Day: September 2, 2023

ကိယက်ဗ်၊ စက်တင်ဘာ-၂-၂၀၂၃ မျိုးဆက်(VOM) ယူကရိန်းသမ္မတ ဇီလန်စကီးဟာ ယခုလနှောင်းပိုင်းမှာကျင်းပမယ့် ကုလသမဂ္ဂအထွေထွေညီလာခံနဲ့ လုံခြုံရေးကောင်စီအစည်းအဝေးတွေကို လူကိုယ်တိုင်တက်ရောက်ဖို့ နယူးယောက်ကို သွားဖွယ်ရှိနေပါတယ်။ ယူကရိန်းအခြေအနေတွေကို ဆွေးနွေးဖို့အတွက် ထိပ်သီးအဆင့်ဆွေးနွေးပွဲကို စက်တင်ဘာ ၂၀ ရက်မှာပြုလုပ်မယ်လို့ အယ်လ်ဘေးနီးယားဆိုင်ရာ ကုလသမဂ္ဂသံအမတ်ကြီး ဖီရစ်ဟော့စ်ဟာက ပြောပါတယ်။ အယ်လ်ဘေးနီးယားဟာ ကုလသမဂ္ဂလုံခြုံရေးကောင်စီရဲ့ အလှည့်ကျဥက္ကဌအဖြစ် ယခုလအတွက် တာဝန်ယူထားပါတယ်။ ကုလသမဂ္ဂအစည်းအဝေးတွေကို ယူကရိန်းသမ္မတ ဇီလန်စကီးတက်ရောက်ဖို့ သေချာသလောက်ဖြစ်ကြောင်း ဖီရစ်ဟော့စ်ဟာကပြောပါတယ်။ ယူကရိန်းသမ္မတဇီလန်စကီးဟာ ကုလသမဂ္ဂအတွင်းရေးမှူးချုပ် ဂူတာရက်စ်နဲ့လည်း တွေ့ဆုံဆွေးနွေးဖို့ စီစဉ်ထားတယ်လို့ အယ်လ်ဘေးနီးယားသံအမတ်ကြီးကပြောပါတယ်။ ဇီလန်စကီးဟာ ကုလသမဂ္ဂအထွေထွေညီလာခံမှာ မိန့်ခွန်းပြောမှာဖြစ်ပါတယ်။ ဒါဟာ ပြီးခဲ့တဲ့နှစ် ဖေဖော်ဝါရီလမှာ ယူကရိန်းကို ရုရှားကကျူးကျော်တိုက်ခိုက်ပြီးနောက်ပိုင်း ကုလသမဂ္ဂအထွေထွေညီလာခံနဲ့ လုံခြုံရေးကောင်စီအစည်းအဝေးတွေကို ယူကရိန်းသမ္မတဇီလန်စကီး ပထမဆုံးအကြိမ် တက်ရောက်မှာလည်းဖြစ်ပါတယ်။ Ref: NHK Photo:Bloomberg #voiceofmyanmar #VOM #ZelenskyyExpected #toAttendUN meetings #inNewYork #inperson

ဒေလီ၊ စက်တင်ဘာ-၂-၂၀၂၃ မျိုးဆက်(VOM) အိန္ဒိယနိုင်ငံဟာ လကမ္ဘာရဲ့တောင်ဝန်ရိုးစွန်းကို ကမ္ဘာ့ပထမဆုံးဆင်းသက်နိုင်ပြီးနောက် ရက်အနည်းငယ်အကြာမှာတော့ ပထမဆုံးသော နေစူးစမ်းလေ့လာရေးမစ်ရှင်ကို စက်တင်ဘာ ၂ ရက်မှာ အောင်မြင်စွာ လွှတ်တင်လိုက်ပါတယ်။ အဒစ်ယာ-အယ်လ်၁ စူးစမ်းလေ့လာရေးယာဉ်ကို စက်တင်ဘာ ၂ ရက် ဒေသစံတော်ချိန် နံနက် ၁၁ နာရီ ၅၀ မိနသ်အချိန်မှာ ဆရီဟာရီကိုတာ လွှတ်တင်ရေးစခန်းကနေ လွှတ်တင်ခဲ့ခြင်းဖြစ်ကြောင်း အိန္ဒိယအာကာသအေဂျင်စီက ထုတ်ပြန်ထားပါတယ်။ နေစူးစမ်းလေ့လာရေးယာဉ်ဟာ ကမ္ဘာမြေကနေ ကီလိုမီတာ ၁ ဒသမ ၅ သန်းအကွာကနေ နေကိုစူးစမ်းလေ့လာမှုတွေ ပြုလုပ်သွားမည်ဖြစ်ပြီး အဲဒီနေရာကို ရောက်ရှိနိုင်ဖို့ အချိန်လေးလကြာမြင့်မယ်လို့ အိန္ဒိယအာကာသအေဂျင်စီက ပြောပါတယ်။ အဒစ်ယာ-အယ်လ်၁ ဟာ အဲဒီနေရာကို ရောက်ရှိပြီးနောက်မှာ နေကို ကမ္ဘာနဲ့တူတဲ့နှုန်းနဲ့ လှည့်ပတ်နိုင်မှာဖြစ်ပြီး အဲဒီလိုလှည့်ပတ်နိုင်ဖို့ လောင်စာအနည်းငယ်သာလိုအပ်မှာဖြစ်ပါတယ်။ အဲဒီမစ်ရှင်နဲ့ပတ်သက်ပြီး ကုန်ကျစရိတ်ကို အိန္ဒိယအာကာသအေဂျင်စီက ထုတ်ဖော်ကြေညာခြင်းမရှိပေမယ့်လည်း ဒေါ်လာ ၄၆ သန်းကုန်ကျခဲ့ကြောင်း…

တိုကျို၊ စက်တင်ဘာ-၂-၂၀၂၃ မျိုးဆက်(VOM) ဂျပန်နိုင်ငံဟာ အာဆီယံအဖွဲ့နဲ့ အထူးထိပ်သီးဆွေးနွေးပွဲကို လာမယ့်ဒီဇင်ဘာလမှာ လက်ခံကျင်းပသွားမှာဖြစ်ကြောင်း ဂျပန်အစိုးရအဖွဲ့အစည်းအဝေးမှာ အတည်ပြု ဆုံးဖြတ်လိုက်ပါတယ်။ အာဆီယံ-ဂျပန် ပူးပေါင်းဆောင်ရွက်မှု နှစ် ၅၀ ပြည့်အထိမ်းအမှတ်အဖြစ် ကျင်းပမ့် အထူးအစည်းအဝေးကို ဒီဇင်ဘာ ၁၆ ရက်ကနေ ၁၈ ရက်ထိ တိုကျိုမှာကျင်းပသွားမယ်လို့ တာဝန်ရှိသူတွေက ပြောပါတယ်။ အဲဒီအထူးအစည်းအဝေးမှာ ဂျပန်ဝန်ကြီးချုပ် ကီရှီဒါဟာ ဒေသတွင်းရေးရာ၊ စီးပွားရေးဖွံ့ဖြိုးတိုးတက်ရေး စီမံကိန်းတွေအပါအဝင် အခြားအကြောင်းအရာများကို အာဆီယံအဖွဲ့ဝင်နိုင်ငံခေါင်းဆောင်တွေနဲ့ ဆွေးနွေးသွားမှာဖြစ်ကြောင်း ဂျပန်အစိုးရအဖွဲ့ အတွင်းရေးမှူး မက်ဆူနိုဟီရိုကာဇူက ပြောပါတယ်။ ဒါ့အပြင် ဝန်ကြီးချုပ်ကီရှီဒါဟာ လာမယ့်သီတင်းပတ်မှာကျင်းပမယ့် အာဆီယံထိပ်သီးဆွေးနွေးပွဲတက်ရောက်ဖို့ အင်ဒိုနီးရှားနိုင်ငံကို သွားရောက်မှာဖြစ်ပြီး ဒီဇင်ဘာထိပ်သီးဆွေးနွေးပွဲအတွက် ဖြစ်နိုင်ခြေရှိတဲ့ ပူးပေါင်းဆောင်ရွက်မှုတွေကို အာဆီယံခေါင်းဆောင်တွေနဲ့ ဆွေးနွေးဖွယ်ရှိနေပါတယ်။ အင်ဒိုနီးရှားမှာကျင်းပမယ့် အာဆီယံထိပ်သီးဆွေးနွေးပွဲကို တရုတ်ဝန်ကြီးချုပ်လီချန်းလည်း တက်ရောက်မှာဖြစ်ပြီး အစည်းအဝေးကို စက်တင်ဘာ ၅ ရက်ကနေ ၈ ရက်ထိ…

မော်စကို၊ စက်တင်ဘာ-၂-၂၀၂၃ မျိုးဆက်(VOM) ရုရှားနိုင်ငံဟာ တိုက်ချင်းပစ်ဒုံးကျည် အမျိုးအစားသစ်ကို နိုင်ငံတွင်းမှာ ဖြန့်ကြက်ချထားလိုက်ပြီဖြစ်ကြောင်း ရုရှားအာဏာပိုင်တွေက ထုတ်ဖော်ပြောဆိုလိုက်ပါတယ်။ ဆာမက်လို့ လူသိများတဲ့ အဲဒီတိုက်ချင်းပစ်ဒုံးကျည်တွေကို တိုက်ခိုက်ရေးတာဝန်ထမ်းဆောင်ဖို့ ထည့်သွင်းလိုက်ပြီဖြစ်ကြောင်း အာဏာပိုင်တွေက ထုတ်ပြန်ထားပါတယ်။ အဲဒီတိုက်ချင်းပစ်ဒုံးကျည်အမျိုးအစားသစ်နဲ့ပတ်သက်ပြီး သမ္မတပူတင်က ပြီးခဲ့တဲ့တနှစ်တာကာလကတည်းက ပြောဆိုခဲ့ပြီး များမကြာမီကာလအတွင်းမှာ အသုံးပြုဖို့ အဆင့်သင့်ဖြစ်ပြီလို့ ထုတ်ဖော်ပြောဆိုခဲ့ဖူးပါတယ်။ ဆာမက်တိုက်ချင်းပစ်ဒုံးကျည်ဟာ နျူကလီးယားထိပ်ဖူးတွေကို သယ်ဆောင်နိုင်ပြီး ခေတ်မီဒုံးကျည်ကာကွယ်ရေးစနစ်အားလုံးကို ကျော်လွှားနိုင်ပြီး ပြည်ပခြိမ်းခြောက်မှုတွေကို ကာကွယ်ရေးမှာ အကူအညီၤဖြစ်စေကြောင်း ပူတင်ကပြောပါတယ်။ ယူကရိန်းစစ်မြေပြင်မှာ ရုရှားရဲ့ဆုံးရှုံးမှုတွေ တိုးပွားလာချိန်မှာ နျူကလီးယားလက်နက်တွေနဲ့ပတ်သက်ပြီး ရုရှားဘက်က မကြာခဏပြောဆိုမှုတွေရှိနေခဲ့ပါတယ်။ ပြီးခဲ့တဲ့ သီတင်းပတ်အတွင်းကလည်း ယူကရိန်းအရှေ့တောင်ဘက်က နယ်မြေအချို့ကို ရုရှားလက်ကနေ ယူကရိန်းစစ်တပ်က ပြန်လည်သိမ်းယူနိုင်ခဲ့ပါတယ်။ Ref: NHK #voiceofmyanmar #VOM #RussiaNewICBM #deployed #ForCombatDuty

This Day in History Voice of Myanmar ဒုတိယကမ္ဘာစစ်အဆုံးသတ်ရေး အဓိကခြေလှမ်းဖြစ်သည့် ဂျပန်က တရားဝင်လက်နက်ချရေးအတွက် သဘောတူညီချက်ကို ဂျပန်နိုင်ငံခြားရေးဝန်ကြီး ရှီဂီမစ်ဆုမာမိုရူနှင့် စစ်ဗိုလ်ချုပ် အူမီဇူယိုရှီဂျီရိုတို့က အမေရိကန်စစ်သင်္ဘော ယူအက်စ်အက်စ်မစ်ဆူရီပေါ်တွင် ၁၉၄၅ ခုနှစ် စက်တင်ဘာ ၂ ရက်က လက်မှတ်ရေးထိုးးခဲ့ကြသည်။ #voiceofmyanmar #VOM #ThisDayInHistory #September2nd