Day: November 15, 2023

  ဟနွိုင်း၊ နိုဝင်ဘာ-၁၅-၂၀၂၃ မျိုးဆက်(VOM) ဗီယက်နမ်နိုင်ငံရှိ ကမ္ဘာလှည့်ခရီးသွားတွေအကြား ရေပန်းစားတဲ့ ကမ္ဘာ့အမွေအနှစ်မြို့ဖြစ်တဲ့ လျူမြို့ဟာ မိုးသည်းထန်းစွာရွာသွန်းမှုကြောင့် ရေနစ်မြုပ်နေကြောင်း တာဝန်ရှိသူတွေက နိုဝင်ဘာ ၁၅ ရက်မှာ ပြောပါတယ်။ မိုးသည်းထန်စွာရွာသွန်းမှုကြောင့် မြို့မှာရှိတဲ့ နေအိမ်ထောင်ပေါင်းများစွာ ရေလွှမ်းမိုးခဲ့ပြီး ရေကြီးရေလျှံမှုတွေကြောင့် အဝေးပြေးကားလမ်းမကြီးတွေကိုလည်း ပိတ်ထားရတယ်လို့ အာဏာပိုင်တွေက ဆိုပါတယ်။ အင်္ဂါနေ့ညကတည်းက ရေတွေအရမ်းတက်လာပြီး မြို့ရဲ့နေရာတိုင်းမှာ ရေကြီးနေပြီး လျှပ်စစ်ဓါတ်အားလည်း ပြတ်တောက်နေတာဖြစ်ပါတယ်။ ဗီယက်နမ်နိုင်ငံမှာ တနင်္လာနေ့ကစပြီး ကမ်းရိုးတန်းတလျှောက်က ပြည်နယ်အများအပြားမှာ မိုးသည်းထန်စွာရွာသွန်းခဲ့ပါတယ်။ ခေါင်ထရီပြည်နယ်မှာတော့ လူ ၂၀၀၀ ကျော်ပျောက်ဆုံးနေပြီး ဒေသခံတွေကို ဘေးလွတ်ရာရွှေ့ပြောင်းကြဖို့ အာဏာပိုင်တွေက နိုဝင်ဘာ ၁၅ ရက်မှာ အမိန့်ထုတ်ထားပါတယ်။ ရေကြီးရေလျှံမှုကြောင့် ဗီယက်နမ်မြောက်ပိုင်းနဲ့ တောင်ပိုင်းကို ဆက်သွယ်ထားတဲ့ အဝေးပြေးလမ်းမကြီးရဲ့ တစိတ်တစ်ပိုင်းလည်း ပိတ်ထားရပါတယ်။ ဗီယက်နမ်နိုင်ငံမ ဇွန်လမှ နိုဝင်ဘာလအတွင်း မိုးရာသီကာလမှာ ပြင်းထန်တဲ့ရာသီဥတုအခြေအနေတွေကို ရင်ဆိုင်ရလေ့ရှိပါတယ်။…

  ဝါရှင်တန်၊ နိုဝင်ဘာ-၁၅-၂၀၂၃ မျိုးဆက်(VOM) တရုတ်သမ္မတရှီကျင်းပင်ဟာ အာရှ-ပစိဖိတ် စီးပွားရေးပူးပေါင်းဆောင်ရွက်မှု ဖိုရမ်(အေပက်) အစည်းအဝေးတက်ရောက်ဖို့ အမေရိကန်နိုင်ငံ ဆန်ဖရန်စစ္စကို ကိုရောက်ရှိနေပြီဖြစ်ပါတယ်။ သူဟာ အေပက်ထိပ်သီးအစည်းအဝေးတက်ရောက်မယ့် အပြင် အမေရိကန်သမ္မတဂျိုးဘိုင်ဒင်နဲ့လည်း သီးခြား ထိပ်သီးဆွေးနွေးပွဲ ပြုလုပ်သွားမှာဖြစ်ပြီး ဒီကနေ့မှာတော့ သမ္မတဂျိုးဘိုင်ဒင်လည်း ဆန်ဖရန်စစ္စကို ကိုရောက်ရှိနေပါတယ်။ ဂျိုးဘိုင်ဒင်နဲ့ ရှီကျင်းပင်တို့အတွက် ဒါဟာ တနှစ်တာကာလအတွင်း ပထမဆုံးအကြိမ် ထိပ်သီးဆွေးနွေးပွဲဖြစ်ပြီး လုံခြုံရေး၊ ကုန်သွယ်ရေးနဲ့ လူ့အခွင့်အရေးဆိုင်ရာ ကိစ္စတွေနဲ့ပတ်သက်ပြီး နှစ်နိုင်ငံအကြား တင်းမာနေစဉ် အခုလိုတွေ့ဆုံဖို့ဖြစ်လာတာပါ။ တရုတ်သူလျှိုဘောလုံးတွေ အမေရိကန်ပေါ်ဖြတ်ပျံမှု၊ အဆင့်မြင့် ကွန်ပြူတာချပ်စ်တွေ တရုတ်ကိုရောင်းချတာ ပိတ်ပင်မှုနဲ့ ထိုင်ဝမ်အရေးလို ကိစ္စတွေမှာလည်း နှစ်နိုင်ငံအကြား တင်းမာမှုတွေရှိနေခဲ့တာဖြစ်ပါတယ်။ ဂျိုးဘိုင်ဒင်နဲ့ ရှီကျင်းပင်တို့ဟာ ဒေသစံတော်ချိန် နိုဝင်ဘာ ၁၅ ရက်မှာ ဆန်ဖရန်စစ္စကိုမှာပဲတွေ့ဆုံဆွေးနွေးကြမယ်လို့ အိမ်ဖြူတော်က အတည်ပြုထားပါတယ်။ “ ကျွန်တော်တို့ဟာ တရုတ်နိုင်ငံကို ကျဉ်ဖယ်ဖို့ မကြိုးစားဘဲ…

  Voice of Myanamar ပါလက်စတိုင်း လွတ်မြောက်အရေးအဖွဲ့ဥက္ကဌ ယာဆာအာရဖတ်၏ တိုက်တွန်းချက်အရ ပါလက်စတိုင်းအမျိုးသားကောင်စီသည် အယ်လ်ဂျီးရီယားတွင် ဆွေးနွေးပြီးနောက် အနောက်ဘက်ကမ်းနှင့် ဂါဇာကမ်းမြှောင်ဒေသကို လွတ်လပ်သော ပါလက်စတိုင်းနိုင်ငံအဖြစ် ၁၉၈၈ ခုနှစ် နိုဝင်ဘာ ၁၅ ရက်တွင် လွတ်လပ်ရေး ကြေညာခဲ့သည်။  

  ပြုံးယမ်း၊ နိုဝင်ဘာ ၁၅-၂၀၂၃ မျိုးဆက်(VOM) မြောက်ကိုရီးယားဟာ တာလတ်ပစ်ဒုံးပျံသစ်အတွက် အသစ်တီထွင်ထားတဲ့ တွန်းကန်အားမြင့်ဒုံးကျည်အင်ဂျင် ပထမဆုံးမြေပြင်စမ်းသပ်မှုကို အောင်မြင်စွာလုပ်ဆောင်နိုင်ခဲ့ကြောင်း နိုဝင်ဘာ ၁၅ ရက်မှာ ထုတ်ပြန်လိုက်ပါတယ်။ မြောက်ကိုရီးယား ဒုံးကျည်ဗျူရိုဟာ အဲဒီဒုံးပျံအင်ဂျင် ပထမအဆင့်နဲ့ ဒုတိယအဆင့် စမ်းသပ်မှုတွေကို နိုဝင်ဘာ ၁၁ ရက်နဲ့ ၁၄ ရက်တို့တွင် စမ်းသပ်ခဲ့တာဖြစ်ဖြစ်ကြောင်း အာဏာရအလုပ်သမားပါတီရဲ့ ရိုဒေါင်ဆင်မန်သတင်းစာက ရေးသားဖော်ပြထားပါတယ်။ မြောက်ကိုရီးယားရင်ဆိုင်နေရတဲ့ ဆိုးရွားပြီး မတည်ငြိမ်တဲ့ လုံခြုံရေးဝန်းကျင်နဲ့ ရန်သူတွေရဲ့ ပိုမိုဆိုးရွားလာတဲ့ စစ်ရေးပူးပေါင်းဆောင်ရွက်မှုတွေကြောင့် နိုင်ငံရဲ့ မဟာဗျူဟာမြောက် ထိုးစစ်စွမ်းရည်ကို ပိုမိုမြင့်တင်ထားကြောင်း ဒုံးကျည်ဗျူရိုက အလေးပေးပြောဆိုပါတယ်။ ပဲ့ထိန်းဒုံးကျည်တွေ တည်ထွင်ထုတ်လုပ်ရေးဟာ မြောက်ကိုရီးယားရဲ့ ငါးနှစ်ကြာ ကာကွယ်ရေးအစီအစဉ်ရဲ့ အဓိက အစိတ်အပိုင်းတစ်ရပ်ဖြစ်ပါတယ်။ လောင်စာခဲသုံး ဒုံးကျည်တွေဟာ အရည်လောင်စာသုံးဒုံးကျည်တွေထက် ပိုမိုလျှင်မြန်စွာ ပစ်ခတ်နိုင်ပါတယ်။ မြောက်ကိုရီးယားဟာ လောင်စာခဲသုံး တာဝေးပစ်ဒုံးကျည်နဲ့ တာတိုးပစ်ပဲ့ထိန်းဒုံးကျည်တွေကိုလည်း တီထွင်နေပါတယ်။…