Day: February 3, 2024

တဲလ်အဗစ်၊ ဖေဖော်ဝါရီ-၃-၂၀၂၄ မျိုးဆက်(VOM) အစ္စရေးဟာ ဂါဇာစစ်ပွဲကို ရက် ၄၀ ကြာ အပစ်အခတ်ရပ်စဲပြီး အရပ်သားဓါးစာခံတွေ ပြန်လည်လွတ်မြောက်ရေး ရည်ရွယ်ထားတယ်လို့ ရိုက်တာသတင်းဌာနက ရေးသားဖော်ပြထားပါတယ်။ ဟားမတ်စ်တို့ဟာလည်း ဒီကိစ္စနဲ့ပတ်သက်ပြီး သေချာစဉ်းစားနေကြောင်း သတင်းတွေထွက်ပေါ်ပြီး ဒီအပေါ် တုံ့ပြန်မှုတွေ မရှိသေးကပါဘူး။ အပစ်အခတ်ရပ်စဲရေးပထမအဆင့်မှာ ဟားမတ်စ်တို့ဟာ ကျန်ရှိနေသေးတဲ့ အစ္စရေးဓါးစာခံတွေကို ပြန်လွှတ်ပေးဖို့ ညှိနှိုင်းထားတယ်လို့ ဆွေးနွေးမှုနဲ့နီးစပ်တဲ့ ပါလက်စတိုင်းတာဝန်ရှိသူတယောက် ရိုက်တာကို ပြောပါတယ်။ နောက်တဆင့်မှာတော့ အစ္စရေးစစ်သားတွေနဲ့ ဓါးစာခံတွေရဲ့ ရုပ်အလောင်းတွေကို ဆက်လက်လွှဲပြောင်းပေးသွားဖို့ရှိတယ်လို့ ရိုက်တာသတင်းဌာနက ဖော်ပြထားပါတယ်။ ဓါးစာခံတွေကို ပြန်လည်လွှတ်ပေးပြီးနောက်မှာ တိုက်ပွဲတွေရပ်ဖို့ ဟားမတ်စ်တို့က တောင်းဆိုသွားဖွယ်ရှိတယ်လို့ ရိုက်တာသတင်းဌာနက ဖော်ပြထားပါတယ်။ ဒါပေမယ့်လည်း ဒီဆွေးနွေးမှုတွေဟာ ကနဦးစတင်တဲ့အခြေအနေမှာသာရှိနေသေးပြီး ဟားမတ်စ်တို့ဟာလည်း ဒီအပစ်အခတ်ရပ်စဲရေးကို လေ့လာနေတယ်လို့ ကာတာအခြေစိုက် အယ်လ်ဂျာဇီးယားသတင်းဌာနက ဖော်ပြထားပါတယ်။ Ref:NHK Photo:Getty Images

ဝါရှင်တန် ၊ ဖေဖော်ဝါရီ-၃-၂၀၂၄ မျိုးဆက်(VOM) အမေရိကန်စစ်တပ်ဟာ ဆီးရီးယားနဲ့ အီရတ်ရှိ စစ်သွေးကြွတွေရဲ့ ပစ်မှတ် ၈၅ ခုကို လေကြောင်း တိုက်ခိုက်ခဲ့ကြောင်း ထုတ်ပြန် အတည်ပြုလိုက်ပါတယ်။ ဒါဟာ အေမရိကန်စစ်အခြေစိုက်စခန်းတခုကို တိုက်ခိုက်ခံရမှုကြောင့် အမေရိကန် တပ်ဖွဲ့ဝင် သုံးဦး သေဆုံးခဲ့တဲ့အပေါ် လက်တုံ့ပြန်ခြင်းဖြစ်ပြီး အီရန်တော်လှန်ရေးအစောင့်တပ်နဲ့ ဆက်နွယ်နေတဲ့ စစ်သွေးကြွပစ်မှတ်တွေကို လက်တုံ့ပြန်တာလို့ အမေရိကန် စစ်တပ်က ဆိုပါတယ်။ တိုက်ခိုက်မှုနဲ့ ပတ်သက်ပြီး မိမိတို့ရဲ့ လက်တုံ့ပြန်မှုကို ယနေ့စတင်ခဲ့ပြီး တိုက်ခိုက်မယ့် နေ့ရက်အချိန်နဲ့ ပစ်မှတ်တွေ ဆက်လက်ရှိနေမယ်လို့ အမေရိကန်သမ္မတ ဂျိုးဘိုင်ဒင်က ကြေညာချက်ထုတ်ပြန်ပါတယ်။ ဆီးရီးယားနယ်စပ်အနီး ဂျော်ဒန်ရှိ တာဝါ ၂၂ ဟုခေါ်တဲ့ အမေရိကန်အခြေစိုက်စခန်းတခုကို စစ်သွေးကြွတွေက မောင်းသူမဲ့လေယာဉ်နဲ့ တိုက်ခိုက်မှုကြောင့် အမေရိကန် တပ်ဖွဲ့ဝင် သုံးယောက်သေဆုံးပြီး ၄၀ ကျော်ဒဏ်ရာရရှိခဲ့ပါတယ်။ ဒီတိုက်ခိုက်မှုအတွက် အမေရိကန်က အီရန်ကို အပြစ်တင်ထားပြီး…

ပေကျင်း၊ ဖေဖော်ဝါရီ-၃-၂၀၂၄ မျိုးဆက်(VOM) တရုတ်နိုင်ငံမှာ ကလေးငယ်နှစ်ယောက်ကို ၁၅ ထပ်အမြင့် ပြတင်းပေါက်ကနေ ပစ်ချပြီး သတ်ခဲ့တဲ့ စုံတွဲတတွဲကို အာဏာပိုင်တွေက ကွပ်မျက်လိုက်ပါတယ်။ ကလေးတွေရဲ့ ဖခင်ဖြစ်တဲ့ ကျန်ဘိုနဲ့ ယီချန်ချန်းဆိုသူအမျိုးသမီးတို့ဟာ ၂၀၂၀ ခုနှစ်မှာ နှစ်နှစ်အရွယ် မိန်းကလေးနဲ့ တနှစ်သားအရွယ်ကလေးငယ်တို့ကို သတ်ဖြတ်မှုအတွက် အပြစ်ရှိကြောင်း တွေ့ရှိခဲ့ပါတယ်။ ကျန်ဘိုဟာ ယီချန်ချန်းနဲ့ ဆက်ဆံရေးစတင်ပြီးနောက် ဇနီးဖြစ်သူနဲ့ကွာရှင်းခဲ့ပြီး သားသမီးတွေကို သတ်ဖြတ်ဖို့ ပူးပေါင်းကြံစည်ခဲ့တယ်လို့ အာဏာပိုင်တွေကဆိုပါတယ်။ ဒီစုံတွဲရဲ့ လုပ်ရပ်အတွက် စေ့ဆော်မှုဟာ အလွန်အမင်းအန္တရာယ်များပြီး သူတို့ရဲ့ ရက်စက်ကြမ်းကြုတ်နဲ့ နည်းလမ်းတွေကို ပိုမိုပေါ်လွင်စေခဲ့တယ်လို့ တရုတ်နိုင်ငံ အထူးတရားရုံးက ထုတ်ပြန်ပါတယ်။ ပြစ်မှုကျူးလွန်တဲ့ အဲဒီစုံတွဲကို နိုင်ငံအနောက်တောင်ပိုင်း ချုံကင်းမြို့မှာ ကွပ်မျက်ခဲ့ပါတယ်။ တရုတ်နိုင်ငံမှာ သေဒဏ်ပေးမှုအများအပြားကို အများအားဖြင့် ဆေးထိုးခြင်းနဲ့ ပစ်သတ်ခြင်းတို့စတဲ့ နည်းလမ်းတွေကို အသုံးပြုလေ့ရှိပေမယ့် လက်ရှိကွပ်မျက်မှုမှာ ဘယ်နည်းလမ်းကို အသုံးပြုတယ်ဆိုတာ ရှင်းလင်းစွာ…

Voice of Myanmar အမေရိကန်နိုင်ငံသား အဖြစ်ရရှိထားသူ၏ လူမျိုး၊ အသားအရောင်နှင့် ယခင်က ကျွန်ဖြစ်ဖူးသည့် အခြေအနေအပေါ် အခြေခံ၍ နိုင်ငံသားတဦး၏ မဲပေးပိုင်ခွင့်ကို အမေရိကန်ပြည်ထောင်စုရှိ အစိုးရတရပ်ရပ်က ငြင်းပယ်ခြင်းမပြုရဟူသော အချက်ပါဝင်သည့် အမေရိကန် ဖွဲ့စည်းပုံအခြေခံဥပဒေ ဆယ့်ငါးကြိမ်မြောက် ပြင်ဆင်ချက်ကို ၁၈၇၀ ခုနှစ် ဖေဖော်ဝါရီ ၃ ရက်တွင် အတည်ပြုခဲ့သည်။