ဧပြီ ၊ ၁၇ ၊ ၂၀၂၄
SP (VOM)
မွန်ပြည်နယ် ၊ မော်လမြိုင်မြို့ ၊ မုပွန်ရပ်ကွက်မှာရှိတဲ့ မုပွန်နယ်မြေရဲစခန်းမှာ ဧပြီ ၁၇ ရက် ဒီကနေ့ ၊ နေ့လယ်ပိုင်းက ရဲစခန်း အချုပ်ခန်းကို ဖောက်ပြီး အချုပ်သားသုံးယောက် ထွက်ပြေးလွတ်မြောက်သွားတယ်လို့ ဒေသခံတွေဆီက သိရပါတယ်။
ရဲစခန်းနဲ့ နီးစပ်သူတယောက်က ” မုပွန်နယ်မြေရဲစခန်းက အချုပ်သား သုံးယောက်က အချုပ်ခန်းကို ဖောက်ပြီးထွက်ပြေးသွားတယ် ၊ နောက်ပြီး စခန်းက သေနတ် နှစ်လက်လည်း ပါသွားတယ် ၊ ဖြစ်စဥ် အသေးစိတ်တော့ မသိရသေးဘူး ” လို့ ပြောပါတယ်။
အဲ့ဒီဖြစ်စဥ်နဲ့ ပတ်သက်ပြီး မော်လမြိုင်မြို့နယ် လုံခြုံရေးအဖွဲ့ဆီ VOM ကဆက်သွယ်ခဲ့ပေမယ့် အခုထိတော့ ဆက်သွယ်မရသေးပါဘူး။
ဒါ့အပြင် မော်လမြိုင်မြို့ပေါ်ကို လုံခြုံရေးတွေ ထူထပ်စွာချထားပြီး လမ်းတချို့မှာ ပိတ်ဆို့စစ်ဆေးနေတယ်လို့ သိရပါတယ်။
ရဲစခန်းနဲ့ နီးစပ်သူတယောက်က
” အဲ့ဒီ မုပွန်နယ်မြေရဲစခန်း ပထမသတင်းပေးတိုင်တန်းချက်အမှန် (ပ) ၃၈၆ / ၂၀၁၈ ရာဇသတ်ကြီး ဥပဒေ ပုဒ်မ ၃၀၂ က အချုပ်ခံတယောက်လည်း ထွက်ပြေးလွတ်မြောက်ဖူးတယ် ၊ အခုဖြစ်စဥ်နဲ့ဆို အချုပ်သား ထွက်ပြေးတာ နှစ်ကြိမ်ရှိသွားပြီ ” လို့ ပြောပါတယ်။
ပြီးခဲ့တဲ့ ၂၀၂၃ စက်တင်ဘာ ၂၇ ရက်က ရန်ကုန်တိုင်း ၊ဒလမြို့ ၊မြို့မရဲစခန်း အချုပ်ခန်းကနေ ဖောက်ထွင်းထွက်ပြေးသွားတဲ့ အချုပ်သား ခြောက် ဦးကို နစက လုံခြုံရေးအဖွဲ့က ၂၄ နာရီအတွင်း ခြောက်ယောက်စလုံး ပြန်ဖမ်းမိနိုင်ခဲ့တယ်လို့ သိရပါတယ်။
ပြီးခဲ့တဲ့ ၂၀၂၃ မတ်လပိုင်းကလည်း မန္တလေးတိုင်း ၊ ရမည်းသင်း အကျဥ်းထောင်ကနေ နေပြည်တော် တရားရုံးကို ရုံးထုတ်ပြန်လာတဲ့ ရဲအချုပ်ကား တစ်စီးဟာ တပ်ကုန်းမြို့နယ်အတွင်းအရောက် အချုပ်ကားပေါ်ကနေ အချုပ်သား ၄ ဦးထွက်ပြေးသွားခဲ့ပြီး လုံခြုံရေးအဖွဲ့က ပစ်ခတ်ဖမ်းဆီးတဲ့အခါ ၂ ဦးသေဆုံး ၊ အရှင် ၁ ဦး ပြန်လည် ဖမ်းမိခဲ့ပါတယ်။
ပြီးခဲ့တဲ့ ၂၀၂၂ တုန်းကလည်း ကျောက်ဆည်မြို့ကနေ မန္တလေးအိုးဘိုထောင်ကို ပို့ဆောင်တဲ့ အချုပ်ကားတစ်စီးဟာ မြစ်ငယ်မြို့နားမှာ ရဲ သေနတ်ကို လုယူပစ်ခတ်တာကြောင့် ရဲ တယောက်သေပြီး အချုပ်သား ထွက်ပြေးလွတ်မြောက်ခဲ့တဲ့ဖြစ်စဥ်လည်း ဖြစ်ပွားခဲ့တယ်လို့ သိရပါတယ်။
အလားတူ ပြီးခဲ့တဲ့ ၂၀၂၂ က စစ်ကိုင်းတိုင်း ၊ ခန္တီးမြို့ ၊ မြို့မရဲစခန်းမှာရှိတဲ့ အချုပ်ခန်း ဖောက်ထွင်းခံရပြီး အချုပ်သား ၅ ယောက် ထွက်ပြေးသွားခဲ့ဘူးပါတယ်။
Related posts
-
မြန်မာ – အိန္ဒိယနယ်စပ်က ဖျားနာနေတဲ့ စစ်ရှောင်တွေ ဆေးဝါးကုသခွင့်မရလို့ အသက်ဆုံးမှုတွေ ရှိလာ
စက်တင်ဘာ ၇ – ၂၀၂၄SS (VOM)မြန်မာ – အိန္ဒိယနယ်စပ်၊ ဥခရုလ်ခရိုင်က ဖျားနာနေတဲ့... -
အမှိုက် မိုးပျံပူပေါင်း ရာပေါင်းများစွာ မြောက်ကိုရီးယားက တောင်ကိုရီးယားဘက် လွှတ်တင်ပြန်
ဆိုးလ်၊ စက်တင်ဘာ-၇-၂၀၂၄မျိုးဆက်(VOM)မြောက်ကိုရီးယားဟာ အမှိုက်တွေပါတဲ့ မိုးပျံပူပေါင်း ရာပေါင်းများစွာကို တောင်ကိုရီးယားဘက်ကို ထပ်မံလွှတ်တင်ခဲ့တယ်လို့ တောင်ကိုရီးယားစစ်တပ်က ပြောပါတယ်။မနေ့ကနှောင်းပိုင်းမှာ... -
ထားဝယ်က မျောက်ကျောက် သံသယလူနာ ရောဂါကူးစက်မှု မတွေ့ရ
စက်တင်ဘာ ၇ – ၂၀၂၄ SN (VOM) တနင်္သာရီတိုင်း၊ ထားဝယ်မြို့မှာတွေ့ရှိတဲ့ မျောက်ကျောက်...