Month: September 2023

ဒေလီ၊ စက်တင်ဘာ-၁၃-၂၀၂၃ မျိုးဆက်(VOM) အိန္ဒိယနိုင်ငံတောင်ပိုင်း ကီရာလာပြည်နယ်တွင် နီပါးဗိုင်းရပ်စ်ကြောင်း လူနှစ်ဦးသေဆုံးပြီးနောက် အာဏာပိုင်တွေက စက်တင်ဘာ ၁၃ ရက်မှာ သတိပေးချက်ထုတ်ပြန်ထားပါတယ်။ လူသေဆုံးမှုတခုဟာ ယခုလအစောပိုင်းမှာဖြစ်ပွားခဲ့ပြီး နောက်တဦးကတော့ သြဂုတ် ၃၀ ရက်မှာ သေဆုံးခဲ့တာဖြစ်ပြီး ကီရာလာပြည်နယ် ကိုဇ်ဟီကုတ်ခရိုင်မှာ ဖြစ်ပွားခဲ့တာလို့ တာဝန်ရှိသူတွေက ပြောပါတယ်။ သေဆုံးသူတွေရဲ့ ဆွေမျိုးသားချင်းနှစ်ဥၤီးဟာလည်း နီပါးဗိုင်းရပ်စ်ကူးစက်ခံရပြီးနောက် ဆေးရုံတက်ကုသမှုခံယူနေရပါတယ်။ ဒါဟာ ၂၀၁၈ ခုနှစ်နောက်ပိုင်း ကီရာလာပြည်နယ်မှာ စတုတ္ထအကြိမ်မြောက် နီပါးဗိုင်းရပ်စ် ကူးစက်မှုလည်း ဖြစ်ပါတယ်။ နီးပါးဗိုင်းရပ်စ်ဟာ ဝက်နဲ့ လင်းနို့တွေကနေ လူကိုကူးစက်တတ်တဲ့ ဗိုင်းရပ်စ်ဖြစ်ကြောင် ကမ္ဘာ့ကျန်းမာရေးအဖွဲ့က ဆိုပါတယ်။ မသန့်ရှင်းတဲ့ အစားအစာ သို့မဟုတ် ရောဂါပိုးရှိသူတွေနဲ့ ထိတွေ့မှုကနေ ကူးစက်တတ်ပါတယ်။ ဗိုင်းရပ်စ်ကူးစက်ခံရသူတွေဟာ တခါတရံ သိသာထင်ရှားတဲ့ရောဂါလက္ခဏာတွေ မပြတတ်ပေမယ့် အချို့မှာတော့ အသက်ရှူလမ်းကြောင်းဆိုင်ရာ ပြင်းထန်လက္ခဏာတွေ ပြတတ်ပြီး ဦးနှောက်ကို ထိခိုက်စေတဲ့ထိ ပြင်းထန်တတ်ပါတယ်။…

မော်စကို၊ စက်တင်ဘာ-၁၃-၂၀၂၃ မျိုးဆက်(VOM) မြောက်ကိုရီးယားခေါင်ဆောင် ကင်ဂျုံအန်နဲ့ ရုရှားသမ္မတပူတင်တို့ဟာ ရုရှားအရှေ့ဖျားပိုင်းမှာ စက်တင်ဘာ ၁၃ ရက်က တွေ့ဆုံခဲ့ကြောင်း ရုရှားနိုင်ငံပိုင်သတင်းဌာနက ဖော်ပြထားသည်။ ပူတင်နဲ့ ကင်ဂျုံအန်တို့ဟာ ရုရှားအရှေ့ပိုင်း အမ်မာဒေသရှိ ခေတ်မီအာကာသလွှတ်တင်ရေးစင်တာမှာ တွေ့ဆုံခဲ့ကြရာ တွေ့ဆုံရတာကြောင့် ဝမ်းသာကြောင်း ပူတင်ကပြောဆိုခဲ့ပြီး ဖိတ်ကြားမှုနဲ့ ကြိုဆိုမှုအတွက် ကျေးဇူးတင်ကြောင်း ကင်ဂျုံအန်က ပြန်လည်ပြောကြားခဲ့သည်။ အနောက်နိုင်ငံတွေရဲ့ ပိတ်ဆို့အရေးယူမှုတွေနဲ့ ရင်ဆိုနေရတဲ့ ရုရှားနဲ့ မြောက်ကိုရီးယားခေါင်းဆောင်နှစ်ဦးရဲ့ တွေ့ဆုံမှုကို အမေရိကန်နဲ့မဟာမိတ်တွေက အနီးကပ်စောင့်ကြည့်နေကြပြီး နှစ်နိုင်ငံအကြား လက်နက်အရောင်းအဝယ်ကိစ္စဆွေးနွေးမယ်လို့ သံသယရှိနေပါတယ်။ ၁၈ လကြာမြင့်ပြီဖြစ်တဲ့ ယူကရိန်းစစ်ပွဲမှာ ရုရှားရဲ့လက်နက်ခဲယမ်းမီးကျောက်တွေ နည်းပါးလာတာကြောင့် မြောက်ကိုရီးယားဆီက လက်နက်တွေရယူရေးကို ပူတင်နဲ့ကင်ဂျုံအန်ဆွေးနွေးဖွယ်ရှိကြောင်း သတင်းတွေကို နှစ်ဘက်စလုံးက ငြင်းဆိုထားပါတယ်။ မြောက်ကိုရီးယားဟာ လွန်ခဲ့တဲ့လေးလအတွင်း ထောက်လှမ်းရေးဂြိုဟ်တုလွှတ်တင်ဖို့ ကြိုးပမ်းမှုမအောင်မြင်ဖြစ်ခဲ့ပြီး ရုရှားဆီက နည်းပညာအကူအညီရယူနိုင်ကြောင်း အကဲခတ်တွေက သုံးသပ်ထားပါတယ်။ မြောက်ကိုရီးယားနဲ့ ကင်ဂျုံအန် မတွေ့ဆုံခင်…

This Day in History Voice of Myanamr ရုရှားတို့၏ နောက်ထပ်နျူကလီးယားစမ်းသပ်မှုများအပြီး ၁၀ ရက်အကြာ ၁၉၆၁ ခုနှစ် စက်တင်ဘာ ၁၃ ရက်တွင် အမေရိကန်သည် မြေအောက်နျူကလီးယားစမ်းသပ်မှုများကို ပြန်လည်လုပ်ဆောင်ခဲ့သည်။ #voiceofmyanmar #VOM #ThisDayInHistory #September13

ထရီပိုလီ၊ စက်တင်ဘာ-၁၃-၂၀၂၃ မျိုးဆက်(VOM) လစ်ဗျားနိုင်ငံမှာ မိုးသည်းထန်စွာရွာသွန်းမှုပြီး ရေကြီးရေလျှံမှုတွေကြောင့် လူ ၁၀၀၀ ကျော် သေဆုံးသွာကြောင်း တာ၀န်ရှိသူတွေက ပြောပါတယ်။ စက်တင်ဘာ ၁၁ ရက်ကဖြစ်ပွားခဲ့တဲ့ ရေကြီးရေလျှံမှုတွေကြောင့် နိုင်ငံအရှေ့ပိုင်း ဒါနာမြို့မှာ သေဆုံးသူ အများဆုံး​ဖြစ်ကြောင်း တာ၀န်ရှိသူတွေကို ကိုးကားပြီး သတင်းဌာနတွေက ဖော်ပြထားပါတယ်။ လူပေါင်းတသိန်းနေထိုင်တဲ့ ဒါနာရှိ ဆည်နှစ်ခုကျိုးပေါက်မှုကြောင့် လူနေဒေသတွေရေနစ်မြုပ်ပြီး ထောင်ပေါင်းများစွာ ဘေးလွတ်ရာသို့ ရွှေ့ပြောင်းပေးခဲ့ရကြောင်း တာ၀န်ရှိသူတွေကပြောပါတယ်။ ရေဘေးကြောင်း လူရာပေါင်းများစွာ ပျောက်ဆုံးနေပြီး သေဆုံးသူအရေအတွက် တိုးလာနိုင်ကြောင်း တာ၀န်ရှိသူတွေကပြောပါတယ်။ နိုင်ငံအရှေ့ပိုင်းနေရာအနှံ့အပြားမှာ စာသင်ကျောင်းတွေ ပိတ်ထားခြင်းအပါအ၀င် ကြိုတင်ကာကွယ်မှုတွေ ပြုလုပ်ထားပါတယ်။ မိုးသည်းထန်စွာရွာသွန်းမှုကြောင့် အဝေးပြေးလမ်းမကြီးအချို့ပိတ်ထားရပြီး ဆက်သွယ်ရေးတွေ ပြတ်တောက်နေကာ ပျက်စီးဆုံးရှုံးမှုတွေနဲ့ပတ်သက်ပြီး တာ၀န်ရှိသူတွေက အကဲဖြတ်မှုတွေ ပြုလုပ်နေကြပါတယ်။ Ref: NHK #voiceofmyanmar #vom #လစ်ဗျား #ရေဘေး