌာနတွေနဲ့ စစ်ဆင်ရေးလေယာဉ်ကွင်းတွေကို မြေလှန်ပစ်နိုင်တဲ့ တိုက်ခိုက်မှုမျျိုးပုံဖော်ပြီး နည်းဗျူဟာမြောက် နျူကလီးယားတိုက်ခိုက်မှု လေ့ကျင့်ခဲ့တာဖြစ်ကြောင်း မြောက်ကိုရီးယားက ပြောပါတယ်။ ဒေသတွင်းမှာ အမေရိကန်ဗုံးကြဲလေယာဉ်တွေ ဖြန့်ကြက်ချထားမှုနဲ့ အမေရိကန်နဲ့ တောင်ကိုရီးယားတို့ ပူးတွဲစစ်ရေးလေ့ကျင့်မှုကို ဆန့်ကျင်တဲ့အနေနဲ့ အခုလို အသွင်တူပြုလုပ်ခဲ့တာဖြစ်ကြောင်း မြောက်ကိုရီးယားနိုင်ငံပိုင် သတင်းဌာနက ထုတ်ပြန်ထားပါတယ်။ မိမိတို့ အကြိမ်ကြိမ်သတိပေးနေတဲ့ကြားက မဟာဗျူဟာမြောက် နျူကလီးယားလက်နက်တွေကို ဖြန့်ကြက်လာတာမျိုးလို စစ်ရေးခြိမ်းခြောက်မှုနဲ့ စိန်ခေါ်နေတဲ့ရန်သူတွေဆီကိုပြတ်ပြတ်သာသား သတင်းစကားပါးလိုက်တာဖြစ်ကြောင်း ထုတ်ပြန်ချက်မှာဖော်ပြထားပါတယ်။ မြောက်ကိုရီးယားဟာ အဲဒီဒုံးကျည်တွေကို နိုင်ငံအရှေ့ဘက်ကမ်းရိုးတန်းကနေ ညသန်းခေါင်ယံအချိန်မှာ ပစ်ခတ်ခဲ့တာဖြစ်ကြောင်း တောင်ကိုရီးယားသတင်းဌာနတွေကလည်း ဖော်ပြထားပါတယ်။ ဒုံးကျည်တွေ ပစ်ခတ်လေ့ကျင့်မှုနဲ့ပတ်သက်ပြီး အမေရိကန်၊ ဂျပန်နဲ့ တောင်ကိုရီးယားတို့က ရှုတ်ချပြောဆိုထားပါတယ်။ Ref: BBC Photo:Reuters #voiceofmyanamr #VOM…

လီဘရီဗီး၊ သြဂုတ်-၃၁-၂၀၂၃ မျိုးဆက်(VOM) ဗဟိုအာဖရိကဒေသရှိ ဂါဘွန်နိုင်ငံမှာ စစ်အာဏာသိမ်းလိုက်ကြောင်း အာဏာသိမ်းစစ်ခေါင်ဆောင်တွေက နိုင်ငံပိုင် ရုပ်မြင်သံကြားကနေ ကြေညာလိုက်ပါတယ်။ စနေနေ့ကပြုလုပ်ခဲ့တဲ့ ရွေးကောက်ပွဲမှာ လက်ရှိသမ္မတ အလီဘွန်ဂိုအနိုင်ရရှိကြောင်း ရွေးကော်ပွဲကော်မရှင်က ကြေညာခဲ့ပေမယ့် ရွေးကောက်ပွဲရလဒ်ကို စစ်တပ်က ပယ်ချပြီး အာဏာသိမ်းလိုက်တာဖြစ်ပါတယ်။ အဲဒီလိုအာဏာသိမ်းမှုကြောင့် ဂါဘွန်မှာ ရာစုနှစ်ဝက်ကျော် သမ္မတအုပ်ချုပ်ရေးအဆုံးသတ်သွားပြီဖြစ်ပါတယ်။ သမ္မတဘွန်ဂိုရဲ့ဖခင်ဟာ ရေနံကြွယ်ဝတဲ့ ဂါဘွန်နိုင်ငံမှာ ၁၉၆၇ ခုနှစ်က သမ္မတဖြစ်လာခဲ့ပြီး ဘွန်ဂိုကတော့ ၂၀၀၉ ခုနှစ်မှာ သမ္မတဖြစ်လာပါတယ်။ ဘွန်ဂိုရဲ့ အစိုးရသည် အုပ်ချုပ်ရေးဆိုင်ရာတာဝန်မဲ့စွာအုပ်ချုပ်ခဲ့တာကြောင့် နိုင်ငံအခြေအနေပိုမိုဆိုးရွားစေပြီး ရွေးကောက်ပွဲရလဒ်ဟာလည်း ပွင့်လင်းမြင်သာမှုမရှိကြောင်း စစ်တပ်တာဝန်ရှိသူတွေက ပြောပါတယ်။ ပြီးခဲ့တဲ့နှစ်အနည်းငယ်အတွင်း ဗဟိုအာဖရိကနဲ့ အနောက်အာဖရိကနိုင်ငံအများအပြားမှာ စစ်အာဏာသိမ်းမှုတွေအများအပြားဖြစ်ပွားခဲ့ပြီး ဇူလိုင်လအတွင်းကလည်း နိုင်ဂျာမှာ သမ္မတကိုဖြုတ်ချပြီး စစ်အာဏာသိမ်းမှုဖြစ်ပွားခဲ့ပါတယ်။ Ref:NHK #voiceofmyanamr #VOM #GabonMilitaryOfficers #declarecoup

This Day in History(August31) Voice of Myanamr ဗြိတိန်တော်ဝင်မိသားစုဝင်တဦးဖြစ်ခဲ့သူ မင်းသမီးဒိုင်ယာနာသည် ၁၉၉၇ ခုနှစ် သြဂုတ် ၃၁ ရက်တွင် ပြင်သစ်နိုင်ငံ ပါရီမြို့၌ ယာဉ်တိုက်မှုဖြစ်ပွားပြီး ကွယ်လွန်သွားခဲ့သည်။ #voiceofmyanamr #VOM #ThisDayInHistory #August31